瘦田冇人耕，耕開又真係多人爭！
大灣區航空宣佈，將於 9 月 3 日至 10 月 7 日期間，開辦「香港－烏魯木齊」季節性航線，每週三班，以波音 737 MAX 9 執飛，航班時間如下：
香港/烏魯木齊 1915/0100+1（二）1935/0115+1（四、六）
烏魯木齊/香港 0205/0725（日、三、五）
現時烏魯木齊航線已有國泰航空（每週四班）及中國南方航空（每日兩班）營運。以前冇直航嘅新疆，究竟係咪真係熱門到而家要三間航空公司飛，就有待觀察了。
大灣區航空近來都鍾意開季節性航班試水溫，例如今年就有吉隆坡、布吉及沖繩。根據往續，如反應好就有機會「轉正」，例如福岡及札幌。唔知沖繩同烏魯木齊會唔會可以「轉正」呢？
