有冇人要台灣返港嘅單程飛呀？係嘅就睇睇喇，港航呢張飛抵呀！

坐香港航空由台北返港單程HK$390（連稅HK$587）起！傳統航空單程甚少減價，連稅唔駛6百蚊都幾罕見，話哂都包咗20kg寄艙行李！部分日子仲有得揀坐港航全新引進A350客機（HX253 12:15-14:15、HX283 20:50-22:55）。出發日子只限9月25日至10月3日。只限台北飛香港單程飛有平，不妨可以自制Openjaw，去程配合HK Express飛台中或花蓮！

註：機型以航空公司最終公佈為準。

【出發日期】9月25至10月3日
【最後訂票日期】售完即止

【訂購網址】www.hongkongairlines.com

【預訂教學】https://flyagain.la/34422

（覺得抵可Whatsapp同LINE Share俾朋友）

嘩！超平台北返港！仲可坐新機A350！港航台北返港單程$390起，9月25至10月3日出發

嘩！英航頭等平到痴線，有今生冇來世，雖然由英國出發，但都一定要報俾大家！英國航空推出爆平頭等平機票：由倫敦直飛香港，回程坐國泰港龍航空由香港飛北京，再坐英航頭等艙由北京飛倫敦，合共3程機，連稅只需£2,126.77起（折合約HK$21,545），2萬1左右坐長途頭等真！心！超！平！坐國泰商務都未必得！英航倫敦<->香港可坐A380空中巨無霸，而北京<->倫敦就可坐787夢幻客機，可以體驗晒2個機型嘅頭等！里數方面，齋計2程長途已經賺到2萬7千幾Avios，夠您飛換國泰飛台北3次，一睇就知勁筍！如果有英國親友想返香港？快啲Share呢個優惠俾佢哋啦！

港澳粉絲想用？都得！可以用里數Redeem一套香港來回倫敦機票包住呢套飛，或者等下之後有冇倫敦優惠囉！

£2,126.77呢口價只限出年2月16-20日出發，其餘日子會貴少少，大約£2,276 .77起，即折合約HK$23,066起，價錢都係超抵範圍，正路呢套飛賣到4-5萬蚊㗎。官網都冇平，大家可以用google flight用月曆方式搜尋有平日子，再去英國版 Expedia訂購。

【出發日期】即日起至2018年2月28日
【機票有效期】12個月
【最後訂票日期】賣完即止

【訂購網址】www.expedia.co.uk
【Class Code】A Class

（覺得抵可Whatsapp同LINE Share俾朋友）

初一都有！坐頭等返港拜年！英航破天荒暴平價：頭等艙倫敦來回香港連稅$21,545起！賺里數=送3套台灣機票！出年2月28日前出發

嘩嘩嘩！有大草原、有騎馬、有得住蒙古包，去觀日睇星星……今次介紹邊度？介紹個勁冷門嘅內蒙古平機票啦！早兩三年港航仲有條直飛呼和浩特嘅航線，雖然直航就Cut咗，但依家轉機去都係好平咋：坐香港航空+海南航空香港經北京來回內蒙古呼和浩特HK$1,060（連稅HK$1,540）起，價錢好抵，又唔駛上深圳或廣州飛！出發日期係9-10月，當地氣候相對溫和，係最佳旅遊季節！一於就去個夠另類，又與別不同嘅地方！

p.s.優惠唔可以中停北京。

【平飛日子參考】
9月6日-9月13日
9月11日-9月19日
9月11日-9月18日
9月12日-9月19日
9月12日-9月20日
9月13日-9月20日
9月14日-9月20日
10月4日-10月10日
10月4日-10月11日
10月4日-10月13日
10月12日-10月20日
10月13日-10月20日
10月16日-10月23日
或更多……

【出發日期】9-10月指定日子
【最後訂票日期】售完即止

【訂購網址】www.expedia.com.hk
【預訂教學】https://flyagain.la/31983

（覺得抵可Whatsapp同LINE Share俾朋友）

夠另類！睇大草原，住蒙古包！港航+海航香港來回內蒙古呼和浩特$1,060起！9-10月出發

嘩！嘩！嘩！勁平坐商務飛歐洲，再歎多程商務飛曼谷，再賺埋日本機票？都只係HK$16,134咋，實在太筍啦！「港歐泰」爆平商務組合又嚟啦，玩法係：坐芬蘭航空香港經赫爾辛基來回歐洲，返港後再坐國泰香港單程飛曼谷，合共坐足5程商務，成套飛價錢只係HK$16,134起咋！

就咁計香港來回歐洲坐商務呢口價都抵啦！依家仲有多一程國泰飛曼谷喎，即係呢程曼谷business係送俾您咁濟啦，抵呀喂！呢口價以香港來回巴塞隆拿為例，歐洲航點選擇眾多，包括：馬德里HK$16,186起、布拉格HK$16,315起、阿姆斯特丹HK$17,172起、斯德哥爾摩HK$17,256起等等。

芬蘭航空仲有一大賣點，佢經赫爾辛基轉機可以中停玩多幾日，一票玩歐洲兩地！舉例11月26日香港飛巴塞隆拿、12月3日巴塞隆拿飛赫爾辛基、12月7日赫爾辛基直飛香港，12月8日香港飛曼谷，連稅HK$16,223起。大家可以用多個目的地功能，喺Expedia香港網站嘗試組合，試過第三程飛曼谷揀到聖誕節出發都得㗎（如下圖）！

呢套飛返港後可以中停一段時間先再飛曼谷，只要成套飛1個月內完成就得！之後再補多張曼谷返港嘅單程機票，就可以拆成兩個Trip，一次飛歐洲，一次玩曼谷啦！

最後講埋里數方面，機票Class Code係 I，全程可儲125% Asia Miles或Avios Miles，舉最平嘅巴塞隆拿為例子，成套飛可儲到約17,500里，儲落Avios已經換到一套經濟艙香港來回曼谷/濟州/沖繩啦，係咪好抵呢？

【出發日期】9月1日至11月29日
【機票有效期】1個月（最遲12月28日完成旅程）
【最後訂票日期】9月21日或賣完即止

【訂購網址】www.expedia.com.hk
【預訂教學】https://flyagain.la/31983
【Class Code】I Class

（覺得抵可Whatsapp同LINE Share俾朋友）

爆筍！「港歐泰」商務大平劈：芬蘭航空香港來回歐洲+國泰單程曼谷，連稅$16,134起！賺里數免費飛沖繩！11月29日前出發

不得了！不得了！今年暑假啱啱完，出年暑假嘅平機票就已經出爐啦！埃塞俄比亞航空嘅平機票已經賣到出年7月底，正正連暑假旺季都有！香港來回東京成田只需HK$1,750（連稅HK$1,980）起。呢口價就算平日出發都唔算貴，埃航係傳統航空，每位旅客都有超大嘅寄艙行李配額（23kg x 2件），可以坐波音787夢幻客機，仲有飛機餐食，最正係暑假出發都包，性價比極高！

Check過系統，暑假平飛數量尚算充足，現時系統最遠可買到出年7月27日出發、7月29日回程，如果想買8月份出發，就要等多一兩個禮拜啦。留意返埃航香港飛東京逢週三、五、日有航班。

【出發日期】即日起至2018年7月27日（旺季除外）
【機票有效期】一年
【最後訂票日期】售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

買定暑假平飛啦！46kg超大行李！埃塞俄比亞航空香港來回東京$1,750起！出年7月底前出發

嘩！大韓飛韓國又大減價啦！首爾同釜山連稅劈到唔駛2千蚊！快搶啦！

依家坐大韓航空香港來回首爾/釜山只需HK$1,460起，連稅計：首爾HK$1,911起、釜山HK$1,916起，坐大韓跌穿2千蚊算係超平，平過國泰唔少，航班可揀凌晨機去晚機返，玩盡每一日！票價包23kg行李寄艙同飛機餐，唔駛額外俾一筆，佢嘅韓式拌飯飛機餐超出名，未試過就一定要試下。呢張飛仲可Openjaw（不同城市往返），舉例釜山入、首爾走（用多個目的地Search），都係HK$1,916起，一次玩晒兩大城市！今次優惠只限11月出發咋，最遠可揀11月30日去、12月31日返，平機票尚算充足，有興趣就上expedia香港訂票。

【出發日期】11月1日至11月30日
【機票有效期】1個月
【訂票日期】9月30日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

連稅千9咋！大韓瘋減靚價，來回首爾/釜山劈至$1,460起！Openjaw都得！11月30日前出發

俄羅斯被稱為「戰鬥民族」，大家有冇諗過去呢個地方「朝聖」？俄羅斯航空推出莫斯科平飛啦！香港直航來回莫斯科HK$3,000（連稅HK$3,353）起，價錢好吸引，記住係直航呀！唔係貴過轉機好多，梗係俾多少少直飛慳時間啦！

出發日子去到出年5月底，Check過系統，平飛唔難搵，好多日子都有平，橫跨復活節都有，可揀出年3月28/29日出發、4月4/5/6日或之後回程。

優惠可以Openjaw，例如莫斯科入、聖彼德堡走，連稅HK$3,583起，用「多個目的地」功能Search，咁就可以一次過玩盡俄國兩大城市啦！

俄羅斯全年最凍嘅月份就係12月至2月，如果太怕凍就避開呢幾個月去啦。

【出發日期】10月31日至2018年5月31日（旺季除外）
【機票有效期】165日
【最後訂票日期】9月30日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

勇闖戰鬥民族！直飛俄羅斯！俄航香港來回莫斯科$3,000起！出年5月31日前出發