請即Like 又飛啦!Facebook Page
好多粉絲問台北幾時有暑假平飛?睇吓香港航空呢隻抵盤幫唔幫到您:來回HK$850起、連稅計HK$1,141起,仲包埋行李寄艙及飛機餐,出發日期由7月1日至8月31日,張飛嘅Class Code係W,用唔到「週末熱賣」折扣Code,不過暑假以呢口價飛台北都算吸引!Check過系統,供應足,但航班以夜去午返為主,機票有效期為7日,可上官網買飛。
(覺得抵可用Whatsapp同LINE Share俾朋友架)
X
好多粉絲問台北幾時有暑假平飛?睇吓香港航空呢隻抵盤幫唔幫到您:來回HK$850起、連稅計HK$1,141起,仲包埋行李寄艙及飛機餐,出發日期由7月1日至8月31日,張飛嘅Class Code係W,用唔到「週末熱賣」折扣Code,不過暑假以呢口價飛台北都算吸引!Check過系統,供應足,但航班以夜去午返為主,機票有效期為7日,可上官網買飛。
(覺得抵可用Whatsapp同LINE Share俾朋友架)
加航延績上期早餐盤,唔係最平,勝在連聖誕跨年旺季都有平:直航溫哥華HK$5,300起(連稅計HK$6,148起)、多倫多HK$6,100起(連稅計HK$6,994起),多倫多直航呢口價唔錯!另外轉機依舊有平,來回HK$4,290起,連稅計:邁阿密HK$5,391起、紐約HK$5,651起、波士頓HK$6,517起、維多利亞HK$6,578起、卡加利HK$6,707起。呢口價以邁阿密最抵玩,話哂飛老遠東岸兼可以OpenJaw,可以去完紐約Shopping再落邁阿密渡假。出發日期由依家至2016年2月22日(7月4至9月10日、12月14至12月23日、12月28至1月10日、1月29至2月21日除外),Check過系統,聖誕跨年都有平,舉例12月24日出發,1月6日回程,咁就可以慳番啲假啦!機票有效期1個月,4月30日前出票,啱就上ZUJI買。
(覺得抵可用Whatsapp同LINE Share俾朋友架)
卡塔爾航空延長上期優惠!大部份航點價錢再下一成(經多哈轉機),歐洲線方面,來回連稅計:阿姆斯特丹HK$4,373起、伊斯坦堡HK$4,383起、奧斯陸HK$4,495起、斯德哥爾摩HK$4,528起、蘇黎世HK$4,561起、米蘭HK$4,577起、巴黎HK$4,599起、羅馬HK$4,701起、慕尼黑HK$4,716起、布達佩斯HK$4,717起、巴塞隆拿HK$4,818起、威尼斯HK$4,819起、馬德里HK$4,854起、哥本哈根HK$4,880起、雅典HK$5,157起、曼徹斯特HK$5,223起、法蘭克福HK$5,354起、倫敦HK$5,572起。其中阿姆斯特丹為卡航於6月16日新開航線,用全新787-8夢幻客機執飛,想試新野可諗!至於以上各點嘅價格再平過上期,好有睇頭,一如以往,可以Open Jaw(請用Multi-City去Search)。另外,南美線都係卡航嘅一大賣點,來回連稅計:聖保羅HK$10,351起、布宜諾斯艾利斯HK$10,559起。快啲上官網盡情搜尋。出發日期由依家至12月10日。機票有效期為1個月,最後出票日期為5月7日。
(覺得抵可用Whatsapp同LINE Share俾朋友架)
皇家約旦航空有Last Minute正貨賣:出發日期由依家至5月31日,經安曼轉機(中間須停曼谷,但唔駛落機),好在係晚間飛(去程RJ183 21:35 / 11:35,回程RJ152 16:30/20:05),可以喺機上瞓覺,來回淨機票HK$3,612起,連稅計:伊斯坦堡HK$4,533起、日內瓦HK$4,604起、阿姆斯特丹HK$4,643起、馬德里HK$4,645起、蘇黎世HK$4,711起、羅馬HK$4,732起、巴黎HK$4,832起、維也納HK$4,926起、慕尼黑HK$4,988起、法蘭克福HK$5,116起、倫敦HK$5,702起,呢隻盤有兩大賣點:可以Open Jaw,玩完荷蘭再去法國先走;加多HK$500就可以揀Stopover 曼谷或者安曼一次,食個冬陰公先返香港啦!Check過系統,貨量充足,機票有效期1個月,最後訂票日期為5月31日,啱就上Zuji買。
(覺得抵可用Whatsapp同LINE Share俾朋友架)
中華航空呢個Weekend有好嘢益大家,今次優惠出發期至暑假頭,睇吓啱唔啱您心水。來回台北、高雄、台中或台南淨機票HK$600起,連稅HK$936起(唔過千!超抵啦!)出發日期由5月4日至5月21日、5月25日至7月8日。呢口價台北去程只可以坐中午2點半前或晚上8點半後嘅航班、其他無限制睇供應。依舊可以Open Jaw(回程可揀台北/高雄/台中/台南),機票有效期7日,最後訂飛日期為4月26日23:59。
提提您:1. 華航官網冇得訂不同城市往返機票,乘客須先訂好來回機票然後打去華到航熱線更改(2868 2299),華航官網已寫明”視乎機位供應情況”,要有心理準備到時未必改到心水航班。2. 回程能否改日子,要視乎您揀選航班之票價規定,詳情請參考”票價規則” -> “更多票價規則”內第22點,如沒有列明”不可改回程日子”,則可致電更改。
(覺得抵可用Whatsapp同LINE Share俾朋友架)
酷航又有平貨限時開劈,記住呢兩日要捕捉平飛喇!來回連稅計:新加坡HK$602起、黃金海岸HK$2,193起、澳洲珀斯HK$2,365起(已包去程Scoot-Thru轉機服務,酷航硬性規定,因為去程轉機時間太少)、悉尼HK$2,523起,今次呢口價比上期更抵,啱晒last minute嘅您!出發日期由依家到6月30日,6月前因為翻劈,貨量未必太多,要睇住喇!香港來回新加坡以及新加坡來回珀斯坐全新787夢幻客機。由於酷航係廉航,可以分開買單程,啱晒去Working Holiday/留學/探親朋友選購。以上價格不包行李寄艙同飛機餐,最後出票日期至4月25日11:00am。
提提您:
新加坡每程寄艙行李費:15kg HK$120、20kg HK$132
澳洲每程寄艙行李費:15kg HK$330、20kg HK$372
至於飛新加坡航班時間方面,早機出發,凌晨機返,一落機返工,慳返日假實行玩到盡!
去程:TZ221 07:10 – 10:50
回程:TZ220 01:50 – 05:40
(覺得抵可用Whatsapp同LINE Share俾朋友架)
上次介紹咗由倫敦出發嘅超抵盤,依家到香港出發都有優惠:來回淨機票HK$4,830起,連稅計:直航倫敦HK$6,686起,經倫敦轉飛鴨巴甸(或譯作亞伯丁)及愛丁堡HK$6,964起,出發日期由5月2日至6月17日,雖然呢口價唔算好平,但始終英國旺季,加上直航都叫OK啦!呢張飛可以OpenJaw,舉例倫敦入,愛丁堡走,來回連稅HK$6,701起,咁就可以不走回頭路!Check過系統,平飛數量足,機票有效期60日,啱就上官網買。
(覺得抵可用Whatsapp同LINE Share俾朋友架)
X