Posts Tagged ‘平機票’
又跟劈！澳航下星期飛悉尼$1,990！
澳航再一次睇住國泰嚟食！連續第三個禮拜針對fanfares澳洲盤，人家今週推悉尼指定日子往返，佢就2仔底：死跟！同fanfares價錢一樣：來回淨機票HK$1,990，連稅HK$4,770，不過去程時間選擇唔多，Check過官網，暫時只有28/5，30/5，3/6，回程最遲係14/6，無上週墨爾本多到任揀，可能大家都捉到澳航呢條劈路。經過三週，幾乎肯定澳航淡季劈價方法：總之週一晚留意國泰fanfares有乜澳洲線指定日子來回嘅選擇，週二去番澳航官網Check同一城市就掂啦！唉！點解國泰完全唔還手呢？最後出票日期為27/5。
（覺得抵請記得按Like同Share俾朋友）
首報！曼達拉航空香港飛雅加達，買去程送回程，來回連稅$1,101起
15/5，我哋「又飛啦！」率先披露新加坡虎航個仔：印尼曼達拉航空 Mandala Airlines將於24/7起開辦香港<->雅加達直航航線，原來今日已靜雞雞喺官網（即係虎航官網）開賣首航劈盤：買去程送回程（回程連油附都唔駛俾，不過印尼機場稅喺當地機場先俾，約HK$120），來回連稅最平HK$1,101起（已包括硬食嘅手續費HK$44），出發日期由25/7/2013去到明年29/3/2014，當然大時大節就冇回程$0機票啦！至於航班時間，已證實係每日對飛一班，香港飛雅加達為RI841 02:30/06:30，零晨紅眼機，回程為RI840 20:40/01:50+1，趕唔到尾班機場快線。不過之前都講過：雖然去程係零晨機，但去到雅加達可以轉駁早機飛印尼或其他東南亞城市（甚至澳洲珀斯及達爾文），回程亦可以中午先走，返雅加達亦趕及回程機返香港。印尼內陸廉航選擇多，價錢甚具競爭力，以後平飛印尼又有方法了！最後出票日期為29/5。
（覺得抵請記得按Like同Share俾朋友）
國泰港龍fanfares，聽日8點又開倉啦！
08:05 21/5 Updated：#fanfares分析#
國泰港龍fanfares開賣啦！
自由揀日子地點有：海口／高雄／仰光，出發日期為21/7 – 3/8；首爾／沙巴／福岡，出發日期為4/10 – 14/10
指定日子地點有：杭州／河內／昆明／東京羽田／悉尼，出發日期介乎23/5 – 3/6
－ 首爾賣10月？咁早？嗯！
－ 高雄$990踏正最旺季就OK啦！
－ 河內／杭州／昆明呢個價要指定日子就唔多吸引
－ 福岡呢口價$1,590秋天去其實OK，話晒少見自由揀日子
國泰港龍fanfares第30週又嚟啦！記得聽早（週二）08:00開倉喎！今次推出11個城市，上次自由揀日子出發日期為14/7 – 27/7（名古屋同多倫多就24/9 – 7/10），指定日子一般介乎17/5 – 27/5，估計今次又係順延一週咁上下，不過長途航線有機會係9月打後：
地點 淨機票｜（連稅價）評語 自由／指定日子（估計）
海口 HK$690 | HK$1,353（都買得過）（自由日子）
杭州 HK$790 | HK$1,453（差唔多價）（自由日子）
昆明 HK$790 | HK$1,453（鍾意就買）（指定日子）
河內 HK$790 | HK$1,463（又番嚟啦）（指定日子）
高雄 HK$990 | HK$1,617（唔係好平）（自由日子）
首爾 HK$1,290 | HK$2,040（又咁平呀）（指定日子）
仰光 HK$1,490 | HK$2,116（值得入手）（自由日子）
東京（羽田） HK$1,490 | HK$2,201（梗係買啦）（指定日子）
沙巴 HK$1,490 | HK$2,208（暑假就Good）（自由日子）
福岡 HK$1,590 | HK$2,211（冷門之選）（指定日子）
悉尼 HK$1,990 | HK$4,770（淡季常客）（指定日子）
國泰FanFares網址： www.cathaypacific.com
港龍FanFares網址： www.dragonair.com
「國泰港龍fanfares往績全紀錄」（by Google Doc)：http://bit.ly/Y5JkUl <–記得Bookmark！
相關文章；官方親自Share！國泰港龍fanfares至勁搶飛攻略！http://flyagain.la/?p=7434
（記得按下面「讚好」Share俾Facebook朋友）
6月飛馬爾代夫，斯里蘭卡航空來回$2,200起，加$580玩埋哥倫坡同曼谷
又有馬爾代夫平機票，今次主角又係平霸斯里蘭卡航空。佢每月20號都推出精選優惠，今期就係大家至Like嘅馬爾代夫首都馬里。香港出發來回淨機票HK$2,200起，連稅HK$3,584起，話就話出發日期可以去到8月尾，不過Check過系統，只有6月份先有呢口價，而且供應都幾少，同埋來回日子難搵到短時間內完成嘅組合。反而我哋建議大家豪多HK$580，可以中停哥倫坡或／及曼谷，順便一雞兩味（甚至三味）玩埋斯里蘭卡同埋曼谷添！即時將機票大增值！機票有效期為1個月（夠您玩夠三個地方啦），最後出票日期為31/5（不過相信好快賣光）。
（記得按下面「讚好」Share俾Facebook朋友）
全港首報！濟洲航空秘密大劈價！$888來回飛首爾！即Share！
今日繼馬航推出癲劈價HK$390（未連稅）飛吉隆坡後，又一超級無敵震撼嚇死人之劈盤，竟然全港冇人報！好！就等我哋「又飛啦！」率先全港首報！是咁的：濟洲航空靜雞雞喺官網推出超平首爾機票，由依家到27/6前出發都有，來回淨機票HK$888，連稅HK$1,671，比起佢之前推出嘅指定日子來回仲要平多兩舊！而今次您可以任揀來回日期（機票有效期為15日）。Check過系統，唔係日日有，要大家努力搵來回組合了！雖然濟洲航空來回冇咁兩日，但呢個價錢，加上如果您停留日子夠長（即係想玩3日2夜嗰啲請忘記吧），相信呢口價已經低無可低，真係迫您飛首爾！趁依家全港各大網站冇人報，快啲手通知朋友一齊飛啦！睇怕呢個Post一出，好快被人掃清光！
（記得按下面「讚好」Share俾Facebook朋友）
痴線劈！馬航香港吉隆坡夜去午返，來回$390！
17:00 20/5 Updated：呢隻筍盤已經喺馬航官網手機版率先推出！官網網站版及其他網站未有得賣，快手啦！
唔怪得AirAsia暑假可以劈到連稅HK$936喇！原來係馬航為慶祝加開每日第三班航班（去程MH433，20:30/00:10+1，回程MH432，15:40/19:30），由15/6至11/7出發，只要來回都揀新航班，來回淨機票怒劈到HK$390，連稅HK$1,146，機票有效期為14日。喂！馬航係傳統航空公司，呢個價係包行李寄艙同飛機餐播（雖然呢兩班機只係坐737-800，同AirAsia一樣係細機類別）！至於去程時間，到達吉隆坡雖然係零晨12點，但最後一班機場快線（KL Ekspres）係開1:00am，理論上如果入境一切順利都可以趕到尾班車（非繁忙時間每20分鐘一班，車程約28分鐘到達KL Sentral），唔駛擔心夜媽媽冇車入市區。最後出票日期為26/5。
網址：flymas.mobi
（記得按下面「讚好」Share俾Facebook朋友）
現已開倉！AirAsia暑假飛吉隆坡來回連稅$936！
急報！AirAsia飛吉隆坡，又出現連稅低過HK$1,000選擇！仲要係暑假添！AirAsia剛剛喺00:00開倉，其中香港<->吉隆坡來回連稅低至HK$936，出發日期7-8月都有！仲要唔一定係早機返，咁就筍爆啦！今晚搶完先好瞓覺呀（不過依家AirAsia Server勁Busy，一係等4am打後再試）！至於沙巴，冇乜點平過，唔諗啦！溫馨提示：以上價格唔包行李寄艙同飛機餐。
（記得按下面「讚好」Share俾Facebook朋友）
港航週末熱賣，台北$420，台中$370，廈門$230，曼谷$710，北京$610，沖繩$1,490
又到週末，又有港航週末熱賣！忍咗手成個禮拜？記得今晚00:00至週日23:59搶飛啦！週四港航曾經加推曼谷／布吉／杭州／昆明「一Click即享」機位，不過其實價錢冇乜點減，曼谷線直頭俾深夜機去早機返，所以都費事推介，用番週末熱賣Code啦！雖然唔係最平，但航班選擇多啲。記住，您必須係紫荊會會員，Login後先可以用Promotion Code獲得優惠（紫荊會免費申請網址：http://bit.ly/XiCJvm），扣減不適用於購買「一Click即享」機票。如果有二人以上同行，建議分開訂，用盡扣減優惠！
此外，我哋發現9月頭有兩個地方，雖然只係得「一Click即享」價，冇得用Promotion Code再減，但其實真係抵玩；首先係已經講過幾期嘅沖繩，來回淨機票HK$1,490，紫荊會會員減HK$50，連稅亦只係HK$1,988，港龍好難鬥贏囉！9月沖繩天氣都仲熱架！另外，北京亦有少量「一Click即享」價HK$610，紫荊會會員減HK$50，連稅亦只係HK$1,223，最正係佢早機去晚機返！北京線一向少有平盤，呢隻筍盤值得早少少入手。
各參與週末熱賣地點嘅Promotion Code如下：
海口／三亞／福州／北京／上海浦東／上海虹橋／南京／杭州／昆明／沙巴／哈爾濱／成都／重慶／峇里島／河內：wZQ638EV（減HK$300）
台北／台中／沖繩／廈門／曼谷／布吉：OWSqPZGQ（減HK$200）
訂購以下地點，價錢如下（折實價）：
台北：（10/7前）週日至三出發來回HK$420起（連稅HK$1,048），週四至六出發來回HK$580（連稅HK$1,208）；（11/7後）來回HK$720起（連稅HK$1,348起），呢口價連對手都還唔到招（華航淨機票都要HK$1,040），有需要者依家可以入手了！
＃搶飛教學＃
記得以下買飛步驟：
Step 1：搜尋10/7前出發香港飛台北，記住機票有效期係2-7日
Step 2：如果見到有HK$620或HK$780機票，恭喜您！就係您今次要搵嘅目標！
Step 3：記得先登記及login紫荊會會員（紫荊會免費申請網址：http://bit.ly/XiCJvm）
Step 4：再輸入Promotion Code : OWSqPZGQ（大細階必須跟足）
Step 5：系統會幫您減HK$200，總之連稅價係HK$1,048或HK$1,208就去俾錢啦！
台中：HK$760起（連稅HK$1,348起）（搶飛方法同上）；另外有「一Click即享」價HK$370，會員再減HK$50，連稅HK$948，主要集中喺9月頭；以及6/7出發，8/7，9/7，11/7，12/7任揀，仲有「一Click即享」價HK$560，會員再減HK$50，連稅HK$1,138，數量唔多，要快手！
記得如果今年1/1 – 30/8前飛咗台灣3次，可以向台灣觀光協會香港辦事處申請換領一張香港來回台灣免費機票，詳情請按此。
廈門：（15/5開航，31/5前出發）HK$230起，連稅HK$892！跌破HK$1,000大關！不過建議28/5打後先入手，事關佢有一隻單程優惠，雖然減完都要HK$260，但勝在回程可以另外買春秋航空，因為港航回程開早機HX262（08:30/09:45），相反春秋開夜機9c 8658（22:25/00:05），單程價錢都係HK$199，又可玩多一日！
曼谷：HK$1,080起，連稅HK$1,818起，同空氣亞洲有得Flight！（9月後有番「一Click即享」價HK$710，扣減HK$50，來回連稅HK$1,404）
海口：HK$670起，連稅HK$1,332起（9月後有番「一Click即享」價HK$320，扣減HK$50，來回連稅HK$973）
三亞：HK$810起，連稅HK$1,472起（9月後有番「一Click即享」價HK$390，扣減HK$50，來回連稅HK$1,003）
河內：HK$770起，連稅HK$1,443起
福州：HK$520起，連稅HK$1,182起
其他地點請上港航官網發掘下
（記得按下面「讚好」Share俾Facebook朋友）
長榮週末劈，6月飛台北$800，包括Hello Kitty班次
今日週五已經係公眾假期，長榮索性提早推出台北週末劈！由依家到週日（19/5）23:59止，台北來回淨機票HK$800，連稅HK$1,427，出發日期為1/6 – 27/6。同之前一樣，香港出發限搭5班機，包括：BR828（07:30/09:10） / BR852（11:10/12:50） / BR868（13:40/15:25） / BR858（21:00/22:40，Hello Kitty航班） / BR810（21:45/23:25），早午晚都有。回程無限制睇供應，可以再揀Hello Kitty航班BR857（18:10/19:50），所以雖然比港航貴，但如果來回都係Hello Kitty機，咁絕對值回票價（溫馨提示：搭Hello Kitty機，記得Order兒童餐）！機票有效期7日。
（記得按下面「讚好」Share俾Facebook朋友）
捷星新劈，台北來回大阪連稅$962，香港來回新加坡連稅$1,199
完咗2人同行1人收費後，捷星JetStar再推出另一波優惠：今次唔駛捱超早餐盤。首先講台北來回大阪，來回連稅NTD3,560起（HK$962），出發日期為18/6 – 8/7及3/9 – 12/12，Check過系統，6月尾回歸假都有，但出發日期最遲去到22/6，回程1/7就仲有，至於9月打後就供應量充足。捷星台北來回大阪時間都幾靚仔下，去程可以搭第2班3K721（12:45/16:25），回程兩班都OK（包括3K 724 12:25/14:20；3K722 17:15/19:05），來回都駁到即日機往返香港，當然想喺台北玩番夠本都得，配埋港航平平香港<->台北機票，連稅HK$2K有找，一雞兩味兼8月尾前出發有機會賺1張免費台灣機票（詳情請瀏覽：http://flyagain.la/?p=6467），當香港直航連樂桃都費時劈，唯有咁飛大阪啦！另一隻當然係大家熟悉嘅香港<->新加坡，來回連稅HK$1,199起（除非您搭超早機06:30返香港，就可減多HK$50），Check過系統，供應量多，執筆一刻連中秋節都有（19/9去 – 22/9返）！咁梗係要快手啲喇！溫馨提示：以上價格唔包行李寄艙同飛機餐，最後出票日期為20/5 23:59。
網址
台北大阪：http://www.jetstar.com/hk/zh/special-offers-taiwan
香港新加坡：http://www.jetstar.com/hk/zh/special-offers
（記得按下面「讚好」Share俾Facebook朋友）
