仲有幾日就新年啦，今年晚市禁堂食，大家準備好食咩未呢？仲未就要把握機會睇睇小編嘅推介啦！
六國酒店 – Le Menu（灣仔）
價錢：
葡式燒乳豬 HK$888起
如果話聖誕節會食火雞，咁農曆新年就必食燒乳豬！今年Le Menu 就特別推出葡式燒乳豬，同普通嘅中式乳豬唔同，餐廳用咗越南小乳豬，因為佢哋肥瘦適中、肉質幼嫩，用埋自家製葡式烤焗做法使其更脆香可口，帶埋去拜年就啱晒！
【預訂日期】即日起至3月28日
【自取日期】即日起至3月31日（最少3日前預訂）
【預訂網址】https://www.kkday.com/zh-hk/
九龍香格里拉酒店 – 香宮（尖東）
價錢：
香宮賀年風生水起鮑魚撈起（六位用） HK$888起
新年必食嘅嘢仲有好多！想新一年可以「撈得風山水起」，梗係要食香宮嘅賀年風生水起鮑魚撈起啦，有超過二十款好意頭食材，例如：代表財源滾滾嘅十頭南非鮑魚､鴻運當頭嘅甘筍絲、遍地黄金嘅薄脆､金銀滿屋嘅花生碎等等！一家人一齊拎起筷子，齊齊「撈起」，希望新一年萬事如意！
【預訂日期】即日起至2月14日
【自取日期】1月31至2月15日（最少24小時前預訂）
【預訂網址】https://www.kkday.com/zh-hk/
港島香格里拉 – 大堂酒廊（金鐘）
價錢：
新春主題下午茶（兩位用） HK$688起（參考餐單）
新年去好姊妹屋企拜年，不如帶埋個Tea set上去，一邊食一邊講八卦，應節又啱Feel～今次港香嘅新春主題下午茶有多款誘人甜點及咸點，包括玩味十足嘅鵝肝唇膏及精緻嘅柚子士多啤梨蜂巢，打卡一流！
【預訂日期】即日起至2月28日
【自取日期及時間】即日起至2月28日下午3時至5時半
【預訂網址】https://www.kkday.com/zh-hk/
港麗酒店 – 金葉庭（金鐘）
價錢：
金葉庭新春喜慶外攜聚寶盤（六位用）HK$3,688起
新一年對自己同屋企人好啲，訂返個五星酒店聚寶盤一齊分享！金葉庭嘅新春喜慶外攜聚寶盤用料夠晒矜貴，有蠔皇原隻湯鮑、特選上等濃雞湯浸雞、生財好市瑤柱甫、原條南非海參等！另外仲有生炒糯米飯，食完暖到入心呀～
【預訂日期】即日起至2月13日
【自取日期】即日起至2月15日（最少2天前預訂）
【預訂網址】https://www.kkday.com/zh-hk/
黑木亭居酒屋（天后／尖沙咀）
價錢：
富士山 A5 宮崎和牛壽喜盆菜＋追加組合 HK$599起（2至3位用）HK$988起（4至6位用）HK$1,688起（8至10位用）
年年都係食海參、花膠，不如今年搞搞新意思啦，日式盆菜又點睇呀？小編覺得新鮮得嚟都幾吸引，有A5宮崎和牛、磯煮鮑魚、日本帆立貝、深海虎蝦、鮮廣島蠔等等新鮮食材，再配埋惹味壽喜燒汁，Jeng！爐具仲要明火同電磁爐合都用得，夠晒方便！
【預訂日期】即日起至3月28日
【自取日期及時間】即日起至3月31日（最少3天前預訂）
【預訂網址】https://www.kkday.com/zh-hk/
香港會議展覽中心（灣仔）
價錢：
賀年蛋糕組合 A （招財貓蛋糕＋Botter Prosecco DOC Villa Delle Camelie N.V. Veneto Italy）HK$688起
賀年蛋糕組合B（招財進寶蛋糕＋Botter Prosecco DOC Villa Delle Camelie N.V. Veneto Italy） HK$688起
介紹咗咁多主食，都係時候講吓甜品啦！呢間餐廳嘅賀年蛋糕造型真係好Cute呀，首先講吓「招財貓」蛋糕，入面係鬆軟
的雲呢拿海綿蛋糕配上夾心鮮雜果忌廉，外層為白朱古力，睇得又食得！仲有「豬仔錢罌」造型嘅「招財進寶」蛋糕，超可愛嘅小豬造型，加上朱古力金幣及金元寶，寓意新一年金銀滿屋，吸睛得嚟又好意頭！
【預訂日期】即日起至1月31日
【自取日期】即日起至2月3日
【預訂網址】https://www.kkday.com/zh-hk/
店小二（北角）
價錢：
小二盆菜 HK$1,388起（6位用）HK$1,688起（8位用）HK$2,188起（12位用）（外賣自取）
小二盆菜 HK$1,438起（6位用）HK$1,738起（8位用）HK$2,238起（12位用）（外賣送貨）*於樓下交收
懶人必揀！就唔到時間去攞盆菜都唔使擔心，呢間餐廳除咗自取，仲可以選擇加少少錢送貨，喺屋企坐定定等盆菜送到就可以開飯啦！特別推介盆菜入面有招牌菜小二手打手爆牛丸，一定要試！
【預訂日期】即日起至2月13日
【自取日期】即日起至2月15日（最少2天前預訂）
【預訂網址】https://www.kkday.com/zh-hk/
結論：雖然冇咗堂食，但叫外賣都一樣可以食得好豐富！盆菜、乳豬、Tea set、蛋糕樣樣都有，小編就會想試吓日式盆菜，年年食中式盆菜，新年搞吓新意思都唔錯！不過最緊要嘅係⋯⋯要快呀！得返幾日就新年，再慢慢揀就咩都冇得食㗎啦（哭了）！
（覺得抵可Whatsapp同LINE Share俾朋友）
【整合】最後衝刺！新年團拜食好啲！一文睇晒7大外賣賀年食品優惠，主菜甜品都有齊！附預訂網址！
#優惠受條款及細則約束，建議預訂前先行細閱
