OMG！一早查到呢張飛真係成個人醒晒，復活節飛東京都係3千7咋，重點係商務艙呀！點可以平成咁㗎！

小小編半年前曾經報過香港航空台北出發嘅倒頭商務「台港日港台」組合，終於重現江湖啦！

由台北出發經香港來回東京商務艙只需TWD11,322（約HK$2,833）起，連稅TWD14,800（約HK$3,703）起。合共有4程商務機票（台北-香港、香港-東京、東京-香港、香港-台北），埋單計都係3千幾蚊，平到喊，記住係商！務！艙！呀！

仲要香港至東京呢段可以復活節出發！舉例3月22日台北飛香港，可停留一段時間4月14日復活節由香港飛東京，4月20日東京經香港飛台北，都係HK$3,703咋！另外大阪都有㗎。

呢套飛有效期係1個月，可以停留香港1次，叫做1個月玩1次日本+2次台北，真係爽到飛起。有興趣可到台灣Expedia，用多個目的地搜尋同訂票。（記住揀返”商務艙”先去Search，偏好的航空公司揀”香港航空”）

提提大家：第一段台北-香港係一定要飛㗎，否則之後嘅機票都會被取消。大家需要另買一套香港來回台北嘅機票包住呢套飛（例如長榮航空，勝在有1個月停留期），咁就可以玩足2次台北+1次日本啦。

【出發日期】即日起至6月30日
【機票有效期】1個月
【最後訂票日期】售完即止

【訂購網址】www.expedia.com.tw（記住係台灣Expedia）

（覺得抵可Whatsapp同LINE Share俾朋友）

嘩！平到失控！復活節逼人歎商務！港航台北來回香港+香港來回東京/大阪$2,833起，6月30日前出發