嘩！超平飛冰島！如果之前入手咗歐洲機票真係必Check呀！廉航Easyjet推出新優惠，最正係呢條航線，倫敦飛冰島雷克雅維克，來回連稅低至£49.46（折合約HK$471）起，係來回呀！真係抵到爛！如果計劃咗飛倫敦，加幾百蚊就可以去埋冰島啦。另外飛其他歐洲內陸城市都有優惠，以倫敦出發為例（單程連稅）：巴黎/漢堡/米蘭/哥本哈根£24.49（折合約HK$233）起、柏林/巴塞隆拿£26.49（折合約HK$252）起、阿姆斯特丹/羅馬/蘇黎世£28.49（折合約HK$271）起。仲有好多其他航線選擇，Easyjet官網有個幾好嘅功能，只要輸入出發地點就可以用地圖形式快速睇到最低票價。

以上價格不包寄艙行李或飛機餐，以冰島為例20kg寄艙行李兩程合計£39（約HK$371）起。

【出發日期】2017年2月1日至7月5日
【機票有效期】不限
【最後訂票日期】售完即止
【訂購網址】www.easyjet.com/en/promo

（覺得抵可用Whatsapp同LINE Share俾朋友架）

抵呀！歐洲廉航Easyjet倫敦飛冰島來回連稅約HK$471起，其他歐洲城市都有！17年7月前出發

4千蚊飛歐洲？唔係新鮮事啦！不過如果4千蚊飛歐洲之餘，再送多程單程飛玩東南亞？會唔會更有吸引力呢？介紹返呢個芬蘭航空優惠：香港出發經赫爾辛基來回歐洲各地，再搭多程國泰飛新加坡，整個組合連稅只係HK$4,134起，計一計新加坡果程差唔多係送俾您咁濟。加上坐芬航可以停留赫爾辛基兼玩，芬蘭係追極光勝地，每年9-3月係極光旺季，想去歐遊兼睇極光，真係超正，一套飛玩晒歐洲+芬蘭+獅城！

如上圖例子，以斯德哥爾摩為例，返港後同日飛新加坡有此價，如果想隔日再飛，就加HK$120機場稅，而歐洲目的地眾多，可選：蘇黎世HK$4,228起、阿姆斯特丹HK$4,313起、巴塞隆拿HK$4,390起、布拉格HK$4,390起、馬德里HK$4,398起、米蘭HK$4,559起、巴黎HK$4,673起、倫敦HK$4,693起。如果想隔一段時間再飛新加坡，都只需加HK$310，即可喺香港停留，變相拆成兩個Trip（整套飛1個月內完成）！而除咗新加坡，仲可揀曼谷同吉隆坡，係睇大家鐘意去邊度玩。

呢套飛仲可以喺轉機點赫爾辛基停留最長5日，變相玩埋芬蘭追極光。舉例出年3月6日香港飛斯德哥爾摩、3月16日斯德哥爾摩飛赫爾辛基、3月19日赫爾辛基直飛香港，3月20日再飛新加坡，連稅HK$4,205起。

【出發日期】2017年2月5日至2月22日、3月5日至6月21日（旺季除外）
【機票有效期】1個月
【最後出票日期】2017年1月9日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

超抵「港歐新」！芬蘭航空來回歐洲+國泰飛新加坡，連稅$4,134起，2017年6月21日前出發

嘩！平呀！實在太太太令人心動！3萬蚊有找勁歎頭等飛歐洲！仲要係Skytrax 2016全球最佳嘅阿聯酋航空，教我如何抗拒呀～小小編又搵到正嘢，由曼谷出發，經杜拜來回歐洲，合共四程機，全程頭等艙機票只需HK$23,060（連稅HK$29,228）起！3萬蚊有找，正路香港飛歐洲冇10萬都要8萬啦，改由曼谷飛平勁多，歐洲航點可選：米蘭HK$29,228起、蘇黎世HK$29,242起、羅馬HK$29,327起、巴黎HK$29,738起、倫敦HK$31,407起等，另外可以Openjaw（不同城市往返）。

阿聯酋航空頭等艙係私人套房形式，可以閂埋道門私隱度高。機上可享尊貴美饌美酒，A380客機仲有空中水療淋浴，可以試下4萬尺高空沖涼係咩感覺。機上仲有空中酒吧，可以品嚐法式小吃、香檳、紅酒等，亦可享用機場至指定目的地專車接送服務，絕對係尊貴至極嘅體驗，依家頭等艙愈嚟愈少見（好多航空公司都cut緊），人一世物一世，又點可以唔試？無論帶同家人一齊去，或者想俾個驚喜另一半都適合！

呢套飛Class Code係A，儲返Emirates Skywards有30,000里數，可以換到香港來回曼谷經濟位機票，或者儲落日航里數計劃都有150%里數，大約有17,850里，夠換到日航香港來回日本經濟客位機票。

呢張機票由曼谷出發，即係話要另外再自購一套香港來回曼谷機票包住呢套飛，之前介紹過阿聯酋航空曼谷優惠都只係千3蚊左右（詳情：http://flyagain.la/46475），機票有效期有1個月，可以完美接駁呢套飛呀～

【出發日期】即日起至2017年6月10日
【機票有效期】2個月
【最後訂票日期】2017年2月1日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

嘩！抵價勁歎頭等！生活態度！全球最佳阿聯酋航空：頭等艙曼谷來回歐洲$23,060起！2017年6月10日前出發

嘩！正爆呀！暑假想玩盡歐洲同日本？全程坐國泰，連稅4千蚊咋，好抵呀！小小編發現「日港歐港日」超正組合重現江湖，玩法係：坐國泰由日本出發，經香港飛歐洲，返港後再單程飛日本，合共四程機，連稅只係HK$4,047起。當中去或回程時經香港可揀其中一次停留香港，唔駛連住飛，最正係暑假出發都有，真係啱晒有好多假嘅大專生，超平入手玩轉歐日啦！

出發城市可揀東京、大阪、名古屋、福岡、札幌，歐洲目的地可揀倫敦、曼徹斯特、巴黎、法蘭克福、馬德里、米蘭、蘇黎世、羅馬、阿姆斯特丹、杜塞爾多夫。小小編搵過以下組合，大家可以跟住嚟Search，或者用自己心水城市，去到Expedia香港自行組合：

「日港歐港日」舉例組合如下：
（第一程）福岡經香港飛倫敦 //（第二程）阿姆斯特丹直航香港 //（第三程）單程飛東京HK$4,047起
（第一程）札幌經香港飛倫敦 //（第二程）阿姆斯特丹直航香港 //（第三程）單程飛札幌HK$4,051起
（第一程）福岡經香港飛倫敦 //（第二程）馬德里直航香港 //（第三程）單程飛札幌HK$4,087起
（第一程）名古屋經香港飛倫敦 //（第二程）阿姆斯特丹直航香港 //（第三程）單程飛福岡HK$4,153起
（第一程）札幌經香港飛馬德里 //（第二程）馬德里直航香港 //（第三程）單程飛札幌HK$4,161起
（第一程）東京經香港飛米蘭 //（第二程）米蘭直航香港 //（第三程）單程飛東京HK$4,298起
（第一程）福岡經香港飛羅馬 //（第二程）蘇黎世直航香港 //（第三程）單程飛大阪HK$4,533起

以上價格以不在香港中停計算（即係話返港後同日再飛日本），其實呢套飛可以免費中停香港一次，所以從歐洲回港後，第二程同第三程之間可隔最多7日先飛，或者揀第一或第二程中間作中停，隨您選擇。舉例以上第一個例子，7月25日出發飛歐洲、8月6日回程、8月14日再由香港飛日本，都係加多HK$140，連稅HK$4,187起。

而呢套飛要由日本出發，所以要另外買香港來回日本嘅機票包住呢套組合飛。可等各廉航有優惠時入手，或者有里數喺手就更易玩啦。

有興趣就到Expedia香港，用多個目的地功能去Search。

【出發日期】12月31日至2017年4月27日、5月4日至8月3日、8月22日至9月14日、9月17日至9月30日
【機票有效期】1個月
【最後出票日期】12月31日或售完即止
【Class Code】N（可儲25% Asia Miles）

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

超筍盤！暑假玩盡日本歐洲！「日港歐港日」國泰日本往香港+來回歐洲+單程往日本，連稅$4,047起，2017年9月30日前出發

飛歐洲有超抵優惠啦，今次仲係Skytrax 2016年全球最佳航空嘅阿聯酋航空，連稅最平只係3千幾，抵到爆！香港經杜拜來回歐洲各地HK$3,150（連稅HK$3,796）起，航點眾多，包括各歐洲熱門城市，大部份航點都係四千頭左右，算係少見，連稅貴嘅倫敦只係4千8蚊，抵呀！阿聯酋航空質素唔駛多講都知正斗，今次優惠出發日子仲賣到出年11月，價啱即上官網訂飛。

【優惠航點】（只列部份）
布拉格HK$3,796起、阿姆斯特丹HK$3,797起、日內瓦HK$3,895起、羅馬HK$4,048起、聖彼得堡HK$4,064起、馬德里HK$4,077起、巴黎HK$4,080起、漢堡HK$4,100起、奧斯陸HK$4,105起、米蘭HK$4,109起、斯德哥爾摩HK$4,139起、布達佩斯HK$4,190起、巴塞隆那HK$4,273起、慕尼黑HK$4,300起、維也納HK$4,322起、蘇黎世HK$4,323起、杜塞爾多夫HK$4,358起、法蘭克福HK$4,450起、伯明罕HK$4,616起、曼徹斯特HK$4,814起、倫敦HK$4,889起

【出發日期】12月30日至2017年1月24日、1月30日至4月11日、4月18日至6月29日、9月10日至9月28日、10月3日至11月30日
【機票有效期】1個月
【最後訂票日期】2017年1月2日或售完即止

【訂購網址】www.emirates.com
【預訂教學】http://flyagain.la/35333

（覺得抵可用Whatsapp同LINE Share俾朋友架）

年尾減舖勁！全球最佳航空！阿聯酋航空來回歐洲$3,150起，2017年11月30日前出發

去歐洲唔少人都會揀轉機盤，夠哂平嘛！但屋企有老有嫩嘅，揀直航自然就方便啲啦！最近國泰歐洲直航再延長優惠，而且出發日期仲去到出年10月咁遠添，來回機票HK$4,800起，連稅計：阿姆斯特丹HK$5,261起、馬德里HK$5,302起、米蘭HK$5,335起、蘇黎世HK$5,348起、巴黎HK$5,519起、羅馬HK$5,434起、杜塞爾多夫HK$5,619起、法蘭克福HK$5,779起、曼徹斯特HK$5,964起、倫敦HK$6,208起。英國航線不嬲都稅貴，其他地點同上次早鳥優惠差唔多，官網較貴，大家可到Expedia出票。

【出發日期】2017年4月1日至4月11日、4月24日至6月15日、9月14日至10月31日
【機票有效期】1個月
【最後出票日期】2017年1月31日

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

國泰早鳥繼續減！直航來回歐洲各地$4,800起，可Openjaw，2017年10月31日前出發

漢莎+瑞航+奧航呢個歐洲優惠不斷延長延長又延長，未買嘅不妨睇睇！香港來回歐洲各地機票HK$2,580起，連稅計：漢堡HK$4,124起、柏林HK$4,131起、巴黎HK$4,138起、米蘭HK$4,252起、羅馬HK$4,255起、杜塞爾多夫HK$4,418起、馬德里HK$4,441起、里斯本HK$4,443起、倫敦HK$4,630起。

整體價錢雖然4千起跳，但都係可入手範圍，話哂出名稅貴嘅倫敦都係4千6左右。仲可以搭配心水航空公司，如果坐瑞士航空係經蘇黎世轉機，坐漢莎就經德國轉，或者坐奧地利航空就經維也納轉，又可以一次過試晒兩間唔同體驗，呢套飛亦可Openjaw不同城市往返，用多個目的地搜尋。有興趣就到Expedia香港訂購。

【出發日期】即日起至2017年6月24日（旺季除外）
【機票有效期】1個月
【最後訂票日期】12月19日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

延續平價！瑞航+漢莎+奧航任配搭！香港來回歐洲連稅$4,124起，2017年6月24日前出發

平呀！連稅最平3千5飛歐洲！卡塔爾航空推出歐洲優惠，用埋折扣碼「THANKYOU2016」後：香港經多哈來回歐洲各地HK$2,990起，連稅計：斯德哥爾摩HK$3,561起、比薩HK$3,742起、米蘭HK$3,751起、布加勒斯特HK$3,753起、阿姆斯特丹HK$3,859起、日內瓦HK$3,867起、柏林HK$3,877起、貝爾格勒HK$3,880起、羅馬HK$3,920起、馬德里HK$4,109起、布達佩斯HK$4,146起、維也納HK$4,186起、伯明翰HK$4,393起、曼徹斯特HK$4,474起。 票價旁有紅色星號即係用到折扣Code。

價錢都唔錯！而且卡航剛公佈咗全新免費過境多哈簽證措施，坐卡塔爾航空經哈馬德國際機場轉機逗留5小時或以上可申請免費過境簽證，最長停留96小時。以往拎住特區護照或BNO都要申請落地簽，費用約HK$213，依家豁免咗收費，可順道停留多哈，入境玩返一兩日，探索下中東國家風情。詳情及申請請至官網 （主頁>Travel>Travel Information>Qatar transit visa)

至於想訂中停多哈，方法都好簡單，先搵咗來回歐洲有平日子先，舉例5月8日出發、16日回程，來回斯德哥爾摩，抄底呢個日子，再用Multi-city功能Search，如輸入5月8日，香港-斯德哥爾摩、5月16日斯德哥爾摩-多哈、5月19日多哈-香港，連稅HK$3,675起。

【出發日期】即日起12月17日、12月25日至2017年1月25日、2月1日至4月11日、4月18日至6月22日
【機票有效期】2個月
【最後出票日期】12月22日或售完即止

【訂購網址】www.qatarairways.com/hk
【又飛啦製作搭乘報告】（波音787-8夢幻客機之旅，經濟艙）http://flyagain.la/h8rc

（覺得抵可用Whatsapp同LINE Share俾朋友架）

又減！卡塔爾航空香港來回歐洲各地$2,990起，仲可中停兼遊多哈！2017年6月22日前出發