淨玩歐洲邊夠皮？一次過玩齊歐洲+曼谷先正呀！

今次芬蘭航空又再出現好抵嘅「港歐泰」組合啦！由香港出發，經赫爾辛基來回歐洲，返港後再搭多程港航飛曼谷，呢套組合飛，連稅只需HK$4,062起，嘩！4千蚊可以飛完歐洲再玩曼谷，真心抵喎，因為依家喺芬航官網買，香港來回歐洲最平都要連稅HK$4,274，今次搵到呢個組合竟然只需HK$4,062起咋，咁講法呢程曼谷咪幾乎係送俾您飛？做SPA又好，狂食芒果糯米飯又得！

舉例11月5日香港飛阿姆斯特丹、11月14日阿姆斯特丹飛香港、11月15日香港飛曼谷，連稅只需HK$4,062起（如上圖）！其餘航點方面，例如米蘭HK$4,263起、斯德哥爾摩HK$4,277起、羅馬HK$4,323起、奧斯陸HK$4,364起、蘇黎世HK$4,392起、哥登堡HK$4,459起、倫敦HK$4,598起。呢口價可以飛完歐洲再飛曼谷，都真係幾抵玩！

以上價錢以返港後同日再飛曼谷計，如果想隔一段時間再飛曼谷就加約3百蚊，即可喺香港停留，將歐洲同曼谷拆成兩個Trip（整套飛1個月內完成就得）！大家可以先去芬航官網，就咁搵咗香港來回歐洲有平日子先，再去Expedia香港，用多個目的地嘅搜尋方法慢慢試下。

坐芬航仲可以免費停留赫爾辛基留最長5日（補少少機場稅就得），變相玩多一個地方，超正！舉例11月5日香港飛阿姆斯特丹，11月10日由阿姆斯特丹飛赫爾辛基、11月14日由赫爾辛基直飛返港、11月16日再飛曼谷，連稅HK$4,271起（如下圖）。記住呀，就咁香港來回阿姆斯特丹都要HK$4,274啦，即係話呢套組合飛送埋您玩埋芬蘭+曼谷啦！

提提大家：呢套飛要另外買一張曼谷返港嘅機票，可以等Airasia有優惠時入手。如果唔打算飛埋曼谷，就唔建議買呢個組合啦。

【出發日期】9月1日至11月29日
【機票有效期】1個月
【最後出票日期】9月21日或售完即止

【訂購網址】www.expedia.com.hk（記得用多個目的地Search）
【預訂教學】https://flyagain.la/31983

（覺得抵可Whatsapp同LINE Share俾朋友）

爆平！送您玩埋芬蘭+曼谷！「港歐泰」組合：芬蘭航空香港來回歐洲+單程曼谷，連稅$4,062起！11月29日前出發

嘩！抵呀！聖誕旺季歐洲平機票出爐！坐阿聯酋航空飛阿姆斯特丹，連稅3千幾咋，超吸引！

阿聯酋航空推出歐洲優惠，香港經杜拜來回阿姆斯特丹HK$3,069起，連稅HK$3,748起！如果以平日普通日子去就唔算爆平，但搵過竟然聖誕節出發都有平（正日或者前後日子都有！），吸引度大增！話哂阿聯酋航空榮獲Skytrax 2016年最佳航空公司，質素有保證！呢口價只有20kg寄艙行李配額。

【出發日期】10月4日至2018年3月27日
【機票有效期】1個月
【最後訂票日期】8月23日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

超正！聖誕正日出發！阿聯酋航空香港來回阿姆斯特丹$3,069起！2018年3月27日前出發

嘩嘩嘩！快搶呀！百幾水搶歐洲內陸機！買咗歐洲Openjaw？或者想玩多個歐洲城市？西班牙廉航Vueling（伏林航空）呢個優惠啱晒啦，多個歐洲城市互飛單程連稅只係€14.99起，折合約HK$137起，來往歐洲各主要城市都有，例如巴塞隆拿、倫敦、巴黎、伯明翰、米蘭、里斯本、日內瓦、阿姆斯特丹等，如早前計劃飛歐洲，想玩多點或者要接駁Open Jaw（不同城市往返）機票，記得Check下您個期有冇平呀。

部分特價航點如下（單程連稅）：
巴塞隆拿-伯明翰 €14.99
巴塞隆拿-倫敦 €19.99
巴塞隆拿-尼斯 €19.99
巴塞隆拿-日內瓦 €19.99
里斯本-巴黎 €19.99
米蘭-阿姆斯特丹 €19.99
米蘭-巴黎 €19.99
威尼斯-巴黎 €19.99
阿姆斯特丹-倫敦 €19.99
阿姆斯特丹-巴塞隆拿 €24.99
阿姆斯特丹-馬拉加 €24.99
巴黎-倫敦 €24.99
巴黎-布拉格 €24.99
倫敦-阿姆斯特丹 €24.99
倫敦-巴塞隆拿 €24.99
倫敦-巴黎 €24.99
漢堡-巴塞隆拿 €24.99
馬德里-巴黎 €29.99

只列部分，其餘航線可到官網搵搵有冇平價機票。以上各價不包飛機餐及行李寄艙（如需行李寄艙，可選Optima票價，包選位及1件23kg行李寄艙配額）。

【出發日期】10月18日至2018年3月20日
【機票有效期】不限
【最後訂票日期】8月10日香港時間6am或訂完即止
【訂購網址】www.vueling.com

【相關文章】沒有搭過Vueling航空？可以參考我們的乘搭報告：http://flyagain.la/vuel

（覺得抵可Whatsapp同LINE Share俾朋友）

舊幾水坐飛機！Vueling歐洲城市互飛單程連稅€14.99/約$137起，出年3月20日前出發

飛歐洲筍價喎，想出年飛歐洲嘅必睇喇！

荷蘭皇家航空/法國航空推出歐洲勁減！最平連稅3千幾咋，超吸引！香港經阿姆斯特丹或巴黎來回歐洲HK$2,886起，連稅計：巴塞隆拿HK$3,584起、布拉格HK$3,631起、羅馬HK$3,726起、哥德堡HK$3,852起、斯德哥爾摩HK$3,879起、馬德里HK$3,901起、里斯本/奧斯陸HK$3,903起、日內瓦HK$3,931起、哥本哈根HK$3,945起、米蘭HK$3,993起、阿姆斯特丹HK$4,112起、倫敦HK$4,411起。（航點眾多，未能盡錄）

今次優惠主打西班牙巴塞隆拿及英國倫敦，巴塞連稅三千五真係相當抵玩，而稅貴嘅倫敦連稅唔駛四千五都係超值！Check過系統，聖誕出發都有，可揀12月25日出發，出年1月8日後回程，鍾意聖誕跨年遊歐嘅不妨諗諗啦！

不過今次優惠只賣到今晚咋，要買就快啦。而Hutchgo價平少少，價啱上完官網搵平飛日子後，再到Hutchgo訂飛啦！

【出發日期】10月5日至12月15日、12月23日至2018年2月8日、2月16日至6月24日
【機票有效期】1個月
【最後訂票日期】8月8日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可Whatsapp同LINE Share俾朋友）

歐洲超筍價！法航荷航來回歐洲各大城市$2,864起，2018年6月24日前出發

嘩！英航大大大劈價，連稅4千有找飛歐洲，飛完仲送多程台灣俾您玩，有冇咁著數呀！好耐都未見過嘅「港歐台」又返嚟啦，今次玩法係：由香港出發，坐英國航空來回歐洲，返港後再坐港航/國泰單程飛台北，成個組合，連稅竟然係只需HK$3,923起，所以話，果張台北單程機票幾乎係送俾您飛啦！

歐洲航點眾多，基本上英航所有航點都組合到，當然依唔同航點組合而有價錢分別，回程揀畢爾包/巴塞隆拿/馬德里等西班牙城市回程會較易組合到平價組合。以11月19日香港飛歐洲，11月27日歐洲飛香港，返港後同日再飛台北為例，舉例組合以下：

香港->倫敦 // 畢爾包->香港 // 香港->台北 HK$3,923起（連稅，下同）
香港->倫敦 // 馬德里->香港 // 香港->台北 HK$3,954起
香港->倫敦 // 巴塞隆拿->香港 // 香港->台北 HK$3,954起
香港->曼徹斯特 // 馬德里->香港 // 香港->台北 HK$3,992起
香港->倫敦 // 奧斯陸->香港 // 香港->台北 HK$4,032起
香港->威尼斯 // 畢爾包->香港 // 香港->台北 HK$4,083起
香港->馬德里 // 畢爾包->香港 // 香港->台北 HK$4,141起
香港->米蘭 // 馬德里->香港 // 香港->台北 HK$4,172起
香港->巴塞隆拿 // 巴塞隆拿->香港 // 香港->台北 HK$4,172起
香港->阿姆斯特丹 // 馬德里->香港 // 香港->台北 HK$4,173起
香港->羅馬 // 馬德里->香港 // 香港->台北 HK$4,231起
香港->倫敦 // 巴黎->香港 // 香港->台北 HK$4,270起
香港->赫爾辛基 // 斯德哥爾摩->香港 // 香港->台北 HK$4,373起

呢個價錢以返港後同日再飛台北計，亦可中停香港，隔多幾日先飛台北，連稅HK$4,063起。以上日子同組合只係舉例，可選組合極多，大家不妨花少少時間，去Expedia香港，用多個目的地功能慢慢試。大家可以跟以上例子同日子跟住嚟Search，再自行轉日子。機會難得，要買就快啦！留意今次優惠要2人或以上同行。

呢張飛要另外補多張台灣返港嘅單程機票，可以考慮搭HK Express 台中/花蓮返港，可以等有優惠時入手，最平可以幾百蚊就搞掂。

【出發日期】10月8日至12月10日、12月24日至12月31日、2018年1月14日至2月6日、2月21日至3月20日、4月16日至5月31日
【機票有效期】2個月
【最後訂票日期】8月8日或售完即止
【Class Code】O class（可儲25% Avios Miles）

【訂購網址】www.expedia.com.hk
【預訂教學】http://flyagain.la/31983

（覺得抵可Whatsapp同LINE Share俾朋友）

爆筍！飛歐洲，送台灣！英航「港歐台」：香港來回歐洲+單程台灣$3,923起！出年5月31日前出發

嘩！正呀！漢莎系航空（漢莎/奧航/瑞航）推出歐洲超早鳥優惠，遠至出年6月出發！先買機票再儲錢都得啦！用AE卡經ZUJI訂，訂滿HK2,000減HK$200，訂HK$8,000減HK$800，仲平過官網！咁您知去邊訂啦！

以2人同行折扣HK$800後計（每位可減HK$400），香港來回歐洲各地每位連稅：羅馬HK$3,606起、里斯本HK$3,618起、阿姆斯特丹HK$3,677起、哥本哈根HK$3,695起、米蘭HK$3,708起、布達佩斯HK$3,745起、柏林HK$3,836起、漢堡HK$3,900起、杜塞爾多夫HK$3,907起、倫敦HK$3,907起、曼徹斯特HK$4,386起。（航點眾多，未能盡錄）

3千幾4千蚊飛歐洲，價錢絕對算唔錯啦，連倫敦都竟然跌穿4千蚊，超吸引！呢個優惠有時瑞航平啲、有時亦會係漢莎或奧航平啲，亦有機會可去程或回程Mix唔同航空公司，一次過試晒兩間唔同體驗，或者襯轉機時間入境快閃都得（如果夠時間）！有興趣就到ZUJI訂購。

AE卡訂HK$8,000減HK$800、訂HK2,000減HK$200只適用於合資格之美國運通卡，簡單嚟講只適用於AE自己出嘅AE卡，由發卡銀行簽發嘅所有AE卡全不適用。減HK$800折扣代碼：AE800Y1788。

【出發日期】9月11日至12月15日、12月23日至2018年2月8日、2月18日至6月24日
【機票有效期】1個月（最遲需於出年6月24日回程）
【最後訂票日期】8月8日或售完即止

【優惠詳情】www.zuji.com.hk
【預訂教學】http://flyagain.la/34794

（覺得抵可Whatsapp同LINE Share俾朋友）

平過官網！歐遊筍價！瑞航/漢莎/奧航香港來回歐洲連稅$3,606起，出年6月24日前出發

想平飛倫敦？依家有新平霸降臨啦！中華航空將會喺12月1日起開航台北至倫敦格域(Gatwick)新航線，會用A350飛航呢條航線，機齡新又夠舒適！

出年3月20日前出發：坐華航香港經台北來回倫敦格域只需HK$3,033（連稅HK$4,193）起，連稅4千2都唔駛真係夠晒平，有時坐中東三寶有優惠都近5千啦！優惠可以Openjaw，華航歐洲仲可揀阿姆斯特丹、羅馬同法蘭克福，舉例倫敦入、法蘭克蘭走亦只需HK$4,071起。而且坐得華航最正就係可以中停台北（補少少機場稅就得），最多一票玩盡三地呀！

因為台北飛倫敦去程係早機出發，所以要提早一晚飛台北，要喺台北隔夜轉機，想入境快閃就要準備入台證啦。所以如果想中停台北，建議可以去程中停，方法都好簡單，首先就咁搵咗香港來回倫敦有平日子先，例如出年1月12日出發、1月24日返。抄底呢個日子，再用多個目的地分三段去Search，A.1月10日香港-台北、B. 1月13日台北-倫敦、C.1月24日倫敦-香港，連稅HK$4,429起。

【出發日期】12月26日至2018年3月20日（旺季除外）
【機票有效期】1個月（最遲3月25日回程）
【最後訂票日期】8月31日或售完即止

【優惠詳情】www.zuji.com.hk
【預訂教學】http://flyagain.la/34794

（覺得抵可Whatsapp同LINE Share俾朋友）

英倫平霸！玩齊台北+倫敦！坐A350！華航香港來回倫敦$3,033起！出年3月20日前出發

中東三寶之一嘅「阿提哈德航空」好耐好耐好耐都冇出新優惠，原來對上一次介紹，已經係兩個幾月前啦，今次佢哋出個賣到超遠期嘅歐洲優惠，仲減到出年5月添，飛歐洲連稅最平3千7起咋！

香港經阿布扎比來回歐洲各地HK$2,950起，連稅計：雅典HK$3,725起、蘇黎世HK$3,762起、布魯塞爾HK$3,860起、米蘭HK$3,871起、日內瓦HK$3,955起、威尼斯HK$3,985起、馬德里HK$4,004起、柏林HK$4,060起、阿姆斯特丹HK$4,029起、羅馬HK$4,110起、慕尼黑HK$4,199起、巴黎HK$4,331起、曼徹斯特HK$4,612起、倫敦HK$4,847起。

呢次優惠又未算係勁抵，但以只需3千幾至4千頭飛希臘、西班牙、瑞士、比利時、西班牙等都算吸引，優惠可Openjaw（不同城市往返），用Multiple destinations功能Search，即到官網訂票。

【出發日期】9月10日至2018年5月30日（旺季除外）
【機票有效期】1個月（最遲12月15日回程旅程）
【最後訂票日期】7月31日或售完即止

【訂購網址】www.etihad.com
【預訂教學】http://flyagain.la/35306

【又飛啦製作搭乘報告】http://flyagain.la/ey-flight-report

（覺得抵可Whatsapp同LINE Share俾朋友）

超遠期！減到出年5月！阿提哈德航空香港來回歐洲$2,950起！出年5月30日前出發