Current tag: 塞舌爾航空

阿提哈德航空冬春飛歐洲來回連稅$5,344起,不同城市往返$5,094起

Written on:December 4, 2013
Comments
Add One
請即Like 又飛啦!Facebook Page

01:40am 18/12 Updated:優惠延長,官網仲有呢口價賣!

中東航空三寶:阿聯酋/卡塔爾航空近日均推出歐洲劈盤,餘下嘅阿提哈德航空梗係唔執輸,推出全球機票限時劈,香港出發有平飛(經阿布扎比轉機,香港<->中東搭姊妹航空塞舌爾航空),但官網竟然隻字不提!奇怪!先講目的地,連稅計,來回日內瓦HK$5,344起,慕尼黑HK$5,629起,巴黎HK$5,692起,法蘭克福HK$5,771起,杜爾塞多夫HK$5,836起,倫敦希斯路HK$6,235起,連飛南美巴西聖保羅都係HK$12,833起。

仲想平啲?可以試下揀不同城市往返,例如倫敦入其他城市出,因為避開英國離境稅,埋單可以平千幾蚊!例如倫敦入日內瓦出,來回連稅低至HK$5,094起,倫敦入巴黎出就HK$5,452起(例子:去程12/03/2014,回程20/03/2014)!想輕易搵出超平價錢組合?貼士係先利用Round Trip方法分別搵出兩個目的地去程及回程最平日子,然後再揀Multiple destinations / Stopovers,將去程 + 回程日子及地點輸入,搜尋結果就係最平選擇啦!

機票有效期1個月,Check過系統,唔係日日有咁平,2014年2月至6月出發就易搵啲,最後出發日期為30/06/2014,最後訂票日期為05/12/2013。

網址:www.etihad.com

(覺得抵請記得按Like同Share俾朋友)

阿提哈德航空冬春飛歐洲來回連稅$5,344起,不同城市往返$5,094起

阿提哈德航空冬春飛歐洲來回連稅$5,344起,不同城市往返$5,094起

AXA安盛「卓越」優遊樂旅遊保,手提電話都保!立即報價+投保

「又飛啦捕票器」App,一有新Post即響機!iOS下載Android下載

Booking.com訂房:泰國 | 日本 | 台灣 | 韓國 | 其他

AGODA訂房:泰國 | 日本 | 台灣 | 韓國 | 其他

*由於優惠產品供應有限,最終格價或因反應熱烈而有所調整,敬請留意。

大漏洞!坐阿提哈德航空商務客艙,塞舌爾飛都柏林單程連稅$2,726!

Written on:June 3, 2013
Comments
Add One
請即Like 又飛啦!Facebook Page

12:23pm 3/6 Updated:原來塞舌爾航空官網都有漏洞飛賣!
即去:http://www.airseychelles.com/en/home/index.php

深夜急報!呢單大漏洞機票,雖然唔係香港出發,但甚有啟發性,故此漏夜都報(小弟都入埋手添)!是咁的:由塞舌爾群島單程飛往愛爾蘭首都都柏林(中停阿布札比),搭阿提哈德航空公司(塞舌爾群島飛阿布札比有時會用番同公司嘅塞舌爾航空),坐商務客艙連稅只係HK$2,726!原價起碼HK$22K以上。點解咁抵?好大機會係佢誤將商務客艙以經濟客艙價標售,因為如果揀番經濟客艙,價錢的確相若。出發日期遍佈下半年甚至明年2014年,小弟就入咗2014年農曆新年期間,Check過系統,唔難搵到位。至於香港飛塞舌爾群島以及之後由都伯林返香港嘅機票,可以等稍後阿提哈德航空公司推出冬季優惠先入手。呢隻機票可以俾您免費中停阿布札比,如果改期只收US$50,退票只收US$150,但根據以往漏洞機票經驗,航空公司通常都提供免費退票服務(因為佢都唔想您搭啦!),所以就算依家唔firm去,不妨都入手先。官網冇漏洞價,建議去expedia.co.uk訂,起碼信得過。記住:系統唔會接受一次過訂3張或以上,所以如果訂超過3張,就要分開訂購。呢個漏洞預計到明日歐洲佬返工就冇架啦!唔好瞓住!入手啦喂!

網址:www.expedia.co.uk

(覺得抵請記得按Like同Share俾朋友)

大漏洞!坐阿提哈德航空商務客艙,塞舌爾飛都柏林單程連稅$2,726!

大漏洞!坐阿提哈德航空商務客艙,塞舌爾飛都柏林單程連稅$2,726!

AXA安盛「卓越」優遊樂旅遊保,手提電話都保!立即報價+投保

「又飛啦捕票器」App,一有新Post即響機!iOS下載Android下載

Booking.com訂房:泰國 | 日本 | 台灣 | 韓國 | 其他

AGODA訂房:泰國 | 日本 | 台灣 | 韓國 | 其他

*由於優惠產品供應有限,最終格價或因反應熱烈而有所調整,敬請留意。

驚嚇價!搭塞舌爾+阿提哈德航空,歐洲出發來回香港連稅$2,709起!

Written on:January 18, 2013
Comments
Add One
請即Like 又飛啦!Facebook Page

4/1,我哋「又飛啦!」同大家介紹過塞舌爾+阿提哈德航空香港飛歐洲首航優惠,淨機票HK$3,960起,連稅五千頭都有交易。不過如果倒番轉:歐洲出發,來回香港,價錢立即平一大截!例如巴黎出發,來回香港淨機票HK$2,057,連稅HK$2,709!您冇睇錯,係連稅HK$2,709!至於其他歐洲城市,暫時仲搵到法蘭克福(連稅HK$3,570起)、曼徹斯特(連稅HK$4,160起)有類似超平價機票(如果fans搵到其他航點,請留言告知)。只可惜:超平機票只限歐洲城市出發,香港出發就冇呢批價,不過都唔係完全冇用,如果:1. 有朋友住歐洲(特別係巴黎)來港;2. 香港留學生/移民客返港渡假;3. 歐洲水貨客,可以用里數換香港單程去歐洲,再食埋呢隻筍盤。點解會咁平?好簡單!因為歐洲返港需要廿幾小時,喺阿布扎比等大半日時間轉機(歐洲飛阿布扎比由阿提哈德航空執飛,阿布扎比飛香港由塞舌爾航空執飛)。講真,呢隻盤筍成咁,曾經有諗過係咪大漏洞?經反覆比較全球各地網上旅行社,發現好多都賣緊呢個價,所以推論只屬特價,唔係漏洞,放心訂啦!俾個小貼士您:香港只有逢週一、三、五先有機出發,想搵到超平價,不妨揀週一歐洲出發,週三香港返,同埋集中火力揀五至六月出發。官網冇呢個價,上香港Zuji出飛啦!

網址:www.zuji.com.hk

(記得按下面「讚好」Share俾Facebook朋友)

驚嚇價!搭塞舌爾+阿提哈德航空,歐洲出發來回香港連稅$2,709起!

AXA安盛「卓越」優遊樂旅遊保,手提電話都保!立即報價+投保

「又飛啦捕票器」App,一有新Post即響機!iOS下載Android下載

Booking.com訂房:泰國 | 日本 | 台灣 | 韓國 | 其他

AGODA訂房:泰國 | 日本 | 台灣 | 韓國 | 其他

*由於優惠產品供應有限,最終格價或因反應熱烈而有所調整,敬請留意。

歐洲新平霸!搭塞舌爾+阿提哈德航空,香港飛歐洲$3,960起

Written on:January 4, 2013
Comments
Add One
請即Like 又飛啦!Facebook Page

講到飛歐洲嘅平霸航空公司,中東嘅您自然會諗起卡塔爾航空,但其實仲有另一間中東航空公司,服務五星級,但價錢就非常大眾化!佢就係阿提哈德航空(Etihad Airways)嘞!佢係阿聯酋第二間大型航空公司,同阿聯酋航空唔同,佢基地設於阿布扎比。阿提哈德航空一向係冇飛機嚟香港,但隨著佢子公司塞舌爾航空(Air Seychelles)將於24/3起開辦香港<->阿布扎比<->塞舌爾航線後,以後想搭阿提哈德航空,大可以先搭塞舌爾航空然後喺阿布扎比轉機。

依家佢推出春季飛歐洲筍盤:淨機票HK$3,960起,連稅後,香港飛巴黎HK$5,482起、布魯塞爾HK$5,245起、慕尼黑HK$5,790起、都柏林HK$7,376、杜塞爾多夫HK$5,606起(同國航差唔多)、法蘭克福HK$5,782起、日內瓦$5,133起、曼徹斯特HK$6,182起,都係六千以內!連去伊朗首都德克蘭連稅都只係HK$5,729(奇怪係佢宣傳網頁上,價錢遠比以上列出為高,可能未Update卦?)!不過要提一提大家:如果揀香港出發,俾您喺官網買到飛歐洲嘅航點唔會太多,因為如果駁機時間太長,阿提哈德會索性唔俾您買。如果您想去嘅歐洲地方以上都冇提及,咁揀番其他航空公司算啦!航班方面,香港去程阿布札比每逢週一、三、五(EY4121 18:55/23:25),阿布札比返香港每逢周二、四、日(EY4122 21:40/09:40)。飛去塞舌爾呢?依家做緊首航特價:淨機票HK$4,660,連稅HK$5,939,比以往平一大截,呢個價都值得飛去嘆個陽光與海灘嘅,話晒夠冷門嘛!

留意位:

最後出票日期:20/1

出發日期:24/3 – 30/6

機票有效期:3日至2個月

網址:www.etihadairways.com

(記得按下面「讚好」Share俾Facebook朋友)

歐洲新平霸!搭塞舌爾+阿提哈德航空,香港飛歐洲$3,960起

AXA安盛「卓越」優遊樂旅遊保,手提電話都保!立即報價+投保

「又飛啦捕票器」App,一有新Post即響機!iOS下載Android下載

Booking.com訂房:泰國 | 日本 | 台灣 | 韓國 | 其他

AGODA訂房:泰國 | 日本 | 台灣 | 韓國 | 其他

*由於優惠產品供應有限,最終格價或因反應熱烈而有所調整,敬請留意。