嘩！超平飛北海道，仲可一雞兩味玩埋台北，真心覺正呀！酷航推出優惠：台北來回札幌只需TWD3,796（約HK$972）起，連稅及手續費TWD5,056（約HK$1,295）起。雖然香港直飛札幌都唔係話太貴，但依家千三蚊飛北海道，加埋香港飛台北來回千二蚊，總價2千5蚊，仲可以自制停留台北，一次玩盡台灣+日本呀！

不過出發日子得一日，但正值北海道櫻花季，有機會睇到櫻花㗎！仲有呀，酷航係用波音787夢幻客機飛呢條線，夠晒正。

【出發日期】
4月25日去、4月29日返
4月25日去、5月2日返
【訂票日期】售完即止

【訂購網址】flyscoot.com
【Flyagain搭乘報告】787-9夢幻客機的ScootBiz（http://flyagain.la/djhv）及經濟位（http://flyagain.la/wq9d）。

（覺得抵可Whatsapp同LINE Share俾朋友）

即搶！札幌賞櫻！酷航台北來回札幌$972起！一雞兩味玩埋台北！4月指定日子出發

萬眾期待，名古屋LEGOLAND 4月1日開幕啦！等小小編即刻介紹返個名古屋優惠先！依家坐ANA全日空來回名古屋只需HK$2,260（連稅HK$2,650）起！呢口價坐5星級航空ANA真係勁抵，服務質素無庸置疑，飛機餐又好食，坐過一定讚不絕口呀！每位乘客有46kg行李寄艙配額，唔怕爆喼呀！

名古屋LEGOLAND七大園區各有睇頭，包括有：旋轉LEGO馬、Bricktopia、噴火龍過山車、海盜船等等，仲有由Lego砌成嘅「世界之窗」，小朋友可以玩餐飽，大人影相都影餐飽呀～由名古屋去Legoland交通都好方便，坐LEGOLAND Train最快18分鐘就由名古屋站到達金城埠頭站，一落車就見，唔怕盪失路。

機票預訂日期：即日起至4月17日
出發日期：4月3日至7月6日（部份日子除外）
【訂購】flights.wingontravel.com
——————————————————————

想去東京？嚟緊去「富士芝櫻祭」真係啱晒時候呀！今年預定會喺4月15日至5月28日於富士本栖湖會場舉行，喺正富士山下面，超廣闊嘅芝櫻舖滿地，背後就有富士山襯托，簡直就係絕景呀！記住呀，係期間限定㗎！依家坐香港航空來回東京機票HK$1,880（連稅HK$2,273）起！

機票預訂日期：即日起至12月31日
出發日期：4月1日至12月25日（部份日子除外）
【訂購】flights.wingontravel.com
——————————————————————

同場加映多張北海道機票！直飛札幌，全年都咁抵！香港航空來回札幌只需HK$3,090（連稅HK$3,372）起，呢張機票出發日期由4月到12月都有，想去賞花又得，想去玩雪都有，一於夏季同冬季都去一次啦。

機票預訂日期：即日起至12月31日
出發日期：4月1日至12月25日（部份日子除外）
【訂購】flights.wingontravel.com
——————————————————————

想再平啲？以上機票仲可用永安旅遊手機APP訂購優惠，3月31日前會員用APP預訂，訂滿 HK$1,500可減HK$100，即時慳更多，速訂！

（覺得抵可Whatsapp同LINE Share俾朋友）

最新！平飛名古屋新LEGOLAND朝聖！仲有東京睇芝櫻！ANA全日空來回機票$2,160起

正正正！一家大細暑假去旅行想住豪啲？咁就要早啲安排啦！新航假期推出咗新加坡暑假抵玩套票：入住五星級酒店，以2成人+2小童為例，4人同行包新加坡航空香港來回新加坡機票連2晚酒店，平均每人都係$2,373（連稅$2,803）起咋！記住係暑假旺季喎，夠晒超值！

知道大家花多眼亂啦，以下有3間5星級酒店推介：
1. Swissotel the Stamford（新加坡史丹福瑞士酒店），位於新加坡市中心， 連接Raffles City購物商場及City Hall地鐵站去唔同景點夠晒方便。客房內設有迷你吧，酒店有SPA、泳池、健身中心等，設施齊全；2大 2小平均每位HK$2,373（連稅HK$2,803）起。

2. Marina Mandarin（濱華大酒店），鄰近濱海廣場及地鐵站，交通方便。房間有免費WIFI及handy智能電話4G服務，酒店裝潢奢華高檔，內設健身中心、泳池及SPA設施；2大2小平 均每位HK$2,547（連稅HK$2,977）起。

3. Ritz Carlton Millenia（新加坡麗思卡爾頓酒店），網上評價極高，位於新加坡精華地段，飽覽濱海灣美景，更有著名La Mer spa 及米芝蓮食府，鄰近摩天輪、濱海灣花園等。Ritz Carlton為全球連鎖酒店品牌，質素絕對有保證；2大2小平均每位HK$2,860（連稅HK$3,290）起。

訂購套票同時，每位加HK$348（成人）、HK$257（ 小童）即可加購全新「獅城探索通」，呢張卡包括20個熱門景點門票例如濱海灣花園、摩天觀景輪、新加坡動物園等， 仲可於牛車水享用美食，新航觀光巴士無限任搭，只限新加坡航空乘客加購。

以上酒店係精選推介，新航假期有多間酒店選擇，可以慢慢發掘，3 日2夜只係舉例，套票日子可長可短，亦可以免費Stay Behind，行程搜尋時唔剔”預訂全程酒店”就可以揀其中幾晚 入住，其餘日子就自行安排啦。新航服務有保證，包齊行李寄艙、 飛機餐、機上娛樂、飛行哩數等，一家大細出遊， 梗係新加坡航空啦。

【訂購日期】即日起至2017年4月30日
【出發日期】2017年7月1日至8月31日

【訂購網址】book.sia-holidays.com

（覺得抵可Whatsapp同LINE Share俾朋友）

暑假豪住抵玩套票！一家大細遊獅城！入住五星級酒店，新航新加坡3天套票$2,373起！

以為北海道冬天先好玩？其實，夏天嘅北海道都絕對，絕對，絕對，唔可以錯過！每年北海道嘅夏天都有靚到爆燈嘅絕景花海、七彩花田，每年都吸引好多好多遊客慕名欣賞。

北海道著名嘅賞花地方包括富良野、美瑛。當中位於美瑛嘅「展望花圃四季彩之丘」更係唔少人必到嘅Check point之一，擁有佔地廣闊嘅花田，根據季節有不同嘅花朵綻放，如鬱金香、薰衣草、向日葵、罌粟、牽牛花等等，成為七彩繽紛嘅花地毯。

「夏北海道」必見！絕景超美花海：四季彩之丘！想免費租車自駕？即睇！

除咗賞花之外，四季彩之丘就有飼養可愛嘅「草泥馬」，亦即係羊駝，平時工作壓力咁大，見到七彩嘅花海同可愛嘅小動物，身處花海入面，感覺亦難以形容，真係好治癒呀～

更重要嘅係四季彩之丘竟然係免費入場！！！超難得！

四季彩之丘
地址：北海道上川郡美瑛町新星第三
營業時間：8:30~18:00
網址：http://www.shikisainooka.jp/tc/
到達方式：JR富良野線美馬牛站徒歩25分／JR富良野線美瑛站開車12分

富良野、美瑛等地區佔地遼闊，而且公共交通就唔係太方便。例如想去四季彩之丘，由JR富良野線美馬牛站落車都要徒歩25分先到，所以想去多啲地方？自駕遊就最適合。依家Hisgo做緊個Promotion，只要訂購日本各地飛東北海道機場嘅內陸套票，或者東北海道飛日本各地嘅內陸套票，即送免費租車12小時（即日還車），相等於HK$1,900租車折扣，慳唔少交通費，又慳到時間！

指定「道東」機場包括：旭川、紋別、帶廣、女滿別、釧路、中標津機場，只要其中一程係由以上機場出發，或者飛抵以上機場，就可以享用呢個優惠啦。舉例東京來回旭川，包ANA來回內陸機機票+1晚住宿連稅HK$1,489起。呢個套票可以Openjaw，例如去程由札幌飛網走(女滿別)，由旭川返東京都得，都可享受到租車優惠，彈性極大！

【出發日期】即日起至12月12日
【訂購日期】即日起至4月2日
【訂購網址】www.hisgo.com.hk

（覺得抵可Whatsapp同LINE Share俾朋友）

小小編個個禮拜都好期待新加坡航空嘅「iLoveSQ」，因為期期都有筍嘢賣！今晚（3月30日0:00）起會有悉尼、珀斯同印尼日惹嘅優惠！憑東亞銀行信用卡會有每張機票高達HK$600折扣，真係抵到飛起！

2人同行香港經新加坡轉機來回澳洲悉尼每位只需HK$500！連稅HK$3,131起。另外印尼日惹HK$850（連稅HK$1,776）起、澳洲珀斯HK$1,250（連稅HK$3,780）起，三個iLoveSQ航點真係勁平！悉尼絕對係近期超低位，平到難以置信，唔諗即入手！另外日惹呢個冷門航點小小編勁推薦，可以睇世界兩大文化遺產–婆羅浮屠(Borobudur) 同普南巴蘭(Prambanan)，仲可以參觀歷史悠久嘅日惹皇宮，感受獨特嘅風土人情。

價錢咁平仲已包埋寄艙行李+飛機餐+機上娛樂，仲有得儲飛行哩數！優惠喺3月30日00:00開賣，記住人數要揀2人或以上先有優惠呀！

東亞銀行信用卡優惠折扣代碼：ILOVESQBEA（需使用東亞銀行信用卡付款）

【出發日期】
5月1日至5月31日（悉尼/珀斯）
4月23日至5月28日（日惹）
【機票有效期】5至21日（悉尼）、4日至1個月（珀斯）、3至10日（日惹）
【訂票日期】3月30日00:00至3月31日23:59

【訂購網址】www.singaporeair.com/ilovesqc
【Class Code】K Class

（覺得抵可Whatsapp同LINE Share俾朋友）

狂搶！$500飛悉尼真心平！新加坡航空 iLoveSQ x 東亞銀行信用卡：來回悉尼$500、日惹$850、珀斯$1,250起

正正正！3千幾4千蚊飛歐洲又嚟啦！連好耐冇報過嘅華航都有減價！

中華航空推出歐洲優惠：香港經台北來回奧地利維也納只需HK$3,103（連稅HK$3,881）起。以價論價真係勁吸引呀，加上跨年期間都有平，去外國感受新年氣氛最好不過啦！可惜華航其他歐洲航點就冇咁平。而且呢張飛可以中停台灣，順道玩埋台灣真係抵呀！仲有呀，華航飛歐洲仲有機會坐到新引入嘅A350新機㗎。

想訂中停台灣？方法好簡單！首先就咁搵咗香港至歐洲有平日子先，例如12月27日去、2018年1月11日返，抄底呢個日子，再用「多個目的地」Search，舉例：a. 12月27日香港-維也納 b.1月11日維也納丹-台北，c. 1月14日台北-香港，來回連稅HK$4,170起。除咗台北，亦可揀台中/高雄/台南返香港。

【出發日期】9月4日至12月30日
【機票有效期】1個月
【最後訂票日期】5月30日或售完即止

【訂購網址】www.hutchgo.com.hk
【預訂教學】https://flyagain.la/33982

（覺得抵可Whatsapp同LINE Share俾朋友）

平呀！跨年玩齊歐洲+台灣！華航香港來回維也納$3,103起，12月30日前出發

多謝網友漏夜報料，原來埃塞俄比亞航空官網有一隻超平飛，平到得人驚，要深夜急報（怕好快就冇）：曼谷來回多倫多連稅THB25,275（HK$5,700）起，係。坐。商。務。呀！同一條路線經濟客位來回連稅都要THB40,000以上，賣大包咁奇怪？啱心水又大無畏嘅粉絲不妨即去官網搶票（至於香港曼谷段，建議等一段日子先補購，反正大把平機票唔好急）！

子艙位係D，最著數係將里數儲入ANA計劃，雖然只計125%，但已可夠里數換領一張香港<->日本機票，張飛點都值HK$2,000掛？

小小編建議大家俾多THB1,200（HK$270），揀彈性夠大嘅CLOUD 9 DELUXE，唔好揀CLOUD 9 RESTRICTED，他日改票都容易啲。

出發日期由即日起到明年2月中都有（正確啲講，官網有咩日子賣都有呢口價），重點係暑假都有（一樣價錢）！當然首搶暑假啦！

提提您：
1. 去程需要喺埃塞俄比亞首都阿迪斯阿貝巴轉機，然後喺愛爾蘭都伯林停一停再飛多倫多，所以來回時間勁長
2. 去程逢週一／三／五，回程逢週二／四／六
3. 所有航程均乘搭787夢幻客機，詳情可參考「又飛啦！」親身直擊：埃塞俄比亞航空 B787-8客機之旅 （商務客位）

【出發日期】即日起至2018年2月
【最後訂票日期】售完即止
【機票有效期】1年
【機票子艙位】D
【訂購網址】 www.ethiopianairlines.com

（覺得抵可Whatsapp同LINE Share俾朋友）

急報！即搶超平商務！埃塞俄比亞航空曼谷來回多倫多連稅$5,700起，暑假都有！仲送日本機票！

成日都有咁多歐洲平機票，想用飛機接駁唔同城市？要睇睇呢個歐洲內陸機Promo呀！

西班牙廉航Vueling（伏林航空）推出歐洲內陸線限時優惠：各城市互飛單程連稅只係€14.99起，折合約HK$126起，來往歐洲各主要城市都有，例如巴塞隆拿、倫敦、曼徹斯特、巴黎、伯明翰、米蘭、里斯本、蘇黎世、阿姆斯特丹等，如早前計劃飛歐洲，想玩多點或者要接駁Open Jaw（不同城市往返）機票，記得Check下您個期有冇平呀。

部分特價航點如下（單程連稅）：
巴塞隆拿-伯明翰 €14.99
巴塞隆拿-倫敦 €19.99
巴塞隆拿-日內瓦 €19.99
里斯本-巴黎 €19.99
巴塞隆拿-里昂 €24.99
巴塞隆拿-曼徹斯特 €24.99
阿姆斯特丹-倫敦 €24.99
米蘭-阿姆斯特丹 €24.99
米蘭-巴黎 €24.99
米蘭-巴塞隆拿 €29.99
里斯本-巴塞隆拿 €29.99
里斯本-蘇黎世 €29.99
伯明翰-馬拉加 €29.99
倫敦-巴塞隆拿 €29.99
倫敦-巴黎 €29.99
巴塞隆拿-巴黎 €29.99

只列部分，其餘航線可到官網搵搵有冇平價機票。以上各價不包飛機餐及行李寄艙（如需行李寄艙，可選Optima票價，包選位及1件23kg行李寄艙配額）。

【出發日期】4月19日至6月21日
【機票有效期】不限
【最後訂票日期】4月1日香港時間6am或訂完即止
【訂購網址】www.vueling.com

【相關文章】沒有搭過Vueling航空？可以參考我們的乘搭報告：http://flyagain.la/vuel

（覺得抵可Whatsapp同LINE Share俾朋友）

歐遊必Check！勁平坐飛機！Vueling歐洲內陸機單程連稅€14.99/約$126起，6月21日前出發