嘩！不得了！聖誕旺季飛日本，坐商務艙平到笑！上次介紹過港航商務「泰港日港泰」玩法，飛晒日本同曼谷商務艙都係4千幾蚊，抵到爛，今次介紹更強玩法：「台港日港台」，由台北出發，經香港來回日本東京/大阪更只需HK$2,830（連稅HK$3,827）起。記住係商！務！艙！呀！已包合共4程商務機票（台北-香港、香港-日本、日本-香港、香港-台北），合計都係3千幾蚊，平到喊，仲要聖誕旺季出發都有（如圖）！齋訂香港來回東京大阪商務都唔止呢口價啦，但係改由台北出發就平超超超超多。去程同返程都可中停香港，即係唔使連住飛，可拆開做1次日本之旅+2次台北之旅。

日本目的地可選東京或大阪，亦可Openjaw如東京入、大阪走，只需再買一套來回台北嘅機票包住呢套飛，就可狂玩2次台北+1次日本，舉例可參考長榮來回台北，好處係有1個月有效期，可以完美接駁呢套飛（詳情：http://flyagain.la/44041），有興趣就到港航官網訂購。

港航商務仲有多項星級服務，行李寄艙配額提升到30kg，部分機型配備Flat Bed 180度全平躺座椅（限A333/33V機型），又有靚靚嘅飛機餐+美酒，同埋可尊享貴賓室服務，呢口價錢歎商務，真係抵到不得了！

提提大家，想訂中停香港？要用多個目的地功能Search，大家可以先搵咗就咁台北來回日本有平日子先，例如11月16日出發，11月24日回程，抄底呢個日子，再用多個目的地去Search，分4段輸入，舉例11月16日台北-香港、11月18日香港-東京、11月24日東京-香港、11月26日香港-台北，連稅HK$3,827起。留意返需要21日內飛晒咁多程，適合有充足假期嘅粉絲。留意呢套飛一定要順住飛，第一程一定要台北出發，任何一段no show都會被取消行程㗎。

【出發日期】即日起至12月31日
【機票有效期】21日
【最後訂票日期】11月30日或售完即止

【搶購網址】 www.hongkongairlines.com
【預訂教學】http://flyagain.la/34618

（覺得抵可用Whatsapp同LINE Share俾朋友架）

即搶價！聖誕勁平商務飛台日！港航台北來回香港+香港來回日本$2,830起，12月31日前出發