嘩！正呀！Accor雅高酒店集團推出新優惠，亞洲地區房價低至7折起（日本酒店除外），最平2百幾就可住ibis酒店啦！當中熱門地點如韓國、曼谷、星馬等都有。搵小編今次都喺泰國搵到間爆平酒店，曼谷ibis Bangkok Sathorn雙人房折後每晚連稅只係HK$237，係雙人房，兩個人喎，每位都係$119起，堅係平爆呀！仲有好多超值酒店，又例如曼谷Mercure Bangkok Makkasan雙人房連稅HK$371起，4星酒店都係唔駛四百蚊一晚咋！布吉ibis Styles Phuket City雙人房HK$476起。

其餘熱門地點酒店舉例（以折後每晚每房連稅計）：
首爾 ibis Ambassador Seoul Dongdaemun HK$487起
首爾 ibis Ambassador Seoul Insadong HK$491起
新加坡 ibis Singapore Novena HK$691起（單人房）
新加坡 Ibis Singapore On Bencoolen HK$745起

仲有好多其他酒店可上官網慢慢揀，不過唔係每一日都有平，大家可以搵下您想住嘅地區同所需日子有冇平房，房價旁有標示”Private Sale in Asia: up to XX% off”就係今次目標，部分房型會包埋早餐添㗎。

提提您：如果持有雅高白金卡，訂MGallery、Pullman、Sofitel、Grand Mercure、Mecure、Novotel時不妨預訂最基本級別，入住前電郵詢問酒店可否免費Upgrade房間，若能成功，就真正物超所值！

【入住日期】12月 1 日 至 2018 年 6 月 14 日（視乎地區而定）
【最後訂房日期】11月23日

網址：www.accorhotels.com

（覺得抵可Whatsapp同LINE Share俾朋友）

Accor雅高酒店優惠！早訂低至7折！韓國東南亞歐洲都有！曼谷每晚連稅$237、首爾$487、新加坡$691起……

好多人都鍾意去台灣，之不過，台灣邊個地方您又最鍾意？華航/華信推出優惠：香港來回台北/台中/高雄/台南只需HK$770（連稅HK$1,155）起，千一蚊多少少，以華航嚟講價錢超抵！港航都係咁上下價錢，但華航每日都有多班機往來台灣，揀早去晚返都唔駛加錢（視乎供應而定），揀到靚時間都抵啦，華航仲有30kg寄艙行李，shopping都唔駛就住就住！

而且華航有台灣4個航點，可以Openjaw不同城市往返，舉例台北入、高雄走（用多個目的地Search）。Check過系統，平飛尚算充足，見到去程標示$645、回程$510就係最低價。唔好揀錯「樂GO價」，因為係唔包行李㗎。

【出發日期】即日起至2018年6月30日（旺季除外）
【機票有效期】7日
【最後出票日期】11月17日11pm

【訂購網址】www.china-airlines.com/hk

（覺得抵可Whatsapp同LINE Share俾朋友）

早去晚返都有！抵過港航！仲可openjaw！華航香港來回台北/台中/高雄/台南$770起！包30kg行李！出年6月30日前出發

尋日介紹完達美溫哥華爆平盤，連稅2千5咋，連其他加拿大城市都有爆平價！香港來回加拿大各地只需HK$2,368起，連稅計：渥太華HK$3,394起、多倫多HK$3,408起、蒙特利爾HK$3,412起、埃蒙頓HK$3,881起。呢口價真係極少極少機會見到，仲平過坐東航，起碼唔駛經大陸轉機啦！不過達美其實要轉2次機先到，整體飛行時間較長，適合時間較充裕嘅粉絲！

優惠可以出年1-4月出發，不過唔係日日都有平，可以先去達美官網用「彈性日期」方式搵平飛，搵完之後去hutchgo.com訂會平啲㗎。提提大家：經美國轉機就算唔入境都要美國簽證㗎。

【出發日期】2018年1月至4月（旺季除外）
【機票有效期】6個月
【訂票日期】11月30日或售完即止

【訂購網址】www.hutchgo.com.hk
【預訂教學】http://flyagain.la/33982
【Class Code】V Class

（覺得抵可Whatsapp同LINE Share俾朋友）

罕劈！平過東航！多倫多最平連稅3千4！達美來回加拿大多個航點$2,368起，2018年1-4月出發

哇！抵玩喎！名古屋至Fun Package！3日2夜每位都係HK$3,042起！

呢口價包乜？首先你可以揀坐星級航空國泰航空或者ANA全日空，前者有30KG行李，後者則有2 X 23KG行李，啱哂鍾意去Shopping嘅粉絲！而且仲可以揀住名鐵Inn酒店-名古屋錦（Meitetsu Inn Nagoya Nishiki）或名古屋永翼國際酒店（Hotel Wing International Nagoya）2晚，前者位於久屋大通站旁邊，距離地鐵站只有5分鐘路程，後者則鄰近JR名古屋站，想去邊都咁方便啦！而且最最最重要嘅係佢已經包咗Legoland® Japan一日門票（價值$448起）及無限上網嘅Wi-Fi蛋，Legoland® Japan今年先開幕，係全球第八座樂高主題樂園，一張門票玩盡園內7 大必玩園區（包括Miniland, LEGO® City, PIRATE SHORE等等），正呀！提提你，去Legoland® Japan可以喺名古屋站乘青波線揀坐LEGOLAND Train，直達金城埠頭站。列車有4節車卡，以園內的Adventure、Knight’s Kingdom及Pirate ShoreS 3個園區為藍本佈置，未出發先興奮呀。依家又撞正賞楓季，睇埋紅葉就最一流啦！

3日2夜只屬舉例，可以Stay耐啲，最長可Stay 31日，亦可加錢轉坐其他航空公司例如：國泰航空等等，相當彈性。經永安官網訂仲有個好方便嘅功能，可以用月曆形式睇晒成個月嘅最低價錢，超方便，見到月曆上顯示HK$3,204+就係最低價，想去Legoland® Japan嘅朋友快啲Plan吓你嘅名古屋之旅啦！

【出發日期】11月23日至12月31日
【訂講網址】https://package.wingontravel.com

（覺得抵可Whatsapp同LINE Share俾朋友）

抵玩！送Legoland® Japan門票及無限上網Wi-Fi蛋！名古屋3日2夜套票只需$3,042起，12月31日前出發

嘩！嘩！嘩！加拿大機票都劈價啦，2千幾飛溫哥華，實在平到癲呀！達美航空推出瘋狂優惠：香港經西雅圖來回溫哥華只需HK$1,510（連稅HK$2,498）起，2千5蚊都唔駛，從未見過咁平，大陸航空都唔得啦，而且係達美喎，質素唔錯㗎！優惠可以出年1-4月出發，不過唔係日日都有平，搵唔到建議轉前後日子試試，最遠可以出年4月25日出發、5月7日回程。

提提大家：達美要經美國轉機，所以要有美國簽證。

【出發日期】2018年1月至4月（旺季除外）
【機票有效期】6個月
【訂票日期】11月30日或售完即止

【訂購網址】www.expedia.com.hk
【預訂教學】http://flyagain.la/31983
【Class Code】V Class

（覺得抵可Whatsapp同LINE Share俾朋友）

嘩！瘋狂爆劈！連稅2千5！達美香港來回溫哥華只需$1,510起！2018年1-4月出發

嘩嘩嘩！小小編都以為眼花！呢口價可以飛冰島？真心平到嚇親！即Tag埋各方好友男友女友齊齊訂飛，去冰島實現追極光夢想啦！

漢莎航空推出冰島世紀爆劈價：香港經德國來回雷克雅維克只需HK$2,380（連稅HK$4,174）起，正路飛冰島講緊6-7千。就算劈到5千都衝住去啦，依家竟然！竟然！竟然4千多啲啲就去到，小小編睇見都覺得激動，真心無藉口唔買！只需轉1次機咋！

出發日子得2日咁大把，可以出年1月20/22日出發、28日回程，手快有手慢冇，即搶啦！

【出發日期】2018年1月20/22日
【最後訂票日期】11月16日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

爆平！世紀巨劈！連稅4千飛冰島追極光！漢莎來回雷克雅維克$2,380起，出年1月指定日子出發

自從港航宣佈將於2018年1月16日復航香港至馬爾代夫嘅航線之後，小編一路都等佢幾時放平飛，依家終於有喇！

依家坐香港航空直航馬爾代夫只需HK$3,888起，連稅HK$4,603起，呢口價比官網平咗兩千左右，以直航嚟講都幾吸引，話哂係直航唔駛轉機，慳番啲時間，又包埋行李飛機餐，唔似額外比多一筆。新航線採用A330執飛，不過航班時間就麻麻，到埗都天黑，安排行程方面可能要留意埋呢點。呢口價官網無，想去馬爾代夫嘅可以上Hutchgo訂喇！雖然今次係第一次減價，不過唔知仲有無機會票價減到落二千尾三千頭呢？

【航班時間】
去程（香港-馬累）HX791 17:55-22:05（逢週二、四、日）
回程（馬累-香港）HX792 00:05 -08:55（逢週一、三、五）

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

首次劈價！直奔世外桃源！香港航空飛馬爾代夫$3,888起，2018年9月29日前出發！

國泰最新一輪大專生優惠出爐啦！以前訂過大專生優惠嘅學生，憑邀請電郵嘅「專屬優惠編號」依家就可優先撲飛！優惠適用於讀緊本港指定高等教育學院之全日制學位或副學位課程學生。同以往一樣，優惠航點包括日韓台東南亞等地方，來回台灣HK$850起、東南亞HK$1,400起、韓國HK$1,800起、日本HK$2,100 起！我哋亦都一如以往，同大家分析下呢次優惠先。

台灣航點：台北/台中/高雄HK$850（連稅HK$1,235）起
短評：近排台灣減價冇以前咁勁，千二蚊坐國泰都算值得入手，可以睇睇係咪有靚時間揀，否則其實坐長榮、華航甚至港航都平過佢！而且經Expedia買國泰台北Package都好抵，4日3夜連稅都係千五左右（詳情：https://flyagain.la/58703），諗吓，係包埋3晚住宿喎，既然都要訂酒店，梗係訂套票啦！

韓國航點：首爾/濟州/釜山HK$1,800（連稅HK$2,216）起
短評：飛首爾咁多間航空公司，國泰呢個價實在有啲搵笨，首先首爾有勁多廉航揀先啦，有HK Express、濟州航空、真航空、最近仲有首爾航空！如果係傳統航空嘅，大韓、泰航、韓亞、印航有優惠時都平過佢。再者，其實國泰本身都做緊韓國優惠，來回機票都只係HK$1,557起（詳情：https://flyagain.la/58704），難道學生係要俾貴啲？所以諗清楚呀！另外亦可參考埋大韓優惠，詳情：https://flyagain.la/58556。

日本航點：來回機票HK$2,100起，連稅：福岡HK$2,422起、沖繩HK$2,424起、東京HK$2,535起、大阪HK$2,565起
短評：最受歡迎嘅日本航點有驚喜呀！連稅2千4至2千5，平過自己本身特價飛2-3百蚊。對比其他對手，ANA飛名古屋同大阪連稅2千7（詳情：https://flyagain.la/58635）、日航飛東京連稅2千7（詳情：https://flyagain.la/58530），所以國泰算係吸引啦，而且大專生優惠機票有效期21日（一般特價飛得7日），可以長玩日本都得呀（不過大專生機票係冇得openjaw）！

東南亞航點 HK$1,400起，連稅：吉隆坡/檳城/沙巴 HK$1,800 起、曼谷/清邁 HK$1,847起、新加坡HK$1,850起
短評：小小編就覺得，呢啲航點相當雞肋。貴又唔係貴，想平又可以揀廉航，鐘意坐國泰嘅都可以考慮吓喇。好似曼谷有咁多航空公司，可以等中東三寶阿聯酋做優惠，或者港航最近做緊連稅千三（詳情：https://flyagain.la/58085），價差成5百蚊，慳咗錢住好啲仲好啦。

以上資料都係優先預覽，而且只列出部份航點，只供參考之用，現時只供有「專屬優惠編號」嘅同學仔買，正式公開發售日子有待公佈。

【出發日期】11月15日至2018年7月5日
【機票有效期】21日
【訂票日期】即日起至12月6日

【訂購網址】www.cathaypacific-campaign.com

（覺得抵可Whatsapp同LINE Share俾朋友）

國泰港龍大專生優惠！幫您分析抵唔抵！飛台灣$850、東南亞$1,400、日韓$1,800起