成日都想衝出香港？又唔想次次都日韓台泰？依家又有機會喇！中國東方航空推出聖誕早鳥優惠，一連三星期，每個星期都有指定歐洲航點的優惠碼，逢星期五開賣！

明天開賣嘅優惠航點分別喺巴黎及羅馬，來回票價只需HK$2,640起，配合優惠碼「MUXSPR」即享票價九折，優惠後票價只需HK$2,508起，連稅計：羅馬HK$3,435起、巴黎HK$4,268起。飛歐洲連稅三千五唔駛真係相當吸引，未去過歐洲嘅呢口價可以入手喇！如果今次航點唔啱，可以等之後開賣嘅優惠航點，分別係莫斯科、阿姆斯特丹、法蘭克福，呢三個航點仲可以享有票價八五折添呀，想去歐洲嘅朋友記得捕住官網，逢星期五就用得新嘅優惠碼㗎喇！

今次優惠航點巴黎及羅馬分別係法國及意大利嘅首都，巴黎呢個浪漫之都真係無需小編多講，巴黎鐵塔、羅浮宮、香榭麗舍大道、凱旋門呢啲聞名已久嘅景點，你又點可以唔去呢？當然要食埋正宗嘅法國麵包、鵝肝、油封鴨等等，諗起都流哂口水呀！而五月出發到法國話唔定仲可以撞正薰衣草花期，喺一望無際嘅薰衣草花海打卡影相呃Like真係賞心樂事呀！

如果巴黎係浪漫之都，咁羅馬絕對係藝術之都，單喺羅馬市區內的建築物已經令人嘆為觀止，例如遠近馳名的萬神殿、Piazza Navona廣場、聖彼得大教堂、梵蒂岡博物館、羅馬鬥獸場等等，每一個地方都可以令你大飽眼福，亦都可以感受到千年前羅馬帝國的輝煌歷史。羅馬同巴黎都咁正，你又點可以錯過今次嘅平機票呢？記得聽日上官網訂飛喇！

*優惠須視乎機位供應情況而定。
#有關價格將按市場情況作出調整，恕不另行通知。

【出發日期】2018年5月2日至5月30日
【訂票日期】12月8日至12日27日
【訂購網址】http://hk.ceair.com/hk/content/news/press-release/Xmas-Promotion

（覺得抵可Whatsapp同LINE Share俾朋友）

衝出香港！平飛歐洲！中國東方航空聖誕優惠，來回歐洲$2,508起，2018年5月30日前出發

呢輪飛歐洲又冇咩平機票，轉機都成4千以上，原來比多少少就坐到國泰直航啦！佢哋歐洲盤今個月又再減價，直飛歐洲連稅最平只係5千多啲！絕對係入手靚位，想平坐直航真心要望望：

坐國泰香港來回歐洲各地機票HK$4,185起，連稅計：阿姆斯特丹HK$5,030起、蘇黎世HK$5,111起、馬德里HK$5,193起、米蘭HK$5,220起、羅馬HK$5,259起、巴黎HK$5,409起、曼徹斯特HK$5,519起、倫敦HK$5,526起、杜塞爾多夫HK$5,553起、哥本哈根HK$5,716起、法蘭克福HK$5,745起、布魯塞爾HK$5,756起。

以直航價錢，加上係坐國泰嚟講，今次呢個價算係幾抵～優惠可以Openjaw（不同城市往返），用多個目的地方法去Search。留意曼徹斯特同倫敦兩個航點要2人或以上同行先有平，其他歐洲航點1人出發都得。

Check過系統，官網較貴，去Hutchgo訂會平啲，Search前剔返”直航”同埋”彈性旅遊日期 (+/- 3日)”呢個格仔，就可用月曆方式搵平飛啦。

【出發日期】即日起至12月31日、2018年1月8日至2月13日、2月19日至3月27日、4月6日至4月10日、4月19日至5月31日
（杜塞爾多夫航線營運至2018年3月24日為止，布魯塞爾航線於2018年3月25日開始營運、哥本哈根航線於2018年5月2日開始營運）
【機票有效期】1個月
【最後訂票日期】12月31日或售完即止

【訂購網址】www.hutchgo.com.hk
【預訂教學】http://flyagain.la/33982
【Class Code】Q Class

（覺得抵可Whatsapp同LINE Share俾朋友）

直飛抵價！國泰歐洲平盤！香港來回歐洲各地$4,185起！可Openjaw！2018年5月31日前出發

暑假想飛歐洲？唔駛捱貴飛啦！捷特航空推出歐洲優惠，連暑假都照平，相當吸引！香港經印度來回歐洲只需HK$3,168起，連稅計：阿姆斯特丹HK$3,760起、巴黎HK$4,231起、倫敦HK$4,795起，本身最平3千7飛歐洲都算唔錯，連暑假出發都冇加價，暑假睇勻最平都係佢㗎啦，當然以阿姆斯特丹就最吸引，所以幫大家搵咗暑假有平日子。優惠可Openjaw（不同城市往返），例如倫敦入、阿姆斯特丹走，連稅HK$3,871起。

捷特大家可能少聽，不過質素唔錯㗎，可以參考我哋製作嘅搭乘報告：https://flyagain.la/7d83，影片：https://youtu.be/pNM3wNF5FKE?t=1m32s。提提大家：印度轉機如果不入境不用簽證。

2018暑假平飛日子參考（以阿姆斯特丹為例）
去程：7月7,8,9,10,11,12,13,14,16,17,18,19,20,21,22,23,24日
回程：7月23,25,30日、8月1,2,3,4,5,6,7,8,9,10,12-22日

【出發日期】即日起至2018年4月13日、4月24日至10月31日（回程不適用於2018年3月31日至4月9日）
【機票有效期】1個月
【最後出票日期】即日起至11月30日

【訂購網址】www.hutchgo.com.hk
【預訂教學】https://flyagain.la/33982
【Class Code】W Class

（覺得抵可Whatsapp同LINE Share俾朋友）

平呀！暑假3千幾咋！捷特航空香港來回歐洲$3,168起，可Openjaw！2018年10月31日前出發

買咗歐洲Openjaw機票？或者想玩多個歐洲城市？西班牙廉航Vueling（伏林航空）有歐洲內陸機優惠啦，優惠最遠可以出年6月出發，最平單程連稅€14.99，折合約HK$137起。嘩！舊幾水就可搭飛機往來歐洲主要城市啦，歐洲航點包括：巴塞隆拿、倫敦、曼徹斯特、巴黎、伯明翰、米蘭、里斯本、阿姆斯特丹等，如早前計劃飛歐洲，想玩多點或者要接駁Open Jaw（不同城市往返）機票，可以Check下您個期有冇平呀。

部分特價航線（單程連稅）：
巴塞隆拿-畢爾包 €14.99
巴塞隆拿-馬拉加 €14.99
巴塞隆拿-西維爾 €14.99
巴塞隆拿-日內瓦 €19.99
巴塞隆拿-波爾多€19.99
里斯本-巴黎 €19.99
里斯本-巴塞隆拿 €24.99
漢堡-巴塞隆拿 €24.99
巴塞隆拿-倫敦 €24.99
巴塞隆拿-曼徹斯特 €24.99
巴塞隆拿-巴黎 €24.99
米蘭-阿姆斯特丹 €24.99
米蘭-巴黎 €24.99
阿姆斯特丹-倫敦 €24.99
阿姆斯特丹-馬拉加 €24.99
威尼斯-巴黎 €25.99
阿姆斯特丹-里斯本 €29.99
倫敦-阿姆斯特丹 €29.99
倫敦-巴黎 €32.99
巴黎-倫敦 €32.99
馬德里-巴黎 €34.99

只列部分，其餘航線可到官網搵搵有冇平價機票。以上各價不包飛機餐及行李寄艙（如需行李寄艙，可選Optima票價，包選位及1件23kg行李寄艙配額）。

【出發日期】12月11日至2018年6月20日
【機票有效期】不限
【最後訂票日期】11月28日香港時間7am或訂完即止
【訂購網址】www.vueling.com

【相關文章】沒有搭過Vueling航空？可以參考我們的乘搭報告：http://flyagain.la/vuel

（覺得抵可Whatsapp同LINE Share俾朋友）

勁平！舊幾水搭歐洲內陸機！Vueling歐洲城市互飛單程連稅€14.99/約$137起，出年6月20日前出發

正呀！等緊暑假歐洲平機票要留意啦！漢莎+奧航+瑞航推出咗暑假優惠，價錢好抵，真係要盡早入手啦！連稅最平唔駛4千蚊，暑假嚟講價錢勁抵！今次玩法有啲特別，Openjaw（不同城市往返）會比同一城市來回平好多，例子包括：

香港->倫敦 // 蘇黎世->香港，連稅HK$3,982起
香港->倫敦 // 斯德哥爾摩->香港，連稅HK$4,317起
香港->倫敦 // 哥本哈根->香港，連稅HK$4,322起
香港->倫敦 // 米蘭->香港，連稅HK$4,377起
香港->倫敦 // 阿姆斯特丹->香港，連稅HK$4,400起
香港->倫敦 // 布拉格->香港，連稅HK$4,444起

去程唔一定飛倫敦，不過以去程飛倫敦係最易搵到平價，以暑假旺季出發如果有大約連稅5千樓下嘅組合都算抵！記住如果Openjaw要用「多個目的地」功能Search。

而且漢莎系3間航空公司可以互相Mix，去回程揀唔同航空公司都得！如果坐瑞士航空係經蘇黎世轉機，坐漢莎就經德國轉，或者坐奧地利航空就經維也納轉，一次過試晒兩間唔同體驗！

【出發日期】11月29日至2018年8月31日（旺季除外）
【機票有效期】1個月
【最後訂票日期】12月14日或售完即止

【訂購網址】www.expedia.com.hk
【預訂教學】https://flyagain.la/31983
【Class Code】K Class

（覺得抵可Whatsapp同LINE Share俾朋友）

抵！暑假飛歐洲有平啦！連稅唔駛4千！漢莎/奧航/瑞航香港來回歐洲各地$2,680起！出年8月31日前出發

呢個歐洲盤又正又抵！連稅3千6飛維也納、4千2飛倫敦，價錢勁吸引！中華航空推出新一輪歐洲優惠：香港經台北來回維也納或倫敦HK$3,013起，連稅計：維也納HK$3,673起、倫敦HK$4,260起，兩個航點價錢都幾抵！台北來往歐洲可坐A350新客機。呢張飛仲可以中停台北，飛歐洲兼可以玩埋台灣，真係無得輸呀！

Check過系統，平飛集中出年4-6月，官網較貴，去Hutchgo訂會平啲。建議可以喺官網搵咗有平日子先，再去Hutchgo訂飛。

想訂中停台灣？方法好簡單！可以跟住以下步驟：
1. 首先就咁搵咗香港至歐洲有平日子先，例如2018年5月7日去、14日返，來回維也納HK$3,673起。
2. 抄底呢個日子，出番主頁揀「多個目的地」
3. 輸入航班，舉例：a.2018年5月7日香港-維也納 b.5月14日維也納-台北，5月17日台北-香港，來回連稅HK$3,978起。除咗台北，亦可揀台中/高雄/台南返香港。

【出發日期】12月27日至2018年6月28日（旺季除外）
【機票有效期】1個月
【最後訂票日期】12月31日或售完即止

【訂購網址】www.hutchgo.com.hk
【預訂教學】https://flyagain.la/33982

（覺得抵可Whatsapp同LINE Share俾朋友）

一雞兩味！華航歐洲平飛！香港來回維也納/倫敦$3,013起，可中停台北！出年6月30日前出發

嘩！連稅3千1飛歐洲！原來荷航法航都出咗雙11優惠，部分航點價錢仲超震撼！香港經阿姆斯特丹/巴黎來回歐洲HK$2,600起，連稅計：盧森堡HK$3,162起、布魯塞爾HK$3,276起、布拉格HK$3,335起、哥本哈根HK$3,345起、阿姆斯特丹HK$3,540起（經巴黎轉機）、漢堡HK$3,651起、慕尼黑HK$3,770起、華沙HK$3,817起、赫爾辛基HK$3,822起、斯德哥爾摩HK$3,839起、奧斯陸HK$4,103起、維也納HK$4,333起、米蘭HK$3,917起、倫敦HK$4,653起（航點眾多，未能盡錄）

以上多個航點都唔駛4千蚊真係堅平，雙11咁多歐洲優惠，仲未買嘅不妨參考埋呢間，可以去Expedia或官網訂。

另外，荷航係經阿姆斯特丹轉機，法航經巴黎轉機，可以去程坐荷航、回程坐法航，一次過試晒兩間航空公司，而且呢張飛可以停留轉機點最長24小時，所以可以喺阿姆斯特丹或巴黎留番一晚至走（用多個目的地Search）！加上可以Openjaw（不同城市往返），變相一張飛玩歐洲四地！

【出發日期】12月25日至12月31日、2018年1月9日至2月6日、2月20日至4月5日
【機票有效期】1個月
【最後訂票日期】11月17日或售完即止

【訂購網址】www.expedia.com.hk
【預訂教學】http://flyagain.la/31983
【Class Code】V Class

（覺得抵可Whatsapp同LINE Share俾朋友）

嘩！爆平必搶！連稅3千1咋！荷航/法航香港來回歐洲連稅$3,162起，可快閃阿姆斯特丹+巴黎！2018年4月12日前出發

正呀，又有航空公司雙11優惠！坐芬蘭航空飛歐洲，最平連稅3千4，真心抵！坐芬蘭航空香港經赫爾辛基來回歐洲各地HK$1,952起，連稅計：維爾紐斯HK$3,420起、塔林HK$3,422起、里加HK$3,449起、哥登堡/華沙HK$3,487起、斯德哥爾摩HK$3,513起、奧斯陸HK$3,549起、阿姆斯特丹HK$3,561起、日內瓦HK$3,564起、布拉格HK$3,565起、都柏林HK$3,571起、哥本哈根HK$3,579起、布魯塞爾HK$3,616起、巴塞隆拿HK$3,638起、馬德里HK$3,648起、米蘭HK$3,695起、巴黎HK$3,696起、曼徹斯特HK$4,376起、倫敦HK$4,485起（航點眾多，未能盡錄）

唔駛小編多講都知呢個價位平啦！連波羅的海三小國（立陶宛維爾紐斯/愛沙尼亞塔林/拉脫維亞里加）竟然只係3千4，前所未有咁平！今次優惠暑假出發都包，以塔林為例，可以8月12日或之後出發，回程要揀9月頭或之後。

芬蘭航空仲有樣好，可以喺轉機點赫爾辛基免費停留最長5日（補幾十蚊機場稅就得），變相玩多一個地方。用多個目的地 Search，舉例第一程係香港飛斯德哥爾摩、第二程斯德哥爾摩飛赫爾辛基、第三程由赫爾辛基飛香港。

Check過系統，官網較貴，可以先上官網用月曆方式搵平飛，再去hutchgo訂會平啲。

【出發日期】11月18日至2018年10月27日
【機票有效期】1個月（最遲10月27日完成旅程）
【最後出票日期】11月13日或售完即止

【訂購網址】www.hutchgo.com.hk
【預訂教學】http://flyagain.la/33982
【Class Code】W Class（可儲100%Finnair Plus 或25% Avios Miles）

（覺得抵可Whatsapp同LINE Share俾朋友）

搶呀！連稅唔駛3千5！芬蘭航空激減：香港來回歐洲各地$1,949起！可暑假出發！2018年10月27日前出發