正！鐘意去韓國嘅粉絲有好消息，有韓國新航線啦！德威航空 T’Way 將會於12月13日起開辦香港至大邱航線，去韓國有多個新地方選擇！今日官網推出開航優惠，香港往大邱單程HK$500（連稅HK$755）起。大邱飛香港單程40,000KRW（連稅63,000KRW，約HK$427起），來回合計HK$1,182起。分開兩個單程訂會比來回訂平幾百蚊。圍起千一蚊真係好抵下，票價已包15kg免費寄艙行李，同10kg手提行李。

Check過系統，平飛集中3月出發，但淨返唔係好多，有興趣即到官網訂票。提提大家：要預先做咗會員，登入咗去訂先得，否則Click票價會出警告信息。

【航班時間】
去程：香港-大邱 TW1672 13:05-17:25 (二)、11:50-16:10 (四)、18:10-22:30 (六)
回程：大邱-香港 TW1671 08:00-10:50 (二/四)、14:20-17:10 (六)

【出發日期】12月13日至2017年3月25日
【機票有效期】不限
【最後訂票日期】賣完即止

【訂購網址】www.twayair.com

（覺得抵可用Whatsapp同LINE Share俾朋友架）

正呀！韓國新航線！直飛大邱！德威航空單程開航價$500起，包15kg行李！2017年3月25日前出發

香港航空經濟艙成日賣到爆平價，真係好屈！至於商務艙都好抵，做到人哋經濟艙咁嘅價，超正！港航推出商務艙優惠，來回台北或曼谷機票只需HK$1,272起，連稅計：台北HK$1,673起、曼谷HK$2,270起，呢口價以商務艙嚟講都算極平，而且商務艙行李提升到30kg，上機前可以入Lounge歎陣食下嘢，機上又有靚靚飛機餐唔駛食麵包。飛機座位設有180度平躺Flat Bed俾您（限A333/33V機型）。Check過系統，平飛供應充足，雖然公假日子冇平，但7月中之前暑假頭都有，好正斗！官網較貴，大家可到Ctrip訂飛。

【出發日期】即日起至12月21日、12月27日至12月29日、2017年1月1日至1月25日、1月31日至4月11日、4月17日至4月27日、5月4日至7月14日
【機票有效期】14日
【最後訂票日期】11月30日或賣完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

商務勁抵！減到出年暑假！港航來回台北$1,272、曼谷$1,820起，2017年7月14日前出發

聖誕旺季要搵平機票？梗係買套票抵啦，比機票酒店分開Book更慳之餘，永安旅遊依家仲有聖誕限定折扣碼，訂套票每位可減HK$200！如果各位一定係聖誕先去到旅行，就必要留意啦！今期推介2個精選套票：中華航空台北3日2夜套票，2人同行折後每位HK$1,759起（連稅HK$2,192）起（舉例12月26日出發、12月28日回程，入住台北西門大飯店），間酒店話明喺西門，一睇就知方便啦，華航有30kg行李，旺季價2千頭絕對唔錯。

大阪套票推介，香港航空3日2夜套票，2人同行每位減HK$200後每位HK$5,096（連稅HK$5,634）起（舉例12月23日出發、12月25日回程，入住新大阪永翼國際酒店）Hotel Wing係日本連鎖酒店品牌，質素有保證；依家訂全線日本自由行套票，每個訂單仲包租用日本pocket wifi 一部，連買卡租蛋錢都慳返！

提提您：大家要先登記成為永安旅遊會員先可享用優惠，優惠碼適用於12月22日至27日出發之套票，於付款頁面輸入「GP198」即可享每人減HK$200優惠，推廣日期至10月30日。

訂購：www.wingontravel.com

（覺得抵可用Whatsapp同LINE Share俾朋友架）

正呀！聖誕有平喎！全線套票聖誕期間出發每位減$200：華航台北$1,759、港航大阪$5,096起，優惠至10月30日

英鎊跌到咁平，去一次倫敦點夠？去夠兩次啦，坐直航仲要超平呀！繼以往發掘「港歐X」、「X歐港」後，今次小小編搵到個爆平組合：一套機票，香港往返倫敦/歐洲兩次！整套機票價錢連稅HK$8,164起（平均來回倫敦一次只需HK$4,082起，係已連稅！兼係直航呀！），爆正！超抵！

舉例日子：
（第一程）香港->倫敦｜（第二程）倫敦->香港｜（第三程）香港->倫敦｜（第四程） 倫敦->香港
（第一程）2017年1月22日｜（第二程）2月6日｜（第三程）3月14日      ｜（第四程）3月22日，連稅每位HK$8,164起（農曆新年）
（第一程）2017年3月7日｜（第二程）3月14日｜（第三程）4月5日      ｜（第四程）4月19日，連稅每位HK$8,183起
（第一程）2017年4月30日｜（第二程）5月9日｜（第三程）6月5日      ｜（第四程）6月13日，連稅每位HK$8,202起
（第一程）2017年2月8日｜（第二程）2月19日｜（第三程）3月26日     ｜（第四程）4月4日，連稅每位HK$8,493起
（第一程）2017年2月28日｜（第二程）3月4日｜（第三程）4月14日     ｜（第四程）4月24日，連稅每位HK$8,493起 （復活節）

以上日子只是舉例，可選日子極多，大家可去官網搵咗來回倫敦2次各看有平日子先，再到Expedia香港用多個目的地搵，（官網去程/回程標示最平價係2,165）。呢套飛係有2個月有效期，係第二程回港後可以停留一段時間，只要安排到2個月內要飛晒咁多轉就得。

呢套飛要2人同行先咁平，如果1人出發就貴幾百蚊，用返同一日子Search，整個組合連稅HK$8,703起（平均飛一轉都係HK$4,351起），直航倫敦計都係爆抵價啦。依家官網做緊接近6千蚊㗎！

而呢張飛唔一定揀倫敦，歐洲各城市都有，舉例日子香港直飛倫敦，巴塞隆拿經倫敦返港，飛2次組合連稅HK$7,272起，平均來回一次HK$3,636起，3千6蚊飛一次歐洲都係抵價嘅，不過近排歐洲轉機盤都係3千至4千幾咁上下，計落都係直飛倫敦抵玩好好好好多！（記住人數要Search 2人）

【出發日期】2017年1月11日至1月25日、2月1日至4月5日、4月24日至6月15日
【機票有效期】2個月
【最後訂票日期】11月30日或售完即止
【Class Code】O Class，可賺25% Avios Miles

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

嘩！爆平激正！勁飛2次倫敦組合：英航香港直航倫敦連稅$4,082起！旺季有！2017年6月15日前出發

想去泰國度假梳乎歎Resort？蘇梅島係唔少人嘅Dream Place呀！曼谷航空推出新一期蘇梅優惠：直航來回機票只需HK$2,630（連稅HK$3,010）起，連稅價3千蚊，唔駛轉機慳時間，真係抵諗！獨市生意呢，呢口價算值得考慮，正常都要近4千蚊先有交易㗎。而且11-12月當地旺季都有貨，有興趣就無謂等啦。

【出發日期】11月1日至12月14日
【機票有效期】7日（最遲12月21日回程）
【最後出票日期】10月31日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

泰平啦！抵價直飛蘇梅島！曼谷航空來回機票$2,630起，12月14日前出發

嘩！18蚊搭飛機！成日介紹咁多歐洲機票，如果想坐飛機接駁內陸城市，廉航Ryanair（瑞安航空）推出超驚喜歐洲內陸線促銷：單程連稅£2機票，折合港幣約HK$18.8，以倫敦出發為例，飛巴塞隆拿、馬德里、巴素爾、柏林、漢堡、都柏林、奧斯陸、華沙等都有£2機票，其餘亦有唔少特價機票約10€一程，航點國家包括：瑞典、挪威、德國、法國、愛爾蘭、蘇格蘭、比利時、瑞士、荷蘭、波蘭、意大利、丹麥等，詳情可到官網睇睇。

提提您：留意Ryanair於倫敦用史坦斯特機場Stansted Airport出發，其他地方通常飛小型及偏遠機場，要留意交通費。請預先在家列印登機證，否則現場才做會被收取手續費。

【出發日期】11月1日至11月30日（£2機票限星期二、三出發）
【機票有效期】不限
【訂票日期】即日起
【寄艙行李】價格包手提行李10kg，寄艙行李單程每件15kg £20/約HK$188

【訂購網址】www.ryanair.com

（覺得抵可用Whatsapp同LINE Share俾朋友架）

嘩！18蚊搭飛機！狂搶£2機票！Ryanair歐洲內陸線單程連稅£2起！限定11月出發

您的付款已被拒絕！唔知嚟到今晚真・最後一擊，HK Express三周年優惠，仲會唔會繼續被拒絕呢？今晚12點將會一次過開賣所有航點啦，單程票價HK$68起，來回連稅計：廣島/高松/石垣島/鹿兒島HK$391起、芽莊HK$403起、福岡HK$470起、花蓮/台中HK$521起、塞班島/峴港HK$528起、濟洲/釜山HK$563起、清邁/清萊HK$566起、布吉HK$574起，仰光HK$582起、暹粒HK$591起、關島HK$594起、首爾HK$599起、東京/名古屋HK$601起、寧波/昆明HK$607起、大阪HK$636起，估計今晚官網都應該塞爆，大家比啲耐性同心機搶票啦唔會再被拒絕啦！以上價格未包行李寄艙費用及飛機餐。

提提大家：因為呢幾次好多人都反映電腦版付款系統有問題，未必能成功俾錢，所以建議大家兩手準備之下可以用埋HK Express的手機App訂票。

【出發日期】11月1日至至2017年10月28日（旺季除外）
【訂票日期】10月27日至10月30日

【寄艙行李費用】全部航點劃一收費20kg $260、25kg $360、30kg $365

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895

（覺得抵可用Whatsapp同LINE Share俾朋友架）

真・最後一擊！HK Express 3周年優惠 ：來往全部航點單程$68起，2017年10月28日前出發

雖然第時有廉航飛關島啦，前幾日又有超抵優惠，不過就未必搶到啦，如果鐘意坐傳統航空嘅，可以睇睇聯合航空優惠：香港直航來回關島淨機票HK$2,590，配合埋獨家優惠碼「GOFA100OCT」，票價只需HK$2,490（連稅HK$2,949）起。三千蚊有找，直航兼包行李同飛機餐都算係咁啦！當然廉航會平少少，睇下大家想坐傳統航空定廉航啦。出發日子去到出年3月添，講到關島有咩玩，景靚地靚唔在講，出名著有浪漫水晶教堂、水清沙幻嘅沙灘，亦都有唔少刺激嘢玩，好似試楂真飛機、高空跳傘等，又有Outlet俾您Shopping買嘢，無論一家大細或者同另一半去都咁適合㗎！有興趣就到Hutchgo訂票。

【出發日期】即日至2017年3月31日（旺季除外）
【機票有效期】45日
【最後訂票日期】10月31日或賣完即止

【提提您】關島雖為美國屬地，不過持有BNO或特區護照可豁免美國簽證入境關島，並逗留45天。入境關島時，特區護照持有人須同時出示有效的香港永久性居民身份證）

【訂購網址】www.hutchgo.com.hk
【預訂教學】http://flyagain.la/33982

（覺得抵可用Whatsapp同LINE Share俾朋友架）

情迷關島！聯合航空直航來回機票$2,490起，2017年3月31日前出發