2018年新年第一減！講嘅係成日有平機票嘅Scoot酷航呀！

長假期返嚟要做乜？梗係訂定今年嘅機票啦！酷航陣間10點推出「出走」優惠，香港單程飛新加坡連稅HK$399起；經新加坡飛珀斯、悉尼、墨爾本、黃金海岸HK$799起；馬爾代夫HK$1,139起；飛長途嘅雅典一樣有平，單程機票連稅HK$1,869起，預訂包埋行李同機上餐食嘅機票組合，輸入優惠碼「ESCAPE10」仲可以有低至9折優惠，咁就可再平啲啦！最正嘅係佢出發日期仲去到出年3月，講嘅係2019年都有呀，真係超正呀！話哂酷航航點偏佈多國，例如馬爾代夫、泰國（曼谷、布吉）、印尼（雅加達、峇厘島、泗水）、馬來西亞（吉隆坡）、雅典、澳洲（悉尼、珀斯、墨爾本、黃金海岸）等等，無論你想去享受陽光與海灘，定係shopping食食食都無有怕啦！

以上價格不包行李費用及飛機餐，價啱即上官網訂飛啦！

【出發日期】即日起至2019年3月24日
【最後訂票日期】1月6日23:59或售完即止

【訂購網址】http://www.flyscoot.com/zhtw/hk-escapework
【Flyagain搭乘報告】787-9夢幻客機的ScootBiz（http://flyagain.la/djhv）及經濟位（http://flyagain.la/wq9d）。

（覺得抵可Whatsapp同LINE Share俾朋友）

2018第一減！千幾蚊飛澳洲！酷航香港單程連稅飛新加坡$399、澳洲$799、馬爾代夫$1,139起、雅典$1,869起！2019年3月24日前出發

咩話？實在太太太太太平啦！連稅7千坐商務飛澳洲，復活節同暑假照有平！好抵呀！馬印航空推出優惠，全程乘搭商務艙香港經吉隆坡來回澳洲珀斯只需HK$5,900（連稅HK$7,122）起。記住係商務艙！唔係經濟艙呀！比其他航空公司足足平咗一半！平到屈晒機無得輸！出發日子更遠至出年10月，復活節出發都有（舉例出年3月28/31日出發、4月3/5/6日或之後回程），暑假都包㗎！平飛唔算難搵，呢個價官網都冇，即上Expedia訂啦（記住Search前揀商務艙）！

商務艙每位旅客有40kg寄艙行李配額，機上有個人娛樂系統、有Wi-Fi上網、有USB插頭叉電等等、座椅更寬敞舒適，雖然佢哋商務艙就未必夠其他航空公司豪華，但票價咁平，當佢係PEY坐都抵啦！

提提大家：優惠冇得中停吉隆坡，去程喺吉隆坡需要隔夜轉機，可能要Book晚機場酒店啦。或者可以去程中停吉隆坡，玩返幾日再飛珀斯都得㗎（用多個目的地Search，第一程香港飛吉隆坡；第二程吉隆坡飛珀斯；第三程珀斯飛香港）！

【出發日期】即日起至2018年10月（旺季除外）
【機票有效期】1個月（最遲出年10月27日完成旅程）
【最後出票日期】賣完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

嘩！商務大賤賣！連稅7千飛澳洲！復活節+暑假都有㗎！馬印航空商務艙香港來回珀斯$5,900起！可中停吉隆坡！出年10月前出發

國泰港龍fanfares嚟到第267週啦，記得今朝08:00就開倉！自由揀日子估計為2018年2月1日至3月4日，指定日子估計介乎12月10日至12月16日，今朝08:00去搶喇！

地點　淨機票 ｜連稅價（評語）
【經濟艙】
西安 HK$880起 | HK$1,242起（除非靚期）
吉隆坡 HK$980起 | HK$1,384起（直逼廉航）
沖繩 HK$2,080起 | HK$2,405起（天冷啦喎）
三藩市 HK$3,480起 | HK$4,296起（可以平啲）
巴黎 HK$3,980起 | HK$4,800起（算平咗嘅）
杜塞爾多夫 HK$3,980起 | HK$4,910起（獨家直航）

【套票】（經濟客艙+2晚酒店）
首爾 HK$1,790起 | HK$2,247起（爆爆爆抵）
胡志明市 HK$1,990起 | HK$2,418起（唔多吸引）

以上只作參考用途，其他稅項及附加費或會有所變動。

網址： www.cathaypacific.com

相關文章：官方親自Share！國泰港龍fanfares至勁搶飛攻略！http://flyagain.la/7434

（覺得抵可Whatsapp同LINE Share俾朋友）

國泰/國泰港龍fanfares，沖繩巴黎首爾杜塞爾多夫，今朝8點開搶！

國泰最新一輪大專生優惠出爐啦！以前訂過大專生優惠嘅學生，憑邀請電郵嘅「專屬優惠編號」依家就可優先撲飛！優惠適用於讀緊本港指定高等教育學院之全日制學位或副學位課程學生。同以往一樣，優惠航點包括日韓台東南亞等地方，來回台灣HK$850起、東南亞HK$1,400起、韓國HK$1,800起、日本HK$2,100 起！我哋亦都一如以往，同大家分析下呢次優惠先。

台灣航點：台北/台中/高雄HK$850（連稅HK$1,235）起
短評：近排台灣減價冇以前咁勁，千二蚊坐國泰都算值得入手，可以睇睇係咪有靚時間揀，否則其實坐長榮、華航甚至港航都平過佢！而且經Expedia買國泰台北Package都好抵，4日3夜連稅都係千五左右（詳情：https://flyagain.la/58703），諗吓，係包埋3晚住宿喎，既然都要訂酒店，梗係訂套票啦！

韓國航點：首爾/濟州/釜山HK$1,800（連稅HK$2,216）起
短評：飛首爾咁多間航空公司，國泰呢個價實在有啲搵笨，首先首爾有勁多廉航揀先啦，有HK Express、濟州航空、真航空、最近仲有首爾航空！如果係傳統航空嘅，大韓、泰航、韓亞、印航有優惠時都平過佢。再者，其實國泰本身都做緊韓國優惠，來回機票都只係HK$1,557起（詳情：https://flyagain.la/58704），難道學生係要俾貴啲？所以諗清楚呀！另外亦可參考埋大韓優惠，詳情：https://flyagain.la/58556。

日本航點：來回機票HK$2,100起，連稅：福岡HK$2,422起、沖繩HK$2,424起、東京HK$2,535起、大阪HK$2,565起
短評：最受歡迎嘅日本航點有驚喜呀！連稅2千4至2千5，平過自己本身特價飛2-3百蚊。對比其他對手，ANA飛名古屋同大阪連稅2千7（詳情：https://flyagain.la/58635）、日航飛東京連稅2千7（詳情：https://flyagain.la/58530），所以國泰算係吸引啦，而且大專生優惠機票有效期21日（一般特價飛得7日），可以長玩日本都得呀（不過大專生機票係冇得openjaw）！

東南亞航點 HK$1,400起，連稅：吉隆坡/檳城/沙巴 HK$1,800 起、曼谷/清邁 HK$1,847起、新加坡HK$1,850起
短評：小小編就覺得，呢啲航點相當雞肋。貴又唔係貴，想平又可以揀廉航，鐘意坐國泰嘅都可以考慮吓喇。好似曼谷有咁多航空公司，可以等中東三寶阿聯酋做優惠，或者港航最近做緊連稅千三（詳情：https://flyagain.la/58085），價差成5百蚊，慳咗錢住好啲仲好啦。

以上資料都係優先預覽，而且只列出部份航點，只供參考之用，現時只供有「專屬優惠編號」嘅同學仔買，正式公開發售日子有待公佈。

【出發日期】11月15日至2018年7月5日
【機票有效期】21日
【訂票日期】即日起至12月6日

【訂購網址】www.cathaypacific-campaign.com

（覺得抵可Whatsapp同LINE Share俾朋友）

國泰港龍大專生優惠！幫您分析抵唔抵！飛台灣$850、東南亞$1,400、日韓$1,800起

國泰港龍fanfares嚟到第263週啦，記得今朝08:00就開倉！自由揀日子估計為2018年1月4日至2月4日，指定日子估計介乎11月12日至11月18日，今朝08:00去搶喇！

地點　淨機票 ｜連稅價（評語）
【經濟艙】
昆明 HK$880起 | HK$1,242起（快運點睇）
杭州 HK$880起 | HK$1,242起（又係陳生）
吉隆坡 HK$980起 |HK$1,379起（馬拉都正）
沖繩 HK$2,080起 | HK$2,404起（聖誕出發？）
溫哥華 HK$3,580起 | HK$4,192起（正常價囉）
阿姆斯特丹 HK$3,980起 | HK$4,506起（直航爆抵）

【套票】（經濟客艙+2晚酒店）
台北 HK$1,490起 | HK$ 1,875起（值得入手）
倫敦 HK$5,220起 | HK$ 6,749起（咩酒店先？）

以上只作參考用途，其他稅項及附加費或會有所變動。

網址： www.cathaypacific.com

相關文章：官方親自Share！國泰港龍fanfares至勁搶飛攻略！http://flyagain.la/7434

（覺得抵可Whatsapp同LINE Share俾朋友）

國泰/國泰港龍fanfares，台北沖繩阿姆斯特丹倫敦，今朝8點開搶！

暑假東南亞有筍飛推介！馬印航空推出優惠，香港來回吉隆坡只需HK$680（連稅HK$1,153）起，最大賣點係正暑假出發都有，雖然馬印係低成本航空，但機票價錢已包咗30kg寄艙行李同飛機餐，各個座位都設有機上個人娛樂系統同USB充電等，配套充足！呢個價位都咪話唔吸引，暑假至抵係佢㗎啦，Airasia都做唔到咁平！Check過系統，平飛集中平日出發，不過大時大節公眾假期就冇平，但暑假都尚算充足，即到Expedia香港出票。

【出發日期】2018年1月8日至8月30日（旺季除外）
【機票有效期】不限（最遲2018年8月31日完成旅程）
【最後出票日期】售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

正！暑假抵！馬印航空香港來回吉隆坡$680起，包30kg行李！2018年8月31日前出發

去旅行去得多，不如試吓轉一轉旅行方式，踏上郵輪之旅！既可享受郵輪上多姿多彩嘅活動，動靜皆宜嘅設施，仲有岸上觀光，感受各地文化風情。試完一次，一定會令您愛上呢種旅遊方式呀！

今次同大家睇吓公主郵輪＜藍寶石公主號＞嘅航線，由新加坡登船及離船，暢遊馬來西亞吉隆坡、檳城、泰國布吉島。郵輪會於朝早泊岸，有大半日喺岸上觀光，遊覽多個景點，鍾意食各地地道美食嘅您仲啱，再加埋其他「米芝蓮」推介美食，包括：加東叻沙、海南雞飯、懷舊老字號娘惹餐等，係咪睇到都流晒口水呢？已包乘搭國泰航空或新加坡航空香港來回新加坡，一晚入住新加坡五星級國際酒店。7天團費每位HK$7,999起！除返開每人每晚都係一千多啲，包機票+全程膳食+住宿+船上娛樂喎，仲可以去勻星馬泰3個地方！再送電話上網數據卡可於岸上觀光時用。邊個話郵輪好貴？分分鐘抵玩過自由行。多人同行嘅話仲抵，4人同房第3/4位團費每人更只需HK$6,999起，係EGL Tours東瀛遊先有咋！

介紹吓艘郵輪先：＜藍寶石公主號＞於2015年重新裝潢，室內外都採用煥然一新設計風格，增設多項設施，現郵輪上設有5 間主餐廳、1 間自助餐廳及多間特色餐廳、包括著名食意大利菜餐廳「Sabatini’s Restaurant」、公主劇場、星空電影院Movie Under the Stars、游泳池、 按摩池、健身中心、緩跑徑、豪華賭場、Lotus SPA、多間餐飲場所互聯網咖啡室等。

出發日期為11月26日，詳細資料及行程請查閱：https://flyagain.la/ter1。

尚有新加坡+馬來西亞6天團（出發日期2018年1月19/23日出發，行程：https://flyagain.la/9ffy）及5天團（出發日期12月11日，行程：https://flyagain.la/xwl5）選擇。如欲查詢及報名，請致電熱線3692-0888、透過網上報名，或親至EGL Tours東瀛遊各分行查詢。

（覺得抵可Whatsapp同LINE Share俾朋友）

星馬泰郵輪之旅！嘆米芝蓮美食！機票+酒店+6天郵輪之旅+岸上觀光+全程膳食每位$6,999起！11月26日出發

國泰港龍fanfares嚟到第256週啦，記得今朝08:00就開倉！自由揀日子估計為11月16日至12月17日，指定日子估計介乎9月24日至9月30日，今朝08:00去搶喇！

地點　淨機票 ｜連稅價（評語）
【經濟艙】
廈門 HK$580起 | HK$943起（邊個去呀）
吉隆坡 HK$980起 | HK$1,381起（平玩馬拉）
金邊 HK$1,180起 | HK$1,631起（入手範圍）
達卡 HK$1,980起 | HK$2,956起（冷門常客）
札幌 HK$3,480起 | HK$3,808起（都叫減咗）
洛杉磯 HK$3,580起 | HK$4,396起（直航超筍）

【套票】
西安 HK$1,420元（睇兵馬俑）
首爾 HK$1,750元（套票抵喎）

以上只作參考用途，其他稅項及附加費或會有所變動。

網址： www.cathaypacific.com

相關文章：官方親自Share！國泰港龍fanfares至勁搶飛攻略！http://flyagain.la/7434

（覺得抵可Whatsapp同LINE Share俾朋友）

國泰/國泰港龍fanfares，吉隆坡札幌洛杉磯首爾，今朝8點開搶！