想食高汁聖誕大餐，但又唔想出街食？外賣咪得囉！

尖咀凱悅酒店外賣聖誕大餐優惠，4人大餐只係HK$1,888起！睇下個餐有咩食先：

前菜：自家醃製檸檬刁草挪威三文魚配水瓜柳及酸忌廉、紅樹林蝦咯嗲配菊苣、生菜及瑪利玫瑰汁、24個月熟成帕爾瑪火腿配蜜瓜

主菜：慢烤原隻火雞配多款精選配菜及醬汁

配菜：火雞燒汁、蔓越莓醬燴紅椰菜、紅酒、蘋果蓉、香料焦糖栗子、玉桂烤蔬菜、楓葉糖漿、百里香麵糰布丁、雞肝、蔓越莓、香草

甜品：意大利忌廉芝士鮮莓吉士杯、鮮焗聖誕曲奇、新鮮切片水果配薄荷

套餐都幾豐富，仲要有原隻火雞，真係勁有聖誕氣氛呀！另外佢仲有升級優惠：

– 每位另加HK$100即額外享干邑波士頓龍蝦湯配忌廉及法蔥
– 另加港幣$1,280選配意大利氣酒 Marchiori, extra dry Prosecco Superiore, Italy 2018、法國白酒 Sancerre, Lucien Crochet, Loire France 2014 或 法國紅酒 Vieux Château Saint André, Saint-Emilion, France 2010
– 另加港幣$1,980選配法國香檳 Moët & Chandon Brut Impérial, Champagne France, NV、法國白酒 Puligny-Montrachet 1er Cru, Domaine Jean Chartron, Burgundy France 2014 或 法國紅酒 Château Pey La Tour, Bordeaux France, 2015

留意返以上的價錢只包到尖沙咀凱悅酒店大堂咖啡廳自取，如果想送到去你屋企樓下，就九龍區加HK$300，香港區加HK$400，新界區加HK$500，離島不適用。未諗到聖誕食乜好不妨考慮下！

【訂購網址】https://www.kkday.com/

【預訂日期】即日起至12月31日

【享用日期】即日起至2021年1月1日

（覺得抵可Whatsapp同LINE Share俾朋友）

【外賣】聖誕就是要食火雞！尖沙咀凱悅酒店外賣聖誕大餐優惠，4人餐$1,888起！2021年1月1日或之前享用

條款及細則：
– 以上價錢均已加一
– 必需提早24小時前預訂
– 需要按照預訂日期及當天開放時間內兌換，逾期失效

住一晚，反而有賺？有冇咁筍？

尖咀港威酒店「冬日甜蜜之旅」優惠入住高級客房一晚只係HK$1,045起，就包你：

– 貴賓樓層雙人自助早餐（供應時間：07:00 – 10:30）
– 送全球三大熱賣頂級香檳品牌之一G.H. Mumm Cordon Rouge, Brut頂級香檳一支（每次入住送一支）
– 送朱古力禮品盒（內有6粒，每房每次住宿）
– 送價值HK$1,053的「The history of Whoo」宮廷節日奢寵禮盒，送完即止（每房每次住宿）
*每位額外入住賓客（4歲或以上）入住費用為HK$484（包加床費及貴賓樓層早餐）

俾千幾蚊但攞返超過HK$2,000的禮品返屋企，仲送埋早餐俾你食，簡直係貼錢俾你住返晚呀，爆爆爆抵！

佢仲有其他房型俾大家揀：豪華客房（每晚HK$1,155起）、總理客房（每晚HK$1,265起）及 貴賓樓層豪華客房（每晚HK$1,485起），當中貴賓樓層豪華客房額外再包入lounge食下午茶及雞尾酒及小吃、咖啡、茶水及汽水，變相包多兩餐！真係超超超抵玩！！

呢口價平安夜同元旦入住都適用，如果聖誕正日或除夕入住，就要加HK$220／晚，計落都係有賺呀！呢個咁抵的優惠，真係唔可以miss！即book返間歎靚champagne啦！

【訂位網址】https://www.kkday.com/

【入住日期】即日起至2021年1月3日

（覺得抵可Whatsapp同LINE Share俾朋友）

【酒店】倒賺Staycation？港威酒店每晚每房連加一$1,045起，送總值超過HK$2,000禮品俾你！2021年1月3日或之前適用

條款及細則：
– 以上價錢已包加一服務費
– 每房最多3位成人或2大2小（12歲或以下）入住，每房最多加床一張
– 以上優惠不可與其他促銷、優惠或禮遇同時使用
– 優惠須視乎供應情況、酒店的確認或更改而定，並會作出另行通知
– 此優惠僅適用新訂單，已成立之訂單無法享用此優惠

（更新：呢個抵deal開放3月訂位啦！農曆新年已經賣哂！）

馬哥孛羅酒店一價包三餐的優惠又來了，連農曆新年都有平！

每晚連加一只係HK$1,460起，就可以升級入住豪華客房 或 豪華海景客房！另外仲包：

– 貴賓樓層雙人早餐
– 客房內享用雙人阿拉斯加蟹三道菜晚餐（餐單）
*用餐時間為1800 – 2100，請於登記入住時提供用餐時間，以便酒店作出安排。送餐時間或會因為繁忙時間而延遲
– 精緻英式下午茶，可選：
-下午茶將安排於客房內享用（供應時間: 1500 – 1700） 或
– 領取下午茶外賣換領券於退房日到1樓馬哥孛羅咖啡廳 Café Marco 兌換（兌換時間為 1300 – 1500）
– 賓客於生日月份入住可享免費生日蛋糕（預訂時請備註，並需於登記入住時核實身份證明文件以享優惠）
– 免費迎賓鮮果盤（每房每次）
– 第三位賓客入住費用為HK$440+10%（包加床費、貴賓樓層早餐及於房間內享用的阿拉斯加蟹三道菜晚餐）
– 另加HK$330可升級入住園景總理客房（年初一二三適用）
– 每房最多可住2成人及2小童，可於預訂時選擇，但需收取附加費

嘩住海景房都一樣價，傻都揀海景啦！咪住！海景房只包平日日子，但如果住豪華客房，唔單止有，連周末都冇！加！價！呢個套餐呢個價包三餐，真係超超超超級抵玩呀！！！

【訂位網址】https://www.kkday.com/
【入住日期】即日起至3月31日

（覺得抵可Whatsapp同LINE Share俾朋友）

【酒店】年初一二三都有！一價包三餐！馬哥孛羅酒店每晚每房連加一$1,460起，包早餐+下午茶+阿拉斯加蟹晚餐！2021年2月28日或之前適用

條款及細則：
– 以上價錢均已包加一服務費
– 優惠須視乎供應情況、酒店的確認或更改而定，並會作出另行通知

呢隻盤最最最癲係聖誕、除夕、農曆新年、情人節等旺季日期，全！部！冇！加！價！（套房除外）真心抵到爆！！！

朗廷酒店今晚12點有超激抵優惠，每晚每房只係HK$1,212起，包：
– 入住一晚內園景高級客房
– 連廷廊雙人兩道菜午餐
– 加HK$24有埋雙人自助早餐（嘩！）
– 加HK$12升級入住內園景豪華客房 （嘩嘩！）
– 加HK$12延遲退房至下午二時 （嘩嘩嘩！）

計落只係HK$1,260，人均HK$630就已經包兩餐+住+Late Check Out！小編強烈強烈強烈建議大家加HK$12升上豪華客房，事關呢款房裝修極具英倫風，打卡一流！

想住Suite？揀主臥套房（1房1廳，586呎），每晚每房只係HK$2,424（大節日會加至HK$3,424起，平時週六入住不加價），包：
– 雙人朗廷會Lounge禮遇
– 廷廊或房間內享用雙人三道菜晚餐（嘩！）
– 加HK$12，就可以加多個人加床入住及入Lounge（嘩嘩！）
– 加HK$12延遲退房至下午二時 （嘩嘩嘩！）

Lounge本身包自助早餐+任飲任食下午茶+黃昏雞尾酒，變相一個價錢，食足4餐啊！！！朗廷會Lounge裝修好英倫風，最大賣點係開放時間內您可以任飲紅白酒氣酒及啤酒，唔似其他酒店限黃昏先有得飲，酒鬼最Like！

加多一個人，平均$816/位就可以三人Happy番一晚，嚟個閨蜜行啦！

以上價錢仲全部已加一！住五星級酒店喎，大時大節喎！咁抵的價錢真係去邊搵呀？記得今晚12點開搶！！！

【預訂網址】https://www.langhamhotels.com/　（必須經此連結訂方有優惠）
【優惠碼】FA1212
【預訂日期】12月12日00:00至12月15日
【入住日期】12月12日至2021年2月28日（旺季都得！數量有限，售完即止）

（覺得抵可Whatsapp同LINE Share俾朋友）

【酒店】聖誕新年$0加價！今晚12點搶！尖沙咀朗廷酒店$1,212起包午餐！$2,424套房包Lounge禮遇！2021年2月28日或之前入住

又有快閃優惠啦！今次主角係尖咀朗廷酒店！

朗廷酒店Flash Sale，平日每晚只需HK$1,210起，就包你：

– 入住城市景高級客房一晚
– 雙人The Food Gallery自助早餐
– 兩位享朗廷會的設施及禮遇（包括下午茶、酒、黃昏雞尾酒和小食）
– 免費紅酒一支 及 免費迎賓水果
– 於房間內享用芳香草藥和玫瑰花瓣浸浴

每人六百幾蚊就可以住返晚、歎lounge兼食早餐buffet，勁抵玩！如果想星期六或日入住，就每晚HK$1,760起，12月24、26、31日或2021年1月1日入住就每晚HK$2,090起！呢個套餐原價要成HK$3,080㗎！就算你幾時住都有抵到！

朗廷酒店位於尖沙咀廣東道，裝修極具典雅英倫味，真係處處都係打卡位！而且佢周邊都幾多嘢食，諗唔到去DONKI買都仲得，賣外賣返酒店食都好方便！不過小編覺得lounge的黃昏任飲任食基本上都已經夠食，有湯有小食有熟食，可以當埋dinner，咁就慳多筆啦～

留意因應政府最新防疫措施，朗廷會的服務時間將會於星期四凌晨起改為下午6時關閉，直至另行通知（早餐於早上7點至10點半在The Food Gallery享用、下午茶於下午2時至4時在朗廷會享用、黃昏雞尾酒和開胃小食於下午4時半至6時於朗廷會享用）。

#優惠受條款及細則約束

【訂位網址】https://www.kkday.com/
【預訂日期】即日起至12月12日
【入住日期】12月9日至2021年1月31日（12月22至23、25、27至28、30日除外）

（覺得抵可Whatsapp同LINE Share俾朋友）

【酒店】快閃激抵價！朗廷酒店優惠，每晚每房連加一$1,210起，包早餐+下午茶+lounge！2021年1月31日或之前適用

有冇人成日幻想屋企有個露台睇下景呢？如果我話個露台仲要係望維港呢？

位於尖沙咀的珀薈酒店而家做緊「聖誕住宿體驗優惠」，每晚只係HK$1,530起（人均HK$765），就包：

– 入住露台客房一晚（可選大床或雙床）
– 享用Uptop Bistro＆Bar 2人早餐
– 於房內享用主題下午茶（餐單） 或 三道菜晚餐（餐單）（二選一）
– 珀薈禮品套裝一份（內有迷你紅酒一支、小食包及手工藝品乙份）
– 兩杯迎賓飲料
– 在Uptop Bistro＆Bar消費可享9折優惠

可以入住到露台房，香港真係好少有，好有度假feel！雖然酒店唔係喺海邊，前面有啲樓，但部分露台房都仲叫可以望到維港景呀！另外酒店頂樓Uptop Bistro＆Bar景色都極好，坐擁270度一覽無遺的香港景色，真係齋睇景都值！7百零蚊包咁多，抵玩啦！如果12月24至26或31日入住，都只係HK$1,860起，算係幾抵！

佢另外仲有「4人節日派對」套餐，包一間露台客房 及 一間高級客房一晚、Uptop Bistro＆Bar 4人商務午餐、派對小食包、6瓶啤酒或6瓶汽水、Uptop Bistro＆Bar 9折優惠，都只係HK$1,970起一晚，人均只係HK$492.5起！酒店仲特登將大堂裝飾到好似機場咁，有必影顯示牌等，俾大家入住前都可以打下卡先，幾有心思！

珀薈酒店2015年開業、尚算新淨。佢位於尖沙咀，對面就已經係歷史博物館及科學館，距離大家至愛的DONKI都只係6分鐘步程左右，就算唔夠食都可以去入貨！另外附近仲有K11、The One等大商場，相信大家都仲熟過小編啦～露台房喺香港真係少有，想有個度假feel重的staycation不妨諗諗佢啦！

【訂購網址】https://www.kkday.com/

【入住日期】12月18至20、12月24至27、12月31日至2021年1月3日

（覺得抵可Whatsapp同LINE Share俾朋友）

【酒店】少有露台房！珀薈酒店聖誕住宿優惠，每晚每房$1,530起，包食兩餐再送禮品套裝！2021年1月3日或之前入住

條款及細則：
– 以上價錢均已加一
– 登記入住時間為下午2時；退房時間為下午3時
– 客人應在入住日期前至少7天聯繫我們的預訂部門以確認預訂
– 客人所選擇的優惠只可享用一次，分拆預訂而連續入住的住宿將被視作同一預訂計算
– 客人選擇的餐飲優惠應在入住或退房日期當天使用，逾期則無效
– 酒店僅接受目前居住在香港，並且過去14天沒有前往香港以外地區的客人
– 此優惠不能轉讓，累積或兌換現金、其他產品或服務
– 此優惠不可與其他優惠同時使用
– 預訂一經確認後，將不可取消或修改
– 如有查詢，請聯絡訂房部（電郵：[email protected] 或致電：3951 8368）
– 如有任何爭議，珀薈酒店將保留最終決定權

Staycation得嚟又想食buffet？不如睇下呢個優惠啦！

尖沙咀馬哥孛羅香港酒店而家就有優惠，每晚HK$1,820起，人均只係HK$910起，就包雙人自助早餐及自助晚餐，另外升級入住標準樓層豪華客房一晚，同埋延遲退房至下午3時！如想加多個4歲至11 歲兒童入住，就需要訂購雙人加一床，每晚總價HK$2,450起（已包餐食）就算係周末都一樣價錢冇加價，超抵玩！

如果想住好啲入住豪華海景客房，就每晚HK$1,950起，加一位4至11歲兒童加床+包餐食就總價HK$2,550起！都十分之超值呀！今次優惠賣到去2021年2月28日，如果而家擔心可能book後啲的日期～有興趣不妨睇睇！

【入住日期】12月12日至2021年2月28日（12月21至27日、12月31日、2021年1月13及14日、2月12至15日除外）

【訂購網址】https://www.kkday.com/zh-hk/

（覺得抵可Whatsapp同LINE Share俾朋友）

【酒店】食足兩餐buffet！馬哥孛羅香港酒店每晚只係$1,820起！包早晚buffet+房間升級+延遲退房！2021年2月28日前入住

條款及細則：
– 以上價錢均已加一
– 4歲至11歲兒童入住必需訂購雙人加一床（含餐食）
– 3歲以下兒童可不佔床入住
– 以上優惠不可與酒店其他推廣或折扣同時使用

12月想清下假，不如搵個抵玩的option！

今晚10點KKday會開賣尖沙咀的百樂酒店的快閃優惠！星期日至四每晚只係HK$770起，而星期五、六及公眾假期都只係HK$880起，就包你入住豪華客房一晚，以及HK$700餐飲消費額（適用於Park café、金盞吧或客房服務），直逼房價！

HK$700用嚟食咩好？最抵就梗係用嚟食雙人「聖誕盛宴」自助午餐（詳情）或者 自助下午茶（詳情）啦！每人只係2百幾就食到，計落credit仲有剩！剩返嗰啲可以夜晚食宵夜叫客房送餐，正呀！優惠仲保證入住22小時，每房可最多容納2大1小（12歲以下不佔床）入住㖭！

In case大家唔識百樂酒店，就容許小編介紹下啦！佢位於尖沙咀都頗為中心的地方，位置方便，距食街厚福街只有一巷之隔，搵食超方便！另外The One、美麗華等商場（DONKI呀！！！）都好近，出去行下街都好方便！

如果想12月24日平安夜或31日除夕入住，每晚HK$1,110起；12月25日聖誕正日就每晚HK$1,210起！想嚟個貼地啲的Staycation，百樂酒店真心抵玩呀！大家不妨考慮下佢啦！

*以上價錢都已加一，勁抵玩！

【預訂日期】 12月1日22:00 至 12月4日23:59

【入住日期】12月2日至2021年1月31日

【訂購網址】https://www.kkday.com/

（覺得抵可Whatsapp同LINE Share俾朋友）

【酒店】快閃激抵！今晚10點開賣！尖沙咀百樂酒店每房每晚$770起，包$700餐飲消費額，食到餐buffet！2021年1月31日前入住