咩話!漢莎「港歐廣/港歐台」三千有找!香港來回歐洲+單程飛廣州/台灣連稅$2,852起,12月10日前出發

Written on:May 11, 2016
Comments
Add One
請即Like 又飛啦!Facebook Page

漢莎航空推出即期出發歐洲優惠,因此深受大家熱愛的「港歐廣/港歐台」組合又嚟了,小小編好奇地搵返以前嘅Post,原來由我哋率先搵到嘅呢個組合,已經差唔多有一年了,時間真係快,講返正題,玩法都不厭其煩介紹多次:先由香港出發坐德國漢莎來回歐洲,返港後再送飛單程香港-廣州,來回連稅只需HK$2,852起,平爆呀!歐洲城市選擇眾多,包括阿姆斯特丹、米蘭、斯德哥爾摩、巴塞羅那、馬德里、哥本哈根、畢爾包、赫爾辛基等,如果最後一程唔揀廣州,揀單程飛台灣(台北/台中/高雄都得),連稅HK$3,292起,仲可以變相拆開一個歐洲同台灣之旅添。

先同大家搵吓「港歐廣」組合,舉例6月14日香港往歐洲,6月22日啟程回港,同日或24小時內轉飛廣州,來回連稅組合如下:
1. 香港->倫敦 // 畢爾包->香港 // 香港->廣州 HK$2,852起
2. 香港->倫敦 // 斯德哥爾摩->香港 // 香港->廣州 HK$2,859起
3. 香港->倫敦 // 布魯塞爾->香港 // 香港->廣州 HK$2,868起
4. 香港->倫敦 // 都柏林->香港 // 香港->廣州 HK$3,032起
5. 香港->倫敦 // 米蘭->香港 // 香港->廣州 HK$3,098起
6. 香港->斯德哥爾摩 // 斯德哥爾摩->香港 // 香港->廣州 HK$3,109起
7. 香港->赫爾辛基 // 華沙->香港 // 香港->廣州 HK$3,111起
8. 香港->盧森堡 // 里斯本->香港 // 香港->廣州 HK$3,137起
9. 香港->威尼斯 // 巴塞隆拿->香港 // 香港->廣州 HK$3,181起
10. 香港->維也納 // 奧斯陸->香港 // 香港->廣州 HK$3,294起
11. 香港->布魯塞爾 // 奧斯陸->香港 // 香港->廣州 HK$3,294起
12. 香港->倫敦 // 阿姆斯特丹->香港 // 香港->廣州 HK$3,314起

如果第三程唔想飛廣州,揀飛台灣嘅「港歐台」組合(台北/台中/高雄都得),同樣舉以上日子同目的地,將以上各價加約HK$300-500左右就得(以上面第一個例子轉成港歐台連稅只需HK$3,292起)。以上組合只屬舉例,大家去到Expedia香港訂飛,用多個目的地功能搜尋自行砌出心水組合。第三程機飛廣州係坐港龍航空,如果飛台灣係坐國泰、港龍、長榮或華航,隨您選擇。

以上各價以不打算在香港中停計算(即係到港翌日或即日轉飛廣州或台灣),如打算在香港中停一段短時間再飛第三程,將以上價錢加約HK$500-800左右,行李就一定可以喺香港提取,如果諗住飛台灣,建議之後搭配HK Express由台中回香港的單程機票,或香港航空間中都會有由台北飛香港嘅單程平飛,變相拆開一次歐洲同台灣之旅。如果飛廣州仲簡單,可揀直通車或火車返香港。呢口價主要集中5-6月份即期出發,但9-12月都可Search到以上組合,但價錢會貴啲,即刻上去搵您嘅心水組合喇。

【出發日期】5月13日至6月23日、9月11日至12月10日
【機票有效期】1個月,最遲12月15日返程
【最後訂票日期】5月31日或售完即止

【訂購網址】www.expedia.com.hk
【預訂教學】http://flyagain.la/31983

(覺得抵可用Whatsapp同LINE Share俾朋友架)

咩話!漢莎「港歐廣/港歐台」三千有找!香港來回歐洲+單程飛廣州/台灣連稅$2,852起,12月10日前出發

咩話!漢莎「港歐廣/港歐台」三千有找!香港來回歐洲+單程飛廣州/台灣連稅$2,852起,12月10日前出發

AXA安盛「卓越」優遊樂旅遊保,手提電話都保!立即報價+投保

「又飛啦捕票器」App,一有新Post即響機!iOS下載Android下載

Booking.com訂房:泰國 | 日本 | 台灣 | 韓國 | 其他

AGODA訂房:泰國 | 日本 | 台灣 | 韓國 | 其他

*由於優惠產品供應有限,最終格價或因反應熱烈而有所調整,敬請留意。

12 Comments add one

  1. Benson says:

    第三程唔飛會唔會罰no show架?

  2. Benson says:

    無假期真係飛唔到,會罰嗎?

  3. GING says:

    如果去程HKG–LIS唔搭,
    齋搭回程BCN–HKG & HKG — CAN
    又可唔可以呢?

  4. Ivan Wong says:

    想係香港攞返行李no show 飛廣州果程,係咪要提早係歐洲同地勤講要係香港攞返行李就得?

  5. joeychan says:

    想問兩樣嘢,1)請問單程去台灣嗰程,要幾耐之內完成?可唔可以隔一排先飛?2)係咪只可以喺expedia 上面book先有呢嗰優惠?

  6. Laying says:

    請問個價錢係咪包行李?如果唔係又會點計?Thanks.

Leave a Reply