又減啦又減啦！港航啱啱先話完咗Megasale冇耐，又有沖繩爆平價！今次仲減到出年2月出發添：來回機票只需HK$920（連稅HK$1,244）起，千二有仲要包行李，真係超平，簡直樂桃都要行埋一邊呀。今次優惠仲涵蓋到出年2月出發，1月底至2月係沖繩櫻花期，可以先睹為快賞櫻花！

HK$1,244嘅平飛日子已經幫大家搵咗，可參考以下去Search，加HK$100-200就多好多日子揀。手快有，手慢冇呀～

【平飛日子參考】
去程：10月24,25,30,31日、11月1,6,7,8,13,14,15,20,21,22,26,27,28,29,30日、12月3,4,5,6,7,10,11,12,13,14日、1月3,4,7,8,9,10,11,15,16,17,18,21,22,23,24,25,28,29,30,31日、2月1,4,5,6,7,8日
回程：10月31日、11月1,3,7,8,10,14,15,17,21,22,23,24,28,29,30日、12月1,2,5,6,7,9,12,13,14,15,16,19,20日、1月5,6,9,10,11,13,16,17,19,20,23,24,25,26,27,30,31日、2月12,3,6,7,8,9,10,13,14,15日

【出發日期】10月至出年2月指定日子
【機票有效期】7日
【訂票日期】售完即止

【訂購網址】 www.hongkongairlines.com

【預訂教學】https://flyagain.la/34422

（覺得抵可Whatsapp同LINE Share俾朋友）

勁正！爆平沖繩賞櫻！港航來回機票+20kg行李$920起！10-2月指定日子出發

飛台北有唔少人都會揀長榮航空，又平又正之餘，話哂仲係Skytrax 5星航空！依家做緊個優惠，坐長榮飛台北連稅每位千一多啲，只需比多少少就可以住多3晚喇！以12月10日去、13日回程，入住貝殼窩青年旅舍為例，每位最平連稅HK$1,375起，真係相當抵玩呀！長榮仲包30KG寄艙行李，去台北掃貨就啱哂喇！

以上價格以最平住宿為例，台北仲有好多其他酒店選擇㗎，小小編搵多兩間精選酒店俾大家參考：

台北日記旅店 – 台北車站新館，4日3夜全包價每位HK$1,748起，鄰近台北車站，搭機捷往返機場，或者捷運、客運、台鐵、高鐵去唔同地方都夠方便。呢個價已包早餐；

德立莊酒店，4日3夜全包價每位HK$2,009起），酒店位於西門町附近，捷運站出口行一陣就到！落去西門町食嘢同Shopping都Easy啦。價錢同樣已包早餐；

3日/4日只屬舉例，日子可長可短，其他平價套票可上ZUJI慢慢搵。搜尋方法：
1. 先就咁搵咗香港飛台北有平機票嘅日子先
2. 抄底呢個日子，再去「套票」嘅頁面用同一日子去Search

此外，經ZUJI買套票有樣好，可以免費Stay Behind：只要剔選”我想搜尋其他酒店入住日期”，再揀埋需要住房嘅日子就掂，其他日子您住邊都得，勁有彈性。

【出發日期】8月24日至9月28日、10月1日至12月20日（旺季除外）
【最後訂購日期】售完即止
【訂購網址】www.zuji.com.hk

（覺得抵可Whatsapp同LINE Share俾朋友）

抵玩喎！長榮航空台北4日3夜套票連稅只需$1,375起！12月20日前出發

嘩！勁出奇！農曆年初一飛美國都有平飛！仲係坐新加坡航空，直飛三藩市，唔駛捱貴飛！質素一流嘅新加坡航空做緊優惠：香港直航來回美國三藩市HK$4,025（連稅HK$4,841）起，雖然唔係爆平價，但係5千有找，可以享受新航星級質素直飛美國，仲要農曆年期間都有得平，真係絕對OK！以出年年初一（2月16日）出發，初十（2月25日）回程為例，同一日子平過國泰4千蚊，一睇就知平啦！

【出發日期】9月1日至10月31日、2018年1月1日至3月31日
【機票有效期】1個月
【最後訂票日期】8月15日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

初一出發都有！勁歎高質直航！新加坡航空香港來回三藩市$4,025起，出年3月31日前出發

暑假想搵平飛？不如睇睇馬拉啦！

國泰港龍有馬拉平機票，香港直航來回吉隆坡/檳城HK$1,314起，連稅計：吉隆坡HK$1,710起、檳城HK$1,865起。呢口價如果平日出發就比較一般，但講緊暑假出發都係呢口價就唔同講法啦！話晒係國泰，價錢已包30kg行李同飛機餐，都算值得入手啦！價啱就上Hutchgo訂飛啦！

【平飛日子參考】（以檳城為例）
去程：7月18,19,25,26,27,30日、8月1,2,3,6,7,8,9,10,12,13,14,15,20日
回程：7月20,21,22,23,25,26,27,28,29日、8月1,2,3,4,5,8,9,10,12,13,15,17,18,21,22,23日

【出發日期】即日起至8月24日
【機票有效期】7日
【最後訂票日期】售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

暑假馬拉GO！國泰港龍航空香港來回吉隆坡/檳城$1,314起，包30kg行李，8月24日前出發

都有一排冇介紹長途商務平機票啦！今次暑假飛歐洲有個抵玩推介！坐芬蘭航空香港經赫爾辛基來回荷蘭阿姆斯特丹HK$14,870（連稅HK$16,493）起，價錢唔錯！最正係小小編發現：原來歐洲回港後，再訂多程國泰飛曼谷（都係商務艙），價錢更低至HK$15,840起！價錢平咗$653，仲多一程國泰飛曼谷？即係呢程曼谷business係送俾您咁濟，好抵喎喂！

芬蘭航空仲有一大賣點，佢經赫爾辛基轉機可以中停一次，玩埋真係抵晒！舉例7月31日香港飛阿姆斯特丹、8月6日阿姆斯特丹飛赫爾辛基、8月9日赫爾辛基直飛香港，8月11日香港飛曼谷，連稅HK$16,045起。建議大家就咁搵咗香港來回赫爾辛基有平日子先，抄底呢個日子，再用多個目的地好似上面例子咁Search。

呢套飛可以中停香港，隔一段時間先飛，只要1個月飛埋曼谷呢程就得！之後再補多張曼谷返港嘅單程機票，可以拆成兩個Trip，一次飛歐洲，一次玩曼谷啦！

最後講埋里數方面，機票Class Code係 I，全程可儲125% Asia Miles或Avios Miles，大約有15,800里，儲落Avios已經換到一套經濟艙香港來回曼谷/濟州/沖繩啦，係咪好抵呢？

【出發日期】7月10日至8月31日
【機票有效期】1個月（最遲9月30日完成旅程）
【最後訂票日期】7月16日或賣完即止

【訂購網址】www.expedia.com.hk
【預訂教學】https://flyagain.la/31983
【Class Code】I Class

（覺得抵可Whatsapp同LINE Share俾朋友）

嘩！商務平到您唔信！暑假爆筍飛：芬蘭航空香港來回歐洲+國泰單程曼谷，連稅$15,840起！再賺里數免費飛沖繩！8月31日前出發

唔少人對冷門國家旅遊情有獨鍾，尼泊爾+印度又係咪您杯茶？坐捷特航空香港來回加德滿都HK$2,400（連稅HK$2,791）起。價錢唔錯，平過直飛勁多！捷特係經孟買或德里轉機，可中停印度（要補返機場稅），玩埋就真係抵晒，不過最好就有伴先好去印度啦！

尼泊爾逢每年10月到翌年5月係行山季節，最受歡迎嘅登山路線就係潘恩山（PoonHill），可以欣賞日出同埋喜馬拉雅山景色。 除咗行山，仲可以去參觀古色古香嘅寺廟，遊走舊城區，踏上朝聖之旅，仲可坐飛機欣賞壯觀嘅喜馬拉亞山。動態活動方面可以行山觀日、玩滑翔傘、漂流等，如果覺得太過冷門？不如入「又飛啦旅人團」搵旅伴喇！

如果想中停印度，方法好簡單：
先搵香港來回加德滿都有平日子，例如11月7日去、14日返，連稅HK$2,791起，抄底呢個日子，再用多個目的地Search。舉例11月4日香港飛德里、11月7日德里飛加德滿都、11月14日加德滿都飛香港，連稅HK$3,250起（如下圖）。而且來回都可中停，再舉例11月4日香港飛德里、11月7日德里飛加德滿都、11月14日加德滿都飛孟買、11月18日孟買飛香港，連稅HK$3,865起。

價錢已包30kg行李寄艙同飛機餐，捷特航空唔差㗎，可睇吓我哋製作嘅搭乘報告：http://flyagain.la/7d83，好過大陸航空經內地轉啦。

提提大家：經印度轉機唔入境係不用簽證，但如果想入境印度，持特區護照或BNO都要申請，可經網上辦理，詳情：https://indianvisaonline.gov.in/visa/tvoa.html。

【出發日期】即日起至12月15日
【機票有效期】2個月
【最後訂票日期】7月25日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

抵呀！冷門尼泊爾優惠：捷特航空來回加德滿都$2,400起，可中停德里/孟買！12月15日前出發

嘩嘩嘩！國泰歐洲出發好平呀！除咗澳洲返港，仲有歐洲返港倒頭機票益大家！快啲叫身邊嘅歐洲朋友訂平機票返港啦！國泰推出優惠：瑞典斯德哥爾摩經倫敦來回香港只需HK$2,120（連稅HK$3,552）起，約為€398，價錢幾抵！商務艙仲筍，來回機票HK$13,770（連稅HK$15,222）起，約為€1,707起，嘩！4程商務喎，抵爆啦，國泰倫敦<->香港商務平時賣成2萬幾㗎！而且小小編搵過農曆新年都有平，例如可揀出年2月14/15日出發、22/23/26/27日回程。

可惜從其他歐洲城市出發就冇呢口價喇。講埋賺里數先，經濟艙Class Code係S，可儲25%Asia Miles或Avios，商務艙係I，全程可儲125%Miles，商務嚟講飛一轉即賺17,000里有多，夠晒So！快啲通知親友訂飛返香港走轉喇。

提提大家：
1. 瑞典<->倫敦係由英航飛行，唔係每班機均設商務艙配置，要按入航班詳情睇睇係咪商務艙，否則訂咗經濟艙就唔抵啦。
2. 呢張飛由瑞典出發，瑞典飛倫敦係一定要飛，唔可以中途由倫敦上機㗎。

【出發日期】8月18日至12月9日、2018年1月1日至4月30日（系統最遠訂到5月底回程）
【機票有效期】3個月
【最後出票日期】8月31日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

農曆年有呀！歐洲返港超平！英航+國泰斯德哥爾摩來回香港，經濟艙$2,120、商務$13,770起！出年4月30日前出發

正喎！想買英國機票留意啦！維珍航空突然推出限時優惠，只限5日！香港直航來回英國倫敦只需HK$3,590（連稅HK$5,051）起，直飛倫敦都只係僅僅5千多少少，都算平啦，同轉機價唔差得幾多！今次連特級經濟艙都減，來回機票HK$9,390（連稅HK$11,228）起，價錢都算唔錯。優惠限賣至7月11日咋，快啲決定啦！

【出發日期】10月2日至12月8日、2018年1月14日至2月7日、3月1日至3月22日
【機票有效期】2個月
【最後訂票日期】7月11日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

限時劈！$3,590直飛英國！維珍航空直航來回倫敦連稅$5,051起！出年3月22日前出發