國泰港龍長短棍組合,1個價錢有3張機票,醒您至抵出飛策略

Written on:January 7, 2013
Comments
Add One
請即Like 又飛啦!Facebook Page

國泰港龍剛推出長短途Combo特價機票,簡單嚟講:用一個價錢,同國泰港龍買一張長途特選經濟客位(即係Premium Economy)以及一張短途經濟客位,如果揀”歐洲 (阿姆斯特丹,莫斯科及羅馬除外) / 澳洲 / 中東 / 非洲 + 亞洲短途”就HK$9,880起(未連稅,下同);揀”倫敦 / 洛杉磯 / 三藩市 / 溫哥華 + 亞洲短途”則HK$15,880,揀”芝加哥/ 紐約 / 多倫多 + 亞洲短途”則HK$20,880起。

經過我哋「又飛啦!」反覆計算,確定最抵搭嘅組合非 “歐洲 (阿姆斯特丹,莫斯科及羅馬除外) / 澳洲 / 中東 / 非洲 + 亞洲短途” 莫屬!皆因現時一張來回歐洲法蘭克福/巴黎/米蘭或澳洲嘅特選經濟客位一般都要HK$10-15K(無論國泰抑或其他航空公司而言),本身HK$9,880已經算抵,依家仲多一張亞洲區短途機票:咁當然咪亂揀目的地!芸芸眾多亞洲城市中,最值錢嘅首推日本札幌!淨機票一向企硬四/五千蚊,fanfares 從未出現過!如果真係買到套 “長途 + 札幌” 組合,拆番開,長途特選經濟客位只係HK$5K咁上下,係咪超抵呢!此外,首爾/沙巴/東京(羽田)/沖繩/仰光向來好值租,尤其係仰光呢條新航線呢!個啲台北/廈門等經常有fanfares嘅航線,算把啦~

國泰港龍講明HK$9,880只有一長一短途機票,咁何來有第三張呢?原來係透過里數兌換機票!「亞洲萬里通」會員只需預先登記,於30/4前訂購特選經濟客位,出發及完成旅程,可賺取雙倍「亞洲萬里通」里數。以一張來回歐洲或澳洲嘅特選經濟客位嚟講,可以賺取約11,000里數左右,如果里數Double,即變成22,000,足以免費兌換另一張亞洲區經濟客位機票(當然稅及油附要俾錢)!15,000里可以換取來回:台北/高雄/台中/三亞/廈門/桂林/武漢/河內/海口/福州/長沙;20,000里可以換取來回:上海/沙巴/南京/寧波/成都/昆明/曼谷/杭州/沖繩(最抵換)/胡志明市/西安/重慶/金邊/青島,咁就完全說明何以一個價錢可以有三張機票嘅講法嘞!呢個優惠官網冇得訂,需要打去國泰港龍訂票熱線或去各大旅行社出飛,成日又飛啦嘅您,快手啦~

留意位:

1. 最後出票日期:23/1

2. 最後出發日期(只限尊尚機票組合,以里數兌換之獎勵機票除外):15/7

3. 機票有效期:3-7日(短途)/ 3-30日(長途)

4. 每次旅程出發地以及回程目的地必須為香港

5. 每套機票組合必須以同一姓名於香港簽發,所有行程、日期及地點必須於同一次購票時確認(即係另一張唔可以轉讓比人)

6. 賺取雙倍「亞洲萬里通」里數:會員必須在首航段出發前,並在30/4之前預先到網上登記優惠,並須於30/4前出發及完成乘搭長途旅程。

7. 短途機票不能賺取亞洲萬里通里數

詳情網址:www.cathaypacific.com

訂票熱線:2747 1577

(記得按下面「讚好」Share俾Facebook朋友)

國泰港龍長短棍組合,1個價錢有3張機票,醒您至抵出飛策略

AXA安盛「卓越」優遊樂旅遊保,手提電話都保!立即報價+投保

「又飛啦捕票器」App,一有新Post即響機!iOS下載Android下載

Booking.com訂房:泰國 | 日本 | 台灣 | 韓國 | 其他

AGODA訂房:泰國 | 日本 | 台灣 | 韓國 | 其他

*由於優惠產品供應有限,最終格價或因反應熱烈而有所調整,敬請留意。

Leave a Reply