上年12月先開幕，由三級歷史建築活化而成的Hotel 1936，係感受老香港的好地方。

而家Hotel 1936就有優惠，每晚連加一低至HK$570起，就包入住經典客房一晚+房內享用雙人四季茶軒晚餐套餐啦！一人三百蚊都唔使就得，實在經濟實惠！呢個價只限星期日至四入住，星期五六入住就連加一HK$614，都係好抵玩！另外酒店仲有兩個套餐俾大家揀：

「雙妹嚜住宿體驗套票」日至四HK$515；五六HK$548
包免費升級至尊貴經典房間（視乎供應）、免費延遲退房至下午兩點及雙妹嚜禮品套裝

「1936旗袍住宿體驗套票」一人日至四HK$768；五六HK$823；二人日至四HK$1,098；五六HK$1,153
入住經典客房一晚及一天旗袍體驗（入住時提供旗袍體驗換領信，可以一個月內到中環貳拾年華兌領）

所有套餐都好有舊香港feel，睇你想要點嘅體驗啦～如果淨係要房「雙妹嚜」優惠都好抵呀！Hotel 1936位於太子道西，係歷史建築保育的酒店項目，前身係一幢建於30年代的唐樓。唐樓本身地下至三樓的外牆及前座起居空間被完整保留，二樓更設有舊建築展覽廳，仿如穿越時光隧道返到去三十年代的浮華光景，鍾意舊香港風味的你，真係值得一住！

【入住日期】即日起至3月31日（旗袍住宿體驗至6月30日）
【訂購網址】https://www.kkday.com/zh-hk/

（覺得抵可Whatsapp同LINE Share俾朋友）

【酒店】感受老香港！新酒店Hotel 1936優惠，每晚連加一$570起，包房內雙人晚餐套餐 ！3月31日或之前入住

條款及細則：
– 以上價錢皆已包含加一服務費
– 除特別註明，入住時間為下午2時；退房時間為上午11時
– 所有預訂皆自動保證入住，不設退款、更改或取消
– 貳拾年華地址：中環皇后大道中176A-F 錦安大廈4樓402室（近上環地鐵站E2出口）

講食放題，9成9都係日式，西式你又試過未？

西環香港萬怡酒店優惠，每晚只係HK$909（連加一HK$999.9）起，就包你：

– 入住Deluxe Room一晚（可視乎酒店供應享免費升級）
– 雙人早餐
– 雙人地中海風味晚餐放題
– 延遲退房至下午3時
– 享用酒店設施（視乎政府政策）

地中海風味放題有咩食？每兩人可享豪華海鮮拼盤（有龍蝦、生蠔、鱈場蟹腳、翡翠螺、青口及蜆）+兩杯氣泡酒之外，仲有多達17款不同種類的美食+6款口味Movenpick雪糕任食，仲有自助沙律吧+自助甜品吧，仲有無限咖啡、茶、精選果汁任飲！17款美食會定期轉，不過都係以意式食物，如意大利雲吞、Pizza、魚柳、意大利飯、牛扒等為主。睇落就好飽肚，但西式放題真係唔常見，仲要係酒店級，可以一戰！

不過呢個優惠只限星期一至四入住，想試就要度一度個期啦～（放工去食放題，第二日食個早餐去返工都ok既～返港島就更方便啦！）大家只要去主頁，揀心儀日期、人數同房數，再search。之後揀頂的「Deals and Packages」，見到「Delicacy Staycation」就係今次優惠喇！快快趁平book返間啦！

【訂購網址】https://www.marriott.com/

【入住日期】即日起至3月31日（只限星期一至四入住）

（覺得抵可Whatsapp同LINE Share俾朋友）

【酒店】連稅唔使一千包另類放題？香港萬怡酒店每晚每房$909起，包早餐+地中海晚餐放題+升級客房+延遲退房！3月31日或之前入住

條款及細則：
– 如需免費取消，請於入住前至少一日聯絡酒店
– 優惠內容或會隨政府政策而修訂
– 以上優惠不可與其他折扣優惠一併使用

去得Staycation就係想咩都唔諗hea爆佢㗎啦！啱！咁呢個優惠就啱哂你啦！

康得思酒店優惠，每晚HK$1,998（連服務費HK$2,197.8）起，就算星期六入住亦唔加價！呢個價包：

– 入住高級客房一晚
– 雙人The Place自助早餐
– 雙人Alibi – Wine Dine Be Social午餐（參考餐單）
– 雙人The Place自助晚餐（視乎政府政策，如晚市暫停，住客將獲自助晚餐券作替代方案）
– 提早至中午12時入住 及 延遲退房至下午4時（適用於2月至4月之住宿，4月2至6日除外）
– 價值HK$350紅酒一支（只限經flyagain預訂）
– 每房港幣300元水療消費額

食足三餐，其中兩餐係buffet，仲要住足28個鐘，經我哋訂再送紅酒，都只係呢個價咋！淨係餐晚餐+支紅酒，已經超過千八蚊啦，呢個優惠真係平到震！如果你自問超大食，三餐都唔夠你食，你可以訂包lounge的房型（貴賓全景客房 HK$2,698起；高級套房連廚房 HK$2,898起），食佢嘅小食+氣泡酒時段！

入到房就攤喺度，唔使諗食咩盡情hea爆佢，真係諗起都jeng！大家只要入以下網址，見到「度假住宿 – 美食好時光」就係今次優惠啦！即book返間hea住食三餐啦！

【入住日期】2月25日至6月30日
【優惠碼】FALST2021
【預訂網址】https://www.cordishotels.com/tc/hong-kong/

（覺得抵可Whatsapp同LINE Share俾朋友）

【酒店】懶人之選！照顧哂你食三餐！康得思優惠每晚$1,998起，包自助早餐+午餐+自助晚餐！6月30日或之前入住

條款及細則：
– 以上價錢均需另收取加一服務費
– 每房最多可2位成人及1位12歲以下小童入住（不加床）；小童可享免費自助早餐，午餐及自助晚餐收費則為原價的7折（服務費按原價計算）
– 必須提前24小時預訂客房
– 提早入住及延遲退房禮遇：全景商務客房、貴賓全景客房及套房須視乎供應情況而定
– 預訂時需全額支付，不設退款，更改或取消
– 香港康得思酒店保留更改優惠內容的權利。若所選擇的優惠暫未能供應，酒店有權以其他優惠代替
– 如有任何爭議，香港康得思酒店保留最終決定權

今日就正月十五，新年過去，但逸東的優惠係唔會停！

逸東酒店又再推出優惠俾咁多位，每晚只係HK$700（連加一HK$770）起，就包你：

– 入住「逸‧雅」客房一晚
– 花樣年華滋味套餐兩份（包一主食及一飲品，可堂食或外賣，於入住日下午3點至晚上9點享用）
– 普慶餐廳雙人自助早餐
– 使用酒店設施（視乎政府政策）

計落每人只係HK$385，就可以住到一晚+食兩餐！最正係呢個優惠連復活節大旺季都一樣唔加價，超超超抵玩！個餐咁長時間，當午餐定晚餐都得，拎上房食定食埋先都係由你揀，超flexible！加埋個自助早餐，基本上兩餐都已經包咗俾你啦，食埋個lunch去check in就perfect啦！今次優惠仲有另外4個房型俾大家揀：

「逸‧尚」客房 HK$750（連加一HK$825）起
「逸‧新」客房 HK$800（連加一HK$880）起
「逸‧仨」三人客房 HK$1,200（連加一HK$1,320）起
「逸‧家」四人客房（最多2大2細） HK$1,500（連加一HK$1,650）起

小編就推介大家試下「逸‧新」客房，皆因佢係最新裝修客房，房內設計融合環保概念，配上本地藝術家創作的精緻擺設，夠哂特別，啱哂俾你打返個靚卡！想成班fd／一家大細一齊去住，都一樣有三／四人房俾你揀，照顧哂你哋需要！逸東呢個咁抵嘅優惠，只係賣到去3月4日咋！想住逸東的朋友就快啲sd俾fd，咋咋淋book咗佢啦！

【預訂日期】即日起至3月4日
【入住日期】即日起至4月30日
【優惠碼】fflash2021
【預訂網址】https://www.eatonworkshop.com/hotel/hong-kong

（覺得抵可Whatsapp同LINE Share俾朋友）

【酒店】復活節都唔加價！二三四人房都有！逸東酒店快閃優惠，每晚$700起，包普慶自助早餐+滋味套餐一份！4月30日或之前入住

條款及細則：
– 入住時間為下午3時；退房時間為中午12時
– 預訂一經確認，不可轉讓及更改，全額房費亦不可退還
– 此優惠不能與其他優惠及折扣同時使用
– 如有爭議，以香港逸東酒店的最終決定為準

住足24個鐘，再包你食足3餐，真係啱哂小編我呢啲大懶人！

海景嘉福洲際酒店一價包三餐「饗樂24」住宿優惠，每晚都只係HK$1,388（連加一HK$1,526.8）起，就包你：

– 入住尊尚城市客房一晚
– 雙人海景咖啡廊全新推出自助下午茶（入住日下午3時至5時半）
– 雙人海景軒／Theo Mistral by Theo Randall晚餐套餐（海景軒餐單／Theo Mistral by Theo Randall餐單）
– 雙人豐富自助早餐
– 入住登記時間起住足24小時（只限星期日至四）
– 2及3月生日可享免費生日蛋糕（朱古力或芝士蛋糕）

一check in就hea陣，去食tea，再hea，食dinner，hea到瞓，食早餐，再hea到check out，簡直係dream routine呀！想住好啲，當然都有得你揀啦！星期日至四入住尊尚半海景客房HK$1,588+10%起；入住尊尚海景客房HK$1,688+10%起！視乎你想要幾多海景啦～如星期五六入住，都只係加HK$100咁多，抵啦！

由而家起至3月31日的新預訂，仲可以有額外限時禮遇！大家可以喺以下三選一：

– 免費客房升級至下一房型（不適用於星期五六入住／入住尊尚海景客房之住客）
– 免費泊車（不適用於星期五六入住之住客）
– 免費紅酒一支

咁計法星期日至四入住，只係俾尊尚半海景客房的價錢，就住到尊尚海景客房啦！CP值又再高咗！如想加多位四歲或以上的客人，附加費為HK$500+10%（已包括加床、早餐、自助下午茶及晚餐）！想咩都唔諗咁hea住過一個假期，呢個plan真係fit哂呀！趁佢有限時禮遇好快啲book啦！

【預訂網址】https://eshop.icgrandstanford.com/
【入住日期】即日起至4月30日（4月1至6日除外）

（覺得抵可Whatsapp同LINE Share俾朋友）

【酒店】彈性住24個鐘食3餐！海景嘉福洲際酒店優惠，每晚$1,388起，包自助早餐+自助下午茶+晚餐！4月30日或之前入住

條款及細則：
– 以上價錢需另收加一服務費（網站內會顯示加一後價錢）
– 優惠須提早一日預訂
– 訂單可於入住前（中午12時前）最少72小時免費取消
– 優惠更改須提早24小時，並視乎房間供應情況及最終確認
– 推廣內容如有更改，恕不另行通知
– 預訂客房需視乎房間供應情況而定
– 此優惠不適用於洲際皇家大使周末住宿禮券 及 洲際皇家大使客房升級及禮遇
– 此優惠不能與任何其他推廣優惠或折扣同時使用
– 如有查詢，請電郵至 [email protected] 與我們的訂房部聯絡

Staycation就算冇包餐，只要有得入lounge都可以食返夠本！

千禧新世界香港酒店限時優惠，星期日至四每晚連加一低至HK$858起（星期五六及公眾假期都只係連加一HK$924起！），就包：

– 入住聚賢薈樓層豪華客房一晚
– 於聚賢薈Residence Lounge & Bar享受全天候供應之美點及傍晚雞尾酒
– 雙人Café East自助早餐
– 免費享用客房迷你酒吧內的非酒精飲品一次（不設refill）
– 免費享用房內自選電影服務
– 贈送迎賓水果及精選美酒一支
– 提早至下午1時入住；延遲退房至下午3時（視乎供應）
– 個人化住房及退房登記服務
– 首30間預訂入住聚賢薈海景客房，可享免費房內氣球佈置（只限指定日子，30間之後需入住48小時前要求，收費HK$200）

就算周末／公眾假期，都連稅唔使一千，就包住一晚+早餐buffet+入lounge任飲任食，真係震撼大平價！佢個lounge仲係全新裝修，上年年尾先至裝修完成，坐擁維港大海景，個feel超級正！想住好啲當然都有其他房型揀啦：

聚賢薈城景客房 HK$968起（星期日至四入住）；HK$1,056起（星期五六及公眾假期入住）
聚賢薈海景客房 HK$1,089起（星期日至四入住）；HK$1,199起（星期五六及公眾假期入住）

以上兩個房型仲允許最多帶2個11歲或以下的小童一齊入住，包加床+免費自助早餐（豪華客房只允許1個，不設加床）！如果一家大細去就梗係揀呢個房型抵好多啦！海景客房個景靚之餘，個廁所都大啲，絕對值得考慮俾貴少少！怕留喺酒店小朋友太悶，可以以優惠價HK$225，加購「香港樂高®探索中心入場門票」（連樂高®積木刻字鎖匙扣），中心只係喺K11 MUSEA，沿住海旁行過去好快就到啦！

介紹返，千禧新世界香港酒店位於尖東，前身係日航酒店（出賣年齡系列），但就距離紅磡站比較近，10分鐘內就行到去，坐隧巴喺紅隧口落車都好方便～咁平的優惠，梗係要訂返晚試下啦！

【訂購日期】即日起至3月3日23:59
【入住日期】3月1日至6月30日
【訂購網址】https://www.kkday.com/zh-hk/

（覺得抵可Whatsapp同LINE Share俾朋友）

【酒店】平歎新lounge！千禧新世界香港酒店限時優惠，每晚連加一$858起，包自助早餐+小食+雞尾酒時段！6月30日或之前入住

條款及細則：
– 以上價錢均已包加一服務費
– 此優惠屬香港居民獨家尊享禮遇
– 預訂後不可取消 入住者須填健康申報表，且不接受於入住日前十四天內曾離港人士
– 入住時需提供身份證明文件，以供確認身份
– 此活動不得與其他現行促銷同時使用
– 酒店可能會因疫情關係，調整各項服務設施之開放及營運時間，請以酒店公告為準
– 客人必須於預訂時或入住前48小時備註生日，否則酒店或無法安排禮遇
– 訂購之香港 Legoland 入場門票，成人及3-11歲之兒童必須一同進場，不能單獨進場
– 條款和條件如有更改，恕不另行通知。 如有任何爭議，酒店將保留最終決定權

W酒店限時優惠，每晚只係HK$2,300（連加一HK$2,530）起，就包：

– 入住Wonderful Room一晚
– 雙人KITCHEN自助早餐
– 由星宴總廚陳忠秋師傅炮製饗宴品味午／晚市套餐（參考餐單）
– 享用酒店設施（視乎政府政策）

同一個日子就咁訂間Wonderful Room都要HK$1,800+10%，即係HK$500左右就包埋早餐buffet同星宴午／晚餐，都睇返個星宴餐單，又燕窩又和牛又星斑，都唔少嘢㗎，計落絕對係抵玩入手盤！想再住好啲可以揀其他房型：Fabulous Room HK$2,450+10%起；Fantastic Suite HK$2,700起+10%！

以上價錢星期日至五（包括紅日4月5及6日！）都適用，就算星期六入住都係貴HK$100咁大把，正呀！大家只要去以下訂購網址，揀心儀日期、人數同房數，再search。之後揀頂的「Deals and Packages」，見到「Epic Eats On Repeat」就係今次優惠喇！

【訂購日期】即日起至3月1日11:00
【訂購網址】https://www.marriott.com/
【入住日期】2月26日至4月30日（4月2至4日除外）

（覺得抵可Whatsapp同LINE Share俾朋友）

【酒店】限時減！食足兩餐！香港W酒店每晚每房$2,300起！包自助早餐+總廚炮製星宴午／晚餐！4月30日或之前入住

條款及細則：
– 此優惠不能與其他優惠同使用
– 此優惠不能賺取Marriott Bonvoy積分
– 此優惠不適用於預訂10間或以上房間的團體使用
– 確認預訂後24小時內可免費取消，其後便不能更改及取消

晚市唔俾開的日子，終於都過去，大家幾耐冇出過去食晚飯呢？

而家一開返，小編最想既，梗係食返餐buffet食返夠本啦！康得思酒店限時優惠，入住最平的高級客房，每晚HK$1,388（連服務費HK$1,526.8起），就包埋雙人The Place自助晚餐啦！淨係一個人平日食晚餐buffet，原價已經要HK$668+10%，咁計即兩個都已經要HK$1,469.6，計落即係間房六十蚊都唔使就住到啦！如星期一至四入住高級客房，仲可以仲可以提早至中午12點入住，延遲到下午4點退房，住足28個鐘（4月2至6日除外）！咁就梗係住埋佢最抵啦！

晚餐生蠔、刺身、各款海鮮、肉眼扒就一定走唔甩，入住日由6點半食到9點9俾你刷返夠本，真係諗起都流哂口水！如果唔好彩政府又cut晚市，酒店都會派自助晚餐券作替代方案，所以大家唔使擔心！想再食盡啲？大家可以考慮入住包lounge的房型，包括：

貴賓客房 HK$1,888起
貴賓全景客房 HK$2,238起
高級套房連廚房 HK$2,388起

呢三個房型包埋早餐、小食同氣泡酒時段，變相俾多兩餐你，回本度再升級！順帶一提，自助晚餐酒精飲品要加錢先有，但經我哋預訂，會額外送多支紅酒（價值HK$350）俾大家，咁大家食到飽飽就可以返房慢慢嘆，係咪好貼心呢？仲要計落又再抵咗㖭！想大吃特吃就快啲book啦！

【預訂日期】即日起至3月1日08:59
【入住日期】 2月25日至4月30日
【優惠碼】FALFEB03
【預訂網址】https://www.cordishotels.com/tc/hong-kong/

（覺得抵可Whatsapp同LINE Share俾朋友）

【酒店】計落唔使六十蚊就住到一晚？康得思酒店限時優惠，每晚$1,388起，包雙人自助晚餐！4月30日或之前入住

條款及細則：
– 以上價錢均需另收取加一服務費
– 加第三及第四位客人相關費用將視乎房型而定，建議可向酒店查詢
– 必須提前24小時預訂客房
– 如欲取消或修改房間預訂，請在抵達日之7日前提交，如客人遲於以上時間取消預訂，酒店將會收取第一晚房間費用連稅作罰款
– 4月1日至6日之預訂不設退款，更改或取消
– 自助晚餐必須於登記入住當晚享用
– 香港康得思酒店保留更改優惠內容的權利。若所選擇的優惠暫未能供應，酒店有權以其他優惠代替
– 如有任何爭議，香港康得思酒店保留最終決定權