高質卡塔爾航空，不斷擴張航線網絡，今次就隆重介紹四個新航點俾大家！

1）伊士麥（土耳其）Izmir, Turkey HK$2,820（連稅HK$4,398）起
大家去土耳其，都係飛伊斯坦堡多，今次卡塔爾航點就飛到去伊士麥，呢個土耳其第三大城市，同埋第二大港口。城市位於大家都認識嘅愛琴海海旁，古時曾為古希臘嘅領地，所以呢個城市比起土耳其，更似一個希臘城市。而市內同周邊都有好多有關於古希臘嘅遺蹟，如果你係歷史愛好者，呢個地方一定啱你！

主要景點：伊士麥鐘樓、卡迪費城堡、Çuha Bedesteni市集、阿哥拉戶外博物館、希薩爾清真寺、聖坡旅甲大教堂、艾菲索斯

鄰近伊士麥的艾菲索斯古城遺蹟

2）拉巴特（摩洛哥）Rabat, Morocco HK$3,600（連稅HK$5,227）起
摩洛哥近嚟越黎越熱門，唔少人都想去呢個帶有神秘色彩嘅北非國家探秘一下。但其實，摩洛哥嘅首都，唔係大家熟悉嘅卡薩布蘭卡，而係拉巴特至啱！拉巴特距離卡薩布蘭卡唔遠，只係一個鐘左右車程，所以以拉巴特做出入口遊覽摩洛哥，都一樣咁方便！市內睇嘅嘢同摩洛哥其他城市差唔多，都係以古蹟同清真寺為主，當中嘅烏達亞斯城堡中，更有一大片由藍色同白色組成嘅房子，同Chefchaouen都幾似，勁啱打卡！拉巴特因為名氣冇咁大，所以比較少遊客同安靜，想避開人潮可以考慮吓！

主要景點：烏達亞斯城堡、哈山塔、穆罕默德五世清真寺及陵墓、拉巴特皇宮、達巴布切拉遺址

隱藏喺摩洛哥首都嘅隱世打卡位：烏達亞斯城堡

3）里斯本（葡萄牙）Lisbon, Portugal HK$3,730（連稅HK$5,412）起
呢個城市，唔屬於冷門，相信大家都認識佢！想感受葡式風情，除咗澳門，最好梗係直接去葡萄牙啦！里斯本同倫敦、羅馬、巴黎等熱門城市同屬西歐歷史最悠久城市，所以市內傳統葡式歐陸建築比比皆是，處處都係影相位！而且葡萄牙物價比英德荷瑞法等歐洲熱門國家低廉，就算食好西、住好酒店，都冇咁大壓力，值得去玩返轉呀！

主要景點：貝倫塔、發現者紀念碑、聖朱斯塔升降機、埃什特雷拉聖殿、尖石宮、卡爾莫修道院、聖本篤宮

葡萄牙首都里斯本一角 笪地係咪好似澳門議事亭前地呢？

4）馬爾他 Malta HK$5,700（連稅HK$7,298）起
呢個位於意大利南邊，地中海上嘅小國，一直都被人忽略。但其實呢個地中海小國，雖然只有三分一個香港咁大，但佢氣候溫和、景色宜人，全年都適合旅遊，更被稱為「退休樂園」！喺呢個千年小島國上，有古蹟、有自然美景、有靚海灘、有潛水勝地、仲有豐富嘅夜生活，真係要乜有乜！真係難怪近年喺全球遊客中人氣漸高啦！

主要景點：聖詹姆創意中心、國家美術博物館、曼儂劇院、塔爾欣古廟、科米諾島

馬爾他島仔細細但包羅萬有 近年人氣開始高漲

以上4個新航點，得伊士麥比較抵買，其餘3個就比較貴。不過唔緊要，卡塔爾航空成日做優惠，今次大家認識到新航點之後，之後如果有優惠更抵買時，就可以即刻入手，唔使再慢慢搵資料先，錯失良機啦！

【出發日期】（視乎供應及旺季除外）
拉巴特：5月29日至12月10日
馬爾他：6月4日至12月10日
里斯本：6月24日至12月10日
伊士麥：5月23日至2020年3月31日
【機票有效期】
伊士麥：2個月
其餘三航點：6個月
【訂票日期】
伊士麥：即日起至5月23日前或售完即止
拉巴特、馬爾他及里斯本：即日起至6月2日前或售完即止

【訂購網址】www.qatarairways.com/hk
【又飛啦製作搭乘報告】（波音787-8夢幻客機之旅，經濟艙）http://flyagain.la/h8rc

（覺得抵可Whatsapp同LINE Share俾朋友）

【新航點】高質卡塔爾航空又有新航點！內文有介紹！卡航來回新航點$2,820起！2020年3月31日前出發