文華東方之前的優惠反應都好熱烈，今次佢又有優惠啦！

文華東方酒店住宿優惠，每晚只係HK$2,640起（已連加一），包：

– 入住市區景觀客房一晚
– 雙人於快船廊或咖啡廳享用早餐
– 於咖啡廳或房內享用雙人3道菜晚市套餐
– 一枝香檳及一盒文華酒店朱古力（4塊）
– 使用酒店設施（包括健身中心及室內泳池）

呢個價有幾抵？小編check過文華東方官網，齋book一晚市區景觀客房都要HK$2,880包早餐（未加一），而家呢個價送埋晚餐+香檳+朱古力俾你，真係點計都抵玩啦！

不過呢個優惠只限11月2至5日入住，有少少趕，係想住就要快啲plan下啦！

【入住日期】11月2至5日

【訂購網址】https://www.klook.com/zh-HK/

（覺得抵可Whatsapp同LINE Share俾朋友）

【酒店】超限時優惠！香港文華東方酒店優惠，每房每晚$2,640起，包早餐+晚餐！11月5日前入住

平時有睇開的朋友都知，Murray美利酒店一直都唔平，優惠咗都要3000樓上，但今次唔使啦！

香港美利酒店限時「Winter Staycation」激筍優惠，每晚每房連埋加一都只係HK$2,970起，人均只係HK$1,485起就包：

– 入住Superior Room一晚
– 雙人半自助早餐
– 雙人自選兩道菜午餐
– HK$900晚餐餐飲消費額（不適用於國福樓）
– 兒童禮品包
– 免費泊車（每訂單只限一輛）
– Wellness at The Murray 8折水療護理優惠

如果想多個fd一齊玩返晚，可以揀三人房的plan，每晚每房HK$3,762起，人均只係HK$1,254，仲平過雙人房！想住豪啲都可以揀住Explorer Suite套房，二人入住總價HK$3,861起（人均HK$1,930.5）；三人入住總價HK$4,653起（人均HK$1,551）。

今次呢個plan真係好抵玩，平時唔連加一都要3000樓上，今次連埋加一都唔使3000！最抵就梗係玩三人房啦，人均千二就有得玩～不過小編會揀貴少少住Explorer Suite，間房比Superior大成倍（808呎，分分鐘大過自己屋企！），仲有埋個廳，同班fd吹水打機一流呀！

想知美利酒店更多，就即去片啦！（https://flyagain.la/r2zr）

【訂購日期】今晚（10月24日）00:00至10月31日 23:59
【入住日期】即日起至12月29日（個別日子不適用）

【訂購網址】https://www.kkday.com

（覺得抵可Whatsapp同LINE Share俾朋友）

【酒店】今晚12點開搶！41折住美利酒店！每房每晚$2,970起，包早餐午餐+$900餐飲消費額！12月29日前入住

有fd子就嚟生日？同另一半就嚟有啲唔知乜叉紀念日？如果唔想諗，Murray就啱哂你（唔好俾對方知！）

美利Murray推出紀念日專屬住宿優惠，入住Superior Room一晚只需HK$3,050 （連服務費HK$3,355）起，呢口價會升你兩級至N2 Grand客房（限星期一至四入住，公眾假期除外；星期五六日升一級至N1 Deluxe），咁就住得happy啲又歎啲啦～另外呢個優惠仲包：

– 於The Tai Pan或Garden Lounge享用雙人早餐
– 於Garden Lounge享用雙人兩道菜午餐或美利下午茶
– 於客房或The Tai Pan享用三道菜雙人晚餐
– 提早至中午12點check in，延遲至下午4點check out，玩足28個鐘！
– 主題香薰浴（專人為你準備）
– 可選花束或主題氣球佈置
– 迎賓氣泡酒一瓶
– 免費酒店停車位一個（講真Murray個位揸車去真係方便好多！）

呢個價已經包咁多嘢，真係一條龍服務，plan都唔使plan就可以開開心心過兩日一夜，仲要紅日都係呢個價，真心正！不過想再勁啲，可以加多HK$950，享受更奢華假期體驗，令對方覺得你更有誠意～當然都有你著數啦！除咗以上咁多優待之外，呢個優惠再升級：

– 升級至Explorer Suite（變相連升4級！！）
– 迎賓氣泡酒升級至NV Ruinart “R” de Ruinart Brut 香檳（平均都五六百蚊一支㗎！）
– 於Murray Lane無限享用咖啡、香茗及汽水（正午12時至下午5時）；品嚐精緻小食配以Prosecco、特選餐酒、果汁及汽水（下午5時30分至下午8時）

如果對方鍾意飲酒，嘩呢HK$950真係抵加囉！挑戰膀胱極限都仲得！仲可以住得舒服啲㖭！

留意番預訂時見到「美利慶典」先係今次優惠，唔好揀錯呀。

想知美利酒店更多，就即去片啦！（https://flyagain.la/r2zr）

【訂購網址】https://www.niccolohotels.com/

【入住日期】即日起至10月31日

（覺得抵可Whatsapp同LINE Share俾朋友）

【酒店】懶人紀念日優惠！中環美利酒店一晚$3,050起，包哂早午晚三餐+佈置，紅日都一樣價！10月31日前入住

文青系，陽光系，唔好錯過此優惠！位於中環的奢華五星美利酒店，推出Sizzling Summer Deals，一口氣提供多達20款優惠！真心要睇睇！

小編望咗次，就俾Popinjays半自助早午餐（連埋任飲氣泡酒）吸引咗喇！只係每位HK$692.8，仲平過平時原價唔包酒（HK$698），就可以歎到佢個brunch同任飲氣泡酒，勁正！不過小編嘅fd子就比較遲起身，總冇理由自己一個去食去飲既！

呢個情況Popinjays的暢飲禮券就十分之適合喇！每張券只係HK$292.8，就可以喺星期四或五晚上9半至11點任飲指定紅白餐酒及烈酒，以及一款下酒小食！嘩平時出去飲閒閒地都近百蚊一杯，而家三舊水左右就可以任飲，超正呀！！！約埋班酒鬼姊妹飲酒談心兼打卡就fit哂啦～<3

景觀開揚，食客可飽覽港島美景

唔飲酒的話，美利周末Garden Lounge超hit早午餐，都一樣有平，每位HK$593.3就食到（原價HK$698），餐廳仲提供各種兒童活動，有得食又有得玩，另外仲可以帶埋寵物一齊食，啱哂一家大細呀！＼

Garden Lounge環境舒適，更設有戶外花園俾大家放鬆身心

如果齋食一餐唔夠喉，不如住返晚玩通頂啦！今次優惠包含夏日套房住宿優惠（原價HK$8,200），而家HK$4,000就住到一晚啦，仲要係住Explorer套房㖭！Explorer套房有750呎左右，內有獨立客廳及享中環城市美景，分分鐘大過屋企，超級豪華！呢口價仲包花園樓層雙人早餐、The Tai Pan三道菜晚餐、客房免費電影任睇、免費房內私人酒吧的非酒精飲品、迎賓小食、提前朝早10點check in，延遲至下午4點check out，以及參加美利歷史導賞團（10am 或 4pm，須提前24小時預訂）等，啱哂成班fd一齊開P！

咁抵就已經包住宿娛樂加兩餐，平時齋book一晚套房都要5千幾蚊㗎！呢個優惠真係勁勁勁抵玩呀！

另外今次仲有以下優惠：
The Tai Pan三道菜午餐（平日）HK$341.6（原價HK$488）
Popinjays半自助午餐（平日）HK$278.6（原價HK$398）
Popinjays三道菜晚餐（星期一至四）HK$422.4（原價HK$528）
Garden Lounge雙人下午茶（星期一至五）HK$523.5（原價HK$698）
Garden Lounge三道菜晚餐（星期一至四）HK$321（原價HK$428）
美利花園樓層商務早餐 HK$187.2（原價HK$288）
美利HK$1,000禮券（一張8折，三張每張7折，四張或以上每張6折，變相享用美利餐飲住宿都係6折起！）
Murray Lane啤酒小食放題 (星期一至五，公眾假期除外) HK$252.2（原價HK$388）
Grown Alchemist 60分鐘面部護理 HK$1,040（原價HK$1,300，澳洲有機品牌，抵試！）
Grown Alchemist 90分鐘舒壓面部護理 HK$1,356（原價HK$1,695）
HK$12,000水療護理簽帳額（12張HK$1,000禮券）HK$10,000
HK$20,000會議簽帳額（用於租用會議場地）HK$15,000

Garden Lounge的high tea為典型的英式雙層下午茶，典雅感十足

Treatment room裝修簡約舒適，讓人可暫逃離煩囂，放鬆身心

美利酒店外的節果決明樹，經過百多年的種種危機仍屹立不倒，為打卡勝地。

•本次優惠的加一服務費以原價計算

優惠太多未能盡錄！想睇更多，即入link發掘一下啦！

【預訂網址】https://flyagain.la/erzr

（覺得抵可Whatsapp同LINE Share俾朋友）

【酒店】優惠大放送！美利酒店禮券限時禮遇，最低6折起！住宿／餐飲／水療通通都有！