嘩！會唔會太正呀！坐日本航空一炮過玩齊東京+北海道喎！之前日航有個東京優惠，來回東京連稅HK$2,939起，價錢都幾抵，但原來只需再加一千左右，來回HK$3,500（連稅HK$3,957）起，即可包多兩程內陸機，由東京來回北海道！補多HK$210就可以Stopover停留東京，超正呀！

北海道唔單止可選平時較熟悉嘅札幌、函館，連旭川、釧路、帶廣、女滿別等地都得，價錢一樣，Openjaw不同城市往返，例如札幌入、函館走（如下圖），或旭川入、釧路走等，不走回頭路，遊北海道就更彈性，亦即係一票玩盡日本3地！

其實除咗北海道，其他內陸城市都得嘅，例如：大分、秋田、青森、長崎等等，不過當然飛北海道咁遠，相對就抵啲啦，而且咁樣一次過訂埋內陸機，亦方便過再額外訂。日航嘅票價包2件23kg行李同飛機餐。

今次優惠去到12月出發都有，不妨可以東京睇紅葉+北海道玩雪一次過呀！有興趣即到Expedia香港，用多個目的地功能Search。留意返：經東京轉機時，國際線轉國內線，或者需要轉機場時，記得留返充足轉機時間。

如果淨係想玩東京，可以睇睇呢個日航優惠：https://flyagain.la/55413。

【出發日期】8月24日至12月12日
【機票有效期】10日（最遲12月21日完成旅程）
【最後訂票日期】8月31日或售完即止

【訂購網址】www.expedia.com.hk （如想Openjaw/中停東京，用多個目的地Search）
【預訂教學】http://flyagain.la/31983

（覺得抵可Whatsapp同LINE Share俾朋友）

罕有！坐日航玩齊東京+北海道！香港來回札幌/旭川/函館/釧路等地只需$3,500起！12月12日前出發