今次介紹個酒店優惠！萬豪酒店集團（Marriott）推出新會員尊享優惠！即日起至5月17日登記及透過官網訂房並分別入住佢旗下酒店兩次，就可獲得一張免費住宿券，可以喺佢旗下Category 1 至 5中任揀（入住有效期為發出換房券起一年）。Category 1-5的酒店可參考此名單：www.marriott.com.cn/rewards

要留意返「兩次住宿」係以次數為單位，就算連續住多晚都只係當住宿一次計，而兩次住宿冇限制必需同一酒店，好簡單咁計：只要入住佢最平嘅酒店類別（例如Category 1或2），然後換佢免費住一晚中檔酒店（即係Category 4或5，Category 4例子有香港沙田萬怡酒店）就會係最抵，海外酒店都得，例如Category 5嘅台北六福萬怡酒店 Courtyard by Marriott Taipei、曼谷 Renaissance Ratchaprasong Hotel等。

申請萬豪酒店會員計劃（Marriott Rewards）係免費嘅，大家只要去以下網址完成登記：www.joinmarriottrewards.com，完成登記後依電郵指示開通帳戶後，即可開始訂房。

（覺得抵可用Whatsapp同LINE Share俾朋友架）

抵！萬豪酒店，迎新尊享！新會員即享住2次，送1晚！5月17日前適用

未諗到暑假去邊度？不如去吓啲冷門地方，例如俄羅斯海參崴(符拉迪沃斯托克)！俄羅斯航空香港直航海參崴HK$1,556（連稅HK$1,838）起，最正係呢個優惠連暑假都有，7至8月去當地氣候係平均攝氏20度咁上下，真係最適合避暑。

海參崴呢個地方雖然位處遠東地區，呢度係俄羅斯遠東地區最大城市，更係著名西伯利亞鐵路的終點站，到處充滿濃烈嘅俄羅斯氣息，亦瀰漫東歐風情。而因為海參崴近海，海產特別豐富，好多地方都有海鮮食。香港直航去都係四個幾鐘，近近地體驗一吓東方俄式風情都唔錯！提提大家，呢個優惠只限逢週四出發及回程，而呢條線實際係俄航子公司Aurora Airlines飛行。

【出發日期】4月20日至10月19日
【機票有效期】165日
【最後出票日期】2月28日或售完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

暑假冷盤！俄羅斯航空香港直飛海參崴來回$1,609起，10月19日前出發

嗚呀！萬二蚊就可以坐商務飛歐洲，今次唔駛東京出發，係香港來回都咁平！之前介紹過阿提哈德嘅經濟艙優惠（詳情：http://flyagain.la/47263），其實今期PROMO最正係坐商務艙呀！香港出發經阿布扎比來回歐洲，只需HK$13,080（連稅HK$13,732）起。如果有銀聯信用卡，Search前輸入折扣Code「UNIONPAYHK」，票價有大約9折，折後最平HK$12,472起，抵呀（用銀聯Code只適用於6月30日或之前回程及不能使用Multi-cities）！

正路香港飛歐洲，坐商務平極都萬六七蚊以上，今次大劈價減到萬二蚊真係平！慳咗嘅錢又夠買張歐洲機票啦！優惠航點包括（以使用折扣碼後來回連稅計）：威尼斯HK$12,472起、馬德里HK$12,490起、米蘭HK$12,502起、柏林HK$12,801起、蘇黎世HK$12,967起、羅馬HK$13,129起、巴黎HK$13,471起、布魯塞爾HK$14,126起、曼徹斯特HK$14,276起、慕尼黑HK$14,478起、維也納HK$14,759起、倫敦HK$14,945起。（航點眾多，未能盡錄）

機票亦可Openjaw（不同城市往返），用Multi-city功能Search，不過就唔可以用到銀聯嘅9折優惠。有興趣可到官網出票。記得Search前入Code，見到有星號即係有用到折扣Code啊。

【出發日期】2月23日至7月10日、8月21日至9月22日、10月2日至12月10日（旺季除外）
【機票有效期】1個月
【最後訂票日期】1月22日或售完即止

【訂購網址】www.etihad.com
【預訂教學】http://flyagain.la/35306

（覺得抵可用Whatsapp同LINE Share俾朋友架）

勁減！萬二蚊巨抵價！阿提哈德商務艙香港來回歐洲各地，連稅低至$12,472起！12月10日前出發

不得了！暑假旺季去歐洲都有爆平機票！又係捷特航空，真係要把握機會啦！香港經印度來回歐洲只需HK$3,220起，連稅計：阿姆斯特丹HK$3,715起、巴黎HK$3,990起、倫敦HK$4,754起，當中最大賣點一定係暑假出發都有，比其他轉機盤平成千幾蚊，就算坐俄航都要5千幾，所以呢口價一睇就知爆抵！捷特大家可能少聽，不過質素唔錯㗎，可以參考我哋製作嘅搭乘報告：http://flyagain.la/7d83。

呢張飛仲可以Openjaw，不過航點選擇較少，想去歐洲其他國家可能要自坐火車喇。呢隻飛俾多幾百可中停孟買/德里（轉機唔駛簽證，入境就要），有興趣去印度同歐洲一雞兩味嘅，可以考慮下，如果一個人去，就唔好喇。

想訂中停孟買？
1. 先Search到香港至歐洲有平飛的日子（例如7月27日去、8月10日返），抄底呢個日子；
2. 用多個目的地功能Search，輸入三段航程：A. 香港-阿姆斯特丹、B.阿姆斯特丹-孟買、C.孟買-香港；舉例7月27日飛阿姆斯特丹，8月10日阿姆斯特丹往孟買，8月15日回程，連稅HK$4,279起。

【出發日期】即日至11月30日
【機票有效期】1個月
【最後訂票日期】1月24日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

暑假出發！超平歐洲盤！捷特航空香港來回歐洲$3,220起，11月30日前出發

一起森巴舞！有平機票飛巴西啦，想出走南美仲等？阿提哈德航空推出南美減價：香港經阿布扎比來回巴西聖保羅HK$6,090（連稅HK$6,786）起，上星期卡塔爾出嘅巴西優惠都要8千幾，今次呢張飛平多千幾蚊，真係超心動！加上唔駛經美國轉機，免卻要拎美簽嘅麻煩，轉機只需一次，加上航空公司有質素，絕對正呀！只可惜出發日子比較「忟水」，睇睇以下日子啱唔啱啦。

【有平日子參考】
去程：2月23,26,27日、3月5,6,7,8,9,13,14,15,16,19,20日
回程：2月26,27,28日、3月1,2,5,6,7,8,9,12,13,14,15,16,19,20,21,22,23

【出發日期】2月23日至3月20日
【機票有效期】1個月
【最後訂票日期】1月22日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

平到跳森巴舞！阿提哈德航空香港來回巴西聖保羅$6,090起，2-3月出發

復活節去邊抵？美國有平機票！質素一流嘅新加坡航空做緊優惠：香港直航來回美國三藩市只需HK$4,203（連稅HK$5,024）起，5千蚊直航價都OK，最正係復活節出發都有就好難得（去程可選4月12/13/14日，回程可選20/23/24日）！新航好少旺季都有平㗎。再加上直航往返，慳到時間之餘，仲可歎新航星級服務，計番呢個價十分OK！不過尋日報過加拿大航空都有隻超級優惠（http://flyagain.la/47397），睇大家想追求平定想歎星級質素。今次優惠只限3天，有買襯手。

【出發日期】2月3日至6月30日
【機票有效期】14日
【最後訂票日期】1月22日或售完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

星級直航！復活節出發！新加坡航空香港來回美國三藩市$4,203起，6月30日前出發

澳洲航空推出優惠，真係轉個頭咋！國泰就即刻跟住減！香港直航來回澳洲HK$3,878起，連稅計：布里斯本HK$4,852起、悉尼HK$4,890起、墨爾本HK$4,912起。價錢都算吸引，最正係暑假都有呀！不過講明澳航平幾百（詳情：http://flyagain.la/47391），大家可以睇航班時間同喜好決定。機票可以Openjaw（不同城市往返），用多個目的地功能Search。Check過系統，供應尚算充足，官網較貴，大家可上Hutchgo出票。

【出發日期】2月13日至6月30日、8月7日至10月31日
【機票有效期】1個月
【最後訂票日期】2月28日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可用Whatsapp同LINE Share俾朋友架）

嘩！國泰還擊啦！香港直航來回澳洲悉尼/墨爾本/布里斯本$3,878起，10月31日前出發

嘩！近排真係成日有2千蚊飛美國！又嚟啦！達美航空日本東京來回美國只係20,000円/約HK$1,352起，連稅30,320円/約HK$2,049起，暫時見達拉斯、波士頓、邁阿密、聖地牙哥尚有呢口價，真係平到唔識講，就算加埋東京機票，都抵玩，當順道玩埋日本就真係一流。呢口價分分鐘冇㗎啦，大家可以用Google Flight搵搵，再經其提供嘅訂購網址去官網訂購（就咁去官網係搵唔到㗎）。

【出發日期】即日起至5月31日
【機票有效期】1個月
【最後訂票日期】售完即止

【訂購網址】www.delta.com（要用Google Flight去搵，呢個優惠要由日本出發）
【Class Code】V Class

（覺得抵可用Whatsapp同LINE Share俾朋友架）

又嚟！2千蚊逼人飛美國！達美航空東京來回達拉斯$1,352起！5月31日前出發