03:18am HKT Updated：此價已完

半夜都要話你知！真心！快啲搵！4千幾蚊就坐到4程商務，仲要坐到飛美國咁遠！繼台港日港台後，港航最新玩法：「美港曼/中港台」！而且四程唔駛限指定日子，小編搵過11月出發，出年3月回程都有呢口價！

由美國（三藩市/洛杉機）出發，經香港來回上海/曼谷/胡志明市，全程商務艙，連稅計：上海HK$4,685起、曼谷HK$5,089起、胡志明市HK$5,077起、峇里HK$5,272起！呢套飛合共有4程商務機票（美國-香港、香港-泰國/中國、泰國/中國-香港、香港-美國），連埋稅都係四千幾咋！點解可以平成咁㗎㗎㗎㗎㗎！

美國出發地可選洛杉磯或三藩市入，回程同樣可以任選，夠哂彈性！暫時見到有平嘅航點分別係曼谷、上海等，最正係四程航班時間沒有限制，可以舒舒服服咁玩！

美國線港航採用A350執飛，夠哂新夠哂舒服，而且短途航線部分機型配備Flat Bed 180度全平躺座椅（限A333/33V機型），又有靚靚嘅飛機餐+美酒，同埋可尊享貴賓室服務，呢口價錢歎商務，真係抵到不得了！

留意呢套飛一定要順住飛，第一程一定要美國出發，任何一段no show都會被取消行程㗎。

【出發日期】即日起至2019年3月31日（視乎供應）
【最後訂票日期】售完即止

【搶購網址】 www.hongkongairlines.com
【預訂教學】http://flyagain.la/34618

（覺得抵可Whatsapp同LINE Share俾朋友）

【商務】癲！港航新玩法「美港泰/中港美」！港航美國來回香港+香港來回泰國/中國連稅$4,658起，2019年3月31日前出發