全球最佳新加坡航空喺上年年尾推出「忽必烈」全球最長航線，由新加坡直飛紐約紐華克，要飛成差唔多19個鐘先到，令有d人都想挑戰下！

想試既話，今次有機會啦！坐新加坡航空由河內出發，經新加坡轉機去紐約紐華克，只係USD1,050（約HK$8,236）（連稅USD1154.31，約HK$9,055）起！呢條「忽必烈」全球最長航線，因為真係太長啦，所以唔提供經濟客位，換言之新加坡至紐約段係坐PEY（優選經濟艙）架（河內至新加坡為經濟客位）！來回全包一萬蚊都唔使，真係好抵搭！如果想坐全商務，來回連稅USD4154.31，約HK$32,587起，都唔差喎！由香港去河內有捷星，單程都唔會好貴，五百幾蚊左右，加埋落地簽（一個月多次出入境）四百幾蚊，即係加多一千蚊左右就搭到啦！抵！

如果唔想簽證咁煩，或者唔想經越南出發，都可以揀由曼谷出發！由曼谷出發，經新加坡轉機去紐約紐華克，來回連稅THB59,405（約HK$14,672）起；全商務來回連稅THB132,305（約HK$32,677）起！去曼谷出發就勝在有更多廉航選擇，例如Air Asia、Thai Smile、最新嘅快運等等，另外皇家約旦、埃塞俄比亞、阿聯酋航空等等都唔貴，仲要包行李！而最緊要嘅係佢唔使簽證！咁又慳返筆啦！

今次優惠係混合艙，來回新加坡同河內／曼谷就經濟，來回新加坡同紐約就係PEY，但都有2件23kg行李俾大家，仲可以儲到100%KrisFlyer Miles！如果由香港出發，要近3萬連稅先搭到架，所以今次個盤性價比好高！如果有興趣挑戰一下既，或者想歎少少去紐約既，都要即刻睇睇啦！

【出發日期】2月9日至6月30日（視乎供應及旺季除外）
【機票有效期】6個月
【最後訂票日期】1月27日或售完即止

【訂購網址】www.singaporeair.com

（覺得抵可Whatsapp同LINE Share俾朋友）

【紐約】平坐全球最長航線PEY！新加坡航空河內/曼谷來回紐約紐華克約$8,236起！6月30日前出發