想飛日本又想玩埋台灣？絕對要睇呢隻一雞兩味！

中華航空推出日本優惠，香港經台北來回沖繩只需HK$1,700起，連稅計：沖繩HK$2,025起！齋See個價唔覺好平，但話呢個盤係台日同遊。華航呢個價包齊30KG寄艙行李同飛機餐啦，最正比多幾百蚊仲可以中停台北，咁就可以一邊享受台北嘅美食，一邊歎沖繩嘅陽光與海灘！其他日本地方好似東京、大阪、廣島、高松等等都有優惠，不過今次有效期得七日，時間都幾趕，所以就唔推介喇！

提提您：想訂中停台灣？方法好簡單，首先搵咗來回香港至日本有平飛的日子先（例如11月20日至11月25日返），抄底呢個日子，再用Multi-city/stopover（多個目的地/中途停留）功能搜尋，舉例輸入11月20日由香港-沖繩；11月24日沖繩-台北；11月25台北-香港，連稅HK$2,355起。不過今次平飛停留期只有7日，即最長可Stay 8日7夜咋。

【出發日期】即日起至12月22日、12月26日至31日
【機票有效期】7日
【最後訂票日期】售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

一雞兩味！台日同遊！中華航空來回台北+沖繩$1,700起！包30kg行李！12月31日前出發

前幾日介紹過國泰航空依家做緊曼谷優惠，來回連稅連稅HK$1,896起！原來如果以套票方式喺Expedia訂，包來回機票連3晚住宿，都只係賣緊HK$1,963起？比多幾十蚊就包埋住宿？實在太正啦！

呢口價就揀最平住宿做例子（11月13日出發、11月16日回程，3晚入住「半人馬旅館」），Expedia仲有好多酒店選擇，好似以下呢兩間性價比高，好抵玩：

素坤逸路 107 號提歐里酒店，4日3夜連稅每位HK$2,292起，酒店設施完善，環境清幽，而且距離機場也近，適合想快閃曼谷或需要搭晚機到、早機番的旅客入住。

華馬利沃特爾酒店，4日3夜連稅每位HK$2,463起，酒店位於曼谷市中心，距離購物中心The Mall Bangkapi不到15分鐘的路程。酒店設施新淨，床位又夠大，適合家庭出遊入住。

仲有其他酒店選擇可上番Expedia搵，4日3夜只係舉例，日子同旅程長短都可自己更改，最長可Stay 8日7夜。雖然國泰套票比其他航空公司較貴，但國泰最正係橫跨Weekend都有平飛，例如「四去日返」、「五去一返」、「六去二返」都有，啱晒週末快閃！

套票搜尋方法：
1. 先搜尋香港至曼谷的淨機票
2. 搵到有此價後，抄底相同日子再去主頁用「機票+酒店」搜尋。
3. 選擇酒店及房型後，再選擇國泰航空航班；

此外，經Expedia買套票有樣好，可以免費Stay Behind：只要剔選”我只有部分日期需要入住酒店”，再揀埋需要住房嘅日子就搞掂，其他日子您住邊都得，勁有彈性。提返大家，經Expedia訂仲可以填表登記拎返HK$150香港機場現金券（按此）！即刻去搶平套票！

【出發日期】即日起至9月28日、10月9日至12月19日、12月29日至31日
【機票有效期】7日
【最後訂票日期】售完即止
【訂購網址】www.expedia.com.hk

（覺得抵可Whatsapp同LINE Share俾朋友）

泰神價！比多幾十蚊有三晚住宿！國泰曼谷4日3夜套票，連稅$1,963起！12月31日前出發

嘩！平平平！港航每兩周推出一次嘅Flash Sale又嚟啦！今期有沖繩、東京、峇厘，台北就有商務艙優惠！今晚（9月25日0:00）起開賣：香港來回沖繩HK$891（連稅HK$1,216）起、來回東京HK$1,032（連稅HK$1,470）起、峇厘HK$2,520（連稅HK$2,893）起、台北商務艙HK$1,600（連稅HK$2,055）起。今次優惠只係比港航平時嘅優惠平咗少少，不過好難得嘅係峇厘終於平咗啲，想去峇里嘅朋友不妨留意吓，台北商務有機會坐到佢哋嘅新機A350，有興趣就約定朋友今晚12點起搶飛！

【出發日期】
（沖繩）10月8日起至10月27日
（東京）10月8日至11月15日
（台北）10月12日至12月15日
（峇里）10月16日至12月7日

【訂票日期】9月25日0:00至9月27日23:59或售完即止

【搶購網址】 www.hongkongairlines.com

【預訂教學】https://flyagain.la/34422

（覺得抵可Whatsapp同LINE Share俾朋友）

今晚0:00港航Flash Sale開搶：來回沖繩$890起、東京$1,030起、峇里$2,520起、台北商務艙$1,600起！12月15日前出發

飛日本想平有大把廉航，但又怕Delay勁，又驚cancel番唔到屋企，再想歎番星級質素？又想要有46kg寄艙行李買爆篋？就梗係ANA全日空啦！

佢哋嘅日本優惠終於出到出年3月底啦，香港來回名古屋或大阪連稅HK$2,594起（詳情：https://flyagain.la/57136），價錢好抵，但原來最平只需加HK$326，即包埋3晚住宿，除返開，一百蚊左右就住到晚，係平時酒店出名貴嘅日本喎，抵呀！

以大阪4日3夜套票最平連稅每位只係HK$2,920起（以出年3月12日去、3月15日回程，入住日出週末酒店為例），而名古屋4日3夜每位連稅只需HK$3,084起（以出年3月12日去、3月15日回程，入住名古屋站芥末青年旅舍為例），抵過拆開訂！

雖然平就一定唔夠廉航平啦，但都話ANA係 Sell質素㗎嘛，行李有46kg唔怕超重！小小編仲搵咗大阪、名古屋各1間精選酒店俾大家參考：

名古屋：HOTEL MYSTAYS，4日3夜全包價每位HK$3,816起，離地鐡十分近，到名古屋城也十分方便。酒店設計以簡約舒適為主，一家大細或者情侶入住也十分適合。

大阪：白陽酒店，4日3夜全包價每位HK$3,996起，鄰近大阪城公園，去公園睇紅葉或者櫻花都咁方便呀！而且酒店設備齊全，鄰近地鐵站，去大阪各處都夠哂方便呀！

4日3夜只屬舉例，日子可長可短，最長可Stay 8日7夜，其他平價套票可上Expedia香港慢慢搵，搜尋方法：
1. 先搜尋香港至名古屋/大阪的淨機票（來回連稅：名古屋HK$2,594起、大阪HK$2,720起）
2. 找到ANA全日空嘅航班，選擇去程及回程航班時間
3. 選擇回程航班後，系統會彈出對話框，然後按「立即加訂酒店」即可（如下圖）

此外，經Expedia買套票有樣好，可以免費Stay Behind：只要剔選”我只有部分日期需要入住酒店”，再揀埋需要住房嘅日子就掂，其他日子您住邊都得，勁有彈性。提返大家，呢個套票包埋46kg寄艙行李配額，而且記得訂完套票後要填表登記拎返HK$150香港機場現金券（按此）！即刻去搶平套票！

【出發日期】即日起至9月28日、10月3日至12月20日、2018年1月1日至2月12日、2月20日至3月23日
【最後出票日期】10月31日或售完即止
【訂購網址】www.expedia.com.hk

（覺得抵可Whatsapp同LINE Share俾朋友）

抵呀！大激安ANA套票！大阪/名古屋4日3夜連稅$2,920起！包46kg行李！出年3月28日前出發

今個星期介紹咗好多冷門國家，又伊朗又哈薩克，唔差埋尼泊爾啦！

依家坐捷特航空香港來回加德滿都HK$2,600（連稅HK$3,198）起。價錢唔錯，平過直飛勁多！捷特係經孟買或德里轉機，可中停印度（要補返機場稅），玩埋就真係抵晒，不過最好就有伴先好去印度啦！

尼泊爾逢每年10月到翌年5月係行山季節，最受歡迎嘅登山路線就係潘恩山（PoonHill），可以欣賞日出同埋喜馬拉雅山景色。 除咗行山，仲可以去參觀古色古香嘅寺廟，遊走舊城區，踏上朝聖之旅，仲可坐飛機欣賞壯觀嘅喜馬拉亞山。動態活動方面可以行山觀日、玩滑翔傘、漂流等，如果覺得太過冷門？不如入「又飛啦旅人團」搵旅伴喇！

如果想中停印度，方法好簡單：
先搵香港來回加德滿都有平日子，例如11月7日去、14日返，連稅HK$2,791起，抄底呢個日子，再用多個目的地Search。舉例11月4日香港飛德里、11月7日德里飛加德滿都、11月14日加德滿都飛香港，連稅HK$3,237起（如下圖）。

價錢已包30kg行李寄艙同飛機餐，捷特航空唔差㗎，可睇吓我哋製作嘅搭乘報告：http://flyagain.la/7d83，好過大陸航空經內地轉啦。

提提大家：經印度轉機唔入境係不用簽證，但如果想入境印度，持特區護照或BNO都要申請，可經網上辦理，詳情：https://indianvisaonline.gov.in/visa/tvoa.html。

【出發日期】即日起至2018年3月15日
【機票有效期】2個月
【最後訂票日期】9月25日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

抵呀！冷門尼泊爾優惠：捷特航空來回加德滿都$2,600起，可中停印度！2018年3月15日前出發

嘩！去品嚐超鮮超肥美嘅生蠔同鮑魚、近距離欣賞肥嘟嘟可愛企鵝漫步回巢、仲有令人陶醉同一見難望嘅靚景，講緊邊度？就係澳洲墨爾本同塔斯曼尼亞啦！EGL Tours東瀛遊推出咗一系列塔斯曼尼亞嘅旅行團，等大家可以一探呢個集自然美景，有豐富美食於一身，多姿多采嘅城市‌！

旅行團會重點走訪塔斯曼尼亞嘅著名必到景點，會深入地底中嘅莫爾溪谷國家公園，欣賞眩目奪人嘅鐘乳石，以及尋找螢火蟲蹤跡。再到列入世界遺產嘅搖籃山國家公園，風景怡人，遠離繁囂，洗滌心靈。仲會去到世界知名，譽為全球十大海灘嘅酒杯灣，於觀景台可以飽覽整個酒杯灣壯觀宏偉嘅景色。除咗大自然嘅純美風光外，由於當地水質特佳，所以開設不少鮑魚及生蠔場，旅行團會帶大家到菲瑟涅海洋蠔場及野生鮑魚廠品嚐美味生蠔及試食新鮮鮑魚，新鮮程度絕對爆燈。

而墨爾本嘅重點行程包括菲利普島夜觀神仙企鵝回巢，於日落時份近距離觀賞一群群體型嬌小嘅企鵝，左搖右晃登上沙灘回巢，得意有趣，係難得嘅自然生態奇觀。更會帶您「回到過去」，去到疏芬山金礦場參觀金礦洞及嘗試淘金樂，有如回到十九世紀時代嘅情景。亦會於雅拉河谷參觀葡萄酒莊兼品酒。

由香港去塔斯曼尼亞冇直航，旅行團會安排乘搭澳洲航空由香港飛墨爾本，再由墨爾本前往塔斯曼尼亞北部嘅朗塞斯頓，再由北玩到南，由荷伯特乘搭內陸機返回墨爾本，順路暢玩，節省車程。

出發日期包括9至12月指定日子出發，團費每位低至HK$17,999起，詳情可參閱以下行程：
10月24,31日（團號AHMD08）：https://flyagain.la/rlgl
12月19日（團號AHMG08）：https://flyagain.la/re4p
其餘日子出發（團號AHMA08）：https://flyagain.la/xf0e

更多詳情，可參考：https://flyagain.la/lz8o，如欲查詢及報名，請致電熱線3692-0888、透過網上報名，或親至EGL Tours東瀛遊各分行查詢。

（覺得抵可Whatsapp同LINE Share俾朋友）

尋絕景，嘆海鮮！澳洲塔斯曼尼亞+墨爾本雙城遊！EGL Tours東瀛遊澳洲8天團$17,999起

玩新加坡要幾錢？HK$6咋！HK$6咋！HK$6咋！（太興奮所以要講足3次）

點先可以咁筍價錢玩盡新加坡？關鍵係買一張經新加坡轉機嘅新航機票！依家新航官網有平，連稅計：沙巴/檳城HK$1,895起、阿德萊德HK$3,855起、斯德哥爾摩HK$3,885起、悉尼HK$3,935起、羅馬HK$4,120起。

買完機票後，您可以SGD 1（HK$6）向新航加購「新加坡過境隨意行」套票，呢個套票真心抵，因為除咗包1晚指定新加坡酒店及機場來回接送，仲有超過15個新加坡旅遊景點免費門票，包括濱海灣花園、新加坡摩天觀景輪、新加坡河遊船、濱海灣花園、玩具博物館、新加坡動物園、夜間野生動物園及聖淘沙（入園及空中纜車）等等！仲可不限次數乘搭新航隨意行巴士，總值約HK$2,600！依家俾六蚊就有啦！

經小編一計，最抵玩係買新航東南亞短途盤，例如買沙巴/檳城咁，只需俾HK$1,895起就可以一次過玩晒馬來西亞同新加坡，而以新加坡個Part價錢HK$2,600計，新航變相倒貼您去旅行！當然澳洲同歐洲盤都抵，扣減HK$2,600後，變相千幾二千蚊飛長途，仲要搭優質新航呢！

此外，經Agoda預訂酒店及Rentalcars.com 汽車租賃網站租車仲可賺取雙倍新航KrisFlyer 里數，去旅行又可以賺里數，正呀！

至於直航，香港來回新加坡連稅HK$1,904起，香港來回三藩市連稅HK$4,310起，雖然無得享用HK$6轉機優惠，價錢仍然合理。 留意番呢個優惠賣到今個星期日（9月24日）咋，呢個轉機優惠一向一年一次，快啲訂飛啦！

【訂購日期】即日起至9月24日
【出發日期】
新加坡：即日起至2018年3月29日
東南亞：10月3日至2018年3月29日
澳洲及歐洲： 2018年2月22日至6月30日
三藩市：11月1日至2018年5月31日

【查詢網址】http://www.singaporeair.com/zh_TW/hk/home

（覺得抵可Whatsapp同LINE Share俾朋友）

$6！$6！$6！俾HK$6即有新加坡機場接送+1晚酒店+15個旅遊景點免費門票！新航轉機優惠總值HK$2,600！9月24日前截止

成日都係日韓台，不如試吓出走啲冷門地方啦，伊朗又啱唔啱呢？依家飛伊朗有平機票啦！真係超心動！

依家坐泰航香港經曼谷來回伊朗德黑蘭HK$3,300（連稅HK$3,844）起。呢口價包晒行李同飛機餐，兼且質素有保證，仲可中停曼谷（只需加HK$185曼谷機場稅），做夠SPA或按摩先走，玩埋真係抵晒！暫見平飛都算易搵，連聖誕或出年復活節都有平（聖誕可揀12月25日去、1月2日返，復活節可揀3月27日去、4月6日返），一於襯長假期去勇闖呢個既神秘又吸引嘅地方！

至於伊朗點解咁有吸引力，全因夠晒神秘感，啱晒有冒險精神嘅背包客，其實佢唔係想像中咁得人驚驚，當地著名景點包括國家博物館、巴列維皇宮建築群、尼雅瓦朗皇宮建築群、德黑蘭現代藝術博物館等。而且當地有地鐵，交通都算方便，伊朗人仲相當熱情好客，去當地旅遊其實都安全無咩大問題。如果想去又想搵伴，試吓加入「又飛啦旅人團」搵旅伴。

另外提番大家簽證，前往伊朗嘅BNO持有人，必須到領事館辦理簽証，文件要求較多，收費約HK$900；所以建議使用特區護照入境，可於抵達後申請落地簽証（約HK$630），最長停留期7天，不過由於有唔成功例子，所以建議都係先到領事館辦理，收費約HK$800，可逗留14天。不過如果護照內印有以色列嘅簽證或蓋章，入境伊朗係違法架！至於，美國護照持有人簽証或入境都有一定困難，所以用邊本護照自己諗清楚。簽證資料以領事館公布為準。查詢：2845-8002；地址：灣仔港灣道6號瑞安中心2418室。

至於想訂中停曼谷，方法好簡單，首先搵咗就咁來回德黑蘭有平嘅日子先，例如12月25日去、出年1月2日返，抄低呢個日子，再用多個目的地功能分三段Search，舉例輸入A. 香港-德黑蘭（12月25日），B. 德黑蘭-曼谷（1月2日） C. 曼谷-香港（1月5日），連稅HK$3,872起，用多個目的地Search。[曼谷往返德黑蘭逢週二、四、六、日有航班]

【出發日期】即日起至12月20日、12月25日至2018年2月8日、2月27日至3月27日
【機票有效期】3個月
【最後訂票日期】10月31日或售完即止

【訂購網址】www.zuji.com.hk
【預訂教學】https://flyagain.la/34794

（覺得抵可Whatsapp同LINE Share俾朋友）

探索伊朗神秘國度！泰國航空香港來回德黑蘭$3,300起，可兼玩曼谷！聖誕都有！出年3月27日前出發