請即Like 又飛啦!Facebook Page
飛紐西蘭嘅優惠少之又少,咁啱紐西蘭航空75週年,推出奧克蘭平盤,來回$4,690起,連稅HK$5,535起,呢口價絕對抵買,趁紐西蘭仲係深秋至初冬時間,啱就即刻買!因為呢個優惠得150個,賣哂就冇!出發日期由5月19日至6月11日(需於6月16日前回程),Check過系統,依家仲有唔少供應,機票有效期1個月,最後出票日期為5月1日10:59am,啱就上官網買。
(覺得抵可用Whatsapp同LINE Share俾朋友架)
X
飛紐西蘭嘅優惠少之又少,咁啱紐西蘭航空75週年,推出奧克蘭平盤,來回$4,690起,連稅HK$5,535起,呢口價絕對抵買,趁紐西蘭仲係深秋至初冬時間,啱就即刻買!因為呢個優惠得150個,賣哂就冇!出發日期由5月19日至6月11日(需於6月16日前回程),Check過系統,依家仲有唔少供應,機票有效期1個月,最後出票日期為5月1日10:59am,啱就上官網買。
(覺得抵可用Whatsapp同LINE Share俾朋友架)
AirAsia呢輪興低調劈,今次受惠對象係澳門粉絲!其實出番之前隻盤。來回連稅計:吉隆坡MOP800起、曼谷MOP1,040起、清邁MOP1,416起,出發日期由依家到9月30日,勝在7月暑假有貨賣,當中以吉隆坡最抵買,曼谷都算OK Good(依家連泰微笑航空都同大家微住笑講拜拜,平飛又少一間),清邁睇您心水而已。Check過系統,因為翻推,所以供應冇上次咁多,但都唔算太難搵。以上價格不包行李寄艙及飛機餐,最後出票日期為5月3日。
(覺得抵可用Whatsapp同LINE Share俾朋友架)
國泰港龍fanfares嚟到第131週又嚟啦!記得今朝08:00開倉喎!自由揀日子估計為6月28日至7月18日,指定日子估計介乎5月1日至5日11日,今朝08:00去搶喇!
地點 淨機票 |連稅價(評語)
廈門 HK$490起 | HK$821起(諗嚟做乜)
西安 HK$890起 | HK$1,221起(要諗唔買)
上海 HK$990起 | HK$1,321起(您諗您喇)
吉隆坡 HK$990起 | HK$1,355起(無謂再諗)
胡志明市 HK$990起 | HK$1,373起(諗清諗楚)
雅加達 HK$1,390起 | HK$1,696起(諗唔到喇)
暹粒 HK$1,390起 | HK$1,800起(唔洗點諗)
福岡 HK$1,890起 | HK$2,169起(再諗就冇)
東京 HK$1,990起 | HK$2,376起(諗多賣哂)
珀斯 HK$2,390起 | HK$3,496起(我就唔諗)
奧克蘭 HK$4,690起 | HK$5,535起(唔諗即買)
以上只作參考用途,其他稅項及附加費或會有所變動。
國泰FanFares網址: www.cathaypacific.com
港龍FanFares網址: www.dragonair.com
相關文章:官方親自Share!國泰港龍fanfares至勁搶飛攻略!http://flyagain.la/?p=7434
(覺得抵可用Whatsapp同LINE Share俾朋友架)
想旺季坐各大廉航飛首爾?唔好發夢喇!不如睇睇埃塞俄比亞航空啦!來回HK$2,130起(連稅HK$2,547起),呢口價包哂飛機餐同30kg行李寄艙,仲可以坐全新787-8夢幻客機,如果係旺季出發確實抵玩!出發日期由依家至2016年3月22日,由暑假/聖誕/農曆新年大旺季到勞動/國慶/中秋等小旺季都仲有!舉例2016年2月6日(年廿八)出發2月9日返(年初二),唔駛請假玩4日。機票有效期為1年,可以上官網買。
航班時間(逢週二、四、六):
香港往首爾:ET608 14:25 / 19:30
首爾往香港:ET609 20:50 / 23:35
(覺得抵請記得按Like同Share俾朋友)
嚟到春夏,台中就成為大家嘅熱門地點,因為可以上埋清境睇花,親親大自然,想去嘅上Expedia睇港龍呢隻平套票啦!航班時間為午去午返,以4日3夜為例(日子冇定,只係舉例),每人來回機票 + 2至3星酒店 + 所有稅款大概HK$1,667起,加上供應期長,唔少weekend都有貨,睇睇酒店介紹啦:
1. 逢甲頑皮館(http://flyagain.la/xz41)4日3夜全包價每位HK$1,684起,屬於民宿類型,房間簡單、整潔,行5分鐘就到逢甲夜市,亦有洗衣機提供,啱哂筆直唔多嘅背包客;
2. 王冠大飯店(http://flyagain.la/hoe6)4日3夜全包價每位HK$1,719起,係正台中火車站正對面,交通絕對便利,如果想坐台鐵落埋嘉義或彰化玩都好方便,至於行去景點宮原眼科都係5分鐘;
3. 中港大飯店(http://flyagain.la/z8ko)4日3夜全包價每位HK$1,747起,呢口價已包早餐,而酒店行5分鐘就到一中街,仲可以免費租用腳踏車,到科博館或綠園道玩。
出發日期由依家至4月30日、5月3日至5月22日、5月25日至6月26日、6月29日至7月8日、8月24日至9月24日、9月27日至9月29日、10月3日至12月17日,最長可逗留7日6夜。仲有其他平房可以上番Expedia搵。此外,經Expedia買套票有樣好,可以免費Stay Behind:只要喺Search Engine度揀選”我只需要在部分旅程中入住酒店”,再揀埋需要住房嘅日子就掂,其他日子您住邊都得,勁有彈性。最後訂房日期為12月31日,即刻去發掘下其他筍套票啦~
(覺得抵可用Whatsapp同LINE Share俾朋友架)
澳門粉絲留意!虎航明日中午12點翻推澳門飛台灣優惠,價錢相若:飛台北/高雄單程淨機票HK$199起,來回連稅HK$613起,出發日期由6月1日至10月24日(今次無5月了),話暑假有,唔知係咪真有?聽日中午食晏時Look一Look先!以上格價不包飛機餐及行李寄艙。最後出票日期為4月30日23:59,啱就上虎航澳門版網站出票。
提提您:如果用虎航手機版(http://m.tigerair.com)網頁,俾錢時揀用‘au-issued master debit’,之後用您任何一張Master Card付款,就可以慳返每程HK$60(來回$110)預訂服務費。
每程寄倉行李收費(為折算港幣後大約價錢):
15kg – HK$99;20kg – HK$115。
航班時間表:
澳門->台北IT302 22:10-23:55 (二、三、五、六)、IT304 01:40-03:30 (每日)
台北->澳門IT301 14:50-16:35 (二、三、五、六)、IT303 21:30-23:20 (每日)
澳門->高雄 IT322 17:15 / 18:55(逢週二、三、五、六)
高雄->澳門 IT321 19:40 / 21:20(逢週二、三、五、六)
(覺得抵可用Whatsapp同LINE Share俾朋友架)
大家都知港航經濟艙一向甚平,但佢依家連商務艙都肯大割一番,有筆直朋友不妨趁機豪一豪佢,事關部份航點同日期比對手經濟艙差唔多價,識得揀梗係買商務艙:須2人同行,出發日期為5月2日至7月8日,來回台北每位HK$1,563起(連稅HK$1,904)、曼谷HK$2,932起(連稅HK$3,366)、沖繩HK$3,122起(連稅HK$3,453)、峇里島HK$4,683起(連稅HK$5,069)、札幌HK$7,047起(連稅HK$7,380)。以價論價,雖然台北機程短,但今次俾多HK$1,000就來回坐商務,加上航班任揀(可早去晚返),趁機試下港航兩地Lounge都Very Good;而沖繩最難得7月頭都仲有呢口價,當對手港龍經濟艙都做緊HK$2,990(未連稅)2人同行時,一睇就知邊間抵(去沖繩有2個半小時機程,可以歎耐啲)。至於曼谷同對手相若,峇里島都可以考慮,但沖繩略嫌貴少少。機票有效期7日,官網無售,請上Priceline訂。
提提您:2人同行機票必須同去同返,是旦一人上唔到機,另一位都冇得飛,買之前要留意。
(覺得抵可用Whatsapp同LINE Share俾朋友架)
HK Express今次改咗新玩法,嚟緊2個禮拜分階段出貨!今晚00:00先開倉賣2個航點,都係泰國:布吉及清邁,單程淨機票HK$88起,來回連稅HK$627起,出發日期為6月1日至2016年3月26日,有暑假份!布吉就衰在時間超差(夜去23:35,凌晨02:55返),而且剛過旺季,天氣未必咁好,所以先肯平。清邁都幾好(午去17:05,夜返19:30),呢口價無得輸!以上價格不包行李寄艙及飛機餐,今晚00:00上官網F5狂Search吧!最後訂票日期為4月28日。
寄艙行李費用:
清邁
20kg 每程$150,25kg 每程$200,30kg 每程$250
布吉
20kg 每程$200,25kg 每程$250,30kg 每程$300
HK Express網址:book.hkexpress.com
相關文章:必睇!香港快運訂票10大Q&A:http://flyagain.la/?p=9895
(覺得抵可用Whatsapp同LINE Share俾朋友架)
X