突發！釜山航空推出閃電優惠！只賣3日！

香港飛釜山單程HK$300起，來回連稅HK$1,272起！釜山航空係凌晨機去晚機返嘅航班時間，可以放工之後先去機場，落機開波玩，用盡香港人最珍貴嘅時間！有時間仲可以順遊大邱同慶州添！

今次優惠只限7月出發，想last minute去韓國玩就啱哂啦！再提提大家，釜山航空唔再包寄艙行李，要訂嘅話需額外收費！有興趣就上官網訂飛啦！

【出發日期】7月1日至7月31日（視乎供應）
【訂票日期】即日起至6月21日15:00或售完即止

【訂購網址】www.airbusan.com
【預訂教學】https://flyagain.la/35704

（覺得抵可Whatsapp同LINE Share俾朋友）

【釜山】閃電特價！只賣72小時！釜山航空香港單程飛韓國釜山$300起！7月份出發

想平平哋試吓商務艙，可以考慮吓曼谷。

香港航空商務艙優惠，來回曼谷只係HK$2,500起：連稅計HK$3,312起，價錢唔錯。時間方面就視乎供應，可以早機去，但回程就麻麻，多數凌晨機，想買既要留意一吓。歎住咁去曼谷度假，上機之前可以去貴賓室hea陣先，真係未出發先興奮。寄艙行李提升到30kg ，買多啲手信都得，一於豪一次。

【出發日期】9月1日至26日、9月29日至12月18日、2020年1月2至15日（視乎供應）
【機票有效期】14日
【訂票日期】即日起至6月28日或售完即止

【訂購網址】www.cheaptickets.hk
【預訂教學】https://flyagain.la/72903

（覺得抵可Whatsapp同LINE Share俾朋友）

【曼谷】泰歎啦！商務艙特價！香港航空香港來回曼谷商務艙$2,500起！2020年1月15日前出發

酷航（Scoot）又有優惠啦，想去返轉東南亞嘅可以睇睇！

單程飛新加坡連稅HK$438起，經新加坡單程飛澳洲4大城市亦有抵價，連稅計：珀斯HK$1,068起、黃金海岸HK$1,188起、悉尼/墨爾本HK$1,248起，除咗新加坡同澳洲之外，仲有以下熱門航點有平！單程連稅計：布吉HK$558起、峇里島HK$708起、雅典HK$1,548起、柏林HK$1,728起！

除以上航點外，仲有其他航點俾大家揀，大家可以上官網睇下有冇自己心水！留意呢個價唔包寄艙行李，如果需要要另外加錢訂（以新加坡為例，每程每件最多20KG行李HK$170）！有興趣記得上官網睇睇喇。

【出發日期】即日起至11月15日（視乎供應及旺季除外）
【機票有效期】不限
【訂票日期】即日起至6月20日23:59或售完即止

【訂購網址】flyscoot.com（經呢條Link入去先搵到平飛㗎）
【Flyagain搭乘報告】787-9夢幻客機的ScootBiz（http://flyagain.la/djhv）及經濟位（http://flyagain.la/wq9d）。

（覺得抵可Whatsapp同LINE Share俾朋友）

【酷航】隨意飛優惠！酷航香港單程連稅飛新加坡$438起、澳洲$1,118起！11月15日前出發

想搵啲冷門地方去吓，汶萊你啱唔啱呢？

依家坐汶萊皇家航空香港直航汶萊首都斯里巴加灣（Bandar Seri Begawan），每位只需HK$2,290（連稅HK$2,785）起，以往直航要成3千5或以上；平時最平吉隆坡轉機雖然只係2千幾，但要轉成十幾個鐘機！依家2千7左右直飛汶萊價錢真係唔錯！而且佢好少有做平！想去嘅要把握機會喇！

相信大家對汶萊相當陌生，最熟嘅可能就係吳尊嘞，其實當地有唔少名勝，例如汶萊博物館、皇家典禮廳、蘇丹皇宮、水上鄉村、奧馬阿里賽夫丁回教堂等等，離開首都仲可以睇到油田同原始熱帶雨林添！都可以話幾多元化㗎，加上汶萊治安仲十分好，因為個個都有錢過你，完全唔使擔心呀！玩厭咗星馬泰越柬，想搞搞新意思，絕對可以考慮下汶萊㗎！

提提您：持香港特區護照免簽證前往汶萊，最長逗留日期為十四天，BNO持有人需要先到汶萊駐香港領事館辦理簽證。（資料以相關機構公佈為準）

【出發日期】 即日起至2020年5月15日（視乎供應及旺季除外）
【機票有效期】14日
【最後訂票日期】6月20日或售完即止

【訂購網址】 www.flyroyalbrunei.com（目的地輸入BWN就得㗎啦）

（覺得抵可Whatsapp同LINE Share俾朋友）

【汶萊】冷門優惠！直飛東南亞奢華國度！汶萊皇家航空來回斯里巴加灣$2,290起！2020年5月15日前出發