Staycation重點除咗食，另一個重要環節一定係浸浴啦～小編都成日收到inbox問邊間浴缸好，所以決定整個整合送俾大家！
奕居（The Upper House）
主打氣氛寧靜和諧，類近日式水療風格，以「家」為主題。最基本房型Studio 70已經有730呎咁大。無論係客房定係套房，喺浴室斜角位置都有一個獨立浴缸，加上兩塊面向海景或山景的落地大玻璃，景觀開揚，打卡度十足！浴缸以石灰岩設計，可以容納2人，而且有提供沐浴鹽、浮石及玫瑰花露
【預訂網址】https://flyagain.la/8ul4
香港文華東方酒店（Mandarin Oriental）
文華東方最受歡迎的賣點之一，就是潛藏在海景套房浴室中的豪華貴妃橢圓浴缸，配襯落地大玻璃外迷人的維港海景，極為夢幻！浸浴時睇住窗外的AIA摩天輪，氣氛浪漫，打卡一流。若果預算有限，普通房都會有靚雲石浴缸㗎！（圖中為海景套房）
【預訂網址】https://bit.ly/37HsjfL
香港瑰麗酒店（Rosewood Hong Kong）
Rosewood最大賣點一定係雲石浴室！透過採用大理石設計出的牆壁、洗手盆枱，以及黑白格子地磚，盡顯宮廷式的豪華氣派。浴缸放置浴室於中間、另外在旁設置的梳妝台、多面全身鏡、兩個手工銅質洗手盆以及一個雙人淋浴間，極盡奢華！浴室的大小和豪華程度會隨房型升級，部分浴室更會正對海景！
【預訂網址】https://flyagain.la/hazg
香港W酒店（W Hotel）
雖然W酒店唔係所有房型都包浴缸，但擁有浴缸嘅房型都好正！W酒店下的三種房 – Cool Corner Room（一層只有一間）、Marvelous Suite 及 Extreme WOW Suite都有對住落地大玻璃望維港海景的浴缸。除了可飽覽180度維港海景外，仲可以欣賞到西九龍的日落晚霞及對岸夜景，chill到爆！（圖中為Extreme WOW Suite）
【預訂網址】https://flyagain.la/hkjw
香港維港凱悅尚萃酒店（Hyatt Centric Victoria Harbour Hong Kong）
Hyatt Centric一向價錢都好親民，性價比超高，房間價格相宜之餘，所有房間均有海景。Hyatt Centric其中一個賣點是以雲石紋的大理石拼砌整個浴室，俾人煥然一新的感覺。此外，尊貴海景客房及所有套房均有同樣以雲石紋設計的大理石浴缸，望出窗外可飽覽迷人的無敵港景。此外，浴缸旁設有一個迷你電視機，除了欣賞風景，也可以睇電影及電視節目
【預訂網址】https://flyagain.la/hyct
香港美利酒店（The Murray Hong Kong）
由於美利酒店希望營造一種優雅的氣質，所以酒店喺浴室採用雲石設計。雲石主調配上金色的浴室用品設計，給人一種高貴的感覺。酒店N2或以上房型會附有一個橢圓形的浴缸，與浴室一樣以雲石配上金色浴室用品設計，為大家提供一個打卡熱點
【預訂網址】https://flyagain.la/w3du
香港愉景灣酒店（Auberge Discovery Bay）
愉景灣酒店的的一大特色就係富有外國感，四面環海的景觀令不少人認為彷如置身外地度假。海景房浴室配合海洋主題，以藍白為主色調，浴缸的採用香港罕有的日式風呂下沉式設計，四方形邊框配上不同程度的藍色磚塊、加上欣賞著外面的無邊際海景，體驗不一樣的浸浴感覺
【預訂網址】https://flyagain.la/dufq
香港瑞吉酒店（The St. Regis Hong Kong）
瑞吉酒店位處灣仔核心地段，一直以奢華古典作為主調。值得一提，St. Regis不同級數的房間都設有大橢圓雅緻浴缸，所以不論budget有限，定係想奢華享受，大家都可以一嚐浸浴滋味。酒店浴室以棕白紋雲石設計，配撘大橢圓磨砂浴缸，以及銅製沐浴器具，感觀一流，令人有超凡脱俗嘅感覺。除此之外，浴缸中間有條bar俾大家擺嘢，拎手機煲劇定帶嘢飲入去都得！而浴缸旁亦設有遙控電視，務求大家在浸浴的同時，亦可以得到娛樂資訊（圖中為Grand Deluxe Room）
【預訂網址】https://flyagain.la/hksr
香港海洋公園萬豪酒店（Hong Kong Ocean Park Marriott Hotel）
貴為海洋公園現時旗下唯一一間酒店，酒店設計專門為到訪樂園遊玩的遊客而設。酒店在保留萬豪富麗堂皇的同時，亦加入咗樂園對生態保育的理念，最能體驗的地方便是主題房／Club Room／套房的浴室設計。酒店浴室以竹林背景作為主題，在浴室中間放置了一個罕有嘅超大方形浴缸，浴缸之大足以同時容納一個大人同一個小朋友，所以都非常適合親子樂之用
【預訂網址】https://flyagain.la/hkopm
香港百樂酒店（Park Hotel Hong Kong）
想找一間性價比高又有浴缸的套房？百樂酒店會是你最好的選擇。酒店完成翻新冇耐，夠哂新淨，套房或以上級別均以雲石地板作主調，與牆身的灰黑色瓷磚互相反襯，盡顯北歐簡約風格。值得一提，每間套房均備有雅緻沉浸式浴缸，讓大家在煩忙的一日後，盡享浸浴的休閒～就算係平房部分都有普通浴缸㗎！
【預訂網址】https://flyagain.la/1d62
（覺得抵可Whatsapp同LINE Share俾朋友）
【整合】Staycation就是要浸浴！一文睇哂各大酒店靚靚打卡浴缸！附預訂網址！
留言