而家酒店都係西餐多，想食中餐都唔係冇選擇！

酒店：沙田凱悅酒店（大學站旁）

參考價錢（價錢或會有浮動）：
6月一至四 HK$1,110+10%起
6月星期五 HK$1,330+10%起
7月一至四 HK$1,260+10%起
7月星期五 HK$1,330+10%起
8月一至四 HK$1,400+10%起
8月星期五 HK$1,550+10%起

包咩：
– 入住海景客房一晚（有其他房型選擇，可參閱預訂網址）

– 房內享用沙田18的6道菜雙人晚餐（參考餐單，供應時間為下午6時半至10時）
– 享用酒店設施（視乎政府政策）

追加項目：
加HK$132－於客房內享用家庭營及野餐美食
加HK$165－每房間可使用單車2小時，只限已登記的房客，每客房限2輛成人單車及一輛小童單車

交通：鄰近巴士總站（主要來回馬鞍山），以及大學火車站，方便度5/10
酒店特色：客房面積比一般酒店大，海景房望吐露港，山景房望中大及九肚山
入住時間：下午3時
退房時間：中午12時

結論：呢個優惠只包一餐，但呢餐有成6道菜，有肉有菜有飯麵有甜品，都算係咁～如果都係唔夠可以揀book嘉賓軒客房，包埋你入lounge任飲任食！但你本身係凱悅Globalist會員嘅話，就更加唔使煩啦～

【入住日期】即日起至8月31日（星期六日除外）
【預訂網址】https://www.hyatt.com/zh-HK

（覺得抵可Whatsapp同LINE Share俾朋友）

【酒店】望住海景嘆中菜！沙田凱悅酒店每晚$1,110起，包住海景房+房內雙人沙田18六道菜晚餐！8月31日或之前入住

條款及細則：
– 第3位以上的房客餐飲，請參照酒店當時的房客用餐優惠
– 此套餐之餐飲安排限入住期間使用，使用前請事先預約餐廳，需視乎其訂座情況而定
– 預約家庭營及野餐籃，以及單車需於活動開始前48小時預約，預約請致電+852 3723 1234或電郵[email protected]與健身中心聯絡
– 如需取消預訂，請於原定入住前72小時提出，否則酒店將收取1晚房費
– 更改住宿日數及入住日期或令房價變改
– 凱悅酒店集團保留任何時候修改或取消此項優惠的權利，無須另行通知
– 如有任何爭議，凱悅酒店集團有最終決定權

唔住都可以食好西！小編會一連幾日介紹自助餐優惠～

酒店：沙田凱悅酒店（大學火車站）

餐廳：咖啡廳（酒店大堂層）

成人連加一價錢：
自助午餐－HK$407（一至五）HK$473（六至日及公眾假期）
自助晚餐－HK$638（一至四）HK$704（五至日及公眾假期）

小童連加一價錢：
自助午餐－HK$204（一至五）HK$237（六至日及公眾假期）
自助晚餐－HK$319（一至四）HK$352（五至日及公眾假期）

用餐時間：
自助午餐－中午12時至下午2時30分
自助晚餐－晚上6時至9時45分

包咩：
– 享用自助餐各款美食，包括壽司、沙律、刺身、海鮮、熱食、甜品等，晚餐更有香煎鴨肝、蠔皇鮑魚、燒牛肉等
– 無限添飲精選餐酒、汽水、橙汁等飲品

結論：而家食個大型酒店的自助餐，晚餐冇七百幾蚊都落唔到樓（仲要冇嘢飲），今次優惠最貴都只係HK$704，仲包飲品無限添飲，連餐酒都有！優惠暑假都適用，真係幾抵食呀！

【享用日期】6月21日至8月31日（部分日子不適用）
【預訂網址】https://www.kkday.com/zh-hk/

（覺得抵可Whatsapp同LINE Share俾朋友）

【自助餐】暑假都有！飲品無限飲！沙田凱悅酒店咖啡廳自助午／晚餐，每位連加一低至$407起！8月31日或之前享用

條款及細則：
– 優惠不可與其他折扣、優惠、現金禮券同時使用
– 餐廳內容或會因為食材供應而稍作調整，恕不作另行通知，一概以香港沙田凱悅酒店之最新安排為準
– 優惠如須根據政府社交距離措施而更改，恕不作另行通知
– 如有任何爭議，香港沙田凱悅酒店保留最終決定權

想感受大自然同時享受美酒佳餚，當然要去同香港同一時區，相對上冇咁遠嘅西澳啦！小編今次就帶大家去到西澳，遊走5大特色旅遊點！

Checkpoint 1：羅特尼斯島（Rottnest Island）
Quokka（短尾矮袋鼠）可愛的笑容，溶化咗唔少人的心，更獲得「最快樂動物」「最上鏡動物」等美譽，連雷神、狼人等國際巨星，都俾佢迷倒！亦因為Quokka嘅巨大名氣，連帶其主要聚居地羅特尼斯島，都成為西澳著名旅遊點，每日都有唔少遊客上島搵Quokka！

羅特尼斯島除Quokka外，仲有超過60個水清沙幼嘅沙灘，可以影相打卡玩水之餘，仲可以玩埋SUP直立板同埋浮潛㖭！如果你愛好刺激，可以選擇玩skydiving，於萬尺高空欣賞小島美景，都不失為一件賞心樂事丫～

Checkpoint 2：粉紅湖（Hutt Lagoon）
粉紅色嘅嘢，一直都係熱門打卡對象；如果成個湖都係粉紅色嘅話，咁真係不去不可啦！距離珀斯約5個半鐘車程嘅Hutt Lagoon，正正就係一個大型粉紅湖，真係見到都少女心大爆發啊！

但點解佢係粉紅色呢？原來係因為湖中的鹽分濃度高（高過海水！）特別適合杜氏鹽藻生長，而佢會產生大量胡蘿蔔素，就將湖水變成粉紅色啦～

大家可以選擇跟團或自駕到湖邊影相，想有更好拍攝效果更可以落湖影！夠budget嘅話，不妨搭小型飛機上高空，欣賞成個粉紅湖深淺不一的奇觀！

Checkpoint 3：寧格魯珊瑚礁國家公園（Ningaloo Reef National Park）
鯨魚同鯊魚大家都識啦，咁鯨鯊你又識唔識呢？原來佢係最大的魚類，世界上唔少水域都可以搵到佢哋嘅蹤影，但可以佢哋一齊游水嘅地方唔多，西澳就係其中一個啦！

而當中西澳著名的寧格魯珊瑚礁國家公園，就係其中一個「與鯨鯊同游」的重要據點啦～國家公園擁有世上唯一靠近陸地的大型珊瑚礁，有西澳大堡礁之稱，亦因為吸引唔少海洋生物聚居，包括野生鯨鯊，所以成功見到佢哋嘅機率都唔低㗎～

Checkpoint 4：瑪格麗特河（Margaret River）
位於珀斯以南約3小時車程的一個城鎮，為世界聞名的葡萄酒產區，當地居民唔多，但有超過5500公頃葡萄園，同埋超過138家酒廠，數量驚人！產區生產超過25%澳洲優質葡萄酒，地位舉足輕重。原來係因當地四季氣溫變化不大，造就一個理想的葡萄產地。

同時連帶旅遊業都十分發達，唔少人到訪西澳時，抽一至兩日的時間到訪當地，參觀酒莊之餘，同時品嚐不同美酒，chill住感受澳洲小鎮風情，真係齋諗都覺得梳乎！

Checkpoint 5：即捕即食野生海鮮遊船（Mandurah Seafood Cruise）
講起澳洲，當然唔少得海鮮啦！西澳主要地點大多都沿海，所以海鮮業都好發達，更有唔少係出口，當然香港都搵到啦！但最最最新鮮嘅食法，就當然係即捕即食啦！

一場去到西澳，當然唔少得登上海鮮遊船，與專業船員一齊出海，尋找海鮮！中途船員會落網捉海鮮，當中有龍蝦、蠔、章魚、蟹等等，其後就會即席烹煮俾大家食，既豐富又新鮮，回味無窮！

原來而家就算唔使搭飛機，都可以感受到以上咁多個西澳體驗啦！北角維港凱悅尚萃酒店（Hyatt Centric）而家就同西澳州旅遊局合作推出「We Miss Western Australia」住宿體驗，每晚最平只係HK$1,680+10%起（人均一千有找！），就可以去酒店內的各個西澳景點打卡，仲可以食埋西澳風味套餐（有西澳海鮮+西澳葡萄酒+澳洲牛肉）！另外再送澳洲天然護膚專家Jurlique禮品包+西澳紀念品，超抵玩，真係好似去咗一轉澳咁happy呀～

今次呢個西澳「偽出國」體驗，成個暑假都適用！今個暑假一於「衝出亞洲」，去感受一下西澳的美好風光啦！

【入住日期】即日起至8月31日
【預訂網址】https://www.hyatt.com

（覺得抵可Whatsapp同LINE Share俾朋友）

【澳洲】澳！Let’s 西seeing！小編帶你眼睛去旅行，一文睇哂西澳食+玩5大亮點！