咦咦咦，訂酒店送10,000里？望落幾抵喎！小小編近排搵緊訂酒店有咩筍Deal，搵到訂房網PointsHound，今個月推出咗限時推廣，新會員預訂2晚或以上住宿，即可獲得最少10,000法航Flying Blue里數，而訂酒店冇特別限制，即係訂間 Cheap Cheap酒店都得，小小編舉例以出年2月20日至22日搵香港酒店，搵到最平嘅Hotel 36平均只係€37一晚，2晚合計€73，圍返港紙約$609，即係約6百蚊可入手10,000里（連兩晚住）。

你可能問，冇儲開法航喎，拎住10,000里做乜？重點嚟啦，法航1萬里數正好足夠換到香港往東南亞或東北亞單程經濟艙機票，如華航飛台北、嘉魯達印尼航空飛峇里島、肯亞航空飛曼谷、越南航空飛河內或胡志明市，都係需要1萬里啫，計落真係幾抵，雖然係單程，回程咪駁返廉航返香港，計落都有SO。可以用呢個計算器計下所需Miles。

官網寫推廣日期到12月31日，不過相信名額有限，訂晒就冇。目的地包括全球任何地區，沒有限制，但記住係連續住2晚。但留意只限會員首次預訂先有今次優惠，之前經PointsHound訂過嘅就冇啦。最後都係老規矩：訂房前請先比價。

訂購網址：flyingblue.pointshound.com（要經呢個網址先有10,000里）

（覺得抵可用Whatsapp同LINE Share俾朋友架）

大激賺！秒袋10,000里！PointsHound訂酒店2晚，即賺法航里數，送台北/曼谷/峇里島單程機票！