請即Like 又飛啦!Facebook Page

日前介紹過英國航空歐洲出發來回香港嘅倒頭平飛,連稅三千七,價錢都相當抵玩(詳情按此:http://flyagain.la/40891),今次介紹呢個組合,玩埋澳洲都仲要再平啲,更So更筍!呢個組合係:由瑞典斯德哥爾摩或哥登堡出發,經倫敦飛香港,然後再坐國泰香港來回澳洲,返港後再飛瑞典,合共四程機,連稅只需HK$3,654起,確實係勁勁勁勁勁平呀!講真淨係香港來回澳洲,都唔只呢個價喇!如果係居於歐洲嘅粉絲,呢個價真係必入無誤!

雖然要指定兩個歐洲城市出發,但港澳粉絲見到呢個價都唔駛齋葡萄,想用呢套飛可用飛行里數換一套來回香港至歐洲機票,用嚟前後包抄呢套飛(因為有效期一般係1年)。無里數喺手?唯有向俄航或其他二三線航空公司入手,因為間唔中都推出長有效期(例如1年)的歐洲平機票,咁就可以平價入手2套歐洲機票喇。再唔到參考吓呢個俄航單程優惠喇喂(詳情按此: http://flyagain.la/40738)

講返呢套飛,香港直飛澳洲各市以墨爾本最平,連稅HK$3,654起,其餘城市可選:悉尼HK$3,751起、布里斯本HK$4,111起,另外直飛新西蘭奧克蘭亦只需HK$4,905起。以上價格以不中停香港計算,呢套飛可以2次免費中停香港,只要每次補HK$120香港機場稅,加上呢張飛有12個月超長有效期,所以舉例今年8月30日從歐洲出發,中停一段超長時間於2017年5月14日飛墨爾本、5月23日墨爾本飛香港、5月28日香港飛歐洲,連稅只需HK$3,894起。而歐洲出發城市只有斯德哥爾摩或哥登堡先有呢口價,如果揀其他城市價錢就會貴好多,同埋要順序咁飛,唔可以先飛澳洲再飛歐洲咁。

【出發日期】即日起至9月9日、2017年4月19日至2017年6月30日(註:系統現時最遠只搜尋到2017年5月底機票)
【機票有效期】12個月
【最後訂票日期】7月14日或賣完即止

【訂購網址】www.expedia.com.hk
【預訂教學】http://flyagain.la/31983

(覺得抵可用Whatsapp同LINE Share俾朋友架)

嘩!暴平組合!英航歐洲來回香港+國泰香港來回澳洲,連稅$3,654起,2017年6月30日前出發

- Booking.com訂房:泰國 | 日本 | 台灣 | 韓國

- AGODA訂房:泰國 | 日本 | 台灣 | 韓國

*由於優惠產品供應有限,最終格價或因反應熱烈而有所調整,敬請留意。