飛開恩茲，豪歎國泰特選經濟艙只需$9,060，仲送$100免稅品券同多項優惠
暑假想同另一半豪遊世界，去邊度抵？歐洲直航機票經濟位拿埋都萬萬聲，同樣價錢，寧願去澳洲好過，皆因7-8月東岸氣溫平均都有20度以上，好適合出外睇風景同出海。講起澳洲，之前小弟同大家講過Plan緊去開恩茲，結果係……自己唔得閒，反而家父家母2人就成功出發。佢哋返嚟話依家開恩茲天氣和暖，又多風景睇，非常之歎咁話喎！梗係啦！今次佢哋搭國泰特選經濟艙，比經濟艙更舒服，來回淨機票每位只需HK$9,060（須2人同行），連稅HK$11,803，兼且係直航添！查實呢個價比旺季平二千蚊以上，所以都值得推介。更重要嘅係由依家到30/6 期間，經國泰官網訂購開恩茲機票（不論係經濟客艙（包括fanfares機票），特選經濟艙，商務甚至頭等艙），如果係31/10前出發，佢會加送兩項優惠：
1. HK$100國泰航空免稅品預訂電子禮券，您可以喺出發前上國泰免稅品網上商店（http://www.cathaypacific.com/dutyfree）揀定心水免稅品，用呢張禮券即減HK$100（用嚟買飛機模型就最抵喇），然後上機取貨；
2. 一大堆開恩茲旅遊優惠，例如遊輪或潛水活動、參與當地旅遊團、文化公園入場、Skyrail纜車或直升機之旅、餐廳優惠等，夠晒實際，加加埋埋都慳唔少。
記得要經國泰官網訂購，先可以向國泰登記索取禮品播！
優惠詳情請睇：http://bit.ly/14gtiiX
條款細則請睇：http://bit.ly/107LHgj
購買特選經濟艙2人同行優惠機票請去：http://www.cathaypacific.com/cpa/zh_HK/offerspromotions/offerslanding?CX_LANGUAGE=zh&CX_COUNTRY=HK&refID=6471d731b1e08310VgnVCM62000007d21c39____
申請HK$100免稅品電子禮券步驟：
1. 先去國泰官網購買香港單程或來回開恩茲機票（價錢不限），記得係31/10前出發嘅，每次預訂只可換一張HK$100，所以建議兩人去就分開兩次訂，如此類推，咁就可以每人都有HK$100現金券喇！
2. 去呢度（http://bit.ly/107LHgj），Click “登記表格”，填寫個人資料，國泰會喺十四日內核實。記得睇清楚條款及細則呀！
3. 經國泰核實後，國泰會send返一封email俾人客，裡面會有呢張HK$100免稅品預訂電子禮券編號，您只需喺國泰免稅品網上商店（http://www.cathaypacific.com/dutyfree）揀定心水免稅品，結帳時輸入禮券編號，即可減HK$100喇！
（覺得抵請記得按Like同Share俾朋友）
暑假都有！越南航空飛胡志明市及河內$790，本週六開賣
今次同大家預告一隻越南航空劈盤，記住：依家未有得賣！飛胡志明市及河內，淨機票HK$790起，連稅計，胡志明市HK$1,494，河內HK$1,463，出發日期為27/5 – 30/6；1/8 – 25/9（暑假黃金檔期！！）同埋 3/10 – 15/12，基本上除咗7月冇之外，去到年底都有，8月係旅遊超級旺季，有HK$790嘅話就真係正斗（事關連港航都平唔過佢）。不過據之前越航劈價經驗，平機票未必喺00:00推出，事實上越南慢香港1小時呢！總之今個週六零晨，除咗留意港航週末熱賣外，記得睇埋越南航空喎！
（覺得抵請記得按Like同Share俾朋友）
回雞假都平！華航飛台北台中$670，限售100套今晚午夜截止
是日放工最佳節目，就係搶台灣機票喇！華航今日又嚟一招突擊劈價，飛台北台中都有平，限售100套，今晚午夜00:00截止。分淡旺兩隻價錢，如果出發日期係24/5 – 10/7以及20/8 – 31/8，來回淨機票HK$670，連稅HK$1,330，呢隻較有睇頭。Check過系統，回雞假期飛台北同台中竟然仲有呢個價，建議29/6去2/7返，請一日假而已，回程可以搭中午機，係成件事嘅唯一賣點。至於其他日子，對手港航個價仲平，差兩三百就睇您心水。至於暑假超旺季嘅11/7 – 19/8，淨機票HK$1,040，連稅HK$1,700，個價唔多靚，話唔定遲啲再減呢？未係出擊時候。
（覺得抵請記得按Like同Share俾朋友）
暑假初平飛首爾！7月11日前搭韓亞，來回$2,125起
當濟洲航空隻HK$888來回首爾劈盤去得七七八八後，其他競爭對手陸續推出平盤，首先係韓亞航空，由依家到11/7前飛首爾，來回淨機票HK$2,125起，連稅HK$2,875，當然相比起濟洲航空差成千蚊，但呢隻盤最大賣點係機票有效期長達1個月，而且航班選擇多（包括大家至愛嘅凌晨機呢），最後出發日期仲可以去到11/7，好適合學生哥趁暑假漫遊韓國唔同城市。Check過系統，除咗週日回程剩番早機外，其他日子早去晚返都冇問題。老規舉：官網冇得賣，上ZUJI啦！
（覺得抵請記得按Like同Share俾朋友）
Cheaptickets訂房8折Code，經TopCashBack訂搏額外10%回贈
3:05pm 23/5 Update：尋日經TopCashBack入Cheaptickets.com訂咗一個房間Booking（用咗Promotion Code），已收到回贈確認．當然要住完先收到回贈
Orbitz集團系列嘅8折Code又嚟啦！今次由Cheaptickets.com操刀，入住日期為30/6前（唔知點解，我訂30/6入1/7走都唔用得，似乎30/6係指Check Out日），Code = 20RMNCTIX，最後使用日期為26/5，Check過熱門城市如台北及曼谷，用完8折Code後的確有平，當然建議您出手前用hotelcombined.com比價下先。如果您有TopCashBack.com戶口（教學請睇：http://flyagain.la/?p=5933），可以順便經佢進入Cheaptickets.com搏攞多10%回贈。點解叫搏呢？因為小弟試過用折扣Code去Cheaptickets.com訂房，有時有回贈收有時冇，唔似雅高咁100% Sure。不過成件事既然冇成本，做埋搏下無壞吖！話晒有就慳多10%喎！
咁點先可以食埋TopCashBack.com俾嘅10%回贈？方法如下：
1. 申請TopCashBack.com戶口：http://bit.ly/12tfxda
2. 跟足教學步驟（請睇：http://flyagain.la/?p=5933），搵Cheaptickets.com嘅回贈鍵（即係Step4嘅”Get Cashback Now”，如下圖）
3. 當跳入去Cheaptickets.com網站後，先在左上角按Home，再喺Search Engine最下面一欄”I have a promotion code”輸入20RMNCTIX，然後按Search
千萬記住：一定要揀”PROMO CODE ELIGIBLE”字樣先可以用折扣Code！千祈咪搞錯！
（覺得抵請記得按Like同Share俾朋友）
暑假一雞兩味，玩盡阿姆斯特丹及哈薩克阿拉木圖，來回連稅$6,000起
依家先訂暑假歐洲機票？平嘅的確唔多，今次就帶嚟一隻幾得意嘅筍盤：暑假7-8月，香港飛阿姆斯特丹，坐直航國泰或荷航來回連稅約HK$9K-$11K，如果肯轉機，搭哈薩克斯坦航空公司，喺哈薩克阿拉木圖轉機，來回連稅HK$6,000左右，比直航慳三千以上。呢隻盤有三大賣點：1.只需六千左右，喺暑假最旺時間飛阿姆斯特丹，機票有效期更長達1個月，可以慢慢順道遊埋其他歐洲城市，至啱學生哥；2. 由於香港特區護照持有人可免簽證進入哈薩克停留14日， 呢隻Fares可以俾您中停阿拉木圖，反正特登就唔會去，今次可以趁機見識下獨特嘅中亞風光，一雞兩味賺多一個旅程；3. 由阿拉木圖來回阿姆斯特丹嘅航班係由荷航執飛（哈薩克斯坦航空以代碼共享方式賣飛），所以就算您未搭過哈薩克斯坦航空（據聞唔差），荷航都OK架！仲可以儲分入SkyTeam戶口添！
航班時間（由1/6起，香港至阿拉木圖KC930，航班時間將改為09:45起飛，14:30到達阿拉木圖）
|
|
航線 |
航班編號 |
航班日 |
起飛 |
到達 |
|
香港-阿姆斯特丹 |
HKG-ALA |
KC930 |
2, 5, 7 |
13:00 |
17:45 |
| ALA-AMS |
KC410 |
3, 6, 1 |
04:20 |
07:35 |
|
|
阿姆斯特丹-香港 |
AMS-ALA |
KC409 |
7, 3, 5 |
15:25 |
02:00+1 |
|
ALA-HKG |
KC929 |
2, 5, 7 |
00:15 |
08:10 |
呢隻飛官網冇得賣，要到旅遊網站先有。如果唔打算中停阿拉木圖，建議到ZUJI買，連稅約HK$6,300起。如果想要中停阿拉木圖，要到海外旅遊網站先訂到（ZUJI唔知點解出唔番特價），例如www.expedia.co.uk，用”Multiple Destinations”去Search。唔想「隔山買牛」，直接向香港各大旅行社出票都得。
網址：zuji.com.hk 或 www.expedia.co.uk
溫馨提示：海外旅遊網站不受香港旅遊業協會監管，風險必須自負；如有服務需要，亦需親自打海外熱線／電郵聯絡，IDD費用需要自付．
（覺得抵請記得按Like同Share俾朋友）
即日起，全台灣4,400個iTaiwan WiFi熱點免費俾您上網！
依家去台灣，真係分分鐘方便過去深圳！皆因台灣政府全力打造嘅免費公眾WiFi網絡iTaiwan，已經正式開放俾境外旅客免費申請（以前仲要有當地手提電話號碼先得）！雖然依家喺當地出電話卡上網都非常抵（例如遠訊1日任上網TWD100，3日都只係TWD250），不過免費嘅嘢，梗係有人Like，所以我哋都為大家講下點樣申請免費iTaiwan服務。
1. 入境後（無論台北台中定高雄），可以到觀光局服務櫃台或全台灣各地旅客服務中心服務台，憑護照申請iTaiwan帳號
2. 只需填寫表格，服務人員會俾番User Name及Password您
3. 之後，只要利用手機／平板電腦／手提電腦等等，搜尋”iTaiwan”WiFi網絡，再輸入User Name及Password就用得！
4. 除咗iTaiwan，您亦可以登入其他地方政府嘅免費WiFi網絡，如台北市嘅「TPE-Free」／新北市「New Taipei」／台中市「iTaichung」及台南市「Tainan-WiFi」，一共五大網絡，全部共4,400個WiFi熱點俾您免費上網！
小弟都用過iTaiwan免費WiFi，其實覆蓋面都多，例如各大捷運站月台，巴士站火車站等等，再加上台北市內有唔少政府設施（如公園，政府部門大樓），要搵iTaiwan網絡唔係太難。不過小弟始終鐘意買電話卡上網，話晒流動性夠強，又可以Share俾電腦用，加上唔駛同人爭網絡，少少錢就換來穩定可靠嘅服務，始終較為上算嘅。
詳情請睇：http://www.taiwan.net.tw/m1.aspx?sNo=0019133
iTaiwan官方網站：http://itaiwan.gov.tw
（覺得有用請記得按Like同Share俾朋友）
