好想去Legoland，但又飛唔到去馬拉，點算？玩住香港呢個先啦！

位於尖沙咀K11 MUSEA地庫的全新Lego探索中心，而家就賣早鳥優惠飛，只係$240起（原價HK$359），大小同價！包入場之餘仲包獨家刻上你個名的Lego積木鎖匙扣一個，另外可於Lego咖啡屋享用 LAVAZZA 咖啡一杯 及 咖啡粉小包！場內有咩玩？呢個Lego探索中心有多達10個唔同的主題園區：

古堡歷險：騎乘互動人氣設施。大家坐上勇士座駕，用手中的鐳射槍瞄準骨骸戰士等邪惡怪獸魔鬼們，拯救靚靚公主！爸媽可以在旁一同享受其中的樂趣 （適合所有人仕，但有高度限制）

迷你天地：用超過一百萬塊樂高積木搭建而成的超級迷你世界，呈現獨樹一幟的香港地標和風景。迷你天地由15名專業的模型大師，以5,000多個小時建造而成。（適合所有人仕）

魔法轉盤：加入魔法師默林的魔法屋，發現樂高魔法世界的咒語和魔法。在轉盤上，快速踩動你的腳踏，幫助默林施展佢的魔法啦！（適合所有人仕，但有高度限制）

地震測試區：你有冇試過用Lego建造好高的建築物？你可以喺度通過多個不同地震強度測試你所建的建築物有幾堅固！（適合小朋友）

樂高創意工作室：模型拼砌達人創造力驚人，大家可於樂高創意工作室向模型拼砌達人取經，一起發揮無限創意！（適合小朋友）

樂高好朋友OLIVIA之家：歡迎來到心湖城，認識新的朋友，並一起於廚房內拼砌出你喜愛的蛋糕！（適合小朋友）

樂高賽車場：令小朋友開心幾個鐘的遊戲區！呢度有大大小小的輪子及零件，可以俾小朋友們自己做出屬自己獨一無二的樂高賽車。整好的車可以讓它在測速道上自由地奔跑。小朋友們仲可以一比高下，睇下邊個的賽車速度更快！呢度的速度測試跑道上給你的賽車定時。秒錶精確到百分之一秒，賽車的小小差別就能產生巨大差別！歡迎各年齡的朋友們來玩！（適合小朋友）

樂高城市歷奇：小朋友可於充滿Lego的城市內拯救樂高！ 消防學院讓小朋友化身城為樂高城市內的小英雄，勇敢地攀爬城牆或使用巨型樂高積木建造自己的城市都得！（適合所有人仕，但有高度限制）

除以上之外，場內仲設有Lego 4D動感體驗、樂高咖啡室及禮品店！咁多嘢玩，真係玩成日都未必夠呀！呢個入場價連周末同復活節都同價，真係好啱一家大細放假去玩返下！但由於探索中心未公佈開放日期，所以大家購票後會於 2 月 5 日起陸續收到香港樂高探索中心憑證，當香港樂高探索中心公布開放日期時，將透過電郵通知，客人並可以透過官方網站提前預約進場日期！

留意返成人及3-11歲之兒童必須一同進場，唔可以單獨進場，所有兒童於進場時均須出示有效個人身份證明文件，如香港身份證；11歲或以下之兒童於進場或於場館內任何時間均須有成人陪同；而12-17歲之兒童則可單獨進入場館，進場時須出示有效個人身份證明文件；但成人就唔可以於冇3-11歲兒童同行之情況下進場！

咁抵玩，一於book定遲啲等佢開幕去玩餐飽，俾小朋友放下電啦～

【入場日期】3月1日至4月30日

【訂購網址】https://www.kkday.com/zh-hk/

（覺得抵可Whatsapp同LINE Share俾朋友）

【本地】早鳥優惠！親子出行之選！周末／復活節同價！全新Lego探索中心門票$240起，送個人專屬Lego紀念品！4月30日或之前入場

條款及細則：
– 為確保您能於預訂日期及時間進入場館，請根據所預訂之時間準時到達。遲到者有機會因場地人數管制而未能進場
– 門票持有人請通過官方網站提前預約進場日期，以確可以順利進入場館。客人最多可以在於場館逗留3個小時
– 門票不可轉讓他人。所有已出售之門票將不予退還
– 本公司保留隨時修改條款及細則之權利而不作另行通知
– 如有任何爭議，香港樂高®探索中心保留任何問題之最終決定權

想嚟個chill的假期，又點少得嘆tea嘆酒？

海洋公園萬豪酒店優惠，每晚只係HK$888（連加一HK$976.8）起，就包

– 入住Deluxe King Room一晚
– 雙人下午茶套餐（入住日享用）
– Mocktail工作坊
– 享用酒店設施

呢口價連周末都唔加價，超正！海洋公園萬豪酒店2018年尾先開，都幾新淨！呢個價平時淨房都差唔多啦，而家包多個tea同mocktail workshop俾你，已經係有賺啦！但三月份的價錢會比較高一點，平日HK$999（連加一HK$1,098.9）起；星期六HK$1,099（連加一HK$1,208.9）起！如果本身係萬豪會員就更抵，可以入埋lounge食早餐同嘆黃昏雞尾酒！

大家只要去以下訂購網址，揀心儀日期、人數同房數，再search。之後揀頂的「Deals and Packages」，見到「Afternoon Chill Room Package」就係今次優惠喇！

【入住日期】即日起至3月31日（2月12至15日除外）

【訂購網址】www.marriott.com

（覺得抵可Whatsapp同LINE Share俾朋友）

【酒店】至chill假期！周末同價！海洋公園萬豪酒店每房每晚$888起，包雙人下午茶+Mocktail工作坊！3月31日前入住

條款及細則：
– 如需免費取消，請於入住前至少三日與酒店聯絡
– 優惠不適用於預訂10間或以上房間的團體
– 優惠不可與其他優惠同時使用

本身已經算幾抵，估唔到會再劈！

JW萬豪又有新優惠！每房只係HK$2,080（連加一HK$2,288）起，就包：

– 住宿一晚
– 雙人自助早餐
– 房內餐膳三選一（各價值HK$1,388）：
1 萬豪金殿六道菜粵式佳餚套餐兩位
2 魚吧四道菜新鮮海鮮套餐兩位
3 Flint四道菜西式烤製美饌套餐兩位
– 於坐擁美景的相連客房內享用私人餐膳（最多使用3小時）
– 享用酒店設施，包括泳池及健身室（視乎政府政策）

呢口價係就係冇上次零房價咁抵，但JW係五星級酒店，包你一晚住+食兩餐，中菜海鮮西式燒烤任你揀，仲要包多間房專俾你享用房內餐膳，真係勁少有！呢個價真係十分之唔錯！

如果星期五及六入住就每晚HK$2,180（連加一HK$2,398）起；年初一HK$2,380（連加一HK$2,618）起；年初二及年初三（情人節）HK$2,880（連加一HK$3,168）起；年初四 HK$2,280（連加一HK$2,508）起。而3月份的價錢就比較浮動，由HK$2,380至HK$2,780都有，大家如果想3月住可以到以下訂購網址睇睇～

大家只要去以下訂購網址，揀心儀日期、人數同房數，再search。之後揀頂的「Deals and Packages」，見到「JW Eatcation 2021」就係今次優惠喇！

【入住日期】即日起至3月31日（視乎供應）

【訂購網址】www.marriott.com

（覺得抵可Whatsapp同LINE Share俾朋友）

【酒店】包多間房俾你食飯？JW萬豪酒店每房每晚$2,080起，包自助早餐+房內餐膳三選一！3月31日前入住

條款及細則：
– 可於確認預訂後24小時內免費取消訂單，否則就需收取全費
– 所有餐膳需於入住期間使用
– 此優惠不適用於10間房間以上之團體
– 此優惠不能與其他優惠同時使用

兩餐比一餐開心，三餐又比兩餐開心喎 ，咁…四餐咪好開心囉！

大家都想住的半島酒店，推出「味遊半島四重奏」住宿禮遇，每晚只係HK$2,880（連加一HK$3,168）起，就包你：

– 入住豪華客房一晚
– 大堂茶座半島二人午餐套餐（入住日享用）
– 房內半島二人晚餐套餐
– 露台餐廳半島二人早餐
– 大堂茶座經典下午茶外賣（退房日享用）
– 延遲退房時間至下午4時
– 同房第三位客人（小童及成人）附加費為HK$2,880+10%，費用包四餐及加床服務

住半島大家都知一向都唔平，平時呢口價頂多都係包你早餐，今次包足你四餐（餐單），仲要俾你延遲退房，連周末都係一樣價，真係勁勁勁抵玩呀！半島酒店一直係香港人心中的第一，唔係成日都有咁平㗎！想趁平去試返就真係唔好諗咁多啦！

【訂購日期】即日起至1月20日
【入住日期】即日起至3月31日（2月12至14日除外）

【預訂網址】https://www.peninsula.com/

（覺得抵可Whatsapp同LINE Share俾朋友）

【酒店】包夠你四餐！周末都同價！半島酒店每晚$2,880起，包早午晚+外賣下午茶四餐+延遲退房！3月31日或之前入住

條款及細則：
– 以上禮遇須視乎客房供應而定
– 客人入住時間為下午3時，退房時間為下午4時
– 「Peninsula Time」24小時彈性入住及退房時間不適用於以上禮遇
– 尚未使用的美食禮遇不能退款，不能兌換其他產品或服務，亦不能於退房時使用
– 此禮遇只供持有有效香港身份證的香港居民享用。客人入住時須出示有效之香港身份證明以作核實，否則香港半島酒店將向客人收取入住當日的半島優惠房價
– 此禮遇不可與其他推廣計劃及信用卡優惠同時使用
– 此項禮遇只供客人住宿之用，不適用於宴會及商業用途。客人必須遵循客房入住人數之規定，以及遵守政府之相關規定
– 官網訂房系統之條款及細則亦同樣適用於以上禮遇
– 如有任何爭議，半島酒店集團擁有法律允許範圍內的解釋權

又多一間酒店加入$0房價行列啦！

灣仔萬麗海景酒店頻頻出手，今次玩到$0房價！每晚只係HK$1,260（連加一HK$1,386）起，就包你HK$1,260餐飲額，再升級你住海景房住足24個鐘！連周末都冇加價，認真勁抵玩！

餐飲額可於酒店餐廳，包括Cafe Renaissance, Mirage 及 Dynasty滿福樓 使用，客房送餐服務亦適用！Book之前梗係做定功課，睇定想食咩先啦：

Cafe Renaissance – 主打自助餐，提供來自世界各地的佳餚，風評十分唔錯，同時亦有做單點外賣（餐單）
Mirage – 位於酒店大堂，擁多幅落地玻璃窗，景觀開揚。餐廳提供中西fusion菜（餐單）
Dynasty滿福樓 – 屢獲殊榮的滿福樓，主打純正廣府菜，提供過百款經典菜式及時令美食，更曾獲米芝蓮一星美譽（餐單）

揀唔到？橫掂餐飲額係自由用，計啱數就可以三間都試到啦！如果用多過HK$1,260，之後的客房送餐有成6折咁多，咁最抵一定係check in用credit食一餐，dinner食in-room，check out用credit食多餐啦！

大家只要去以下訂購網址，揀心儀日期、人數同房數，再search。之後揀頂的「Deals and Packages」，見到「Dine Your Way Eatcation」就係今次優惠喇！

【訂購網址】https://www.marriott.com/
【訂購日子】即日起至1月17日
【入住日期】即日起至2月7日

（覺得抵可Whatsapp同LINE Share俾朋友）

【酒店】又有$0房價？萬麗海景酒店每晚每房$1,260起！包$1,260餐飲額+升級住海景房！2月7日或之前入住

條款及細則：
– 如需免費取消booking，需於入住前至少一日與酒店聯絡
– 餐飲額不可累積
– 如有剩餘餐飲額，不設退款
– 建議先提早預訂心儀餐廳
– 以上優惠不適用於10人或以上團體
– 以上優惠不可與其他折扣優惠一併使用

逸東又有快閃優惠，價錢仲跌到歷史新低啊！

逸東酒店限時快閃優惠，每晚只係HK$600（連加一HK$660）起，就已經包你住一晚+雙人嘆超熱門普慶餐廳的自助早餐，再包你延遲退房去到第二日下午2點！人均只係HK$330，就可以住到晚再食餐buffet，真係抵到爆！平時你就咁去食普慶早餐都要HK$200一位！計落即係間房只係人均百幾蚊咋！就算農曆新年入住，每晚都只係HK$850起，超超超抵玩！

今次優惠有多款客房選擇，除咗近年完成新裝修的「逸‧新」外，仲有勁受歡迎的「逸‧緻」或「逸‧尊」客房可揀，每日只有幾間房額㗎咋，想住好啲就要快手！難得咁平，即book返晚支持下逸東啦～

【訂購日期】即日起至1月21日
【入住日期】即日起至2月28日
【優惠碼】fflash2021
【訂購網址】www.eatonworkshop.com/hotel/hong-kong

（覺得抵可Whatsapp同LINE Share俾朋友）

【酒店】一減再減！歷史新低！逸東酒店限時快閃優惠，每晚只係$600起，包雙人普慶自助早餐+延遲退房！2月28日或之前入住

突發！充滿外國感，又magical的香港迪士尼樂園酒店做特別優惠！

今次優惠只限特別日子，最平連加一只係HK$988一晚！另外可以選擇加購早餐（可選美式、日式 或 中式）／特色佈置！為方便大家，list哂出嚟俾大家睇：

1月23日及30日（星期六）
淨住宿 HK$1,597
加購華特餐廳早餐2份 HK$2,017
加購《反斗奇兵》／「Duffy與好友之旅」房間佈置 HK$2,078

1月28日（星期四）
淨住宿 HK$988
加購華特餐廳早餐2份 HK$1,408
加購《反斗奇兵》／「Duffy與好友之旅」房間佈置 HK$1,478

2月4日（星期四）
淨住宿 HK$1,088
加購華特餐廳早餐2份 HK$1,508
加購《反斗奇兵》／「Duffy與好友之旅」房間佈置 HK$1,578

2月6日（星期六）
淨住宿 HK$1,695
加購華特餐廳早餐2份 HK$2,115
加購《反斗奇兵》／「Duffy與好友之旅」房間佈置 HK$2,178

2月8日（星期一）
淨住宿 HK$1,185
加購華特餐廳早餐2份 HK$1,605
加購《反斗奇兵》／「Duffy與好友之旅」房間佈置 HK$1,648

2月11日（星期四，年三十晚）
淨住宿 HK$1,588
加購華特餐廳早餐2份 HK$2,008
加購《反斗奇兵》／「Duffy與好友之旅」房間佈置 HK$2,078

以上優惠最多接受每房2位成人及2位小童（12歲或以下入住）。住4個成人都得，但第3及第4位就要入住時加收HK$200+10%，都算唔錯啦～而主題房間佈置會包括拖鞋、個人用品包、歡迎墊及掛門裝飾！如果你係Toy Story 或者 Duffy fans，就一定唔可以錯過啦！今次優惠日期的確比較少，但真係幾難得，尤其年三十晚都有！帶埋一家大細去嚟個輕旅行都唔錯～如果啱你日期就即action啦！

【訂購網址】https://www.kkday.com/zh-hk/

（覺得抵可Whatsapp同LINE Share俾朋友）

【酒店】I can show you the SALE！迪士尼樂園酒店指定日子優惠，每晚連加一$988起，可加購早餐／特色主題佈置！2月11日或之前入住

條款及細則：
– 以上價格均已包含加一服務費
– 以上優惠需視乎房間供應情況而定，並以酒店確認為準
– 訂單一經下訂將無法修改訂購資料、旅客名單餐廳
– 加一服務費以原價計算
– 優惠如有調整或變更，恕不另行通知
– 以上優惠不可與酒店其他推廣或折扣同時使用
– 如有任何爭議，香港迪士尼樂園酒店將保留最終決定權
– 訂房之成人姓名需與護照或身分證件相同，以供酒店前台確認
– 所有賓客必須佩戴口罩及保持適當社交距離。詳情請瀏覽官方網站

住酒店只想懶洋洋hea下，最好梗係人地包哂三餐過你啦！

尖沙咀凱悅酒店就有個優惠，每晚只係HK$1,380（連加一HK$1,518）起，就包你：

– 入住標準客房（大床或雙床）一晚
– 雙人咖啡廳自助早餐
– 客房內享咖啡廳3道菜外賣午餐
– 咖啡店或凱悅軒雙人晚市套餐
– 提早上午10點登記入住 及 延遲至下午2點退房（只限星期一至四入住，公眾假期除外）
– HK$300電子禮券（可於K11 Select消費滿HK$600時即可使用）

話哂尖沙咀凱悅酒店係五星級酒店，呢個價包你食三餐點睇都係勁抵啦！不過呢個優惠只限星期一至四入住先有（年三十晚都有！），橫掂都冇得去旅行，請返一日半日假歎返下都得啦！

呢個優惠仲有其他房型俾大家揀，例如嘉賓軒客房包埋lounge都只係HK$1,780（連加一HK$1,958）起，不過就要問問你個胃，夠唔夠位再飲再食啦！大家只要入以下訂購網址就會直達訂房頁面，可自由更改日期。入到去見到「本地遊: 午市和晚市套餐」就係今次優惠喇！

【入住日期】即日起至3月31日（星期五至日除外）

【訂購網址】https://www.hyatt.com/

（覺得抵可Whatsapp同LINE Share俾朋友）

【酒店】少有！包哂你食三餐！尖沙咀凱悅酒店優惠，每晚每房$1,380起，包雙人早午晚三餐+延遲退房！3月31日前入住

條款及細則：
– 享用咖啡廳自助午餐前請事先預約餐廳， 需視乎其訂座情況而定
– 酒店入住時間前24小時可免費取消，過時取消需支付一晚房費
– 本酒店並非作隔離用途，需接受檢疫或進行醫學監察的賓客請先於其他地方完成強制隔離，方可入住本酒店