泰泰泰抵啦，曼谷超抵玩套票，只係HK$1,638起咋！永安旅遊推出【Fun‧紛樂園】曼谷激筍套票：包曼谷來回機票+2晚酒店+野生動物園門票連午餐buffet，每位只係HK$1,638起（連稅HK$2,087起）！價錢超抵，包2晚入住「Grand Swiss Sukhumvit 11 by Compass Hospitality Bangkok」，地理位置好，由酒店行幾分鐘就到NANA BTS 站，搭BTS去唔同地方行街、Shopping、做SPA都好方便。仲有好多其他酒店俾您揀！套票包野生動物園門票連自助午餐，一次過暢遊動物園+海洋公園，到時亦可以額外俾錢乘搭導覽車，近距離觀賞動物！

3日2夜只屬舉例，可以Stay耐啲，最長可Stay 31日，亦可加錢轉坐其他航空公司例如國泰、泰航、阿聯酋航空，相當彈性。經永安官網訂仲有個好方便嘅功能，可以用月曆形式睇晒成個月嘅最低價錢，超方便！趁有咁抵套票，即刻Plan吓飛轉曼谷啦！

【出發日期】12月13日至2018年3月29日
【訂講網址】package.wingontravel.com

除咗曼谷套票，仲有名古屋套票都唔錯！包名古屋來回機票+2晚酒店+Legoland®Japan門票，再連免費租借pocket Wi-Fi，每位HK$3,374起（連稅HK$3,808起）！包2晚入住「Hotel Wing International Nagoya」，酒店鄰近地鐵丸之內站或伏見站，交通方便，附近有24小時便利店，亦可加錢揀其他心水酒店。最最最重要嘅係佢已經包咗Legoland® Japan一日門票（價值$448），大人同小朋友都啱去朝聖，連”日本通”周奕瑋都推介！門票可以玩盡園內7大必玩園區（包括Miniland, LEGO® City, PIRATE SHORE等），同埋3日2夜只係舉例，可以Stay長啲，不過出發日子只限12月31日或之前，優惠套票有限，要買就要快決定啦！

【出發日期】12月17日至12月31日
【訂講網址】package.wingontravel.com

（覺得抵可Whatsapp同LINE Share俾朋友）

嘩！曼谷爆抵套票！$1,638起包機票+2晚酒店+野生動物園門票連午餐buffet；名古屋3天套票+legoland門票$3,374起

自由行梗係好啦，不過有時Plan行程都幾煩，又要諗交通，又要諗景點，又要諗活動，都幾頭痛！小編推介可以揀其中一兩日join當地Local Tour，輕輕鬆鬆玩返日，perfect呀！永安旅遊推出日本、韓國、台灣、泰國當地遊優惠，訂滿HK$500輸入推廣碼即減HK$50！

【台灣】
愛戀平溪十分幸福一天遊HK$283起
－暢遊菁桐老街、平溪老街、十分老街，包全程車資及午餐。
台北九份野柳貓村一天遊HK$255起
－野柳地質公園為國際知名地質奇景；貓村曾被評選為「世界六大賞貓景點」。
詳情：https://flyagain.la/1kzl

【泰國】
曼谷SILOM THAI COOKING SCHOOL 5道菜烹飪體驗 一天遊HK$223起
－先跟大廚到地道市場買食材，再學煮正宗泰菜，每日學習菜式各有不同，可依喜好選擇上課日子。
親親小綿羊，探訪長頸族、大象營，笑趣火車軌市場 一天遊HK$438起
－Danus Hobby Farm品嚐手製雪糕及親親小綿羊，人氣景點美功鐵道市集，仲會去超大型觀光夜市等等。
詳情：https://flyagain.la/xc9h

【日本】
東京箱根 蘆之湖美景一天遊HK$438起
－逢週日出發，東京市內多間酒店接送，遊覽箱根多個必到景點，仲會帶大家去Outlet血拼。
大阪嵐山、京都、宇治一天遊HK$649起
－慢遊京阪多個景點，更包乘搭「型男人力車」來回渡月橋，仲會到訪嵐山竹林。
詳情：https://flyagain.la/bu1r

【韓國】
草莓農場│南怡島│小王子村│春川炒雞 一天遊HK$668起
－包500g即摘草莓（可帶走）及自製草莓果醬；包午餐品嚐春川炒雞；包門票遊覽法國小王子村；浪漫南怡島（《冬日戀歌》拍攝場景）
冬季金滑雪 一天遊(初級班包裝備及廣東話教學)HK$548起
－廣東話教學，聽得明，學得快；充足自由滑雪時間，享受滑雪樂趣；
詳情：https://flyagain.la/5ldt

提提大家：以上價錢係未計算減HK$50優惠，大家要先登記/登入永安旅遊會員，預訂日本/韓國/台灣/泰國當地遊每單滿HK$500，於付款頁面輸入推廣碼GK568即時減HK$50，仲有更多精選「吃喝玩樂」產品，包括澳門、新加坡等特色行程、本地親子遊、美食優惠等等，詳情：https://flyagain.la/ams1。

（覺得抵可Whatsapp同LINE Share俾朋友）

幫您Plan哂！日韓台泰特色當地遊$223起！訂滿$500減$50！曼谷學泰菜/箱根睇靚景/首爾廣東話學滑雪……

之前同大家推介過「自由鳥‧遨遊SIM」呢張SIM卡，可以喺全球超過50個國家上網！對於成日飛嘅粉絲，買一張SIM卡就可「一卡走天下」，例如今次去日本用完，下次去韓國玩，只要增值返就用得，唔駛次次都買張新卡咁麻煩。依家仲有限時優惠，日本、台灣、澳門、新加坡、馬來西亞等地上網只係$12/日。價錢咁平，速度又得唔得先？

我哋兩位小編早前去日本試用過同埋用OFCA手機APP測速，測試結果：

（圖左）
測試地點：東京近郊千葉木更津三井outlet park
下載：33.3 Mbps
上載：25.5 Mbps
網絡商：Softbank

（圖右）
測試地點：東京新宿鬧市內
下載：29.4 Mbps
上載：19.9 Mbps
網絡商：Softbank

睇到客觀數據上，喺日本兩地都有好高嘅上網速度。而實際使用過後上網流暢度好高，上FB、IG等社交平台Load相Load片好順好快，上google map睇地圖、用google translate、乘換案內等旅遊常用APP都好暢順。每日有500MB 4G上網速度（500MB之後會被降速），但一般用家去旅行去一日都好少用到咁高流量，所以唔駛擔心。就算係高用量用家，用爆500MB之後用whatsapp、google map速度都OK，或者只需topup多8蚊，就可追加500MB即日4G數據。順帶一提，呢張SIM卡一落機開網絡就用得，完全唔駛Set嘢，真係好方便。

如果有興趣想買嚟試吓，購買方法好簡單，可透過 Birdie Travel手機應用程式或官方網址www.birdie.com.hk 買，仲有免費平郵送貨。如果急住飛，去指定一田百貨或759阿信屋分店買都得。到達目的地之後，將遨遊SIM插入手機或流動裝置再開機，開啟手機或者流動裝置嘅「流動數據網絡」同 「數據漫遊」功能就上到網。

日本實測「自由鳥‧遨遊SIM」上網速度報告！

飛曼谷有咁多航空公司，近排除咗泰航減價，連阿聯酋航空都好平呀！Emirates有幾正真係唔駛小編多講，佢哋推出咗曼谷平飛，來回機票只需HK$990（連稅HK$1,439）起，價錢唔錯！兼坐空中巨無霸A380，包行李包飛機餐，性價比極高！呢口價仲平過國泰同唔少添！

提提大家：最平票價種類（Special）係包20kg寄艙行李，如果想要多啲行李配額，揀（Saver）每程貴HK$60，包30kg寄艙行李！仲可以去程揀Special、回程揀Saver，靈活配搭，連稅HK$1,499起！

【出發日期】2018年1月3日至2月8日、2月19日至5月31日（回程不適用於 2018年2月17日至25日）
【機票有效期】1個月
【最後訂票日期】11月30日或售完即止

【訂購網址】www.emirates.com
【預訂教學】http://flyagain.la/35333

（覺得抵可Whatsapp同LINE Share俾朋友）

正呀！連稅千四飛曼谷！坐A380！阿聯酋航空來回機票$990起！出年5月31日前出發

曼谷又有爆平套票啦！今次仲係坐泰航，4日3夜連稅HK$1,677起咋喂！如果齋訂機票嘅話，連稅都要$1,618，套票價減返機票價，即係話最平加$59就包3晚住宿？住一晚唔駛廿蚊？太平啦！還掂都要訂酒店，經Expedia訂套票抵過拆開訂呀！

呢口價以最平住宿做例子（2人同行於2018年1月22日出發、25日回程，入住瑪那青年旅舍為例），Expedia仲有好多酒店選擇，好似以下呢兩間性價比都唔錯：

艾薩努克公寓，4日3夜套票每位連稅HK$2,034起，酒店設施完善，有24小時開放Gym Room同泳池。附近有便利店、大型超市，前往水門市場約10鐘分鐘左右；

三一席隆酒店，4日3夜套票每位連稅HK$2,074起，酒店地理位置唔錯，往BTS Chong Nonsi站步行約3-5分鐘，酒店有室外泳池。鄰近有夜市同早市，可以品嚐地道美食；

4日3夜只屬舉例，日子可長可短，最長可Stay 8日7夜，其他平價套票可上Expedia香港慢慢搵。搜尋方法：
1. 先搜尋香港至曼谷的航班（淨機票，來回連稅HK$1,618起）
2. 找到泰國航空嘅航班，選擇去程及回程航班
3. 選擇回程航班後，系統會彈出對話框，然後按「立即加訂酒店」即可（如下圖）

此外，經Expedia買套票有樣好，可以免費Stay Behind，即係唔駛全程住同一間酒店：只要剔選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。

【出發日期】即日起至2018年7月5日（旺季除外）
【最後訂購日期】12月31日或售完即止
【訂購網址】www.expedia.com.hk

（覺得抵可Whatsapp同LINE Share俾朋友）

嘩！廿蚊雞住曼谷！泰航爆平套票：4日3夜連稅只需$1,677起！仲可跨weekend！2018年7月5日前出發

泰爆啦！泰航飛曼谷實在太太太抵啦！泰國航空推出震撼優惠：香港來回曼谷HK$1,170（連稅HK$1,618）起。千6蚊坐泰航算係好抵，連稅價平過國泰唔少，唔少日子仲有早去晚返靚時間。跨Weekend都有，例如五去日返、五去一返都得，請一兩日假就可快閃曼谷啦！

【出發日期】11月29日至2018年7月5日（旺季除外）
【機票有效期】7日
【最後訂票日期】12月31日或售完即止

【訂購網址】www.expedia.com.hk
【預訂教學】https://flyagain.la/31983

（覺得抵可Whatsapp同LINE Share俾朋友）

泰爆平！快閃冇難度！泰航香港來回曼谷$1,170起！2018年7月5日前出發

想平飛澳洲，又想玩埋曼谷？泰國航空有個超正優惠，一次過滿足您兩個願望！香港經曼谷來回澳洲HK$2,700起，連稅計：墨爾本HK$3,861起、悉尼HK$3,959起、布里斯本HK$3,965起！價錢雖然唔算係爆平，但呢套飛適合想玩埋泰國嘅朋友，因為只需補多少少錢就可以中途停留曼谷，做夠SPA或按摩先走，玩埋真係抵晒！講真香港飛曼谷平極都要千幾蚊啦，依家4千左右就玩齊曼谷+澳洲，條數係咪抵先！優惠可Openjaw（不同城市往返），例如墨爾本入、悉尼走，亦無限制您可以停留曼谷幾耐，只要成套飛一個月內完成就得！曼谷飛墨爾本有機會坐A350客機！

想訂中停曼谷？可以跟住以下方法，首先搵咗就咁來回澳洲有平嘅日子先，例如出年5月15日去、22日返，來回墨爾本連稅HK$3,861，抄低呢個日子，再用多個目的地功能分三段Search，舉例輸入A. 香港-墨爾本（5月15日），B. 墨爾本-曼谷（5月22日） C. 曼谷-香港（5月29日），連稅HK$4,040起。

【出發日期】2018年2月22日至3月27日、4月1日至6月28日
【機票有效期】1個月
【最後訂票日期】11月30日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

泰式袋鼠盤！玩盡澳洲+曼谷！泰航來回墨爾本/悉尼/布里斯本$2,700起，可中停曼谷！2018年6月28日前出發

又係搞笑？買套票竟然平過齋買機票？國泰依家做緊曼谷優惠，官網來回連稅HK$2,027起！原來如果以套票方式喺Expedia訂，包來回機票連3晚住宿，反而只係賣緊HK$1,905起？咁咪即係倒貼$120再包您3晚住宿？真係好神奇呀！而且最平唔駛2千坐國泰飛曼谷玩4日3夜，仲可以早機去晚機番（視乎供應），真心抵玩啦！

呢口價就揀最平住宿做例子（以2018年1月10日出發、1月13日回程，3晚入住「瑪那青年旅舍」），Expedia仲有好多酒店選擇，好似以下呢兩間性價比高，好抵玩：

曼谷富麗薩通酒店，4日3夜連稅每位HK$2,320起，由地鐵鐘那席站站行返去酒店約5分鐘步程，想去曼谷其他地方都咁方便，而且鄰近夜市，夜晚肚餓都唔驚無嘢食啦！

是隆愛逸，4日3夜連稅每位HK$2,447起，酒店外觀非常特別，鄰近BTS站，交通方便，酒店鄰近有7-11便利店同傳統夜市。酒店設施完善，有室外泳池、池畔酒吧、健身室等；

中心文華酒店，4日3夜連稅每位HK$2,444起，由地鐵Sam Yam站行返去酒店約6分鐘步程，後面就有夜市，酒店亦有泳池同健身室，食飽飽後翻嚟做吓運動都唔錯；

仲有其他酒店選擇可上番Expedia搵，4日3夜只係舉例，日子同旅程長短都可自己更改，最長可Stay 8日7夜，而且橫跨Weekend例如「六去二返」都有平飛，啱晒週末快閃！

套票搜尋方法：
1. 先去Expedia搜尋香港至曼谷的淨機票（來回連稅每位HK$1,997起）
2. 搵到有此價後，抄底相同日子再去主頁用「機票+酒店」搜尋。
3. 選擇酒店及房型後，再選擇國泰航空航班；

此外，經Expedia買套票有樣好，可以免費Stay Behind，即係唔駛同一間酒店住晒咁多日：只要剔選”我只有部分日期需要入住酒店”，再揀埋需要住房嘅日子就搞掂，其他日子您住邊都得，勁有彈性。即刻去搶平套票！

【出發日期】即日起至12月19日、12月29日至2018年2月11日、2月21日至3月25日
【最後訂購日期】11月30日或售完即止
【訂購網址】www.expedia.com.hk

（覺得抵可Whatsapp同LINE Share俾朋友）

泰筍價！國泰曼谷套票爆平盤：4日3夜連稅只需$1,905起！平過齋訂機票！2018年3月25日前出發