請即Like 又飛啦!Facebook Page

卡塔爾航空做緊來回歐洲優惠,來回連稅HK$4,083起(詳情按此:http://flyagain.la/39590),如果以三千幾蚊連稅價飛歐洲,再送您搭國泰或日航由日本單程飛香港,等您飛歐洲前先嚟日本之旅,係咪好吸引?為大家送上「日港歐」呢個組合!即係由日本飛香港,可隔一段短時間,再坐卡塔爾航空來回歐洲,來回連稅HK$3,515起!日本航點選擇眾多,除咗東京、大阪、名古屋、福岡、廣島等大城市外,連札幌、函館、旭川、岡山、高松、大分等都有,識玩梗係梗平時少去嘅二線城市。

歐洲目的地以日內瓦可組合出最平價,舉例10月26日從日本各地飛香港、11月1日出發經多哈飛日內瓦、11月12日日內瓦經多哈返香港,來回連稅HK$3,483起,如果揀其他歐洲城市為目的地,連稅價錢為:斯德哥爾摩HK$3,636起、哥本哈根HK$3,879起、蘇黎世HK$3,993起、馬德里HK$4,111起、巴塞隆拿HK$4,118起、米蘭HK$4,197起、巴黎HK$4,228起、伊斯坦堡HK$4,539起、雅典HK$5,066起、曼徹斯特HK$5,198起,航點眾多未能盡錄,如果想Openjaw都得,但加入斯德哥爾摩會較易砌到平價,舉例組合如下:

(第一程)福岡->香港 //(第二程)香港->倫敦 //(第三程)斯德哥爾摩->香港 HK$4,222起
(第一程)東京->香港 //(第二程)香港->雅典 //(第三程)斯德哥爾摩->香港 HK$4,337起
(第一程)名古屋->香港 //(第二程)香港->法蘭克福 //(第三程)斯德哥爾摩->香港 HK$4,337起
(第一程)沖繩->香港 //(第二程)香港->巴黎 //(第三程)斯德哥爾摩->香港 HK$4,362起
(第一程)高松->香港 //(第二程)香港->哥本哈根 //(第三程)斯德哥爾摩->香港 HK$4,788起
(第一程)札幌->香港 //(第二程)香港->哥本哈根 //(第三程)巴塞隆拿->香港 HK$4,808起

以上組合只屬建議,您可以依據自己喜好拼合,於Expedia香港發掘心水城市組合。砌呢套飛要留意番:第一同第二程之間,最長只可相隔7日再出發,如果再隔長時間就組合唔到平價。里數方面,機票Class code第一及第二程為N,第三程為O,N艙都叫儲到25%asia miles,都好過冇喇。

日港航段係坐國泰、港龍或日本航空航班,去程加購一張廉航單程機票飛日本,如:HK Express(大阪、東京、名古屋)、樂桃航空(大阪、沖繩)、Jetstar(大阪、東京)、香草(東京、札幌),可等各廉航推出優惠時入手。以呢口價坐到Skytrax 2015年全球最佳航空公司飛歐洲,又可以飛歐洲之前玩埋日本,絕對有睇頭,票數有限,有興趣要盡快訂票。

【出發日期】5月13日至12月10日
【機票有效期】1個月
【最後出票日期】5月15日或售完即止

【訂購網址】www.expedia.com.hk
【預訂教學】http://flyagain.la/31983

(覺得抵可用Whatsapp同LINE Share俾朋友架)

正呀!卡塔爾航空「日港歐」首見!日本各地單程飛香港+來回歐洲連稅$3,483起,12月10日前出發

- Booking.com訂房:泰國 | 日本 | 台灣 | 韓國

- AGODA訂房:泰國 | 日本 | 台灣 | 韓國

*由於優惠產品供應有限,最終格價或因反應熱烈而有所調整,敬請留意。