好耐都冇見過「台港歐」呢個組合，今次由阿提哈德航空出手，將呢個經典組合重現！玩法係由台北或高雄單程飛香港，然後坐阿提哈德航空香港經阿布扎比來回歐洲，來回連稅只需HK$3,377起，城市組合極多，基本上阿提哈德有覆蓋嘅航點都得，但要慢慢組合試試，舉例第一程5月17日由台灣飛香港，第二程為5月18日香港飛歐洲，第三程5月25日歐洲飛香港，舉例以下幾個組合俾大家參考：
（第一程）台灣->香港 // （第二程）香港->法蘭克福 // （第三程）威尼斯->香港 HK$3,377起
（第一程）台灣->香港 // （第二程）香港->米蘭 // （第三程）伊斯坦堡->香港 HK$3,524起
（第一程）台灣->香港 // （第二程）香港->維也納 // （第三程）伊斯坦堡->香港 HK$3,574起
（第一程）台灣->香港 // （第二程）香港->米蘭 // （第三程）米蘭->香港 HK$3,627起
（第一程）台灣->香港 // （第二程）香港->曼徹斯特 // （第三程）威尼斯->香港 HK$3,657起
以上各價第一程返香港後以隔日轉機計算，如果第一程與第二程之間想喺香港停留一段時間，就要加HK$600左右。由台灣飛香港可選台北或高雄為出發地，價錢均一，航空公司包括國泰、港龍、長榮、華航、港航，視乎供應而定。不過講明先，香港出發及回程都係差唔多呢口價，所以呢個玩法只適合有興趣兼玩台灣嘅粉絲，只需加購一程香港至台灣的單程機票（如HK Express飛台中或港航飛台北），澳門粉絲則可揀虎航由澳門飛台北/高雄之單程機票則可，可先喺台灣玩幾日，再開始歐洲之旅，都幾正呀！Check過系統，平飛組合供應量唔太多，大家要多轉日子試試，集中10-11月會較易搵到，即上Expedia香港出票。
【出發日期】即日起至7月10日、9月7日至11月30日
【機票有效期】一個月
【最後訂票日期】4月28日或售完即止
【訂購網址】www.expedia.com.hk
【預訂教學】http://flyagain.la/31983
【又飛啦製作搭乘報告】http://flyagain.la/ey-flight-report
（覺得抵可用Whatsapp同LINE Share俾朋友架）
「台港歐」返嚟喇！國泰/港龍台灣往香港＋阿提哈德來回歐洲連稅$3,377起，11月30日前出發
留言