【重要通知】由於船票系統有問題，本優惠將延至今日6pm，不便之處，敬請原諒！

想短暫出走一吓，澳門近近哋，係一個唔錯嘅選擇！但船飛好貴？咁就要睇吓呢個優惠喇！永安會員只要經永安官網或者app，訂澳門來回指定嘅金光飛航船飛，再輸入優惠碼「DF603」，只係HK$160起，差唔多係平時嘅半價呀，呢口價仲要已包HK$30離境稅！但留意呢個至抵價只限星期一至五（公眾假期除外），出發18:00或之後，回程17:00前嘅船。

如果想平日早去晚返，都有平，每位HK$240起，都抵玩呀！每訂單最多可以減6次，咁就成班fd出發都唔使逐個訂都有優惠啦！金光飛航正在喺船上面都有Wifi免費任用，咁就唔怕喺船上面悶啦！今次優惠仲再送每位一張「銀河逍遙賞代用券」，即係送你去澳門銀河免費食當日嘅精選食物！真係勁抵玩呀！想買，就記得聽日（5月8日）下午1至6點搶飛啦！

去得澳門，都可能想住返晚，同玩吓啲特別嘢或者食個靚buffet！今次呢個優惠仲有兩個同場優惠！第一，預訂全線澳門酒店，消費滿$800(未計稅)，只要憑優惠碼「MH183」，即減$80！另外，憑優惠碼「MK113」預訂全線澳門當地玩樂美食產品消費滿$500即減$50！呢兩個優惠就5月19日前訂就得，大家買完船飛都有啲時間plan吓先！咁多優惠，去澳門玩返轉都慳返唔少！記得要做咗永安會員先呀！即去預訂去澳門玩返轉啦！

【出發日期】即日起至6月21日（只限平日，公眾假期除外，視乎供應）
【訂票日期】
5月8日13:00至18:00或售完即止（船飛優惠）；
即日起至5月19日或售完即止（酒店玩樂美食產品優惠）
【訂購網址】
https://flyagain.la/wx2x （船飛優惠）
https://flyagain.la/k8j1 （酒店優惠）
https://flyagain.la/q3nu （玩樂美食產品優惠）

【澳門】近乎半價！永安會員尊享，澳門來回船飛$160起！再送你澳門逍遙賞代用券！6月21日前出發

仲未諗到暑假去邊？越南又有優惠喇！

坐越南航空來回河內/胡志明市只需HK$550起，連稅計：胡志明市HK$1,243起、河內HK$1,283起！仲平過上次優惠百幾蚊！越南航空加燃油費後，票價反而低咗，拉上補下，都冇話貴咗好多，價錢都仲幾OK！最重要係暑假旺季（7至8月）都一樣有呢口價，真係勁抵玩！不過暑假平飛已經剩返唔多，要買就快手喇！

優惠仲可以Openjaw，例如河內入、胡志明市走，連稅計HK$1,243起；調轉就連稅HK$1,283起！勁平！由北玩到南，由南玩到北都得！越南航空係傳統航空，價錢已包行李包飛機餐！都真係幾抵呀～加上越南消費平，真係非常適合去幾日度吓假呀！

請留意：去越南持特區護照及BNO均需申請簽證，單次旅遊費用為HK$640，可直接上灣仔道越南領事館申請，需時約4個工作天。想平啲？可以直接於越南入境處官方網站辦理電子簽證，費用US$25（約HK$196），最多可逗留30天，只限入境一次，勁方便！

【出發日期】即日起至6月23日、7月1日至8月31日、9月4至26日、10月4日至12月20日（視乎供應）
【機票有效期】1個月
【最後訂票日期】5月10日或售完即止

【訂購網址】https://www.vietnamairlines.com

（覺得抵可Whatsapp同LINE Share俾朋友）

【越南】繼續暑假有平！Openjaw都得！越南航空來回河內/胡志明市$550起！12月20日前出發

加航除咗溫哥華（https://flyagain.la/77666）有平，仲有另一個航點真係等到花兒也謝了，就係多倫多！今次終於有優惠啦！

坐加拿大航空，香港直航來回多倫多只需HK$4,628（連稅HK$6,442）起，價錢比平時平咗唔少，絕對係值得入手嘅範圍！加上係全年盤賣到去12月，無論係秋天去睇楓葉，定冬天去滑雪、行聖誕市集都咁抵玩呀！機票有成3個月有效期，用嚟探親或者exchange都啱用！機票仲包埋2件23KG行李，無論係幫手帶嘢去俾親戚，定買多啲手信返嚟都唔使怕超重！

多倫多遠在北美東岸，市內有出名嘅CN塔、多倫多群島、卡薩羅馬城堡、「括號」多倫多市政廳等，離開多倫多仲有聞名嘅尼亞加拉大瀑布、法式城市蒙特利爾等等，真係有排玩呀！價啱即上Hutchgo訂飛啦！

【出發日期】即日起至6月24日、9月5日至12月13日（視乎供應）
【機票有效期】3個月
【訂票日期】5月15日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

【多倫多】終於有優惠！加拿大航空直航來回多倫多$4,628起！12月13日前出發

釜山航空推出8月早鳥優惠，即係暑假都有！

香港飛釜山單程HK$310起，來回連稅HK$1,299起！呢口價喺暑假嚟講真係好值得入手呀！釜山航空係凌晨機去晚機返嘅航班時間，可以放工之後先去機場，落機開波玩，用盡香港人最珍貴嘅時間！有時間仲可以順遊大邱同慶州添！

再提提大家，釜山航空唔再包寄艙行李，要訂嘅話需額外收費！雖然話8月早鳥，估計平飛集中喺下半月，上半月數量估計唔多，而且應該好多人會搶！有興趣暑假去韓國玩，就記得陣間10點準時上官網訂飛啦！

【出發日期】8月1日至8月31日（視乎供應及旺季除外）
【訂票日期】5月7日10:00至5月13日15:00或售完即止

【訂購網址】www.airbusan.com
【預訂教學】https://flyagain.la/35704

（覺得抵可Whatsapp同LINE Share俾朋友）

【釜山】一陣10點開賣！暑假8月平飛！釜山航空早鳥優惠！香港單程飛韓國釜山$310起！8月份出發

國泰港龍fanfares，嚟到第339週啦，今朝08:00就開搶！今次檳城札幌開恩茲都抵，值得入手呀！

地點 連稅價（評語）
【經濟艙】
杭州 HK$1,507*（西湖十景）
昆明 HK$1,507*（轉去麗江）
檳城 HK$1,943*（獨市平價）
布吉 HK$2,101*（可以入手）
札幌 HK$3,666*（筍飛必搶）
開恩茲 HK$4,324*（十月停航）
紐約甘迺迪 HK$6,282*（貴咗啲喎）

【機票（經濟艙）+2晚酒店】
河內 HK$2,482^起（可以去下）
大阪 HK$3,997^起（住咩酒店？）

*其他稅項及附加費或會有所變動。

^fanfares 套票每位價格以二人一房的價格計算。稅項及附加費或會有所變動。

以上只作參考用途，其他稅項及附加費或會有所變動。

網址： www.cathaypacific.com

相關文章：官方親自Share！國泰港龍fanfares至勁搶飛攻略！http://flyagain.la/7434

【Fanfares】國泰/國泰港龍fanfares，檳城札幌開恩茲河內，今朝8點開搶！