日前我哋先後介紹咗阿聯酋航空歐洲飛香港，以及香港來回曼谷嘅超平頭等優惠！經我哋再深入發掘，再研究出一個超抵玩法，最多歎足7程頭等：由挪威奧斯陸出發，經杜拜飛香港（可中停杜拜兼玩），再由香港頭等艙來回曼谷，最後由香港經杜拜飛返奧斯陸，只需HK$26,720（連稅HK$33,563）起。因為呢張飛有12個月超長有效期，每次停留香港都可中停一段長時間，所以可拆成2次歐洲之旅+1次曼谷之旅，中間仲玩埋杜拜添！而且最後一程由香港飛返歐洲，亦可以拉長停曼谷+杜拜，Total搭足7程頭等呀。唔止呀，連出年暑假都砌到呢張飛，勁抵！（系統現時最遠買到出年8月出發）

不過留意返呢套飛由歐洲出發，即係倒頭機票，航點方面以奧斯陸出發最平，其次係斯德哥爾摩同倫敦，大家可依心水自行組合，除咗適合歐洲粉絲之外，香港粉絲想用都得，用里數換一套香港來回歐洲嘅機票包抄返呢套飛，變相拆成2套歐洲機票。冇里數響手？就留意其他航空公司有冇一啲停留期較長嘅平飛包住呢套飛，同樣可以Plan足兩次歐洲之旅。而且呢套飛Class Code係A，儲落日航里數計劃都有150%里數，夠換到日航香港來回日本經濟客位機票。

阿聯酋航空頭等艙擁有私人套房，可以閂埋道門私隱度一上機即刻有專人Serve Welcome Drink同小食，又有名貴旅行用品包，機上歎尊貴美食，又設有空中酒吧俾您任叫紅酒+Cocktail+小食等，A380客機仲有得一試空中水療淋浴，呢個最正！而旅客亦可享用機場至指定目的地專車接送服務，絕對係尊貴至極嘅體驗，依家頭等艙愈嚟愈少見（好多航空公司都cut緊），人一世物一世，又點可以唔試？無論帶同家人一齊去，或者想俾個驚喜另一半都適合！出發日子由即日起至出年7月都有，有興趣就到Expedia香港出票。

提提大家：大家記得撳一撳”顯示航班詳情”，睇清楚係咪全部都係頭等艙，因為有機會會出到商務+頭等mixed class機票㗎。另外按搜尋前偏好的航空公司揀”阿聯酋航空”。

【出發日期】即日起至2017年7月
【機票有效期】12個月
【最後訂票日期】售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

嘩！超平歎頭等，玩法再升級！阿聯酋航空頭等艙歐洲來回香港+香港來回曼谷，只需$26,720起，2017年7月前出發