去澳門玩想搵靚酒店住，識揀當然係揀永利皇宮啦！酒店又大又舒服唔在講，見到張特大雙人床小編真係好想喺上面碌嚟碌去！如果你都好似小編咁，依家就有機會喇！永利皇宮推出限時雙十二優惠，二人房每晚每位只需$606起，連稅二人合計每晚$1,393起，加入成為Wynn Insider再享額外折扣，每晚每位只需$545起，以永利皇宮嘅質素呢口價真係相當吸引，而且會員係免費註冊㗎！除咗有特大雙人床，房間面積達68平方米 （730平方呎），比其他同級酒店套房更加寬廣舒適，仲有65吋特大電視睇，加上嚟自英國獨家特配嘅沐浴用品，真係優惠價享受一流的服務。Miss咗前幾次優惠嘅你真係把握今次機會訂房啦。

【入住日期】即日起至2017年6月30日（旺季除外）
【訂房日期】2016年12月5日至12日

【訂購網址】http://www.wynnpalace.com

（覺得抵可用Whatsapp同LINE Share俾朋友架）

必搶！澳門路氹永利皇宮雙十二優惠！每晚每位只需$545起，2017年6月30日前入住

今次介紹個冷門地方先！卡薩布蘭卡您又有冇聽過？佢嘅英文名你可能熟啲－Casablanca！法國航空同皇家荷蘭航空推出優惠：香港來回摩洛哥卡薩布蘭卡HK$3,130（連稅HK$3,827）起。呢個地方係非洲國家摩洛哥最大城市，摩洛哥雖然位於非洲，但係同西班牙只係一海之隔，所以摩洛哥又有歐洲後花園之稱。卡薩布蘭卡曾經係歐洲殖民地，所以文化交融造就獨特風情，傳統舊城區，更有西班牙、葡萄牙、法國殖民風情，哈桑二世清真寺更是極盡宏偉；

講返今次優惠，限12月25日至12月31日出發，回程可選1月9日或之後。呢張飛可以Openjaw，大家仲可以去程飛卡薩布蘭卡，然後向上玩返去丹吉爾，只需35分鐘船程即到北接西班牙嘅「小英國」直布羅陀，回程由馬拉加、馬德里、巴塞隆拿等西班牙城市回程，或者其他歐洲城市走又得！如果想Openjaw，可以到Expedia香港，用多個目的地Search。

提提大家：持香港特區護照、澳門特區護照或BNO入境摩洛哥不需辦理簽證。

【出發日期】12月25日至12月31日
【機票有效期】1個月
【最後訂票日期】12月15日或售完即止

【訂購網址】www.klm.com

（覺得抵可用Whatsapp同LINE Share俾朋友架）

北非諜影！歐洲後花園！法荷航香港來回摩洛哥卡薩布蘭卡$3,130起，12月31日前出發

好正呀！「日本ANA內陸線機票+酒店套票」又有新優惠！呢個「遊日恩物」最正之處係可以喺日本任何一個城市出發，飛任何日本城市都得，自制日本深度遊！例如你可以由沖繩出發，玩東京、大阪或者北海道！或者由東京出發，飛富山、小松、高知、仙台等二線城市都得！玩法超多，再用埋Openjaw同Stopover嘅特點，一次過玩多個城市！舉例由大阪出發，先飛札幌，Openjaw由函館飛東京，喺東京玩幾日，再由東京飛廣島，由廣島玩到落福岡，最後由福岡飛沖繩都做到！然後再用香港飛大阪+沖繩飛香港嘅機票包返住個套票，咁就FIT晒啦。

期間限定大優惠：由即日起至12月19日期間，預訂任何日本城市出發之內陸線套票，可獲贈尖沙嘴日式燒肉餐廳「298 Nikuya Kitchen T.S.T」HK$100 午市美食現金券。地址：3F., China Insurance Building, 48 Cameron Road, Tsim Sha Tsu。現金券使用日期為2016年12月20日至2017年1月31日。

人氣日本內陸套票！日本各城市出發，乘搭ANA來回北海道機票+1晚酒店連稅$1,397起！限時加送$100日式餐廳美食券

舉例由大阪飛北海道，來回ANA內陸機票+1晚住宿，連稅每位HK$1,397起，套票日子可長可短，旅遊日期由即日起至2017年6月12日。訂購方法如下：

Step 1：前往hisgo HK頁面（www.hisgo.com.hk），揀選”Japan Hotel & Air Package”及選擇地點，去程及回程日期，住宿資料。

Step 2：選擇去程及回程航班時間（留意價錢隨航班時間各有不同）。

Step 3：選擇酒店，所顯示的價錢已經包括內陸機票+酒店+所有稅款。

Step 4：輸入個人資料及選擇付款方式便完成。（餐券會隨行程單寄送）

飛曼谷有眾多航空公司，廉航有Airasia，傳統航空坐阿聯酋都好鬼平，如果有筆直坐商務呢？斯里蘭卡航空絕對正！佢哋又有曼谷線商務艙優惠：香港來回曼谷只需HK$1,950（連稅HK$2,407）起，話晒斯航質素有保證，機型係A330-300，有平躺坐位俾你瞓住嚟飛，兼包30kg寄艙行李同更高檔嘅飛機餐，仲可以入機場貴賓室歎陣先，諗起都覺得正呀。加上呢張飛Class Code係I，儲Avios或Asia Miles都有125%里數。留意番斯里蘭卡航空逢週一、四、六有航班，去程晚機，回程午機，價啱可到Expedia香港訂購。

註：Expedia最初會Search到價錢為$2,527，撳埋落去行程資料就會Show返$2,407。

【出發日期】即日起至2017年3月30日（旺季除外）
【機票有效期】7天
【最後訂票日期】售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

泰抵歎！商務平飛！斯里蘭卡航空香港來回曼谷$1,950起，2017年3月30日前出發

歐洲Openjaw大家就試得多，大家又有冇諗過歐洲同美國都可以組合到Openjaw？一次過玩晒歐洲同美國，原來真係得㗎喎！小小編搵到卡塔爾航空超抵玩嘅歐洲+美國機票組合！先由香港出發經多哈飛歐洲各地，回程由美國紐約飛曼谷，整套飛連稅只係HK$3,417起。價錢超平！呢口價以去程飛斯德哥爾摩，回程由紐約走搵到最平，其餘歐洲城市可揀：赫爾辛基HK$3,497起、馬德里HK$3,737起、蘇黎世HK$3,737起、阿姆斯特丹HK$3,827起、奧斯陸HK$3,907起、倫敦HK$4,077起。

由歐洲飛美國有挪威航空、愛爾蘭航空等，價錢水平大約在一千樓下至二千左右。仲有一個玩法，因為呢張飛有4個月有效期，舉例出年2月28日出發，6月28日回程都組合到，將佢拆成一次歐洲TRIP，加一次美國TRIP又得，另外購買或用里數兌換歐洲返香港，同香港去美國嘅單程機票。

呢張飛係由紐約飛曼谷，如果回程飛香港就組合唔到平價；而曼谷返香港要另外購買，不過就簡單啦，曼谷返港可揀Airasia或港航單程機票。

機票Class Code係N同O，N class可儲50% Avios，O class都有25% Avios，叫做好過冇啦。

重要提示：上機前請預備好離開歐洲的後續機票，否則有機會不獲准上機。

【出發日期】即日起至12月17日、12月25日至2017年1月25日、2月1日至4月11日、4月18日至6月15日
【機票有效期】4個月
【最後出票日期】12月4日或售完即止

【訂購網址】www.expedia.com.hk
【預訂教學】http://flyagain.la/31983
【又飛啦製作搭乘報告】（波音787-8夢幻客機之旅，經濟艙）http://flyagain.la/h8rc

（覺得抵可用Whatsapp同LINE Share俾朋友架）

新發現！歐洲美國都可Openjaw！卡塔爾航空香港飛歐洲，回程紐約飛曼谷，連稅$3,417起！2017年6月15日前出發

眨下眼又一個月，釜山航空早鳥機票嚟緊星期二又搶啦（12月6日香港時間10am開賣）！今次開賣出年3月份優惠，包括香港/澳門出發，淨機票單程HK$400起，來回連稅計：香港出發約HK$1,146起、澳門出發約MOP1,181 起。以包晒20kg行李寄艙、機上餐點，都幾抵！而且航班係凌晨機去晚機返，玩盡每一日！出年3月又係櫻花季，想去韓國睇櫻花記住星期二去搶飛啦！

【出發日期】2017年3月1日至3月31日
【訂票日期】12月6日香港時間10:00至12月12日14:59或售完即止

【航班時間】
香港飛釜山：
去程：BX392 02:05-06:10
回程：BX391 21:35–00:15+1

澳門飛釜山：
去程：BX382 02:05-06:10（逢星期一、四、六 ）
回程：BX381 22:05–00:35+1（逢星期三、五、日 ）

【訂購網址】www.airbusan.com
【預訂教學】http://flyagain.la/35704

（覺得抵可用Whatsapp同LINE Share俾朋友架）

睇櫻花！周二10am開賣！出年3月早鳥價：釜山航空香港/澳門來回韓國釜山，連稅$1,146起，包20kg行李！

漢莎+瑞航+奧航又推出優惠，呢排密密出，想去歐洲不妨留意返！今次優惠同上次一樣，同樣係去程坐瑞航經蘇黎世轉機，回程坐漢莎經德國返港或者坐奧航經奧地利維也納返港，來回機票HK$2,500起，連稅計：米蘭HK$4,090起、里斯本/巴塞羅那HK$4,156起、巴黎HK$4,162起、威尼斯HK$4,165起、羅馬HK$4,170起、柏林HK$4,467起、巴黎HK$4,162起、杜塞爾多夫HK$4,646起、漢堡HK$4,471起、倫敦HK$4,603起。

整體價錢比之前貴咗少少，但都係可入手範圍，話哂出名稅貴嘅倫敦都係4千6左右，而且仲可以搭配心水航空公司，又可以一次過試晒兩間唔同體驗，呢套飛亦可Openjaw不同城市往返，用多個目的地搜尋。有興趣就到Expedia香港訂購。

【出發日期】12月6日至2017年6月24日（旺季除外）
【機票有效期】1個月
【最後訂票日期】12月5日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

又減！瑞航+漢莎+奧航任配搭！香港來回歐洲連稅$4,090起，2017年6月24日前出發

新加坡航空官網推出幾正嘅澳洲優惠，想歎星級服務？真係要望望：香港經新加坡來回澳洲6大城市只需HK$1,350起，連稅計：墨爾本HK$3,892起、悉尼HK$3,966起、布里斯班HK$3,942起、坎培拉HK$4,196起、珀斯HK$4,292起、阿德萊德HK$4,303起。整體價錢同上期比較平成四百左右，今次連8月份都有減，踏正暑假出發，去轉澳洲避暑都正。優惠可OpenJaw（不同城市往返），而且可中停新加坡玩幾日，玩埋真係抵晒，更可選搭A380優質航班往返新加坡（去程SQ863 14:10-18:10；回程SQ860 08:25-12:25）。留意番呢口價只限官網，價啱即上官網訂飛！

如果有銀聯信用卡，經官網訂票更有減HK$1,000優惠，折扣後低至$2,892起！超抵！只適用於使用銀聯信用卡付款，於首頁搜尋航班前選擇”使用優惠代碼”，輸入HKSQUP 。

如果想中停新加坡，方法好簡單，用多個目的地Search，首先搵咗香港來回澳洲有平的日子先，例如8月15日去、22日返，然後用多個目的地功能輸入3個航段Search，就可以Search到，舉例：a. 8月15日香港-墨爾本 b.8月22日墨爾本-新加坡，c. 8月26日新加坡-香港，來回連稅HK$4,119起。

【出發日期】2017年2月6日至6月30日、8月7日至9月23日
【機票有效期】1個月（最遲於2017年10月22日完成旅程）
【最後訂票日期】12月31日或售完即止

【訂購網址】www.singaporeair.com/

（覺得抵可用Whatsapp同LINE Share俾朋友架）

暑假有！激減！新加坡航空香港來回澳洲連稅$3,892起，可中停新加坡，2017年9月23日前出發