天啊！去住酒店如果可以食埋個buffet，就真係perfect池啦！

Cordis康得思表示，聽到啦！！今次推呢個「11月感謝祭 – 住宿+自助餐套餐」快閃優惠，最平只係$988起就可以住一晚+食一餐buffet啦，仲有3款buffet俾大家揀！即睇有咩buffet揀啦！

Sawadeekrap！真係好耐冇聞過泰國陣除啦！Cordis而家就有週末泰國夜市宵夜自助餐+住宿優惠，只限星期五、六晚入住，入住高級客房每晚只係HK$1,038（連加一HK1,142）起，除返開每人只係五百幾蚊，就可以利用週末感受下泰國，頂住癮先都好！

唔想咁夜食咁多嘢？可以揀食dinner！「味遊海陸世界」主題自助晚餐+一晚高級客房，每晚都只係$1,288（連加一HK$1,417）起，每人只係七百幾蚊就食到一餐dinner buffet+住一晚！齋食dinner buffet平日連加一都要七百幾蚊一位，計落住宿簡直係唔使錢，梗係住埋佢啦！！

都係覺得食dinner太chur？OKOK！食tea都得！「週末小熊貓」主題下午茶自助餐+一晚高級客房，只限星期六、日晚入住，每晚HK$988（連加一HK1,087）起！至抵玩就係佢啦！

如果大家想再豪啲，可以揀入住貴賓全景客房連貴賓會禮遇，咁就可以額外於The Place享用早餐及於全日不同時段供應的小食、下午茶、開胃小食及各種款待、於每日晚上6時至8時享用氣泡酒，真係唔使離開酒店都可以飲飽食醉！呢個房型包宵夜buffet連加一HK$2,077起；包dinnfer buffet連加一HK$2,352起；包tea buffet連加一HK$2,022起！

介紹返3個buffet俾大家先，泰國夜市宵夜buffet，顧名思義就係食泰國嘢啦！冬蔭功、芒果糯米飯、肉碎炒飯等都有，俾你喺香港都搵返去泰國夜市搵食的feel！逢星期五及六晚上10時15分至午夜12時15分供應。

而「味遊海陸世界」主題自助晚餐就係以海鮮做主打，生蠔都有！另外仲有片皮鴨、羊架、肉眼扒等美食，超多選擇！自助晚餐分兩個時段：晚上6時30分至8時 及 晚上8時15分至9時45分，每節90分鐘。酒店會聯絡您去確認預約時段。

最後，「週末小熊貓」主題tea buffet，就係就提供多款深受小朋友歡迎的美食，如蝦多士、瑞士雞翼、章魚小丸子等；甜品仲有小熊貓造型的cup cake，小朋友一定好鍾意！供應時間為星期六、日及公眾假期下午3時15分至5時30分（食得夠多分分鐘dinner都慳返～）

呢個優惠除咗包buffet同房之外，大家仲可以任用24小時健身中心，同埋室外恆溫游泳池，食之前減下肥先，咁就多啲quota食盡佢啦！如果食完個buffet仲唔夠，住宿期間惠顧其他餐廳酒吧都有7折優惠㗎！

除咗以上package，Cordis的網上商店而家都做緊快閃三日優惠，包括米芝蓮食府明閣「龍皇珍味宴」(兩位用)，由每位HK$838減到去兩位HK$1,111（另加一服務費）；原價HK$2,000的「川」水療中心Kerstin Florian高效臉部修護療程（60分鐘）及Kerstin Florian眼部護理（30分鐘），減到去HK$1,375！仲有仲有康得思專屬香氛Sparkling Mint禮品8折、其他禮品皆有85折優惠，都好抵買啊！

驚book得太遠有risk？唔怕！Cordis有free cancellation policy，只要你喺入住前7日或以前取消訂房，就可以退款！預訂輸入「FLYAGAINNOV1」就會有flyagain粉絲專享優惠，獲贈價值HK$350的紅酒一支，食完都仲可以返房摸下酒杯底，chill到呢！

呢個優惠只係去到11月7日的20:59，限定三天預訂！大家快啲send出去約人去住返晚啦！

【預訂日期】即日起至11月7日20:59（住宿+自助餐優惠 及 網上商店優惠）

【入住日期】11月5日至11月30日（晚餐buffet）（11月7日、9日及15日除外）；11月6日至11月28日（宵夜buffet）11月7日至11月29日（下午茶buffet）

【預訂網址】https://www.cordishotels.com/

（覺得抵可Whatsapp同LINE Share俾朋友）

【酒店】即睇即買！Cordis康得思酒店限時快閃優惠，每晚$988起，包食一餐buffet！11月30日前入住