卡塔爾航空官網做緊個商務艙優惠（詳情：https://flyagain.la/57825），今次主力推介大家一定要試下佢哋革命性全新商務艙設計：QSuite！

卡塔爾航空今年3月首度發佈全新QSuite商務艙，首創備有「四人合併」 套間，以及雙人床設計，乘客只需將兩個座位調較至180度平躺，再將兩個座位中間分隔板移開，即變成一張大床；此外，亦容許4名乘客調較座位，形成私人區域，等大家可以同朋友或家人一齊用餐，享用與別不同嘅空中旅程。

能夠喺商務艙提供雙人床嘅航空公司，除咗卡塔爾航空，暫時都冇其他公司做到，要數就要數到阿提哈德航空或者新加坡航空嘅頭等艙先有，可想而知，今次卡塔爾航空嘅QSuite商務艙，可以形容為比商務，更商務！

小編睇介紹就覺得好正啦，但實際就未坐過，咁啱依家卡塔爾航空做緊商務艙優惠，所以小編極心動想買，兼且出文推介俾大家，依家商務艙使用QSuite營運緊嘅航線唔多，多哈來往巴黎嘅QR41/QR42就係其中之一，使用波音777-300ER機型，而且票價好抵，依家官網做緊2人同行香港經多哈來回巴黎每位HK$12,120（連稅HK$13,487）起。萬三蚊坐商務飛歐洲本身已經係平得好緊要，冇優惠時都要成2萬蚊，而且依家萬三蚊，仲可以坐到「比商務更商務」嘅QSuite喎，真係平到不能形容啦，優惠到10月16號咋，而且平飛都去得幾快，所以有興趣真係要快出手。

當然商務艙旅客仲有好多正嘢啦，上機前同轉機時間可以享用機場貴賓室，小編上次喺多哈轉機時去過佢哋多哈機場貴賓室，空間勁大，有Game room、浴室、餐廳，勁豪華（睇片：https://youtu.be/YAeSaSFZBTM）。而行李寄艙限額提升到40kg。機票Class Code係R，建議可儲落Avios，淨係計香港來回多哈已賺到9,800Avios Miles，夠換國泰香港來回台灣經濟位機票啦！

【出發日期】即日起至12月14日、2018年1月11日至5月31日
【機票有效期】3個月（最遲出年5月31日完成旅程）
【最後訂票日期】10月16日或售完即止

【訂購網址】www.qatarairways.com/hk（記住人數要揀2人或以上先有平）
【預訂教學】http://flyagain.la/33982

（覺得抵可Whatsapp同LINE Share俾朋友）

比商務更商務！有雙人床瞓！體驗卡塔爾航空破格QSuite商務艙，香港來回巴黎$12,120起！出年5月31日前出發