好快就聖誕節啦！仲未諗到一家大細去邊玩？ulu帶你點對點過一個歐式聖誕本地遊，唔使煩交通，有得食有得玩，仲有得打卡！

而家仲有限時優惠，爸爸媽媽帶同一位小朋友，小朋友即享免費；60歲以上長者亦可以優惠價HK$599訂購一日遊！聖誕呢個咁普天同慶嘅日子，當然要全家出動啦！

旅行團名稱：【港 · 遊】「飛」· 嚐聖誕之旅（ULUHKTOUR18）

價錢（金額以付款頁面為準）：
2成人1小童 – HK$1,398起（小童免費）
成人 – HK$699起
長者 – HK$599起
小童（3至11歲） – HK$399起
嬰兒（不佔位） – HK$50起

最少成團人數：20人（如人數不足，將會取消行程，並於出發日前 3 天以 Email 通知）

出發日期： 12月27日

集合地點及時間：上午10時 於 尖沙咀中間道集合

包咩：
– 一日遊
– 入場費
– 保險
– 導遊
– 交通接駁
– 聖誕大餐
– 跨年有折祭門票2張

唔包咩：其他未提及費用

行程簡介：
Winter Wonderland冰雪奇幻國度 – 一齊「飛」歐洲過聖誕，入場前記得要Check in呀～現場佈置到成個歐洲小鎮咁，中間7米高嘅聖誕樹超搶眼，仲有由60間小木屋組成嘅聖誕市集俾你買返夠本！另外設有活動遊戲區，有迷宮、彈跳床，仲有條高達5米、長達30米嘅聖誕老人充氣滑梯，小朋友見到一定勁興奮！（小編實測）

東涌北公園 – 綠色景點唔使多講～
西九文化區藝術公園 – 聖誕必去打卡點！有高20米嘅超巨型聖誕樹再加無敵維港景，唔使講咁多，即刻影返千令二千張相先（笑）！

全港首間以航空飛機主題餐廳 – 聖誕大餐絕對係節日嘅重點！喺「飛機」上嘆5道菜聖誕大餐就更有Feel啦！



全新增設兒童餐 – 大人細路，各有各享受！

Winter wonderland加購活動（建議先加購，現場只有少量walkin位置）：
– House of Light by XCEPT – HK$68
．20分鐘沉浸式感官體驗，透過不斷轉變嘅聲音及投影，營造極地嘅和諧感覺

– Glacier Ice House 極地冰窖 – HK$138
．由團隊專程運送數百塊巨型冰磚，入面得零下10度咋！場內會提供Cocktails及朱古力熱飲，大人細路都啱飲

聖誕想一家大細出去玩，又要煩交通，又要煩食乜，諗到都頭痛！ulu一次過幫你諗好晒，一日遊包接送，俾你舒舒服服同小朋友過聖誕，帶埋爺爺嫲嫲成個家族一齊出發都仲得！首先帶你去玩盡今年全港最大室內聖誕主題市集同遊玩區 – Winter Wonderland 冰雪奇幻國度，入場人士會先通過航班登機櫃位Check in入會場，體驗瞬間飛歐洲過聖誕！而場內會佈置成歐洲古樸小村莊，除咗有60間充滿童話色彩嘅小木屋市集之外，仲有活動遊戲區，有齊迷宮、彈跳床，同埋超長聖誕老人充氣滑梯，帶小朋友嚟放電就啱啦！

跟手仲會去埋西九文化區嘅20米超巨型聖誕樹打卡、睇聖誕燈飾兼維港美景，感受濃厚嘅節日氣氛！一年都唔多機會影吓家庭照，趁住有靚View梗係要影多幾張啦！聖誕節又點可以唔食豐富聖誕大餐呀？即刻「飛」去全港首間以航空主題嘅餐廳嘆返個5道菜晚餐，鵝肝焦糖布甸？火焰羊膝？樹頭蛋糕？一次食晒！另外仲有兒童餐俾小朋友，咁就大家都食得開心啦！

【預訂日期】即日起 至 12月20日
【出發日期】12月27日
【預訂網址】ulu.travel

（覺得抵可Whatsapp同LINE Share俾朋友）

【本地】限時買大送細，成人每位$699起；長者限定優惠$599起！一家大細「飛」歐洲！包Winter Wonderland聖誕市集+西九巨型聖誕樹打卡+航空主題餐廳聖誕大餐+全程交通接送！

條款及細則：
– 每位參加者可獲跨年有折祭門票2張
– 報名時必須繳付全費
– 行程中無法使用輪椅與嬰兒車
– 出發人數及詳情等將根據香港特區政府的最新防疫措施或會作出調整
– 本旅遊產品實行香港特區政府規定之防疫措施，參加者亦應遵守相關措施，包括必須使用「安心出行」應用程式
– 行程次序如有改動，以最終服務提供者安排為準
– 菜單因季節或供應情況食材可能有更改
– 如因天氣、交通情況惡劣或非本公司所能控制情況下，在全體安全考慮下，領隊有權隨時更改或取消部份行程。參加者不得藉故要求退款或減收費用
– 如團友在旅程中沒有依照工作人員指引而發生任何意外或導致財物損失，本社概不負責
– 旅行團服務費屬建議性質
– 所有參加者必須遵守有關規則，如不遵守規則，工作人員有權拒絕參加者繼續接下的行程
– 請穿著舒適步行鞋及衣著
– 最少出團人數20人，如人數不足，將會取消行程，於出發日前三天發出取消旅遊的 Email 通知
– 每次活動均有人數限制。如報名人數超額，會以先到先得形式作出安排；如遇人數不足，將會於原定活動日期三個工作天前通知活動取消及後安排更改日期或退款
– 請務必於十分鐘前抵達指定地點，為避免耽誤之後行程，逾時不候
– 參加者自行離團，請自行承擔風險責任
– 出發前一天由工作人員通知客人落實團隊資料
– 出發前三小時，如香港天文台發出3號或以上熱帶氣旋信號、或紅色暴雨警告信號，團隊將會取消。1號熱帶氣旋信號、黃色暴雨訊號團隊照常出發。如因天雨關係，部份景點不能前往，工作人員會視乎當時安全情況下決定更改或取消，團費不作退回。其他自然災害，非人力可控之情況，本公司有權取消或更改行程內容，並儘早通知參加者
– 以上行程僅供參考，以當天工作人員安排為準