請即Like 又飛啦!Facebook Page

小弟最近收到雅高酒店(Accor)寄嚟嘅新白金卡(冇住夠60日都成功續會),原來雅高酒店會藉(Le Club Accorhotels)加強咗會員優惠,既然依家好多fans都有雅高白金卡,一於列出幾大新猷:

1. 新增可Upgrade嘅酒店:以後白金卡會員住Novotel及Mecure可獲免費Upgrade(升一級,須視乎供應),以往只有高檔系列如Pullman/Sofitel及M-Gallery先有。呢個新政策非常重要:因為Novotel及Mecure同屬中檔系列,唔少旅客都會揀,有白金卡喺手,日後就更有用啦!

至於fans成日問點樣申請Upgrade,其實方法好簡單:訂房後(不論經雅高官網抑或第三房網站),直接Send Email向酒店提出要求就得。記得寫低您訂單編號 + 入住日期 + 白金卡會員號碼,禮貌問佢,一般好快有回覆嘅~小弟試過連Upgrade兩級(因為上一級冇房),又試過由細房Upgrade上一房一大廳800呎大單位(如曼谷VIE M-Gallery),未試過有問題。

2. 新增免費上網優惠:無論銀卡/金卡及白金卡,日後可獲贈免費上網。以往就算有白金卡都冇Free 上網,呢個堅實用呀!

3. 新增提早入住(Early Check-in)服務:白金卡會員可要求提早入住(須視乎供應)及延遲退房(以前寫明4pm,依家就冇寫明)。金卡會員可二者揀其一,銀卡會員只可以延遲退房,但銀卡以前無此福利嘅~

4. 新增酒廊使用權:白金卡會員可使用酒店內嘅行政酒廊(Lounge)(如有),例如免費早餐或下午茶,但由於雅高冇講清楚優惠細節,建議直接向酒店查詢。

至於免費白金卡申請Link,請按此:accorhotels.com(最後更新日期:23/10/2013)(提提您:如果之前登記失敗,請用另一新email再登記;如申請時見到Error字樣,則代表暫時失效,下次再會喇!)

綜合唔少Fans經歷,最後想講兩個重要提示:

1. 實體卡會喺第一次成功入住後先寄俾您(之前佢會Send Email向您確認郵寄地址),唔係一申請就有,其實您有冇實體卡都唔會影響福利,因為佢電腦有晒記錄,您講得出會員號碼就得。

2. 呢啲白金卡免費申請Link,原本係針對特選客戶,唔係俾公眾申請,如果被雅高發現,佢有權取消您戶口,連積分都冇埋!所以建議各位盡量低調,唔好立亂同佢嘈(例如無謂追佢實體卡),事關佢一查您底其實就知,總之:低調是福!

雅高酒店會藉福利詳情:http://www.accorhotels.com/gb/leclub/benefits/cards.shtml

(覺得有用請記得按Like同Share俾朋友)

雅高白金卡會員優惠加碼,更多酒店可獲免費Upgrade

- AXA安盛「卓越」優遊樂旅遊保,手提電話都保!立即報價+投保

*由於優惠產品供應有限,最終格價或因反應熱烈而有所調整,敬請留意。