去日本自遊行，JR pass真係慳到唔少車費！還掂都要買Pass，不如訂呢個永安旅遊「日本JR鐵道遊系列」仲抵！包括日本四大熱門地區：關東、關西、北海道、九州！以大阪5日4夜套票為例，包括香港航空來回機票，連4晚新大阪永翼國際酒店（Hotel Wing International Shin-Osaka）住宿，以及「西日本線‧關西廣域地區旅遊火車證」，每位只需HK$3,285起，用埋永安旅遊APP首次預訂HK$120折扣，每位更低至HK$3,225起，連稅每位只係HK$3,740起咋（如下圖），全線日本套票再加送Pocket Wi-Fi，買卡錢都慳埋！必訂啦！

其他地區都有呀！如果訂東京套票就包「東日本線-東北地區旅遊火車證」，北海道套票包「北海道線旅遊火車證」、福岡套票包「北部九州線火車證」。套票有唔同酒店揀，亦可揀國泰、港航、ANA全日空等航空公司，相當彈性。再提提大家，永安旅遊APP首單折扣優惠：只限永安旅遊會員用APP首單訂購酒店、機票、套票、澳門船票適用，未連稅訂滿HK$600可減HK$120，優惠至12月31日止。

訂購網址：package.wingontravel.com

（覺得抵可用Whatsapp同LINE Share俾朋友架）

正呀！日本JR鐵道遊套票：5日4夜大阪機票+酒店+JR Pass $3,225起！東京/大阪/北海道/福岡都有！

嘩！超正韓國加札幌優惠，日韓兼遊，認真好玩！韓亞航空推出日本優惠：香港經首爾來回北海道札幌只需HK$3,250（連稅HK$3,679）起，相對坐廉航唔係話特別平，但韓亞包晒行李+飛機餐+機上娛樂，價錢都OK嘅。呢張飛要經首爾轉機，啱晒想日韓兼玩嘅朋友仔，可以揀去程坐凌晨機飛首爾，中間有8個小時轉機時間，可以喺仁川機場做埋汗蒸幕再上機，又或者拉長轉機時間，自制隔夜轉機入境玩！或者加約HK$500，就可中停首爾玩幾日，一次過玩晒日本同韓國！價啱即上Expedia訂票啦！

想喺首爾停留？方法好簡單，首先搵咗香港往日本有平飛的日子，例如出年7月6日去、7月14日返。Mark低呢個日子，再用多個目的地功能Search，輸入三段行程，舉例2017年7月6日香港-札幌，7月14日札幌-首爾，7月15首爾-香港，連稅HK$3,679起，如果停留多幾晚就加約HK$500，連稅HK$4,188起。

【出發日期】2017年2月4日至3月31日、4月5日至4月11日、4月18日至7月6日、8月27日至9月27日
【機票有效期】1個月
【最後訂票日期】12月31日或售完即止（需於出發前40日完成訂票）

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

爽玩日韓！韓亞香港來回札幌$3,250起，可中停首爾，2017年9月27日前出發

飛北海道冇廉航直飛，轉機都近3千，如果唔介意坐大陸航空，中國國航有張超平價機票，千八蚊飛北海道？係已連稅呀！前所未有咁平！香港經北京來回北海道札幌HK$1,300（連稅HK$1,845）起。票價包2件23kg行李同包飛機餐！價錢就平喇，不過因為北京飛札幌班機飛超早，所以要提早一晚到達北京再隔夜轉機，國航會提供返免費中轉酒店及接送（www.airchina.hk/HK/TW/booking/hotels）。

Check過系統，平飛供應充足，橫跨復活節唔介意早去可以4月11日去、4月18日返，都叫食到連續4日假，有興趣就到國航官網出票。

【出發日期】2017年2月20日至4月11日、4月17日至6月30日
【機票有效期】14日
【最後訂票日期】12月31日或售完即止

【訂購網址】www.airchina.hk

（覺得抵可用Whatsapp同LINE Share俾朋友架）

復活節有平！超低價，飛札幌！中國國航來回$1,300起，包46kg行李，2017年6月30日前出發

好正呀！「日本ANA內陸線機票+酒店套票」又有新優惠！呢個「遊日恩物」最正之處係可以喺日本任何一個城市出發，飛任何日本城市都得，自制日本深度遊！例如你可以由沖繩出發，玩東京、大阪或者北海道！或者由東京出發，飛富山、小松、高知、仙台等二線城市都得！玩法超多，再用埋Openjaw同Stopover嘅特點，一次過玩多個城市！舉例由大阪出發，先飛札幌，Openjaw由函館飛東京，喺東京玩幾日，再由東京飛廣島，由廣島玩到落福岡，最後由福岡飛沖繩都做到！然後再用香港飛大阪+沖繩飛香港嘅機票包返住個套票，咁就FIT晒啦。

期間限定大優惠：由即日起至12月19日期間，預訂任何日本城市出發之內陸線套票，可獲贈尖沙嘴日式燒肉餐廳「298 Nikuya Kitchen T.S.T」HK$100 午市美食現金券。地址：3F., China Insurance Building, 48 Cameron Road, Tsim Sha Tsu。現金券使用日期為2016年12月20日至2017年1月31日。

人氣日本內陸套票！日本各城市出發，乘搭ANA來回北海道機票+1晚酒店連稅$1,397起！限時加送$100日式餐廳美食券

舉例由大阪飛北海道，來回ANA內陸機票+1晚住宿，連稅每位HK$1,397起，套票日子可長可短，旅遊日期由即日起至2017年6月12日。訂購方法如下：

Step 1：前往hisgo HK頁面（www.hisgo.com.hk），揀選”Japan Hotel & Air Package”及選擇地點，去程及回程日期，住宿資料。

Step 2：選擇去程及回程航班時間（留意價錢隨航班時間各有不同）。

Step 3：選擇酒店，所顯示的價錢已經包括內陸機票+酒店+所有稅款。

Step 4：輸入個人資料及選擇付款方式便完成。（餐券會隨行程單寄送）

落雪啦，落雪啦！東京都落雪，更何況北海道？究竟雪要點先滑得喜？識玩梗係跟EGL Tours玩啦！EGL Tours東瀛遊推出「北海道夕張滑雪5天之旅」，包2天全日滑雪，由SAJ認證華語教練分級小班教學，有專人指導，就算完全唔識都唔怕跌餐懵同整親。有滑過雪嘅，更可提升同改善滑雪技巧！連續3晚入住夕張MOUNT RACEY溫泉酒店，仲會去到浪漫之城小樽、狸小路地下城、北廣島OUTLET等景點，一個Trip有齊滑雪、溫泉、美食、購物、旅遊5大元素，唔駛花時間心思Plan行程都抵晒啦！

夕張滑雪場高702米，有5條纜車、18條滑雪道，極具規模，更設夜間滑雪時間（費用已包），場內亦設有專為3-9歲兒童而設嘅「熊貓滑雪學校」；2天滑雪共9小時教學，由專業教練按學員程度分班，初級班會在平坡上學習基本控制 ，如站立、跌倒起身、於雪地滑行、轉彎及停止滑行的姿態。而中級及中高級班會在初級滑雪道進行中階控制 ，如平行轉彎及速度控制等。滑雪場連接「夕張 MOUNT RACEY溫泉酒店」，返酒店休息十分方便，酒店內設自然溫泉，運動後歎返個天然溫泉，超梳乎！

特點：
－乘坐香港航空直航北海道，不用轉機，慳時間
－SAJ認證華語教練教授，同聲同氣，更易掌握正確滑雪技巧
－8-10人小班教學，完成課程後獲頒發證書
－2天全日滑雪，合共9小時；每天上午2.5小時及下午2小時
－滑雪費用已包含於團費內，包教練費用+纜車證+租賃滑雪用具（包括雪鞋、雪杖、雪橇或滑雪板及頭盔）
－連續3晚入住滑雪場旁邊嘅夕張 MOUNT RACEY溫泉酒店，只需搬一次酒店
－2月3、6及9日出發更增遊一年一度札幌雪祭大通公園會場

團費方面，每位成人HK$14,999起、小童HK$13,999起，12月至2月指定日子出團，如欲查詢及報名，請致電熱線3692-0888、透過網上報名，或親臨EGL Tours東瀛遊各分行查詢。

【訂購網址】www.egltours.com

（覺得抵可用Whatsapp同LINE Share俾朋友架）

滑雪最後召集！北海道札幌+夕張5天，包機票+溫泉酒店+滑雪課程連裝備+證書$14,999起！

北海道冬季真係特別正！落住飄雪嘅話更係浪漫過人！以往介紹過「日本ANA內陸線機票+酒店套票」，係一個平玩北海道嘅超正選擇，舉例由大阪出發，坐ANA全日空來回札幌連1晚住宿，每位連稅HK$1,282起！

不過呢個只係基本玩法，呢款套票唔一定要同一地點來回，所以如果想玩得更盡，可以用埋Openjaw同Stopover嘅特點，一次過玩多個城市！舉例由大阪出發，先飛札幌，Openjaw由函館飛東京，喺東京玩幾日，再由東京飛廣島，由廣島玩到落福岡，最後由福岡飛沖繩都做到！然後再用一套香港飛大阪，沖繩飛香港嘅單程機票包返住個套票，咁就FIT晒啦。一個套票，最多4程內陸機，玩到7個日本城市，實在太強啦！

即係：
（第一程）大阪->札幌
（第二程）函館->東京
（第三程）東京->廣島
（第四程）福岡->沖繩
（自購）香港－大阪、沖繩－香港

當然，以上只係小小編嘅舉例玩法，大家可以去到Hisgo發掘心水嘅旅遊路線，呢套飛唔單止限定冬天出發，就算春夏之間去睇櫻花、芝櫻、鬱金香等，都可以㗎。呢個Package去到出年6月12日前出發都適用，機票有效期14日。

介紹返冬天嘅北海道，各地有唔同祭典，喺12月至3月冬季期間，晚上不少地方更可欣賞璀璨燈飾，甚有氣氛。札幌冬日限定節目推介：
白色戀人公園燈飾（白い恋人パークイルミネーション）
時間及地點：11月3日至2017年3月20日，札幌白色戀人公園

札幌雪祭（さっぽろ雪まつり）
時間及地點：2017年2月6日至12日，大通公園及薄野

小樽雪燈路（小樽雪あかりの路）
時間及地點：2017年2月3日至12日，小樽運河

網上預訂教學： （如對預訂有任何疑問，可致電3961 6996由專人協助訂購）
Step 1：前往hisgo HK頁面（www.hisgo.com.hk），揀選”Japan Hotel & Air Package”及選擇地點，去程及回程日期，住宿資料。如果想再加訂內陸機，可按”添加更多的城市”。

Step 2：選擇去程及回程航班時間（留意價錢隨航班時間各有不同）。

Step 3：選擇酒店，所顯示的價錢已經包括內陸機票+酒店+所有稅款。

Step 4：如果其餘日子都想加訂酒店，可於以下頁面，按”追加酒店”，選擇心水酒店、入住晚數等即可。

Step 5：輸入個人資料及選擇付款方式便完成。

冬天好多人鐘意滑雪，如果有興趣玩滑雪，但又好似小小編咁乜都唔識？不如正正經經報返個滑雪Tour，兼順便去埋旅行呀！EGL Tours東瀛遊推出北海道五感滿足《悠閒滑雪體驗》5/6天之旅，包2/3天全日滑雪課程，SAJ認證華語教練分級小班教學，就算零經驗，都可學習正確嘅滑雪技巧。更入住滑雪場旁邊嘅新富良野王子溫泉酒店，滑雪後可泡浸溫泉。另外更會去浪漫之城小樽、狸小路地下城、北廣島OUTLET等景點，一個Trip有齊滑雪、溫泉、美食、購物、旅遊5大元素，超吸引！

介紹返富良野滑雪場，係北海道三大滑雪場之一，有10條纜車、24條滑雪道，極具規模，更特設夜間滑雪時間（費用已包）。而呢個團更會入住「新富良野王子溫泉酒店」，酒店內設溫泉，泉源來自於富良野地底下湯脈，滑完一日雪，再歎返個溫泉，齋諗都覺舒服！

特點：
－乘坐香港航空直航北海道，不用轉機，慳時間
－SAJ認證華語教練教授，同聲同氣，更易掌握正確滑雪技巧
－8-10人小班教學，完成課程後獲頒發證書
－5天團包括2天全日滑雪，合共9小時；6天團包3天全日滑雪，合共13.5小時
－滑雪費用已包含於團費內，包教練費用+纜車證+租賃滑雪用具
－入住滑雪場旁邊嘅新富良野王子溫泉酒店，享受日本傳統溫泉

團費方面，每位成人HK$14,999起、小童HK$13,999起，出團日子由12月至2月，如欲查詢及報名，請致電熱線3692-0888、透過網上報名，或親至EGL Tours東瀛遊各分行查詢。

【5天團訂購網址】www.egltours.com
【6天團訂購網址】www.egltours.com
【更多日本滑雪團】www.egltours.com

（覺得抵可用Whatsapp同LINE Share俾朋友架）

同聲同氣華語教練教滑雪！日本北海道富良野5/6天，包機票+溫泉酒店+滑雪課程連裝備+證書$14,999起！

日本韓國機票咁平，想平住靚酒店？Hilton希爾頓集團又有6折日韓酒店搶啦！今日（11月7日）香港時間4pm開搶，適用於2017年4月16日前入住，參與酒店合共18間，遍佈東京、大阪、名古屋、福岡、沖繩、首爾等地，另外關島都有一間。呢個價住Hilton真係幾抵！提提大家：訂房前請先比價。

提提你：票價旁寫住” HHONORS SALE”或”希爾頓榮譽客會特惠”就表示係今次優惠啦。

部分特價酒店：（括號內為每房折後連稅價）
東京希爾頓酒店 (Hilton Tokyo) HK$1,497起
東京灣希爾頓酒店 (Hilton Tokyo Bay) HK$1,757起
東京御台場希爾頓酒店 (Hilton Tokyo Odaiba) HK$1,210起
東京成田機場希爾頓酒店 (HILTON TOKYO NARITA AIRPORT) HK$925起
名古屋希爾頓酒店 (HILTON NAGOYA) HK$1,263起
大阪希爾頓酒店 (HILTON OSAKA) HK$1,537起
福岡海鷹希爾頓酒店 (HILTON FUKUOKA SEA HAWK) HK$875起
那霸希爾頓逸林酒店 (DoubleTree by Hilton Hotel Naha) HK$845起
首爾康萊德酒店(Conrad Seoul) HK$1,384起

提提大家：6折優惠限Hilton HHonors 會員，非會員65折，不過HHonors會員可以免費申請，所以不妨依家去免費申請會員先。

【入住日期】即日起至2017年4月16日（最遲4月17日完成入住）
【訂房日期】11月7日香港時間4pm至11月11日4pm或訂完即止
【訂購網址】hiltonhotels.jp/sale-zh-TW

（覺得抵可用Whatsapp同LINE Share俾朋友架）

速訂！日韓酒店6折喎！Hilton希爾頓集團優惠，東京/大阪/名古屋/首爾等地都有‌！2017年4月16日前入住