飛歐洲成十幾個鐘機，如果有筆直，或者一家大細/扶老攜幼/蜜月旅行，值得俾多啲坐好啲！小小編發掘到一個平坐特選經濟艙（Premium Economy，簡稱PEY）嘅組合！是咁的：坐國泰由曼谷出發飛香港，之後就坐英航香港直航來回倫敦，或轉飛其他歐洲城市，返港後再坐國泰單程飛台北，最少四程PEY，合計連稅HK$11,035起！以官網計就咁香港來回倫敦嘅PEY都要成一萬一千蚊，依家搵到呢個組合平啲之餘，仲前後各加送一程曼谷返港，同埋香港飛台灣，都係PEY喎，真係抵到爛。

而且兩次經停香港都可作中停，即係話由曼谷返港，同飛台灣之前都可停留香港一段時間，唔駛連住飛，變相拆成三個Trip。舉例出年1月1日曼谷飛香港、3月19日香港飛倫敦、4月18日倫敦飛香港、5月13日香港飛台北，都只係HK$11,333起。亞洲城市除咗曼谷出發，仲可揀吉隆坡、新加坡、珀斯、首爾等，歐洲目的地包括巴黎、阿姆斯特丹、米蘭、羅馬、法蘭克福、慕尼黑等等，基本上英航歐洲航點都組合到，大家可到Expedia香港，用多個目的地功能慢慢試。提提你：歐洲內陸航段不設PEY。

仲有最正之處係賺里數，呢套飛香港-亞洲Class Code係E、香港-倫敦Class Code係T，都可以儲到Asia Miles或者Avios，以儲Avios計呢套飛可賺約14,200里，即刻換到來回台灣或越南嘅經濟艙機票，或者儲多少少，就換到濟州或沖繩啦！係咪好毒呢？

提提您：第一段外地返香港必須要飛，一旦No Show，其後行程均會被航空公司取消，敬請留意！

【出發日期】即日起至12月8日、12月29日至2017年3月29日、4月17日至5月31日（旺季除外）
【機票有效期】12個月
【最後出票日期】11月30日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

超抵玩！坐四程特選經濟PEY！國泰曼谷返港+英航來回歐洲+單程飛台北，連稅$11,035起，儲Miles賺埋台/越機票！

今個冬天想去韓國？韓亞有首爾優惠呀！香港來回韓國首爾HK$1,850（連稅HK$2,270）起，價錢都唔錯，如果訂夠2張用獨家折扣碼「GOFA100OCT」可減HK$100，折扣每張機票HK$2,220起。韓亞係傳統航空，價錢已包行李同飛機餐，而且仲有凌晨機去晚機返，玩盡每一日。而最大賣點係機票有效期超長，舉例出年1月18日出發，可以10月18日回程都搵到，特別啱想長留韓國，要留學或Working Holiday嘅朋友仔，呢張飛真係啱晒。官網較貴，有興趣可到Hutchgo訂票。

【出發日期】2017年1月17至21日、2月21日至25日
【機票有效期】1年（系統最遠買到出年10月中回程）
【最後出票日期】12月8日或售完即止

【訂購網址】www.hutchgo.com.hk（獨家優惠碼「GOFA100OCT」，每訂單未連稅滿HK$2,500可減HK$100）
【預訂教學】http://flyagain.la/33982

（覺得抵可用Whatsapp同LINE Share俾朋友架）

超長停留期！韓亞罕有優惠：香港來回首爾$1,775起，2017年2月25日前出發

抵抵抵！連稅2千8飛瑞典，追完極光仲可以玩埋東南亞或者首爾，泰歐兼玩，或者韓歐兼玩，超正喎！事源卡塔爾航空推出歐洲優惠，香港經多哈來回瑞典斯德哥爾摩連稅HK$3,740起。小小編發現原來回程唔飛香港，改飛其他亞洲城市，連稅竟然平近一千蚊！舉例香港飛斯德哥爾摩，回程由斯德哥爾摩飛曼谷，連稅只需HK$2,852起，價錢超抵，回程亦有其他城市揀，例如：新加坡HK$3,000起、吉隆坡HK$3,020起、首爾HK3,098起。飛其他歐洲城市都有，例如香港飛米蘭，回程飛曼谷，連稅HK$3,204起，有興趣可以到Expedia香港，用多個目的地功能自行組合。

【出發日期】12月1日至2017年6月28日（旺季除外）
【機票有效期】2個月
【最後出票日期】11月28日或售完即止

【訂購網址】www.expedia.com.hk
【預訂教學】http://flyagain.la/31983
【又飛啦製作搭乘報告】（波音787-8夢幻客機之旅，經濟艙）http://flyagain.la/h8rc

（覺得抵可用Whatsapp同LINE Share俾朋友架）

平平平！連稅2千8飛歐洲！仲有韓歐兼玩！卡塔爾航空香港飛瑞典，回程飛東南亞或首爾，連稅$2,852起！2017年6月底前出發