又有越南平飛，又係佢哋呀：越捷航空嘅0蚊機票！自從公布12月9日起開航後，越捷第四次推出0蚊票促銷，本周三（11月16日）香港時間下午1點至3點開始，連續3天，每日限賣2小時：香港來回越南胡志明市機票0蚊，來回連稅約HK$420起，另加HK$80信用卡手續費只需HK$500起，價錢都真係幾抵呀！出發日期由12月9日開航日開始，至明年12月31日。不過係咪真係有咁遠期嘅機票，小小編有少少懷疑，到時開賣留意一下。

根據第一次開搶經驗，旺季日子都有少量平價，3月底或之後係首次開賣，可以留意復活節有冇機會平。另外單程同樣有優惠，可以配合埋其他航空公司（例如HK Express飛峴港、芽莊或Jetstar飛河內），就可自制Openjaw啦。以上價格未包行李及飛機餐，20kg行李費用每程約HK$131。

航班時間：
VJ877 香港－胡志明市 19:20-21:05
VJ876 胡志明市－香港 14:35-18:20

【出發日期】12月9日至2017年12月31日
【機票有效期】不限
【訂票日期】11月16日至11月18日每日1pm-3pm或售完即止

【訂購網址】vietjetair.com

（覺得抵可用Whatsapp同LINE Share俾朋友架）

搶0蚊機票！周三1pm開搶：越捷航空來回胡志明市$420起！2017年12月31日前出發

正正正！想去探索伊朗？又有個超筍優惠介紹返，小小編見到呢個價都真係超心動呀！泰國航空推出優惠：香港經曼谷來回伊朗德黑蘭只需HK$3,114（連稅HK$3,424）起。雖然依家都有得揀坐Airasia，但泰航呢口價已包晒行李同飛機餐，兼且泰航質素有保證，唔駛揀廉航啦。經曼谷轉機時間都唔算長，仲有一大賣點係可以去程或回程時中停曼谷一次，做夠SPA或者按摩先走，玩埋真係抵晒！暫見平飛都算易搵，橫跨旺季都有。今次做到呢口價，有心去嘅絕對值得入手，去勇闖呢個既神秘又吸引嘅地方！

旺季參考日子：
聖誕：12月20日出發、27日回程
元旦：12月31日出發、1月5/7/8日回程
農曆新年：1月20日出發、2月7日回程
復活節：4月11日出發、4月18日回程
勞動節+佛誕：4月29日去、5月7日回程

至於伊朗點解咁有吸引力，全因夠晒神秘感，啱晒有冒險精神嘅背包客，其實佢唔係想像中咁神秘咁得人驚驚，當地著名景點包括國家博物館、巴列維皇宮建築群、尼雅瓦朗皇宮建築群、德黑蘭現代藝術博物館等。而且當地有地鐵，交通都算方便，去當地旅遊其實都安全無咩大問題。如果想去又想搵伴，試吓加入「又飛啦旅人團」搵旅伴。

另外提番大家簽證，前往伊朗嘅BNO持有人，必須到領事館辦理簽証，文件要求較多，收費約HK$900；所以建議使用特區護照入境，可於抵達後申請落地簽証（約HK$630），最長停留期7天，不過由於有唔成功例子，所以建議都係先到領事館辦理，收費約HK$800，可逗留14天。不過如果護照內印有以色列嘅簽證或蓋章，入境伊朗係違法架！至於，美國護照持有人簽証或入境都有一定困難，所以用邊本護照自己諗清楚。簽證資料以領事館公布為準。查詢：2845-8002；地址：灣仔港灣道6號瑞安中心2418室。

至於想訂中停曼谷，方法好簡單，首先搵咗就咁來回德黑蘭有平嘅日子先，例如17年4月29日去、5月6日返，抄低呢個日子，再用多個目的地功能分三段Search，舉例輸入A. 香港-德黑蘭（4月29日），B. 德黑蘭-曼谷（5月6日） C. 曼谷-香港（5月8日），連稅HK$4,070起，用多個目的地Search。[曼谷往返德黑蘭逢週二、四、六、日有航班]

【出發日期】即日起至12月21日、12月26日至2017年1月25日、1月31日至4月11日、4月16日至7月6日、8月24日至9月30日
【機票有效期】3個月
【最後訂票日期】12月31日或售完即止

【訂購網址】www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

超正冷門盤！泰航香港來回伊朗德黑蘭$3,114起，一雞兩味兼玩曼谷，2017年9月前出發

國泰呢個英國返港優惠真係好抵，仲要賣嚟賣去都咁平！快啲通知您外國親友叫佢訂飛返嚟啦：英國直航來回香港只需HK$2,201起，連稅計：倫敦出發HK$3,653起、曼徹斯特出發HK$3,959起。記住係直航往返，堅係抵價！倫敦出發仲可揀Gatwick格域機場或Heathrow希斯路機場出發，飛格域嘅航線將會用到A350飛行！機票有效期3個月，探親夠用。Check過官網較貴，建議大家可上Ctrip出票。

【出發日期】11月1日至12月7日、12月29日至2017年3月31日、4月17日至5月31日
【機票有效期】3個月
【最後訂票日期】11月30日或售完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

又嚟！國泰勁抵返港優惠！倫敦/曼徹斯特直航來回香港連稅$3,653起，2017年5月31日前出發

之前介紹過隻虎航新加坡優惠好平下！如果習慣坐傳統航空，又想歎星級服務質素？可以睇睇新加坡航空優惠：香港來回新加坡機票HK$1,299（連稅HK$1,701）起。價錢唔算係震撼平，但都係可入手價，今次賣到出年6月底都有，而且新航質素數一數二正，以包埋行李寄艙+飛機餐+機上娛樂，真係有得諗。你仲可揀坐空中巨無霸A380（去程SQ863 14:25-18:20；回程SQ860 08:25-12:25），未坐過真係要試一試。

橫跨復活節可揀4月11日去、4月18日返；勞動節可以4月29日去、5月3日返（請1放5）；端午節可揀5月27日去、30日返；另外，國泰都做緊新加坡優惠，比新航平少少，暑假都有，不妨比較埋：http://flyagain.la/44472。

【出發日期】即日起至12月19日、2017年1月1日至1月24日、2月3日至4月11日、4月17日至6月30日
【機票有效期】10日
【最後出票日期】11月14日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

歎星級航空！勞動節請1放5！新加坡航空來回新加坡$1,299起，2017年6月30日前出發

嘩！發現瘋平價套票：只需四百蚊！已經買到「機+酒」去東南亞啦，真心平！事源Airasia聽日會開賣Big Sale，香港飛沙巴，或澳門飛曼谷，有0蚊機票搶！不過重點係Expedia早一日優先開搶套票，即時開賣！小小編搵到3日2夜澳門飛曼谷套票，2人同行每位連稅HK$409起（以17年7月3日出發，入住古勒瓦特蓋特曼谷酒店為例），抵到爛！香港出發雖然唔係0蚊機票，但套票都唔駛HK$700！

既然都要訂酒店，又有得優先訂，唔怕第日唔知醒，冇理由分開機票同酒店訂啦，小小編今次介紹幾間曼谷酒店俾大家參考：

曼谷：素坤逸麗亭酒店，澳門出發（http://flyagain.la/9l2f），3日2夜連稅每位HK$707起；香港出發，（http://flyagain.la/w5c1），3日2夜連稅每位HK$1,001起，距離BTS NANA站約10分鐘，賣點絕對是位置一流，對面就是NANA商場同唔少地道食肆，行15分鐘亦可到Terminal 21；

曼谷：曼谷是隆中央酒店，澳門出發（http://flyagain.la/ga3r），3日2夜連稅每位HK$779起；香港出發，（http://flyagain.la/1dnf），3日2夜連稅每位HK$1,072起，呢間四星酒店位置便利，鄰近地鐵站及碼頭，水陸兩路往返各區也很方便。酒店屬家庭式，備有睡房、客廳、廚房及洗衣機等等，面積亦見寛趟，適合一家大細出遊入住；

仲有其他酒店選擇可上番Expedia搵，套票唔一定係3日2夜，日子同旅程長短都可自己更改。呢個優惠集中5月1日或之後。提提大家：此票價係不包行李寄艙同飛機餐，如果想加購行李，可以訂購後上返Airasia官網訂。此外，經Expedia買套票有樣好，可以免費Stay Behind：只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。亦可以去Expedia發掘下清邁、曼谷、吉隆坡、布吉嘅筍套票啦～

【出發日期】2017年2月1日至9月30日（旺季除外）
【最後訂購日期】11月20日或售完即止

【訂購網址】
（曼谷，香港出發）www.expedia.com.hk
（曼谷，澳門出發）www.expedia.com.hk

（覺得抵可用Whatsapp同LINE Share俾朋友架）

必搶！喪平東南亞！Airasia曼谷3日2夜套票連稅$409起，香港/澳門出發！2017年9月30日前出發

通常Last Minute都好難搵到平飛，如果係飛加拿大就更係少見啦！國泰推出11至12月出發優惠，真係即買即走咁濟：香港直航來回溫哥華/多倫多HK$4,033起，連稅計：溫哥華HK$4,589起、多倫多HK$5,636起。以國泰計都好少賣得咁平啦。而且已包2件23kg行李寄艙，探親實用。不過有平日子所餘冇幾，大家可到官網搵咗有平日子先，再去Ctrip訂要慳返幾百㗎！

【出發日期】即日起至12月13日
【機票有效期】1個月
【最後訂票日期】11月14日或售完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

即買即走！Last Minute直航筍價！國泰香港來回溫哥華/多倫多$4,033起，12月13日前出發

呢兩日除咗光棍節多咗好多機票優惠之外，仲有好多歐美系航空抽美國大選水，侵侵贏埋，水塘都乾晒啦！中國東航仲推出美國出發嘅單程優惠，唔知係咪有咁啱得咁橋呢？應該唔係嘅，除非係。由美國洛杉磯出發，經上海飛香港單程HK$860（連稅HK$1,793）起。真係未見過有咁平，出發日子包括出年1月至5月，農曆新年返嚟都有平，如果有需要嘅，例如返港探親、工幹、留學畢業等等，都實在值得入手。

其實呢個優惠應該11月頭就有，係咁啱嘅啫。

重要提示：旅客需持有逗留香港的資格或有香港居留權方可購買此單程機票，如未能出示回程或後續機票，航空公司有權不讓旅客上機。

【出發日期】2017年1月10日至5月11日
【機票有效期】沒有
【最後出票日期】11月30日或售完即止

【訂購網址】www.expedia.com.hk
【預訂教學】http://flyagain.la/31983
【Class Code】Q Class (可累積30%東方萬里行)

（覺得抵可用Whatsapp同LINE Share俾朋友架）

侵侵效應？中國東航神價格！美國洛杉磯出發，單程飛香港$860起！2017年5月11日前出發

一講非洲就諗到機票好貴？絕對唔係囉，小小編今次介紹呢個非洲小島塞舌爾嘅優惠真係正呀！用咗折扣碼後，香港經阿布扎比來回塞舌爾只需HK$2,890（連稅HK$3,706）起。3千7蚊真係好抵下，塞舌爾呢個地方全年都適合玩水，擁有陽光海灘，兼係渡假天堂，連英國皇室威廉王子同凱蒂都曾經響樹度蜜月，就知喺正啦！有興趣去返個小島Honeymoon，真係咪錯過啦！

【折扣碼】STFECO（記住Search之前入Code，見到有星號即係有用到折扣，折扣碼不一定適用所有日子，搵唔到就轉日子試試）

【出發日期】11月1日至12月18日、12月25日至2017年1月19日、2月1日至6月22日
【機票有效期】3個月（最遲6月30日完成旅程）
【最後訂票日期】11月14日或售完即止

【訂購網址】www.etihad.com
【預訂教學】http://flyagain.la/35306

【又飛啦製作搭乘報告】http://flyagain.la/ey-flight-report

（覺得抵可用Whatsapp同LINE Share俾朋友架）

超平！蜜月旅行！英國皇室都去！阿提哈德航空香港來回非洲塞舌爾$2,890起，2017年6月22日前出發