嘩嘩嘩！等咗五年，終於有更新啦！

國泰宣佈更新「飛行獎勵換算表」，更新兌換里數之餘，係年初仲承諾係2023年內會增加每程航班嘅可兌換機位（數量為2019年的兩倍），要換機票就更易啦！新換算表將於2023年10月1日起生效。

當中最吸引就梗係需要較少里數嘅航線啦！根據新換算表，不論任何艙等，換機票前往中途、 長途（原有長途一及二，現二合為一）及超長途航點都平咗抵玩咗，最多慳成10%以上里數：

中途（澳洲、中東）航點－經濟艙單程現需22,000里；新制需20,000里（來回慳4,000里！）
長途（歐洲、美加西岸、紐西蘭）航點－經濟艙單程現需30,000里；新制需27,000里（來回慳 6,000里！）
超長途航點（美加東岸）航點－經濟艙單程現需42,000里；新制需38,000里（來回慳8,000里！）

可以話係飛得越遠，慳得越多！如果你係一家大細、一班朋友、或者係情侶換飛出發，慳嘅里數更係倍數上升！例如一家四口坐經濟艙來回紐約，總計足足慳成32,000里，抵玩咗唔少！中長途抵玩咗，但短途航點就一分為二，包括日本、印尼、印度及尼泊爾所有城市嘅航點就微 微漲價，經濟艙由單程10,000里升至12,500里，來回變相貴5,000里，但比起2018年改制前仍然係平咗5,000里既～再者，距離新換算表生效仲有2個幾月時間，plan定未來嘅行程，最遲9月30日換飛都冇問題！提提大家，如果心儀航班未能以標準飛行獎勵兌換，可以用「里數加現金」方式付款！

另外，國泰亦同時宣佈將於9月恢復推出里賞航班，包括東京、大阪、札幌、台北、首爾、曼谷 等超過20個熱門航點，共有超過45,000個座位可供兌換，重點係里賞航班將以現時嘅里數計 法兌換，而家plan埋9月秋日之旅就啱晒！里賞航班可於7月13日中午12時（香港時間）開始於網上兌換，要校定鬧鐘搶飛！因為可見要換飛都需要排隊，小編溫馨提提大家，為咗令流程更 smooth，小編建議大家先排隊，入到版面揀好航點先登入，再揀心儀航班，咁就快好多啦！

【更多詳情】https://flyagain.la/71ax
【兌換里賞航班網址】https://flyagain.la/0kue

（即Whatsapp同LINE Share俾朋友知）

【國泰】震撼消息！國泰飛行獎勵換算表五年來首度更新！另將重啟里賞航班，提供超過45,000個位俾大家換飛！即入嚟睇詳情！

#以上資料只供參考，如有出入，則以官方網址為準。優惠受條款及細則約束，建議預訂前先 行細閱