政府宣佈放寬抵港人士嘅檢疫措施，同時將取消禁飛令！再加上多個國家陸續宣佈開關，可以免隔離入境，相信好多香港人都蠢蠢欲動想去旅行！政府最新公佈所有指明地區抵港人士必須於指定檢疫酒店進行7天隔離強制檢疫 + 7天自行監察，有唔少人都對返港檢疫有疑問，小編就整理咗預訂隔離酒店懶人包同隔離酒店推介俾大家參考！
各國最新免隔離須知：https://flyagain.la/104179
回港檢疫安排：
1. 抵港人士是香港居民
2. 並完成疫苗接種
3. 登機前48小時持有核酸檢測陰性證明
4. 預先預訂最少7晚檢疫酒店
5. 抵港後在機場要進行檢測待行安排，當局會在機場派發防疫服務包給抵港人士
6. 如結果陰性會獲發14天檢疫令，並乘專車到檢疫酒店隔離7日
7. 隔離期間每日做快速抗原測試
8. 檢疫的第5日及第12日要做核酸檢測，如果在第5天的核酸檢測呈陰性，第6、7日的快速抗原檢測同樣陰性，檢疫人士便可提早離開檢疫酒店
9. 其後7日自行監察，期間可離開家居，至第12日到社區檢測中心做核酸檢測
更多詳情：https://www.coronavirus.gov.hk/chi/inbound-travel.html#quarantinemeasures2
小貼士：疫情關係，政府將部分指定檢疫酒店暫時轉為社區隔離設施酒店，記得要分清楚！
– 指定檢疫酒店：提供給海外地區抵港人士回港隔離7天入住
– 社區隔離設施酒店：COVID-19檢測結果呈陽性但徵狀輕微或無病徵人士入住隔離（詳情）
由於現時所有指明地區抵港人士必須於指定檢疫酒店進行7天隔離強制檢疫 + 7天自行監察，喺回港前必須先預訂7晚指定檢疫酒店，小編而家就話俾大家知點搵酒店啦！
Step 1：尋找最新指定檢疫酒店名單（按此）
– 名單中會顯示酒店的地區、房間數量、價錢等等的資料作為參考
Step 2：查詢指定檢疫酒店的預約情況（按此）
– 揀返區域、地區、入住日期同退房日期（記得要夠7晚！）就可以搵到邊間酒店有房～
Step 3：查看有興趣的指定檢疫酒店
– 搜尋後會出現有關酒店嘅資料，包括地址、電話、網址等等，如果有你需要嘅日子，你就可以登入酒店網址Book房㗎啦！
*注意：由於預約情況並非即時更新，小編都試過查詢嘅時候有房，去到酒店官網話冇房，所以網站都係只作參考，唔一定係最準確！
Step 4：登入所選酒店嘅官網訂房（記得要訂7晚！），就係咁簡單！小編揀咗幾間隔離酒店重點推介，記得睇埋呀！
以下係小編不時會收到預訂隔離酒店嘅問題，可以同大家分享一下，希望幫到手！
Q：18歲以下人士可唔可以一個人入住隔離酒店？
A：唔同酒店對18歲以下人士嘅入住政策有所不同，有部分酒店必須成人陪同，預訂酒店前必須了解清楚（詳情按此）
Q：隔離酒店包唔包三餐？可唔可以叫外賣？
A：酒店係包早午晚三餐，而絕大部分酒店亦會提供送遞服務（包括外賣），但服務時間會有唔同，部分係24小時嘅～
Q：如果返港航班取消／延誤，酒店會點處理？
A：只要你提供到證明，絕大部分嘅酒店都可以申請改期／退款，詳情請自行向酒店查詢！
指定檢疫酒店推介：
酒店：香港萬怡酒店（西營盤）*房間供應量非常緊張
每晚價錢：HK$900+10%起
萬豪旗下酒店，城景客房約258呎，另可以預訂海景客房，景觀更開揚！房內設有電視、迷你吧、雪櫃、咖啡及茶沖調設施等，仲會於早上8點半至晚上11時提供外賣送遞服務，有咩日用品需要都可以上網訂！
取消政策**：
– 可於入住前21日免費取消或更改
– 入住前必須完成付款
– 一經預訂，恕不接受更改入住人士姓名
【預訂網址】https://flyagain.la/hkcyd
酒店：W酒店（西九）
每晚價錢：HK$2,090+10%起
取消政策**：
– 可於入住前21日免費取消或更改
– 入住前必須完成付款
– 如住客的PCR 核酸檢測對2019冠狀病毒病呈陽性，住客可以取消預訂並給予退款（須提供相關證明）
– 如因政府政策轉變而受影響的住客，可免費取消或更改預訂詳情（按房間供應狀況而定）
– 如受航空公司取消或更改航班影響的住客，可免費更改預訂詳情（按房間供應狀況而定及須提供相關證明）
五星酒店選擇！W酒店加入第七輪檢疫酒店，提供多種客房及全海景套房選擇，海景仲睇到日落，可以紓緩隔離期間帶嚟嘅煩悶心情！酒店仲非常貼心提供素食餐單，各位素食者就可以放心啦！另外酒店設有相連房間可供選擇，詳情可向酒店了解！
【預訂網址】https://flyagain.la/hkwh
酒店：九龍東皇冠假日酒店（將軍澳）
每晚連加一價錢：HK$1,350起
取消政策**：
– 確認預訂時必須付清全部房費，已付房價將不予退款
– 一旦預訂被確認，不設任何更改或取消。否則，將收取整段入住時間的房費
– 如因以下情況，取消將給予全數退款及給予更改預訂：
1. 航空公司取消或更改航班
2. 住客與2019 冠狀病毒病確診個案有關（須在入住前提供相關證明及通知）
3. 政府的政策轉變致所需的隔離日數少於所預訂的日數
遠離煩囂之選！酒店設有連通房，每套加HK$440，一家人住就更方便！亦會於早上6點至晚上11時59分提供外賣送遞服務，想食外賣都冇問題！
【預訂網址】https://flyagain.la/pbs3
酒店：金域假日酒店（尖沙咀）
每晚連加一價錢：HK$1,250起
取消政策**：
– 訂購後將提供付款連結，一旦付款並確認，將不能免費取消及更改
– 如因以下情況，取消將給予全數退款及給予更改預訂，但需變取3%手續費：
1. 航空公司取消或更改航班
2. 政府的政策轉變致所需的隔離日數少於所預訂的日數
平價隔離酒店！金域假日喺九龍市區嚟講算係比較經濟實惠，有多種房型選擇，部分房型仲會有廚房，如果想整輕食，可以外賣食材叫酒店送上房俾你！
【預訂網址】https://flyagain.la/vyfx
酒店：華美達盛景酒店（北角）
每晚價錢：HK$845+10%（家庭房）
取消政策**：
– 一旦付款並確認，將不能免費取消及更改
家庭回港之選！一家三口要返香港但Budget唔多，揀呢間酒店就啱晒，平均每晚唔使一千蚊就包晒3餐，小編啱啱search 3至4月仲有極少量房間，好難得仲搵到5月之前嘅房，有需要就快手訂！
酒店：華美達海景酒店（中環）
每晚價錢：HK$509+10%
取消政策**：
– 一旦付款並確認，將不能免費取消及更改
港島平價隔離酒店之選！提供24小時嘅送遞服務，隨時諗起想食咩叫外賣，或者家人朋友拎物資都夠晒方便！另外酒店歡迎18歲以下人士入住，並且會提供特別照顧服務，留學生嘅家長就更加放心啦！
酒店：九龍維景酒店（旺角）（只接受6月5日下午2時後之預訂）
每晚價錢：HK$880+10%
取消政策**：
– 一旦付款並確認，將不能免費取消及更改
九龍旺區平價酒店，附近有超多唔同類型嘅餐廳，如果食厭咗酒店提供嘅膳食，叫外賣亦非常方便，酒店更設有24小時送遞服務，晏少少想食宵夜都冇問題！
**取消政策只供參考，如有任何爭議，酒店將保留最終決定權
有部分隔離酒店暫時轉為社區隔離設施酒店，以致呢幾個月嘅房間嘅供應量非常緊張，有唔少酒店四至六月已經全部爆滿！如果真係想去旅遊，都係建議預早計劃行程以及預訂隔離酒店，唔係到時有機票都返唔到嚟就大鑊啦，當然如果有大把錢可以住置地文華就另計啦！
（覺得抵可Whatsapp同LINE Share俾朋友）
【整合】返港檢疫將減至7日！飛之前必睇！預訂返港隔離酒店懶人包！內附隔離酒店推介！不斷更新～
#各優惠受不同條款及細則約束，建議預訂前先行細閱
